منتديات رابطة ابناء الغابه
["رابطة أبناء الغاية"]







منتديات رابطة ابناء الغابه

www.alghaba.yoo7.com
 
الرئيسيةالرئيسية  التسجيلالتسجيل  دخول  

شاطر | 
 

 شخصيات طريفة وصاحبة دم خفيف من البلد

اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
زائر
زائر



مُساهمةموضوع: شخصيات طريفة وصاحبة دم خفيف من البلد   الإثنين 22 فبراير 2010 - 16:40

الغابة لا تخلوا من الشخصييات الطريفه والمضحكة والتي ترسم الضحكة علي الشفاة اينما حلت وهي بالتاكيد لها دور في اسعاد الناس ومؤثرة بالمناسبة جدا"

واكيد زاكرت الاعضاء تحفظ اسماء بعض هذه الشخوص او بعض مواقفهم دعونا نزيل عننا العنا وتعب الحياة بتذكرهم
الرجوع الى أعلى الصفحة اذهب الى الأسفل
الوليد عبد السلام احمد
عضو فعال
عضو فعال
avatar

عدد الرسائل : 588
تاريخ التسجيل : 28/02/2010

مُساهمةموضوع: رد: شخصيات طريفة وصاحبة دم خفيف من البلد   الثلاثاء 9 مارس 2010 - 2:07

صاحبة المبادرات ربنا يجزيك خير . لعل هنالك شخصية تحمل اسم عبدالله احمد زيادة قارب الستين من العمر ان لم يكن وصلها ولكنه شخصية غنية عن التعريف وهو دائماً في كل المناسبات افراح او اتراح تجده منظمللناس اثناء الوجبات يصقف يديه للانتباه خد شيل جيب مع السلامة تعال ياولدواحياناً سبق الشباب للعمل ربنا يمد في ايامه . وياريت كل الشباب يكونوا ذو همة وتفاعل مثل هذه الشخصية .
الرجوع الى أعلى الصفحة اذهب الى الأسفل
طارق عبد العزيز
عضو فعال
عضو فعال
avatar

عدد الرسائل : 418
الموقع : الدوحة
تاريخ التسجيل : 11/12/2008

مُساهمةموضوع: رد: شخصيات طريفة وصاحبة دم خفيف من البلد   الثلاثاء 9 مارس 2010 - 12:54

من الشخصيات الطريفة المرحوم/ زيادة النور من الباجا اللهم اغفر له وارحمه، ومن طرائفة أنه جاء الى بيت عرس وكان كل الناس يجلسون على الظل فى إنتظار الغذاء وعندما أهلت صوانى الأكل قام كل شخص بإتجاه صينية فى غير ترتيب، فقال لهم ( شوفوا الناس ديل عاملين زى الكجروة فى المريق ).
الرجوع الى أعلى الصفحة اذهب الى الأسفل
الصادق ابو حسن
المدير العام
المدير العام
avatar

عدد الرسائل : 2879
العمر : 52
تاريخ التسجيل : 31/08/2008

مُساهمةموضوع: رد: شخصيات طريفة وصاحبة دم خفيف من البلد   الثلاثاء 9 مارس 2010 - 13:35

ترجم يا طارق!!


الصادق أبو حسن
الدوحة -  قطر
الرجوع الى أعلى الصفحة اذهب الى الأسفل
http://alghaba.yoo7.com
طارق عبد العزيز
عضو فعال
عضو فعال
avatar

عدد الرسائل : 418
الموقع : الدوحة
تاريخ التسجيل : 11/12/2008

مُساهمةموضوع: رد: شخصيات طريفة وصاحبة دم خفيف من البلد   الثلاثاء 9 مارس 2010 - 16:48

ألأستاذ الصادق أبو

الكجروة هى الإعصار
المريق : المقصود به نبات الذرة

يعنى الناس متحركة زى الإعصار المحرك نبات الذرة

بعدين حكمت عليك المحكمة بقضاء ستة أشهر متواصلة فى الغابة، يعنى مواليد الدوحة يقولوا شنو؟
الرجوع الى أعلى الصفحة اذهب الى الأسفل
الصادق ابو حسن
المدير العام
المدير العام
avatar

عدد الرسائل : 2879
العمر : 52
تاريخ التسجيل : 31/08/2008

مُساهمةموضوع: رد: شخصيات طريفة وصاحبة دم خفيف من البلد   الثلاثاء 9 مارس 2010 - 16:58

انا عارفها يا طارق بس اشفقت على البقية خصوصا من هم تربوا في المدن وخارج السودان
وازيد لك عن (الكَجْوَر) المعتقد فيها انها ميت يقوم ويزور الاماكن التي كان يتردد اليها
فلذلك كنا نخاف منها والعجايز يرشوها بالموية ويقولون لو نثرت فيها بعر الحمير يظهر لك النعش!!!!!!!!!
أما المريق هناك ايضا معتقد ان فيه ( بت المريق ) وتسمى ( بت امبرو) تخرج وتمص الدم من الانسان حتى يموت!!!
والسسب حتى يخوّفوا الصغار من الذهاب الى البحر باعتبار ان المريق كان يزرع في الجروف


الصادق أبو حسن
الدوحة -  قطر
الرجوع الى أعلى الصفحة اذهب الى الأسفل
http://alghaba.yoo7.com
طارق عبد العزيز
عضو فعال
عضو فعال
avatar

عدد الرسائل : 418
الموقع : الدوحة
تاريخ التسجيل : 11/12/2008

مُساهمةموضوع: رد: شخصيات طريفة وصاحبة دم خفيف من البلد   الثلاثاء 9 مارس 2010 - 18:40

لقيتك تراثى يا ود أبو
الرجوع الى أعلى الصفحة اذهب الى الأسفل
عمر صالح محمداحمد عبدالله
عضو مشارك
عضو مشارك


عدد الرسائل : 183
تاريخ التسجيل : 08/11/2008

مُساهمةموضوع: رد: شخصيات طريفة وصاحبة دم خفيف من البلد   الثلاثاء 9 مارس 2010 - 22:10

شكر الاخت هادية علي هذة المساحة .. تحضرني قصة للراحل المقيم في الوجدان / عبدالروؤف الكنبور رحمة الله رحمة واسعة..تطلب من اهلنا الكشكشاب يعطوه حواشة البلح للقاح قتقدموا الية بالاعتذار لارتطباتهم باحد اللقاحيين ..! فرد عليهم بفكاه انتم الكشكشاب ما بقلبكم شي قولوا له اطلع النخل بظهرك ....
التحية لاهلنا الكشكشاب عبر هذا المنتدي التواصلي
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: شخصيات طريفة وصاحبة دم خفيف من البلد   الأربعاء 10 مارس 2010 - 15:21

يحضرني رجل صاحب دم خفيف ويلقب (بود موسي البوبار) يحب البوبار وكثير من الشباب يحاولوا اغاظته

واخراجه عن طوره عندما ينادونه بود موسي البوبار وله حمار لا يفتاء ان ينزل من علي ظهره طوال اليوم

وهاريه مشاوير متعه الله بالصحة والعافية
الرجوع الى أعلى الصفحة اذهب الى الأسفل
الوليد عبد السلام احمد
عضو فعال
عضو فعال
avatar

عدد الرسائل : 588
تاريخ التسجيل : 28/02/2010

مُساهمةموضوع: رد: شخصيات طريفة وصاحبة دم خفيف من البلد   الأربعاء 10 مارس 2010 - 16:57

والله ذاكرتك حديدية وترجعي بالسلامة وهذا الرجل الان طريح الفراش نسال الله تعالى له الشفاء ومن قصصه
وسالو واحد من الاخوان الف الطوب فيه كم طوبة فرد عليه اخضر ولا احمر

وفي احدي زيارات للمسؤلين الحكوميين اراد ان يمدحه لانه مع كل زيارة مسؤول هو المستفيد الاول قبل المنطقة لانو بيقبض حقو وقتي .واثناء تكبيره وتهليله قال للمسؤول الله ينصر من عاداكم
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: شخصيات طريفة وصاحبة دم خفيف من البلد   الأربعاء 24 مارس 2010 - 15:31

تحياتي
يحكي والعهدة علي الراوي ان من الشخصيات الطريفة النور موسي ادريس كان في الجامع والامام شبابكهم اتدرون من قتل عمر بن الخطاب اتدرون من قتل عثمان بن عفان اتدرون من قتل علي بن ابي طالب قفام النور رد ليهو قال ليهو انحنا الكتل شيخ الباجا ما عرفناهو نعرف ليك الكتل ديل من وين
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: شخصيات طريفة وصاحبة دم خفيف من البلد   الأربعاء 24 مارس 2010 - 15:38

هناك ايضا شخصية طريفة لا اتذكر اسمه نسبة لانو الذاكرة بتاعتي ذي ذاكرة التلفون الصيني اها قالو الزول كان بصلي والامام في الركعة الاولي قراء ( واذ قالت امراءة فرعون) وقف والجماعة لحقوهو بي باقي الاية وفي الركعه التانية قراء( واذ قالت امراءة نوح) وقف مسافة عشان الناس يلحقوهو بي باقي الاية قام زولنا دا قال ليهو انت مالك ومال حريم الناس ما تقراء قل هو الله احد
الرجوع الى أعلى الصفحة اذهب الى الأسفل
رشيد خالد ادريس موسي
عضـو جـديد
عضـو جـديد


عدد الرسائل : 25
تاريخ التسجيل : 22/03/2010

مُساهمةموضوع: رد: شخصيات طريفة وصاحبة دم خفيف من البلد   الأحد 18 أبريل 2010 - 16:20

لكين دة النور إدريس و لا زيادة النور؟
الرجوع الى أعلى الصفحة اذهب الى الأسفل
اريج محمد بشير
عضو مشارك
عضو مشارك
avatar

عدد الرسائل : 210
الموقع : السودان
تاريخ التسجيل : 23/04/2009

مُساهمةموضوع: رد: شخصيات طريفة وصاحبة دم خفيف من البلد   الأحد 18 أبريل 2010 - 17:07

زيادة النور
الرجوع الى أعلى الصفحة اذهب الى الأسفل
رشيد خالد ادريس موسي
عضـو جـديد
عضـو جـديد


عدد الرسائل : 25
تاريخ التسجيل : 22/03/2010

مُساهمةموضوع: رد: شخصيات طريفة وصاحبة دم خفيف من البلد   الإثنين 19 أبريل 2010 - 10:58

عمنا النور إدريس موسي , كان يميل إلي الرسميات و يحب إتقان العمل, كشأن أهلنا من الجيل القديم, و بالتالي كان يسخر من الأوضاع دائماً, أي يأتي حديثه في شكل ساخر
الرجوع الى أعلى الصفحة اذهب الى الأسفل
عاطف محمدعبدالرحمن الجلاد
عضو مشارك
عضو مشارك
avatar

عدد الرسائل : 238
تاريخ التسجيل : 27/07/2009

مُساهمةموضوع: رد: شخصيات طريفة وصاحبة دم خفيف من البلد   الأربعاء 21 أبريل 2010 - 14:19

السلام عليكم ورحمة الله وبركاتة

من الشخصيلت الظريفة هشام حسن خواجة
مرة في رمضان قالو الجماعة صلو التروايح وطلبو منو يدعو ليهم
فبداء بالدعاء يالله تنجي السراير يالله تصفي الضماير
عمنا امين خواجة علية رحمة الله قال ليهو دحين هشام كلامك البتقولو دي انا سمعتو فية غنوة

وهي غنوة لصديق احمد
الرجوع الى أعلى الصفحة اذهب الى الأسفل
الصادق ابو حسن
المدير العام
المدير العام
avatar

عدد الرسائل : 2879
العمر : 52
تاريخ التسجيل : 31/08/2008

مُساهمةموضوع: رد: شخصيات طريفة وصاحبة دم خفيف من البلد   الأربعاء 21 أبريل 2010 - 15:44

عاطف محمدعبدالرحمن الجلاد كتب:
السلام عليكم ورحمة الله وبركاتة

من الشخصيلت الظريفة هشام حسن خواجة
مرة في رمضان قالو الجماعة صلو التروايح وطلبو منو يدعو ليهم
فبداء بالدعاء يالله تنجي السراير يالله تصفي الضماير
عمنا امين خواجة علية رحمة الله قال ليهو دحين هشام كلامك البتقولو دي انا سمعتو فية غنوة

وهي غنوة لصديق احمد

والله بالغت وبالغ أبو الدقيق
لم أضحك منذ مدة كما ضحكت اليوم
لقد كان سببا في رسوبنا كلنا في مادة التربية الاسلامية
حينما حفر على الحائط في الفسحة قبل حصة الاستاذ عبد الله العجوز : ( الظالم الجبار ومحطم مستقبل الأجيال ... عبد الله )


الصادق أبو حسن
الدوحة -  قطر
الرجوع الى أعلى الصفحة اذهب الى الأسفل
http://alghaba.yoo7.com
جدوحسين شيخ محمد
القـلم اللامــع
القـلم اللامــع
avatar

عدد الرسائل : 1726
تاريخ التسجيل : 10/11/2009

مُساهمةموضوع: رد: شخصيات طريفة وصاحبة دم خفيف من البلد   الأربعاء 21 أبريل 2010 - 20:13

طبعا من الشخصيات الطريفه السعودي ىحكي انو كان مع اخوهو الاستاذ محمد صالح في الجنينه ماسك حبل الواسوق وبيسنو الحيضان واظن فتر شديد بقي يقول محمد انا فترت .. محمد انا فترت ولكن محمد مطنشو واخيرا جر الحبل قطعو وادي محمد صالح في راسو وقال ماقلنا فترنا واظن الحبل كان عشميق وطبعا محمد صالح اصلع الجماعه قعدو يطلعو في الشوك من راس الاستاذ محمد لساعات....
ويحكي ان عمنا النور ادريس له الرحمه راكب حمارتو وماري في جنينتو لقي احد الاشخاص وهو بدين طالع في التمرايه.. فساله انت منو فرد الشخص انا.... فقال له انزل انزل انا ماعندي تمرايتن تشيلك
الرجوع الى أعلى الصفحة اذهب الى الأسفل
عمر صالح محمداحمد عبدالله
عضو مشارك
عضو مشارك


عدد الرسائل : 183
تاريخ التسجيل : 08/11/2008

مُساهمةموضوع: رد: شخصيات طريفة وصاحبة دم خفيف من البلد   الأربعاء 21 أبريل 2010 - 22:14

من الطرئف السعودي ... الحاج كيجاب عريس وجاي من شهر العرس وناس ضابحين ومنتظرين وصل العريس الحاج ..بمجرد وصله سلم علية السعودي وقاليهو ... الحاج جيت متييين ..؟ الحاج بزعله قاليهو جيت بكره... السعودي بضحكة في زول جي بكرة.....
الرجوع الى أعلى الصفحة اذهب الى الأسفل
الصادق ابو حسن
المدير العام
المدير العام
avatar

عدد الرسائل : 2879
العمر : 52
تاريخ التسجيل : 31/08/2008

مُساهمةموضوع: رد: شخصيات طريفة وصاحبة دم خفيف من البلد   الخميس 22 أبريل 2010 - 3:20

السعودي قال : هاشم ود نوري انت اسمك منو؟
انا اعتقد السعودي اكتر شخصية هزلية لا يمكن ان تمل منه ابدا


الصادق أبو حسن
الدوحة -  قطر
الرجوع الى أعلى الصفحة اذهب الى الأسفل
http://alghaba.yoo7.com
زائر
زائر



مُساهمةموضوع: رد: شخصيات طريفة وصاحبة دم خفيف من البلد   الخميس 22 أبريل 2010 - 15:20

با المناسبة السعودي لونه السياسي مايوي ولا يزال يعتقد ان الرئيس نميري وعنده عملة يحتفظ بها ترجع لعهد نميري


وصوت لفاطمة عبد المحمود ههههههههههههههه
الرجوع الى أعلى الصفحة اذهب الى الأسفل
عمر صالح محمداحمد عبدالله
عضو مشارك
عضو مشارك


عدد الرسائل : 183
تاريخ التسجيل : 08/11/2008

مُساهمةموضوع: رد: شخصيات طريفة وصاحبة دم خفيف من البلد   الخميس 22 أبريل 2010 - 15:56

من الشخصيات الطريفةالهادي عبدالحي ..ذهب الي احد المزارعين الذين تتوفر عندهم جميع اليات الزراعة وطلب منو ( القصابية) .. المهم تعزر له وذلك لحرصة الشديد لحاجته والقصابية موجوده امامه ... فرد علية الهادي بزعل .. انتو مش ذاتكم الذين يراءون ويمنعون الماعون ...
الرجوع الى أعلى الصفحة اذهب الى الأسفل
عبدالقادر ساتي عبدالقادر
عضو مشارك
عضو مشارك
avatar

عدد الرسائل : 206
تاريخ التسجيل : 12/04/2010

مُساهمةموضوع: رد: شخصيات طريفة وصاحبة دم خفيف من البلد   السبت 24 أبريل 2010 - 15:30

من الشخصيات الطريفه أيضاً كيجاب السباح : قال مره سايق ليه عربيه قديمه كده ومافيها نور وقفوا بتاع الحركه عايز يعمل ليه مخالفه لانو ماشي بالليل بدون نور فقام كيجاب قال ليه : انت ماعرفتني يابليد أنا ماكيجاب السباح جوه البحر قعد أمشي بلانور ما أمشي في شارعكم ده بلانور كيفن ؟ [b]
الرجوع الى أعلى الصفحة اذهب الى الأسفل
صديق حسين الشيخ
عضو مشارك
عضو مشارك


عدد الرسائل : 201
تاريخ التسجيل : 12/09/2008

مُساهمةموضوع: رد: شخصيات طريفة وصاحبة دم خفيف من البلد   الأحد 25 أبريل 2010 - 14:40

من الشخصيات الطريفة ايضاً ( ابو الروس)
كانوا شغالين مع عبد الفتاح بجوار مسجد ناس حمد سمل في ابو عكاز يوم الجمعة وبعدين هو فتر شديد والاذان اذن لصلاة الجمعة
فقال لعبد الفتاح خلاص يا اخي الاذان اذن انا ماشي اجهز للصلاة فرد عليه عبد الفتاح ما ده الجامع قريب بعدين كلنا نمشي نصلي ونرجع فرد عليه ابو الروس انا ماشي اصلي مع الفكي عبد الله في جبرونا لأنه صلاته من النوع القديم
الرجوع الى أعلى الصفحة اذهب الى الأسفل
عمر صالح محمداحمد عبدالله
عضو مشارك
عضو مشارك


عدد الرسائل : 183
تاريخ التسجيل : 08/11/2008

مُساهمةموضوع: رد: شخصيات طريفة وصاحبة دم خفيف من البلد   الإثنين 26 أبريل 2010 - 0:25

دي قوية يا صديق حسين ....! دايرييييين لينا وحده الفاضل ود زياده .. ربنا يطراه بالخير ...
الرجوع الى أعلى الصفحة اذهب الى الأسفل
احمد الفاضل حاج احمد
عضو مشارك
عضو مشارك
avatar

عدد الرسائل : 147
العمر : 22
تاريخ التسجيل : 21/04/2009

مُساهمةموضوع: رد: شخصيات طريفة وصاحبة دم خفيف من البلد   الإثنين 26 أبريل 2010 - 2:20


وأيضا من الشخصيات الطريفة ... انا بصراحة ما بعرف الشخصية دي لكن حكت لينا امي ...وهي عرفة كورينا
لمّن ماتت اختها نفيسة كورينا جات عرفة من بيتهم تكورك وتصرخ باعلى صوت طلعت سفنجتها ودخلت الغرفة
ولسة تصرخ بعداك اتلفتت على الحريم قالت ليهم :..ياحريم هووووي وحدة فيكم ما تشيل سفنجتي دي لمن اتم البكى حقي دا.



الرجوع الى أعلى الصفحة اذهب الى الأسفل
انس الفاضل حاج احمد
عضـو جـديد
عضـو جـديد
avatar

عدد الرسائل : 33
تاريخ التسجيل : 24/03/2010

مُساهمةموضوع: رد: شخصيات طريفة وصاحبة دم خفيف من البلد   الثلاثاء 27 أبريل 2010 - 21:02

دى برضو عن عرفة قالوا ماتت واحدة وجات تبكى مع بناتها وفى شجرة بلح فى حوشهم يلا عرفة تبكى معاهم
يا بناتى امكم خلاكم لى منو وا حبيباتى امكم خلاكم لى منو انتو تمركم دا الحريم خرتو ليكم وا بنات امى يا حليل امكم
خلاكم لى منو تمرايتكم دى يا بنات الحريم ما فضلوا فوقو شىٌ 
الرجوع الى أعلى الصفحة اذهب الى الأسفل
عاطف محمدعبدالرحمن الجلاد
عضو مشارك
عضو مشارك
avatar

عدد الرسائل : 238
تاريخ التسجيل : 27/07/2009

مُساهمةموضوع: رد: شخصيات طريفة وصاحبة دم خفيف من البلد   الأربعاء 28 أبريل 2010 - 16:09

من النكات الظريفة ماعارف الشخيصة بالضبط الصادق منو (بس مايبقي الصادق ابو)ههههههههه
كان دائما بصلي العشاء مع الاستاذ الجليل محمد عبدالله ( كرضمة)
والاستاذ بعد الصلاة مابصلي الشفع والوتر في الجامع بصليهم بعد قيام الليل في البيت
المهم الصادق كان بصلي معاهو طوالي لمن شاف كرضمة بطلع من الصلاة هو ذاتو بقي يطلع
الجماعة سالو انت الصادق مالك مابتصلي الشفع والوتر رد ليهم (كرضمة ذاااااااااااتو مابصلي)
الرجوع الى أعلى الصفحة اذهب الى الأسفل
الصادق ابو حسن
المدير العام
المدير العام
avatar

عدد الرسائل : 2879
العمر : 52
تاريخ التسجيل : 31/08/2008

مُساهمةموضوع: رد: شخصيات طريفة وصاحبة دم خفيف من البلد   الأربعاء 28 أبريل 2010 - 18:28

استاذنا محمد عبد الله حسين متعه الله بالعافية استاذي في المتوسطة وكان المدير وهو من ابو عكاز وانا من جبرونا يعني ما حصل صليت وراه
في آخر السنة قال لنا معليش يا ابنائي انا كنت دايما بقول لكم|( اسكت يا حصان ) لاني شايف الحصان احسن من الحمار


الصادق أبو حسن
الدوحة -  قطر
الرجوع الى أعلى الصفحة اذهب الى الأسفل
http://alghaba.yoo7.com
زائر
زائر



مُساهمةموضوع: رد: شخصيات طريفة وصاحبة دم خفيف من البلد   الخميس 29 أبريل 2010 - 15:18

انس الفاضل حاج احمد كتب:
دى برضو عن عرفة قالوا ماتت واحدة وجات تبكى مع بناتها وفى شجرة بلح فى حوشهم يلا عرفة تبكى معاهم
يا بناتى امكم خلاكم لى منو وا حبيباتى امكم خلاكم لى منو انتو تمركم دا الحريم خرتو ليكم وا بنات امى يا حليل امكم
خلاكم لى منو تمرايتكم دى يا بنات الحريم ما فضلوا فوقو شىٌ 

والله يا انس ما بالغت عديل

والظاهر عليك انك قاعد تسمع قصص من الناس الكبار احيييييييييييييييك
الرجوع الى أعلى الصفحة اذهب الى الأسفل
احمد سعيد ابراهيم
عضو فعال
عضو فعال
avatar

عدد الرسائل : 506
تاريخ التسجيل : 25/06/2010

مُساهمةموضوع: رد: شخصيات طريفة وصاحبة دم خفيف من البلد   الأربعاء 30 يونيو 2010 - 17:32

مما حُُكى عن المرحوم النور إدريس (عليه شأبيب الرحمة والمغفرة) وقد كان رجل ذكى ولمُاح يحتاط لفكرته ورأيه بالتلميح والإيحاء أن خضر سيد إبراهيم كان فى طريقة إلى الخرطوم بعد ان قضى إجازة العيد بين الأهل فى حلة ودستناوكان اليوم سبتاً (يوم السوق) فركب معه أحمد حسين (ظعونجى) ومحجوب عثمان والفاتح محمد ود أحمد وكانوا ماشين السوق وكان خضر يركب بجوار سائقه فى المقعد الأمامى وعند مرورهم بشارع الحفير فى مواجهة حلة النور إدريس سأل النور إدريس خضر ـ وكانت العربة مظللةـ منن ديل الراكبين معاك ديل يا خضر فنزل السائق زجاج السيارة وبعد ان أمعن المرحوم ألنور إدريس النظر فى ثلاثة الراكبين قال لخضر:ماشاء الله ماشاء الله يا خضر زعما صر!!!!


عدل سابقا من قبل احمد سعيد ابراهيم في الأربعاء 30 يونيو 2010 - 22:32 عدل 2 مرات
الرجوع الى أعلى الصفحة اذهب الى الأسفل
احمد سعيد ابراهيم
عضو فعال
عضو فعال
avatar

عدد الرسائل : 506
تاريخ التسجيل : 25/06/2010

مُساهمةموضوع: رد: شخصيات طريفة وصاحبة دم خفيف من البلد   الأربعاء 30 يونيو 2010 - 17:41

ومما حُكى عن المرحوم النور إدريس عليه الرحمة أنه قال زمان لم نبيع التمر كان يجينا محي الدين مكى(من كبار تجار الدبة) بلواريهو ها ها ها شاقى الجناين وكل ما يُسال السواق ماشى وين يقول ماشى عند ناس النور إدريس وبعداك يجو يرفعو التمر ويدفعو تمنو كاش وعلق قائلاً :كان ظيط وكان قروش لكن هسة يجو ناس ظعيط ومعيط ديل ـ (فى إشارة لأولاد البلد من جوكية الشيكات) ـ مع المغربية يتلبوا من جنينة لى جنينة زول ما يشوفهم يجو يشتروا التمر بشيكات يرفعوا فوق الحمير وبرضوا زول ما يشوفهم تمشى البنك عشان تصرف الشيك تلقى ما عندو رصيد وبقينا لا نلم فى الظيط الزمان لا نلم فى قروش تمرنا......
ههههههههههههاهههههههها
الرجوع الى أعلى الصفحة اذهب الى الأسفل
احمد سعيد ابراهيم
عضو فعال
عضو فعال
avatar

عدد الرسائل : 506
تاريخ التسجيل : 25/06/2010

مُساهمةموضوع: رد: شخصيات طريفة وصاحبة دم خفيف من البلد   الأربعاء 30 يونيو 2010 - 17:51

انس الفاضل حاج احمد كتب:
دى برضو عن عرفة قالوا ماتت واحدة وجات تبكى مع بناتها وفى شجرة بلح فى حوشهم يلا عرفة تبكى معاهم
يا بناتى امكم خلاكم لى منو وا حبيباتى امكم خلاكم لى منو انتو تمركم دا الحريم خرتو ليكم وا بنات امى يا حليل امكم
خلاكم لى منو تمرايتكم دى يا بنات الحريم ما فضلوا فوقو شىٌ 
الرجوع الى أعلى الصفحة اذهب الى الأسفل
احمد سعيد ابراهيم
عضو فعال
عضو فعال
avatar

عدد الرسائل : 506
تاريخ التسجيل : 25/06/2010

مُساهمةموضوع: رد: شخصيات طريفة وصاحبة دم خفيف من البلد   الأربعاء 30 يونيو 2010 - 17:55

وحكى كذلك عن عرفة كورينا لمن توفى عبدالرحيم عيسى عليه الرحمة وجابو ليها ملابس الحد عشان تقعد فى الحضانة وطبعا هى سبق لها ان قعدت فى الحضانة عند وفاة زوجها الأول الحسن إسماعيل وعندها فكرة عن الموضوع وأول ما شافت هدوم الحد البيضاء جابوها ليها تانى قالت ما دايراههو ما دايراهو امرقوا من وشى أنا فترت منو........
هههههههههههههههههههههها


عدل سابقا من قبل احمد سعيد ابراهيم في الأربعاء 30 يونيو 2010 - 22:35 عدل 1 مرات
الرجوع الى أعلى الصفحة اذهب الى الأسفل
الصادق ابو حسن
المدير العام
المدير العام
avatar

عدد الرسائل : 2879
العمر : 52
تاريخ التسجيل : 31/08/2008

مُساهمةموضوع: رد: شخصيات طريفة وصاحبة دم خفيف من البلد   الأربعاء 30 يونيو 2010 - 21:47

الله يجازيك يا استاذ احمد
طبعا عرفة دي نكتة الله يديها الصحة والعافية
صادفتها اكثر من مرة في مواقف مضحكة




الصادق أبو حسن
الدوحة -  قطر
الرجوع الى أعلى الصفحة اذهب الى الأسفل
http://alghaba.yoo7.com
احمد سعيد ابراهيم
عضو فعال
عضو فعال
avatar

عدد الرسائل : 506
تاريخ التسجيل : 25/06/2010

مُساهمةموضوع: رد: شخصيات طريفة وصاحبة دم خفيف من البلد   الأربعاء 30 يونيو 2010 - 22:53

من الشخصيات اللطيفة جدنا عمر حسين يدى عليه الرحمة وطبعا هو شقيق حبوبتى نفرين حسين يدى(لغرض الطرفة) وأذكر أننى ذهبت إليه فى الجزيرة وكان ( فارع ) قش الفول(أشرح يا الصادق أبو) واذكر أن الزمن كان زمن محل والمشروع ما شغال مافى جاز والبلد ما فيها قش والبهايم جعانة وكان حوله عدد كبير ممن يطلبون القش وينتظروا منه إجلاسهم فى حوضِ ما ليحشوا طبعاً ولما وجدت الزحمة والكباس قلت يا ولد أميِز نفسى شويةحتى أظفر (بتليسة) قش ـ أشرح يا صادق ـ فقلته له يا جدى عمر قالوا ليك أدينى القش !!! فقال لى فى غضب ونرفزة ما جدك ولا شى جدك فى الجزيرة بس!!!!!
ههههههههه
،،،عليه الرحمة والمغفرة،،،
الرجوع الى أعلى الصفحة اذهب الى الأسفل
الصادق ابو حسن
المدير العام
المدير العام
avatar

عدد الرسائل : 2879
العمر : 52
تاريخ التسجيل : 31/08/2008

مُساهمةموضوع: رد: شخصيات طريفة وصاحبة دم خفيف من البلد   الأربعاء 30 يونيو 2010 - 23:58

عليه رحمة الله
طبعا يقصد انت ما قاعد تمشي ليه في جبرونا
صادف عليه الرحمة وهو مسافر الحج سفر الشيخ عبد الرحيم البرعي عليه الرحمة وحيرانه وتخيل الزحمة في المطار من كثرة الناس ولما الدفر عليه كثر وقف في نص الصالة ودق العصا على الارض وقال : هسه نبطل المشوار دا ؟؟؟؟
والله البلد صراحة مما فاتها هؤلاء الناس بقت بايخة والناس كلها جادين كدا وجارين في لقمة العيش تبعا لتغيير الزمن وما فيه من ضغط
بس يا استاذ الزمن داك مش كان احسن؟ حبذا لو يرجع بكل تفاصيله وصفاته !!!
ويسلم عليك معاوية عمر وهو الان بجانبي


الصادق أبو حسن
الدوحة -  قطر
الرجوع الى أعلى الصفحة اذهب الى الأسفل
http://alghaba.yoo7.com
جدوحسين شيخ محمد
القـلم اللامــع
القـلم اللامــع
avatar

عدد الرسائل : 1726
تاريخ التسجيل : 10/11/2009

مُساهمةموضوع: رد: شخصيات طريفة وصاحبة دم خفيف من البلد   الخميس 1 يوليو 2010 - 1:51


والله انا من شهدت مواقف كثير للمرحوم عمنا عمر حسين بحكم تواجده الدائم بالقرب مننا في الجناينوايضا عمتنا عرفه
الرجوع الى أعلى الصفحة اذهب الى الأسفل
جدوحسين شيخ محمد
القـلم اللامــع
القـلم اللامــع
avatar

عدد الرسائل : 1726
تاريخ التسجيل : 10/11/2009

مُساهمةموضوع: رد: شخصيات طريفة وصاحبة دم خفيف من البلد   الخميس 1 يوليو 2010 - 2:04

والله ياانس الفاضل بااااااالغت في بتاعتة عرفه كورينا دي
ومن الشخصيات الظريفه والطريفه زينب عثمان زوجه العمده
قالو لم ابوها اتوفي كانت لاتعلم وهي ماشه في الشارع سمعت الكبدان (عثمان ود احمد راح في حق الله)قالت سجمي دا ماياهو ابوي،،،بالله الراجل في امان ربو قاعد الولاد شبكو حج حج حججوهو كسرو جابو
وايضا من نكات عمتنا عرفه كورينا ودي قريبه جدا كنا واقفين امام مدرسه الثانويه بنات في انتظار الترحيل جات عرفه وقفت معانا ونهاية الحصص البنات طلعو بكميات كبيره جدا ومشت وقفت في نصهم وا ااحلاتكم ديل وااحلاتكم ديل،،،سمحين الله يعلم الا يلقو ليكم الرجال وين بي كترتكم دي
وايضا عمتنا عرفه محمد بلال وهي ظريفه جدا قالو لم جاء يتقدمو ليها للزواج كان القطر قرب يفوتا،، جو سالوها ياعرفه جاكي عريس دايرين نشوف رايك؟؟ وقبل مايوروها العريس قالت ليهم موافقه سريع سريع اعقدو عبد الرازق اخوي حش عقاريبي بي حش الضريسه
الرجوع الى أعلى الصفحة اذهب الى الأسفل
الصادق ابو حسن
المدير العام
المدير العام
avatar

عدد الرسائل : 2879
العمر : 52
تاريخ التسجيل : 31/08/2008

مُساهمةموضوع: رد: شخصيات طريفة وصاحبة دم خفيف من البلد   الخميس 1 يوليو 2010 - 2:26

عرفة محمد بلال دي كمان نكتة حلوة جدا
مرة جات تساعد احدى النسوان بعد الفطور خلصت شغلها والمرة طنشتها
مع القيلولة وقف الديك في البرندة يؤذن
قالت بالله الديك يعرف الاصول احسن منك يا خيتي
قالت ليها كيف يعني
قالت ليها ما سامعاه يقول ليك : ادو حقوقووووووو


الصادق أبو حسن
الدوحة -  قطر
الرجوع الى أعلى الصفحة اذهب الى الأسفل
http://alghaba.yoo7.com
زائر
زائر



مُساهمةموضوع: رد: شخصيات طريفة وصاحبة دم خفيف من البلد   الخميس 1 يوليو 2010 - 13:07

والله الواحد استمتع وهو يقراء هذه المواقف الظريفه ونتمي الا ينقطع الاخ احمد سعيد عن سرد المزيد شكلوا مخزن مواقف كثيرة وله التحية
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: شخصيات طريفة وصاحبة دم خفيف من البلد   الأحد 1 أغسطس 2010 - 7:50

من الشخصيات الطريفة ايضا الحاج عوض حماد الله يرحمة واسع رحتة ..
كان من عادتة يجلس امام دكاكينة مع الصباح امام السبيل وذات مرة وهوجالس وكان سارحا ويشخبط على الارض اتت امامة فاطة ادم ( الداية )
مع الصباح وهى متوجه الى عملها فى المستشفى وقات له عمى عوض اذيك .
وهو يشخبط فى الارض ولا جايب خبر . وبعض مرور بعض الوقت اتى علية مارى درار سعيد درار وهو ايضا كعادتة يذهب لعملة فى المستشفى باكرا
وقال لة عمى عوض ازيك .فقال لة عمك عوض اهلين فاطنة ادم ؟؟؟؟
الرجوع الى أعلى الصفحة اذهب الى الأسفل
عمر صالح محمداحمد عبدالله
عضو مشارك
عضو مشارك


عدد الرسائل : 183
تاريخ التسجيل : 08/11/2008

مُساهمةموضوع: رد: شخصيات طريفة وصاحبة دم خفيف من البلد   الأحد 1 أغسطس 2010 - 23:10

لك التحية استاذنا احمد سعيد.....! من الشخصيات الطريفة ايضا وما تمل ابدا من كلامه الاخ الهادي عبدالحي متعة الله بالصحة والعافية ...............
من قصصة الظريفة كا سائق امجاد في الخرطوم ... وكثرت حوادث الامجاد وحاول بطريقة ظريفة ان يسلم الامجاد الي صاحبها وبحكم صداقتة معه ذهب اليه وسلمه مفتاح الامجاد وتقدم بالاعتذار بانه ذاهب الي السعودية .... المهم قبل اعتذارة وبعد اسبوع في احدي الاشارات المرورية صحبك قابل الهادي سائق (حافلة كبيرة ) .... نادي علية وين السعودية يا الهادي ... فرد علية ( السايقو ده مش سعودية عاوز تقصر عمرنا بامجادك دي) ....
الرجوع الى أعلى الصفحة اذهب الى الأسفل
الوليد عبد السلام احمد
عضو فعال
عضو فعال
avatar

عدد الرسائل : 588
تاريخ التسجيل : 28/02/2010

مُساهمةموضوع: رد: شخصيات طريفة وصاحبة دم خفيف من البلد   الإثنين 2 أغسطس 2010 - 1:46

ومن نكات اخونا الهادي كان زارع فول والجو مسخن وبعدين قاعد كدة والكلام عن الزراعة والسخانة
قال يالله
( برداية تكنكشنا وتصلح فولنا)
الرجوع الى أعلى الصفحة اذهب الى الأسفل
امجد حمزه محمد احمد
عضـو جـديد
عضـو جـديد
avatar

عدد الرسائل : 22
تاريخ التسجيل : 21/07/2010

مُساهمةموضوع: رد: شخصيات طريفة وصاحبة دم خفيف من البلد   الإثنين 2 أغسطس 2010 - 2:06

المرحوم عبدالرؤوف الكمبور طبعا انسان معروف بالنكته في يوم من الايام ذهب للمرحوم محمد عووضه كشكش في مزرعته وطلب منه محمد عووضه ان ينظف الجدول قال ليه ياحاج تشغلنا باليوميه والله ننظف الجدول ونتحاسب بالمتر عمك محمد عووضه قال ليه طبعا بالمتر المهم بدا العمل به لمده اسبوع بعد ما خلص العمل انتظر المرحوم محمد عووضه لكي يحاسبه قال ليه حسبتها كم متر يا عبدالرؤوف قال ليهو نعم 80 متر قال ليه وينو المتر قام اعطاه عصاه علي قدر المتر قال ليهو يا عبدالرؤوف المتر ده صغير ذهب واتي بجريده طولها 3 امتار وعبر المساحه طلعت 30متر فقط دخل ايدو في جيبو عشان يحاسبهم عبدالرؤوف قال ليه ياحاج ما عاوزين قروش عاوزنك تشيل المتر بتاعك ده ونمشي الدكان بتاعك تدينا ليها قماش من تترون
الرجوع الى أعلى الصفحة اذهب الى الأسفل
احمد سعيد ابراهيم
عضو فعال
عضو فعال
avatar

عدد الرسائل : 506
تاريخ التسجيل : 25/06/2010

مُساهمةموضوع: رد: شخصيات طريفة وصاحبة دم خفيف من البلد   الإثنين 2 أغسطس 2010 - 2:29

من نكات الهادى عبدالحى المشورة طبعاً لمن زهج من الخرطوم ومشى قعد فى البلد واشتغل حرات سألوه كيف البلد يا الهادى قال : ياخى دى بلد دى رخصة عامة وسايق جوز بقر ومن ملحه وطرفه ايضا سألته عندما كان سايق بص المؤسسة العسكرية الإقتصادية وصدم رجل من المشاة فى صينية البلدية امدرمان والرجل توفاه الله فقلت له يا الهادى انت كيف ضربت عمك داك قال لى عمك دخل الصينية غلط وبعدين هو اصلاً كان عندو سكرى


عدل سابقا من قبل احمد سعيد ابراهيم في الإثنين 2 أغسطس 2010 - 2:44 عدل 1 مرات
الرجوع الى أعلى الصفحة اذهب الى الأسفل
احمد سعيد ابراهيم
عضو فعال
عضو فعال
avatar

عدد الرسائل : 506
تاريخ التسجيل : 25/06/2010

مُساهمةموضوع: رد: شخصيات طريفة وصاحبة دم خفيف من البلد   الإثنين 2 أغسطس 2010 - 2:41

من نكات الهادى عبدالحى الرجل الذى يتطابق ظاهره مع باطنه ساله المرحوم الأستاذ/عبدالعزيز نقدالله والهادى كان جاى من البلد بعد ما ركبوا البوابير الجديدة فى مشروع الغابة يا الهادى البلد كيف بعد البوابير الجديدة إنشاءالله تكون رويانة فرد الهادى للأستاذ ولله يا أستاذ محل تخت السرج مافى فإحتار الأستاذ فى الإجابة وأعاد السؤال مرة أخرى يا الهادى أنا بسألك عن البوابير الجديدة فكرر الهادى نفس الإجابة فقمت حينها بترجمة ما يعنيه الهادى ـ الذى ساكنته فترة من الزمن مع مجموعة من أبناء الأهل فى الخرطوم ــ من أن الجناين من كثرة ملئها بمياه المشروع لا يوجد حتى محل تخت فيهو السرج
الرجوع الى أعلى الصفحة اذهب الى الأسفل
الصادق ابو حسن
المدير العام
المدير العام
avatar

عدد الرسائل : 2879
العمر : 52
تاريخ التسجيل : 31/08/2008

مُساهمةموضوع: رد: شخصيات طريفة وصاحبة دم خفيف من البلد   الإثنين 2 أغسطس 2010 - 3:37

الهادي ابن عمنا عبد الحي قالوا ليه المرحوم علي انبانا عندو كمينة 300 الف طوبة
قال اصلها دي كمينة نوح


الصادق أبو حسن
الدوحة -  قطر
الرجوع الى أعلى الصفحة اذهب الى الأسفل
http://alghaba.yoo7.com
هيثم بشري نقد الله

avatar

عدد الرسائل : 13
العمر : 45
تاريخ التسجيل : 26/09/2010

مُساهمةموضوع: رد: شخصيات طريفة وصاحبة دم خفيف من البلد   الإثنين 27 سبتمبر 2010 - 15:40

من الشخصيات الذكية و اللماحة ابو يسن المعروفبعبدو خطرنا ، يحكي عنه انه فقد فنلة البرد الخاصة به ، و بعد فترة من الزمن لقي عبد الله خير السيد لابس الفنلة حقتو ، قام ناداهو يا عبد الله تعال (طبعا عندو لهجة مميزة جداً) انت الفنلة دي جبتها من وين ، عبد الله قال ليهو و الله ما عارف لكن جابو لي الكلب بتاعنا ، قام ضحك و قال ليهو يا عب انت كلبك ده كان مغترب و لا شنو.
الرجوع الى أعلى الصفحة اذهب الى الأسفل
عمر صالح محمداحمد عبدالله
عضو مشارك
عضو مشارك


عدد الرسائل : 183
تاريخ التسجيل : 08/11/2008

مُساهمةموضوع: رد: شخصيات طريفة وصاحبة دم خفيف من البلد   الثلاثاء 28 سبتمبر 2010 - 13:23

اخونا الياس سعيد ربنا يعطية الصحة والعافية ...... واحد قال ليهو في السعودية الدجاج البجيبو ليك في الصحن مشوي ده عمروا ما اكتر من 36 يوم ..... ضحك وبطريقه ظريفة قال 36 يوم عندنا يادابوا يقع جوه العجين ونشيل نطلعوا ..........
الرجوع الى أعلى الصفحة اذهب الى الأسفل
 
شخصيات طريفة وصاحبة دم خفيف من البلد
الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
منتديات رابطة ابناء الغابه  :: منتديات الـغـــابة :: شخصيات من الغابة-
انتقل الى: