تحـــــــــــــياتي - على الكـــرسـي الســـاخـن لهــذا الاســــبوع ...

الشكر كل الشكر للأخ محمد محجوب كيري والله الكرسي السمح دا الزول خايف اذا تكل قعد فيهو يكسر عمود جنبه واشكرك الاخ طارق علي الاسئله النار دي انت عندك 3 اسئلة وانابجاوب سؤالين حق المرور وكدا
والله ماف زول محدد دمر حياتي انا زول الدنيا دي لطشتو يمين شمال بس الله غالب والحمدلله علي كل حال الواحد ضارب الهم بالفرح
والشئ العجبني في المنتدي مش حاجة واحدة وربنا يعلم المنتدي كلو علي بعضو مية المية والناس اللي فيهو والله ناس روعة مع اني ما بعرف 90% من ناس المنتدي ديل والشئ الما عاجبني المفروض يكون في بوست خاص بي ناس رابطة ابناءالغابة بالجامعات والمعاهد العليا عشان انا شخصيا لغاية خلصت الجامعة بس بسمع بالرابطة دي سمع المفروض يكون عندهم بوست هنا ويحكو لينا بعملو في شنو والمفروض كل اعضاء الرابطة يكونو مسجلين في المنتدي ويتواصلو مع الناس ونشوف برامجهم شنو وعندهم شنو عاوزين يعملوهو ويأخدو رأي الناس وانا شخصيا ما عارف اعضاء المكتب فيهو منو بس ياريت لو في زول بعرفهم يحكي ليهم عن المنتدي ويجو يسجلو في المنتي والادارة تعمل ليهم راكوبة كدا خاصة بيهم ونجي نقطعو معاهم 6 صفر ويورونا الاجتماعات بقولو فيها شنو واستقبال الطلاب الجدد متين والنادي الحاصل فيهو شنو وحاجة تانية ما عاجباني المنتدي الناس اللي فيهو كلها من الغابة بس وياريت لو انحنا اتوسعنا شوية وكل زول دعي ليهو زول من منطقة تانية للمنتدي عشان الناس تعرف الغابة دي شنو لأنو في موقف حصل لي انا شخصيا كنت بتصفح في المنتدي وفي كلام مكتوب عن مصطفي سالم والناس اللي معاي ما صدقت انو الفنان محمد الامين تغني لي مصطفي سالم وانا ذاتي في البداية ما كنت مصدق دي اقتراحات وانشاءالله تعجبكم واشكر الاخ محمد محجوب جزيل الشكر وانشاءالله كدا عقبال تشوفوني في كرسي الرئاسة عشان الزول الدمر حياتي دا يدقس معاي ههههههههه
تحياتي

بسم الله نبداء


الاخ جدو يقول تحياتي لتحياتي لمن دمر حياتي شكلك زول لسه صغير وخريج يادوب
شكرا دا رأيك
دي مشكلتكم تعاملو الصغار علي انهم لا رأي لهم

الاخ جدو حسين سوف ارد علي اسئلتك من خلال 3 نقاط

النقطة الاولي

سؤال للجميع :

جدو حسين يقول تم تغيير الدستور في اخر دورة ماذا تعرفو عن الدستور الجديد ( دا اقتارحي بعمل بوست للرابطة عشان تعرفو اذا ما عارفين )

ـــــــــــــــــــــــــ

سؤال للاخ جدو حسين :

1\ كم طالب اوطالبة من الغابة ي\تسكن داخلية سواء كانت خاصة او عامة
2\كم طالب ممتحن شهادة عربية واصولة من الغابة
3\تاريخ اخر قافلة صحية قمتم بها
4\تاريخ اخر دورة رياضية قمتم بها
5\تاريخ اخر تكريم واستقبال طلاب جدد
6\تاريخ اخر تكريم ووداع خريجيين
7\تاريخ اخر جلسة اسرية قمتم بها
8\ منصبك في الرابطة
9\ انت تتكلم عن واو عطف تربطك بالرابطة وانا حاليا ما تابع للجامعات ولا تابع للمعاهد العليا هل هذا يعني خلاص علاقتي بالرابطة انتهت
10\تاريخ اخر نشاط قامت به الرابطة في الغابة
11\ اين جريدة صوت الغابة
12\ اخر ترحيل قمتم به للطلاب في اجازة الاعياد
ــــــــــــــــــــ
النقطة التانية للافاده

1\ قسما" بالله هناك بعض الروابط تقوم بدفع الرسوم واكمال كافة اجراءات السكن للطالبات مع العلم بان اغلب الداخليات الحكومية لا تقبل طالبات الا من المستوي الدراسي التاني اين دور الامانة الاجتماعية
2\هناك بعض الروابط تقوم ب اسكان طلابها في بيوت او داخليات خاصة بالروابط
3\ توجد روابط تقوم بعمل جلسة اسرية كل شهر في الحدائق المفتوحة ( حبيبي مفلس \ 6 ابريل \ الطابية )
4\ هناك روابط تقوم بترحيل طلابها في اجازة الاعياد مع العلم بان التذكرة تصل لمبلغ 50 جنية للشخص وانتم كرابطة علي اقل تقدير تقومو بحجز مقعد شكرا في كل بص بنصف القيمة للطلاب
5\ هناك بعض الروابط تقوم بتوزيع لبس وكتب لطلاب الثانوي في المنطقة
6\ كما يقومو بتوفير ترحيل لهم

ــــــــــــــــــ
النقطة الثالثة :

انت تقول ( والرابطه الان في ثبات عميق وكنا نتحدث قبل ايام مع بعض الشباب الغيور عن معاودة نشاطها وستعقد جمعيه عموميه لها خلال الايام القادمات،،،)
معاودة نشاطها ؟؟؟؟؟؟؟
يعني الرابطة دي فعلا نشاطها متوقف؟؟؟؟
ما علينا
الاخ جدو انا قلت مجرد اقتاح بعمل بوست للرابطة عشان علي الاقل المغتربيين يعرفو الجمعيه العموميةالبتحكي عنها دي قلتو فيها شنو

وتحياتي

هادية شيخ عووضة كتب:

تحياتي لمن دمر حياتي انت ولد بلد اصيل باين عليك من مساهماتك
وصغير في السن اي مفعم بالنشاط وداخلك افكار كثيرة عايزة دفرة عشان تطلع بره
وانا مقدرة جدا" عدم رغبتك في زكر اسمك فلا تستجيب للضغوطات الخارجية والداخلية يعني ممكن تعمل سياسي حريف

جاوب علي كل الاسئلة التي ترد وخلي شخصيتك ( مظللة ) عشان يذداد فضول الاعضاء في معرفتك عن كسب وهنا تحلو اللعبة

وتقبل تحياتي يا تحياتي

لا تحرضي يا هادية وما تنسي الدور جاييك وقالو ( اذا حلقو لاخوك بل راسك )حضري اجاباتك من الان

الصادق ابو كتب:

هادية شيخ عووضة كتب:

تحياتي لمن دمر حياتي انت ولد بلد اصيل باين عليك من مساهماتك
وصغير في السن اي مفعم بالنشاط وداخلك افكار كثيرة عايزة دفرة عشان تطلع بره
وانا مقدرة جدا" عدم رغبتك في زكر اسمك فلا تستجيب للضغوطات الخارجية والداخلية يعني ممكن تعمل سياسي حريف

جاوب علي كل الاسئلة التي ترد وخلي شخصيتك ( مظللة ) عشان يذداد فضول الاعضاء في معرفتك عن كسب وهنا تحلو اللعبة

وتقبل تحياتي يا تحياتي

لا تحرضي يا هادية وما تنسي الدور جاييك وقالو ( اذا حلقو لاخوك بل راسك )حضري اجاباتك من الان

(شن بقعد ليكم )

تحياتي لكل من في المنتدي مع إحترامي لكم لانريد ان نتجادل في مابيننا اجتماعات الرابطة وامور الرابطة نريد ان نفعل ولانريد الاقوال انا دخلت الرابطة مرتين بحياتي وطلبت من ابناء الغابة العاملين الان بالدولة ان نضع شروط جمع اموال منهم شهريا وان تكون هنالك إجتماعات شهرية لمعرفة احوال البلد وماذا يدور فية ولاكن لم اجد من يشجعني تحياتي لاخ جدو لما يقوم بة من مجهود مقدر في هذا المجال واخيرا تحياتي لمن دمر حياتي ولسة ماوريتنا اي شي

بسم الله نرد علي الاخ عمر موسي

1\ شعوري ونا علي كرسي الاعتراف ذي شعور طالب جامعي قبضوهو في مظاهرات وداير ينخارج من ناس مكافحة الشغب باي طريقة
2\ يوم لا انساهو في الجامعة طبعا جينا برالمة وناس اهالي واول مرة نخش معمل واول مرة اشوف كمبيوتر اها بعد الزمن انتهي الاستاذ ظلب من الجميع يقفلو الاجهزة وهنا وقف حمار الشيخ في العقبة اتلفت يمين شمال الاستاذ ما خاتي بالو دنقرته تحت طربيزة الكمبيوتر وفصلت الكهرباء من تحت والاستاذ اتخيلت انا اول زول خلصت وشكرني تمام لغاية راسي كبر ( عارف ح تقولو حنك ميمان لا يتعلمان بس دا حنك بيش عشان الناس المعاي كلهاشافت الكمبيوتر وانا اذا قلت ما شفت كمبيوتر قبل كدا دي فضيحة لي ولي منطقتي )

3\ بالنسبة لي سؤال 5 اصدقاء من الجامعة ف انا اغلب صداقاتي كانت مع طلاب ولايات تانية ما افتراء مني بس للدنيا والزمان اذا حصلت سافرت حتة يكون عندي فيها معرفة

بسم الله نبداء للاخ حاتم عبدالله كيري

اولا اشكرك جزيل الشكر علي كلامك الرائع
ثانيا انا من الغابة ودرست كل مراحل تعليمي بالغابة وانطباعي عن الغابة اعتز وافتخر اني من الغابة

بسم الله نبداء للاخ الصادق ابو

الصادق ابو يقول : وقولك أنك لا تعرف 90% من اعضاء المنتدى هذه نقطة تسجل ضدك ولا تستطيع ان تنتقد الرابطة مع صحة بعض كلامك فيما يتعلق باشتراك عدد كبير من الرابطة في المنتدى للتواصل فقط
اما انك لا تعرف اعضاء الرابطة ولست ملما بما يفعلوه هذه نقطة ثانية ضدك واعتقد كلام جدو أزال الكثير من الضبابية

الاخ الصادق انا سجلت في المنتدي ولمده سنة كاملة لم اشارك فيه هل سألت نسك من السبب
السبب يا سيد الصادق انا لما سجلت في المنتدي دا لقيت اسمو منتديات ابناء الغابة بالدوحه وانا اساسا الدوحة دي بي عيني ما شفتها
والمنتدي كان عامل ذي توحيد مكة بجي بالغابة بس تابع لي دنقلا والمنتدي بحمل اسم الغابة بس تابع لي ناس الدوحة دا بالنسبة لعدم معرفتي بي ناس المنتدي يعني جيت لقيتو بحمل اسم بالدوحة وقطعت وشي منو
اما بالنسبة للطلاب الرابطة في الخرطوم نفس الفهم اعلاناتهم بالمعرفة يعني عندك قريبك في الرابطة بتعرف استقبال الطلاب الجدد متين ولو ما عندك زول حقك بضيع وانا شخصيا من الناس اللي حقوقهم ضاعت لما عملو كورس لغة انجليزية لابناء الغابة ولم اسمع بة وغيري 50% لم يسمعو به الناس اشتغلت خساسات وكلمت معارفها بس ( دا سبب اقتراحي للبوست الذي يحمل اسم الرابطة لكي يكون اعلان للرابطة ويكون تفاكر بين الاعضاء وبين المكتب التنفيذي للرابطة

و تحياتي

بسم الله نبداء للاخت هادية

والله لساني يعجز عن شكرك
وتحياتي

ويا الصادق ابو بل رأسك من هسي عشان انا اخترتك تقعد في الكرسي الاسبوع اللي جاي


وتحياتي

تحياتي لمن دمر حياتي كتب:

بسم الله نبداء للاخ الصادق ابو

الاخ الصادق انا سجلت في المنتدي ولمده سنة كاملة لم اشارك فيه هل سألت نسك من السبب
السبب يا سيد الصادق انا لما سجلت في المنتدي دا لقيت اسمو منتديات ابناء الغابة بالدوحه وانا اساسا الدوحة دي بي عيني ما شفتها
والمنتدي كان عامل ذي توحيد مكة بجي بالغابة بس تابع لي دنقلا والمنتدي بحمل اسم الغابة بس تابع لي ناس الدوحة دا بالنسبة لعدم معرفتي بي ناس المنتدي يعني جيت لقيتو بحمل اسم بالدوحة وقطعت وشي منو
اما بالنسبة للطلاب الرابطة في الخرطوم نفس الفهم اعلاناتهم بالمعرفة يعني عندك قريبك في الرابطة بتعرف استقبال الطلاب الجدد متين ولو ما عندك زول حقك بضيع وانا شخصيا من الناس اللي حقوقهم ضاعت لما عملو كورس لغة انجليزية لابناء الغابة ولم اسمع بة وغيري 50% لم يسمعو به الناس اشتغلت خساسات وكلمت معارفها بس ( دا سبب اقتراحي للبوست الذي يحمل اسم الرابطة لكي يكون اعلان للرابطة ويكون تفاكر بين الاعضاء وبين المكتب التنفيذي للرابطة

و تحياتي

كلامك حلو ولكن هذا لا يعفيك من الاجابة ولن تستطيع الهروب لحظة لي معك عودة

بسم الله نبداء
والله يا اخ محمد محجوب العلمتها فيني بالكرسي دا ما يعلم بيها الا الله ذي ما بقولو الحنكيش جهجهتوني جهجهة الجن والجبال (حرف الجيم بتاع الحناكيش اللي فيهو 3 نقط داك
ويا اخ الصادق لو فيها عوده بتجي تلقاني شردتة للاسبوع الجاي وبربطها ليك اصبر لي سااااااااي امانة ما راجياك اسئلة يشيب لها الولدان وربنا يحيينا للاسبوع الجاي ( بنظمك
الاخ عمر موسي والله كلامك دا داير يقولوهو لي زول ذي عبدالله الطيب عشان يقنعك
لو عندي طلاب بديهم درس واحد بس يمسكو في كلمة تحياتي لمن دمر حياتي دي ونهائي ما يشيلو في قلبهم من زول مهما حصل منو
وخطاء في حق عزيز والله ما بتذكر لأني بطبعي مسالم وما بتاع مشاكل ولو زول غلط علي بعتذر ليهو انا واحتمال اكون اخطأت بس والله ما متذكر
اما بالنسبة لحكاية الهزل والمزاح فعلا منطبقة علي بس للجد اوقات وللهزل اوقات
اما بالنسبة لحكاية ابويك دي والله الوالده والوالده اخدت منهم كل خير ومحبه للناس
واولادي ديل الله عالم للزمن داك
شئ افتخر بيهو اني غامض وضمير مستتر وما بحب الظهور والجعجعه وانا عملت وانت عملت ( اقضو حوائجكم بالكتمان ) وحكاية متخفي متخفي دي الحجاج بن يوسف كان بلبس لثام في وجهه والمقنع الكندي كان بتخفي
ولو عرفتني ما مشكلة واتشرف بيك جدا

و تحياتي

السلام عليكم
صراحه لاأريد طرح أي أسئله ولكني أريد أن أبين شيئا" في كلام الأستاذ جدو عن الرابطه :
بصريح العباره الرابطه لاتقوم بعمل أي شئ أخر إجتماع حضرته كان قبل سنتين حينما انتقلت الرئاسه من محمد عبدالله العوض إلي مصعب عبدالله عووضه وتاني لاحس لاخبر

الكراسي دي الناس يتصارعوا فيها انت شارد منها مالك برنامجك شنو لوكنت تمثل خريجى الغابة في دورة الرابطة القادمة او كنت رئيسها ان كنت طالب حتى الان بخلاف عمل البوست

بسم الله نبداء واشكر الأخ حسن عشان ما عصرني ذي الجماعه ديل
واقول للأخ جدو انا بتكلم عن نفسي انا زول غامض ومابحب الظهور والجعجعه ولا اقصد الرابطه انا اتحدث عن نفسي
الأخ الوليد برنامجي سوف يكون كألأتي
طبعا عدم الأمكانيات دي صاح بس انحنا ما شرط نفتش دعم بالملايين القروش دي بتجي بي حاجه بسيطه مثلا نفرض علي الطلاب في الثانوي مبلغ 3 او 5 جنية في السنة والأساتذه مبلغ 10 جنية لما تجي تحسبها بنات واولاد ح تتطلع معاك ب مليون او مليونين ونشحد من المغتربيين وانا سامع انو الأخ الصادق ابو ح يتبرع ب الف ريال والأخ محمد محجوب ح يتبرع ب 5 الف ريال جزاه الله كل خير ( هو ي ماتصدقو الطعن دا الا بالأبره )
وممكن الرابطه تشتري كروت الجزيره عشان كأس العالم وتعمل ابو القاسم مع مكتبه مصطفي سالم والأندية الرياضية ويستفيد الطرفين
ومن الأولويات جميع البنات الأمتحنو السنة دي وح ينزلو برالمه الأمانة الأجتماعية تعمل ليهم اجراءات السكن في الداخليات
عمل كورسات لغه انجليزية وحاسوب للراغبين
عمل جلسات اسرية في الحدائق المفتوحه
عمل رحلات ترفيهية ( اذا الأخوان الصادق ومحمد ما نطو من كلامهم )
و
و
و
تحياتي

الاخ الصادق نشكرك علي صبرك
ثانيا الأخ حسن يقول سنتين وما شاف اجتماع للرابطه اذا الرابطه سنتين ما اجتمعت ح تسكن طلابها وين وما ذكرته انا مجرد تصور لبرنامج طلبه مني الأخ الوليد
واشكرك جدا علي التبرع وانشأالله في ميزان حسناتك
شنو يا عمك كبرتها كدا
شايفك
محمد محجوب الا نقول لي دايرين ال 5 الف ريال حقتنا يعني
اما عن اللثام الذي تحكي عنة فالأخت هادية قالت ليكم احتمال الزول دا مسجل بي اسمو الحقيقي و بي اسم مستعار والتخفي دا ( لشئ في نفس يعقوب )
وحين اضع العمامه لن تعرفوني

و
تحياتي

الاخ الصادق الصوره الشخصية بتاعتي في البداية كانت صوره للمصارع تريبل اتش وصوره مافيها كلام وطلب احد الأعضاء مني تغيرها فغيرتها وطلبك اعتبرو منفذ والتوقيع والصوره اعتبرهم اتحذفو وعن كلامك عن مشاركاتي في المنتديات فإنا شغال في مجال هندسه برمجيات وارتباطي بالنت كتير وفعلا انا مشارك في منتديات كتيره
وللأخت هادية بقول ليها القرآن منقول بالتواتر والمشاركه المنقوله بكتب عليها منقول للأمانة واكتر مواضيع اثاره للرأي انا كتبتها حكاية الجنازه ومصطفي عثمان والشجره والمنشار وياريت يكون قابلوكي في منتدي تاني وانا ياستي المواضيع البشارك بيها علي حسب الأحداث الحاصله حاليا في البلد يعني في النهاية بشغل رأسي اذا منقول او غيرو
الأخ محمد محجوب حكاية انت عارف عني دي اساسا انا عارفها وعارفك عرفت كيف (اش يكون سر بيناتنا) ولو طلبو منو اغير اسمي ح اغيرو ل توماس ( دي بالرطانة اختصار لي توود ماستود ) وعن الصداقه بقول ليك من السهل إنك تلقي الف صديق في السنة ومن الصعب تلقي صديق لألف سنة والصديق الجيد دا تقبض فيهو سمح مع انو الزمن دا الصداقه بقت مصالح
وعن شعوري وانا في الكرسي شعور رائع انو تعرف رأي الناس فيك شنو ويكفي رأيهم في تحياتي المشارك في المنتدي ماشرط معرفتو هو منو
وبعدين شنو شابكني 5 الف 5 الف ياشيخنا شكلك العجز ضربك انا قلت ليك وين ال 15 الف
طوالي كدا قلبتها 5 وعملت رايح بال10

الموية علاجها تلج بس المصيبه الكرسي دا يزوغو منو كيف
جنس سخانة ايييك
محمد محجوب اها الخبر شنو

تخريمه
الكلام دا من عندي ما منقول

اقتباس :

الاخ عمر موسي والله كلامك دا داير يقولوهو لي زول ذي عبدالله الطيب عشان يقنعك

لماذا لم يكن لك نفس طموح البروفسير عبدالله الطيب ...

يا ملك .. اعتفد انك تهرب من الاجابه ..

وتقبل تحياتي يا

بكل صـــراحه :

***** هــــــــل الجـــامعــــــــــــه ارضـــت طمـــوحــــــــــــــك... ؟؟

***** عـــــــدم الــترابط (حـالياً وزمان) بين افــــــــــراد الدفعـــــــــه الي اي شي ترجعــــــــــه ؟

***** اوصـــــــــــف لنا تحــــــــــياتي بين زمـــــــلائه وزمـــــــيلاته .... ؟


]


..

.

بسم الله وكدا كدا نرجع ليكم بعد غياب دام يوم طويل وعريض ملبد بالسحب والقيوم ( والكلام دا ما منقول ) المهم رجعنا ليكم وللكرسي وشايف باقي يوم بس طاب لي المقام وما داير انزل من الكرسي دا ( صدقتوا ياخ دا اسبوع شهر عديل )
لأخت هادية والله انا متعصب للكره طالما شداد رئيس الأتحاد وبشجع المنتخب او الاندية في حاله نقابل مصر فقط ( وما تقولو لي وطنية وكدا ) والمشكله بنطلع مغلوبين وفي مبارأه هلال مريخ ما فارقه معاي منو الغالب بشاهدها وبتعشي بي مزا ا ا ج
الأخ عمر اتمني أن اصل لقامه البروف عبدالله الطيب بس يكون في مجالي هندسه برمجيات والسبب ياسيد عمر ما زوغان بس انا بحب الكلام بالدارجي ( آي عارفكم تقولو دا زول اهالي) والعربي دا ما بليد فيهو (في الشهاده في العربي جايب سبعه وتمانين شفت ولا ماشفت) بس بحب الونسه بالدارجي
اما الأخ محمد محجوب (ود طبعا عامل تقيل ومطنش ) الجامعه صراحه ما ارضت طموحي عشان البرمجه دي في الهند يا بلاش واخوك كان داير البلد ديك ( فيها سماحه جكس تقول لي نشاط النيليين ) بس نعمل شنو الله غالب والعين بصيره والأيد ماسكاها التسعيره ولسه النية موجوده
وسؤالك عن ترابط ابناء الدفعه زمان كان زول من حله السوق يعزم معاهو ناس الباجا وناس ودياب والناس البعيده ودا بجيب ترابط بين الدفعه وتعزمني واعزمك بس هسي الواحد بس من المدرسه للبيت وبالعوده ونفس الفهم في الجامعه اكون خالط اشوف زول من ناس الغابه اعمل رايح واقول دا شنو العارض دا وافضل البنت عليهو وصراجه الزمن دا ترابط الدفعه في الجامعات ومع الغرباء بكون اقوي
تحياتي بين زملائه والله زول مرح وماعندي هم للدنيا دي وبحنك مع اي زول بس بختار الأصدقاء بحذر شوية وبعدين شنو حكاية الزميلات دي ( مالك فضيحه كدا انت )
اما بالنسبه (شوف اللغه العربية دي كيف ؟ بالنسبه وحيثما وكلما والشجره والمتعافي وعربات النفايات *** بسم الله في زول جاب سيره القروش هسي يامحمد محجوب)
بالنسبه لحكاية العباره دي والله حقيقه كلمه الشكر بتعطي دافع للمزيد من الأبداع بس مايكون شكر شكر كدا لازم يكون في شوية نقد بس للموضوع مش للشخص الكاتب الموضوع

تخريمه
غ م
غير منقول

ود محجوب مشتاقين

وتحياتي

.

على قـــدر أهل العــــــــزم تأتي العــــزائم =-= وتأتي على قــــــــدر الكــــرام المكــــــــارم

و تعـظم في عين الصغــــير صغــــــــارهــــا =-= وتصغــــــر في عــــين العظــــيم العظــــائم

.