منتديات رابطة ابناء الغابه
["رابطة أبناء الغاية"]







منتديات رابطة ابناء الغابه

www.alghaba.yoo7.com
 
الرئيسيةالرئيسية  التسجيلالتسجيل  دخول  

شاطر | 
 

 إالغاء إستثناءات استيراد السيارات

اذهب الى الأسفل 
كاتب الموضوعرسالة
عامر العجيل
عضو مشارك
عضو مشارك
avatar

عدد الرسائل : 206
تاريخ التسجيل : 15/08/2011

مُساهمةموضوع: إالغاء إستثناءات استيراد السيارات   الخميس 13 أكتوبر 2011 - 16:58

وبدون سابق انذار ولا فترة سماح ومنها يبدا تطبيق القرار، كدة بس و من بكرة وكاننا في سوق البصل؟؟؟

أأعلنت الإدارة العامة للجمارك إلغاء الاستثناءات للفئات الأربع التي كانت مستثناة من حظر دخول العربات المستعملة الى البلاد ، خاصة المغتربين العائدين عودة نهائية ، و الدبلوماسيين الذين انتهت فترة بعثتهم ، و أكدت ان القرار يشمل جميع الفئات و الموديلات ما عدا موديل العام . و قال مدير الإدارة العامة للجمارك اللواء سيف الدين عمر : تم تعميم نشرة تشمل هذا القرار على كل الموانئ و المحطات الجمركية لتنفيذ هذا القرار من تاريخ اليوم الأربعاء . و أشار الي ان الإدارة العامة للجمارك جهة تنفيذية تسهم في تطبيق القرارات فقط مشيراً الى ان القرار شمل كل العربات بما فيها الكبيرة شريطة ان يسمح بدخول عربات نفس العام و قال ان مثل هذه القرارات تسهم في عملية الفاقد الايرادي للربط السنوي و زاد : وضعنا معالجات و متابعات لكل قرار يمكن ان يؤثر على الإيرادات و نتوقع ان يسهم القرار ايجابياً في دفع السياسة العامة للدولة في تخفيف أزمة الدولار

يوم سماح وبكرة ممنوع والاسبوع القادم لا سماح وبعد شهر ممنوع وين نحنا ، عليكم الله دي وزارة مالية والله وزارة ......
الرجوع الى أعلى الصفحة اذهب الى الأسفل
الصادق ابو حسن
المدير العام
المدير العام
avatar

عدد الرسائل : 2879
العمر : 52
تاريخ التسجيل : 31/08/2008

مُساهمةموضوع: رد: إالغاء إستثناءات استيراد السيارات   الخميس 13 أكتوبر 2011 - 18:49

ربما يكون استيراد العربات له علاقة بزيادة الدولار اقصد انخفاض الجنيه امام الدولار
وربما تكون بداية المعالجات لرفع الغلاء عن الشعب
بالأمس سمعت تقريرا في الجزيرة عن اختناق مروري وفي الوقت نفسه سوء مواصلات
ربما يكون الامران مرتبطين ببعضهما


الصادق أبو حسن
الدوحة -  قطر
الرجوع الى أعلى الصفحة اذهب الى الأسفل
http://alghaba.yoo7.com
Amar Hamad Samel
عضو فعال
عضو فعال
avatar

عدد الرسائل : 480
تاريخ التسجيل : 02/08/2011

مُساهمةموضوع: رد: إالغاء إستثناءات استيراد السيارات   الجمعة 14 أكتوبر 2011 - 11:31

ذكرتني سوق الأحد .... عام ٩٢ كانت هنالك مشكلة مرتبات معلمين محافظة بحري وتأخرت المرتبات ٢ و ٣ أشهر... حلوها كيف قالوا لممثلي الأساتذة البيجو كل يوم للمحافظة مطالبين بمرتباتهم خلاص حنحل المشكلة بس تعالوا يوم الأحد نهاية اليوم.
طبعا مسميات متعددة لسرقة عرق الكادحين منهم فرّاشة سوق الأحد... المساكين طلعوا رخصهم ودفعوا رسوم البلدية والشؤون الصحية وما إلى ذلك وبدأوا يومهم في عز هجير الضحى وصيحاتهم تعانق السماء يلا بي عشرة أي حاجة بي عشرة ---- دي ما شغلتنا الظروف جبرتنا--- الويكة دى -- الحنة دي وارد الدامر---- واك واك إلى أن ظهر هادم اللذات:-
الساعة ١٠بالضبط بتاع البلدية معه تيم كامل يلا قيس مساحة محلك كم ٣ أمتار المتر بي ١٠ الآف تطلع ٣٠ ألف وهكذا على كل فارش حسب مساحته. والمحصلين يجمعوا ولما خلصوا الجماعة هاجو وماجو وفي النهاية قالوا العوض على الله وواسو بعضهم بأن لسه اليوم طويل وبنعوض وشرعوا مرة أخرى في الصياح.....
نصف ساعة وجاءهم هادم لذات جديد.....
المرة دي بتاعم النفايات وساختك دي تدفع عليها كذا وبعدها بتاعين المرور الجماعة قالوا يمكن في حادث ...
شويتين ويسمعوا انت يا زول المحل دا ما مرخص ليهو في المكان دا انت كدة قافل الطريق ومعرقل الحركة ..... واحد غضب وقفلت معاه قاليهم بعنترية ما بتحرك من هنا لأنوزعلان ودفع ما فيهو الكفاية وكمان نهاية اليوم لازم يسدد لناس الدكاكين حق بضاعتهم و لانو ساند ظهره بإيصال الرسوم الدفعها قبل شوية للمساحة محل الخلاف... رفضوا كلامه ولما كتر كلامه جروهوا على المحكمة ويحكي بألم حين دخولهم للقاضي قال القاضي قال ليهو غرامة ١٥٠٠٠ ألف قال يا مولانا ...القاضي قال ليهو ولا كلمة تدفع ولا تدخل جوة مع القاعدين ديل؟ مسكين دفع وجاء راجع قابلته بعد رجوعه مباشرة وحياتكم العبرة سادة حلقو ودموعه في عيونو ....
المهم نرجع للمرتبات وبحكم علمنا في السوق هناك بجوك ألوان طيف من الناس جاني واحد من الجيلي عنده بقالة واستاذ وقال مشينا المحافظة نستلم المرتبات قالوا ليهم الأحد الجاي وإنتو طيبين لأن ملبغ التحصيل كفي نصف المعلمين والبقية لي قدام.... أرمي قدام..
رجوعاً لموضوع الترخيص والالغاء السماح ثم الرفض خلال ٤ سنوات أكشاك ومحلات بسوق بحري انتزعت من ملاكها بأسباب ومسميات كثيرة منها المواقف ومنها الوجه الحضاري ومنها تجميل المنطقة.. شهرين وتلقى الأكشاك ذاتها تملكها ملاك جداد بعد أن دفعوا ٢٠٠ الف جنية للكشك وهكذا دواليك لاكثر من مرتين خلال تلك الفترة....
الله المستعان ويلطف بعباده وأخص بالدعاء السودانيين لأن محنتنا تزداد وضائقتنا تضيق كل مرة....
قرأت قبل يومين نكته ظريفة ذكرتي بنكته الديك رحم الله قائلها....
المهم مع مقاطعة اللحوم قالوا الراجل كابس وكابس جاب ليهو سمكة حية تفضفض(من عندي)
وقال للمرة سوي لينا السمكة دي
قالت ليهو الزيت مافي نحمرها بي شنو؟
قال ليها خلاص سويها بالفرن..
قالت ليهو الغاز قاطع....
قاليها خلاص أسلقيها ....
قالت ليهو الموية قاطعة....
الراجل شال سمكتو ورماها في البحر ((النيل لناس النيل)) ..
السمكة نطت من الموية وهتفت سير سير يا البشير....
طولنا عليكم....
الرجوع الى أعلى الصفحة اذهب الى الأسفل
 
إالغاء إستثناءات استيراد السيارات
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات رابطة ابناء الغابه  :: الترحـيب والإجتمــــــاعـــيات :: الأخـبار والصحـف والمطبوعـات-
انتقل الى: