عدد الرسائل : 1050 الموقع : المملكة العربية السعودية تاريخ التسجيل : 24/12/2011
موضوع: فنان جبنة في ضل الضحى الثلاثاء 28 أغسطس 2012 - 15:43
سماحة الزول وكت بالريد يلم أصحابو في ضحوية يسالم دا ويضـــاحك داك وجوه رويحتو خوه قوية ايه الدنيــــا غير ساعات مناي أقضيها صافي النيه أقول مسدارى حــــالى كلام تكون أوزانو ميه الميه
**********
الليلة إن بقيتا بخيت وحظى مواتى في الضل السمح أقعد وسط رفقاتى يداعبنى النسيم واهمسلو بى نماتى واشرب في مهل من الحسان قهواتى
=_=_=_=_=_=-
اتفضلوا جبنة في ضل ضحى المنتدى ابقوا داخلين لي جوه ماااااااااا تتاوقوا من بعيد لي بعيد ، تعالو شيلو عيدية وحبة ونسة دقاقة ، أها قلتو شنو؟؟
محمد ميرغني عبدالرحمن القـلم اللامــع
عدد الرسائل : 1562 تاريخ التسجيل : 10/10/2010
موضوع: رد: فنان جبنة في ضل الضحى الثلاثاء 28 أغسطس 2012 - 17:24
والله يا محمد الفعدة حلوة واللمة احلى والضل ما شاء الله رامى وقهوتك وريحت القلية تجيب كل الحبان والقاشين سلام وكيفنكم واحوالكم تمام السلام عليكم وعليكم السلام فضلوا اقعدوا كب القهوة والله قهوة تمام وقعدتكم ولمتكم وونستكم جميلة ماشاء الله وكمان فيها بخور من الحساد عين الله ترعاكم وربنا يجمعنا دايما فى ساعة خير وانشاءالله القعدة تتواصل وتمتد وتلم كل الحبان
mohamed osman idris القـلم اللامــع
عدد الرسائل : 1050 الموقع : المملكة العربية السعودية تاريخ التسجيل : 24/12/2011
موضوع: رد: فنان جبنة في ضل الضحى الثلاثاء 28 أغسطس 2012 - 18:11
محمد ميرغني عبدالرحمن كتب:
والله يا محمد الفعدة حلوة واللمة احلى والضل ما شاء الله رامى وقهوتك وريحت القلية تجيب كل الحبان والقاشين سلام وكيفنكم واحوالكم تمام السلام عليكم وعليكم السلام فضلوا اقعدوا كب القهوة والله قهوة تمام وقعدتكم ولمتكم وونستكم جميلة ماشاء الله وكمان فيها بخور من الحساد عين الله ترعاكم وربنا يجمعنا دايما فى ساعة خير وانشاءالله القعدة تتواصل وتمتد وتلم كل الحبان
الأخ الفاضل محمد ميرغنى .... دعوتك كاربة وربنا يستجيب لمن حبيبنا الأخ مجدى يلفانا بي صور قلة جبنة فخار مقلوزة قاعدة في وقاية مطرزة بالسكسك ومغطى خشما بي عشميق وجنبها بخور تيمان يرد الروح
وهاك مسدار والله فارس في الأصل من الشمال ( غابة ) نخيل وبحر دميرة ربيت وشربت صافى هميل صياد للشوارد ما بتعصاك قافية تميل بي الإختصار ... ( دنقلاوى ، بديرى ) صميم وحفيد ملــــــوك النيــــــل والله عليك يا خلــــوق وأصيــــل
محمد ميرغني عبدالرحمن القـلم اللامــع
عدد الرسائل : 1562 تاريخ التسجيل : 10/10/2010
موضوع: رد: فنان جبنة في ضل الضحى الثلاثاء 28 أغسطس 2012 - 18:52
ودعثمان ما بقدر اجاريك كلامك جميل درروالنضم يخلو ليك دايماهاشى ويلا يا جماعة شدو الحيل اخو اخوان وفى الحارة ما ياك جمل الشيل من طينة الكبار حمالين التقيل
(رايكم شنو ما ناس بطانة)
الصادق ابو حسن المدير العام
عدد الرسائل : 2879 العمر : 58 تاريخ التسجيل : 31/08/2008
موضوع: رد: فنان جبنة في ضل الضحى الثلاثاء 28 أغسطس 2012 - 19:23
جبنتك شربناها وكتير الهيل ظبطنا الدماغ واصبح عديل بلحيل دي اللمة القصدناها وقلنا قبيل ود عثمان اخو الاخوان تعدل الميل
mohamed osman idris القـلم اللامــع
عدد الرسائل : 1050 الموقع : المملكة العربية السعودية تاريخ التسجيل : 24/12/2011
موضوع: رد: فنان جبنة في ضل الضحى الثلاثاء 28 أغسطس 2012 - 19:27
محمد ميرغني عبدالرحمن كتب:
ودعثمان ما بقدر اجاريك كلامك جميل درروالنضم يخلو ليك دايماهاشى ويلا يا جماعة شدو الحيل اخو اخوان وفى الحارة ما ياك جمل الشيل من طينة الكبار حمالين التقيل
(رايكم شنو ما ناس بطانة)
بطان عدييييييل كدى
سلام أهل النضم المــــــــا بدورلو شروح سلام لي كل عضو في ريدتو شرقة روح
********************
يا نور للأمل والدنيـــــــا كم ظلامة شوف الحالة كيف أصبح عليها علامة الناس من قديم كانت تجــــييك حوامة والحين بالمحيميل أصبح حتيييييييييييييييييييييييييييييييييته كلامة
mohamed osman idris القـلم اللامــع
عدد الرسائل : 1050 الموقع : المملكة العربية السعودية تاريخ التسجيل : 24/12/2011
موضوع: رد: فنان جبنة في ضل الضحى الثلاثاء 28 أغسطس 2012 - 19:34
الصادق ابو حسن كتب:
جبنتك شربناها وكتير الهيل ظبطنا الدماغ واصبح عديل بلحيل دي اللمة القصدناها وقلنا قبيل ود عثمان اخو الاخوان تعدل الميل
دا الكلام يا ريس أنده للكريم وأقول يا رب المنتدى يتعلا ويصبح جميع أعضاهو بعد الخصام شله كلهم مسجلين حضور وما يخلو زول في الحله
أحمد عثمان محمد أحمد عضـو جـديد
عدد الرسائل : 35 العمر : 41 الموقع : محليــــة الغـــــــــــــابة تاريخ التسجيل : 16/04/2012
موضوع: رد: فنان جبنة في ضل الضحى الخميس 30 أغسطس 2012 - 2:40
جيبى الجبنة يا بنية في ضل الضحاوية فنجان جبنة بي شمالو يسوى الدنيا بي حالو ====== كل عام وأنتم بخير وربنا يجمع الشمل