ياحــــــــــاج احمد صباحكم خير...مرحب حباب ود الفكي ادخل لا جوه،،،الجبنه جاهزه...شربتها ومرقت والله فضلة خيرك اها ياخوي انت السنه دي طبعا ماك زارع الفول...ماعارف ناس علي فولم جاب كم؟؟ لا والله شهرا ماعندك فوقو نفقه لا تعد ايامو..ياخوي انا جيتك سمعت قالو محمد وود عمو زعلانين مع بعض دايرين نمش نراضيهم والله انا لاقيت محمد واتكلمت معاهو وقت ليهو ىا ولدي بقولو الليك ليك لو كان عشر سوي في عينيك ود ا لحمك ودمك لكن ركب راسو طيب كدي نمشي لي حاج الصافي بيسمع كلامو والله زي ماقت حاح الصافي البرضي دا اب كوع شباع الجوع البيتو للرتوع الا لكن محمد زاتو السواها في نفسو صدق من قال التسوي بايدك يغلب اجاويدك.. والتسوي كريت تلقي في جلدا...
ســلام حاج الصافي ..حباب حاج احمد ود الفكي اتفضلو حرم اكان تفطرو الفطور جاهز...
اها ربنا يعمر ديارك كدي ماتمشاك معانا لي محمد دا هو وود عمو زعلانين ليهم مده وكلامك عندهم مسموع...
سلام ىامحمد ...حبابكم الف اتفضلو قالو لي زعلان مع ود عمك الكلام دا ماعيب ياولدي،،،،انتو اهل لحم ودم وكتو زي السمن والعسل وابوكم كان قدح ضيفان وبحر مسور ولا زي ماقالوالنار تلد الرماد لا ياحاج الصافي ود عمي علي العين والراس الا ود عمي زى مابقولو ان ما عجيني مابجيني انا وكت عندي ماقصرت معاهو لكن وكت عدمتا سد وحده بي طينه ووحده بي عجينه وما قال ود عمي دا نقيف معاهو في محنتو لكن انا لسه نصيح ووليداتي مامقصرين باقين لي تكيه ياولدي انعل الشيطان وقوماك معانا انت الصغير ومن واجبك تسامح...........
وحـــــــــــــــــــــــاج الصافي راجل مروابي يعني اكيد الصلح تم...ههها حقيقه انا قصدت اتطرق لي صفه المروه والاجاويد البتميز اهلنا وحكمتم في معالجه المشاكل واستخدامهم للامثال الشعبيه
الرئيسية
