طيب يا جماعة طالما أنا قاعد كده في انتظار الحجز لا شغل ولا مشغله .. تعالوا نناقش المشكلة دي وكمان على اسلوب محمد كيري
اهه المشكلة هي مشكلة الشرابات
الواحد يشتري ليهو دستتين شراريب يعنى 24 جوز مختلف الالوان اسود وابيض وبني ورمادي وبيجي وكحلي ورصاصي وغيره .. بعد غسلتين وبالكثير ثلاثة غسلات تقوم ما تلاقي فردتين مع بعض يعنى كل لون من بلد فرده بني وفرده اسود وفرده ابيض وفرده بيجي ..
والمدام تقول لي انا اكثر من كده اعمل ليك شنو ربطه ليك كل جوز مع بعض وبرضو تجي تقول لي ما لقيت لونين سوا؟
انا حتى الان سألت 11 نفر منهم 9 يعانو من نفس المشكلة والغريب هؤلاء الـ 11 نفر من الجنسيات التالية .. باكستاني .. ارتيري.. سوداني.. سوري.. يمنى ..هندي .. بنقالي وكلهم ضحكو واكدو انهم يعانون فعلا من هذه الظاهرة التي لم نجد لها تفسير
أنا وجدت الحل وأِخطرتهم به ووافقوا عليه وقرروا ان يتبعوه .. ولو في واحد منكم عندو هذه المشكله .. أنا عندي الحل
الرئيسية
