احلي حاجة انك تكون فاضي وتعمل قاضي
تدخل النت وما تلقلي ليك زول او زولة اون لاين وتبدا تخرف
اها النا اليوم جايبة ليكم موضوع من بيت الكلاوي
ياجماعة كلكم تعرفوا الحيونات الاليفه من اصغر حيوان يبقالي الكديسة الي اكبرها الفيل
وما في بيت يخلو من هذه الحيونات وتدخل في حيتنا مباشرة خصوصا نحنا اهل الريف
يعني هي الموصلات ( الحمير ) وهي مصدر الطاقة اللبن والروب والزبادي (البقرة ) ( الغيمات)
لكن مسألت يوم عن لغة التخاطب بيننا وبين هذه الحيونات
يعني للحمار تنهرو بي ( عر ) وتنادي بي (حو)
وللجداد (كر ) و ( كت كت ) وللكلب ( جر ) (سو )
وللغنم (تك ) وللجمل (هج) او (هع)
وللكديسة ( بس بس او فس)
وللحمار تنهرو بي (عر او اشك) وتنادية بي (حو )
وجميع هذه الحيونات تستجيب لهذه الاسماء او الالقاب لكن ما خطر علي بالكم من اين اتت هذه المنادات ؟
ومن الذي اختارها لغة للتخاطب ؟
وهل هي بين كل فبائل السودان واحدة ام تختلف ؟
في انتظار أجاباتكم
موضوع جميل مش ؟؟؟؟؟؟؟؟؟؟؟؟؟
الرئيسية
:lol:
