هل تفعلينها ليلة الدخلة

السؤال عام لكن بصورة ادق للبنات هل تفعلينها ليلة الدخلة . الموضوع يتشكل في هذه القصة والسؤال سوف يتضح بعد القصة . واليكم القصة:-
يحكي ان عريس ليلة دخلته وبعد ان انتهت مراسم التتويج والحفلة وبقية الاجرآت التي قاربت للفجر توجه هذا العريس برفقة عروسة الي الشقة الخاصه بهم لتقضية شهر العسل .
وبعد ان وصلوا بقليل رن هاتف الزوج ودار الحوار التالي:-
الزوج:الو عليكم السلام
المتصل:-كيف ياعريس مبروكين انشالله وبيت مال وعيال
الزوج:-بطل الكلام الميت دة ليه ماجيتوا الحفلة
المتصل:-والله العربيه اتعطلت بينا وبعد جينا عرفنا انك مشيت الشقة
الزوج:-وانتو وين هسه
المتصل:- نحنا راجعين البلد طوالي
الزوج:- اتعشيتو
المتصل:-نتعشا وين ما اتعشينا لكن بنتصرف قدام
الزوج:-والله ماتمشوا بدون ما تتعشوا معاي في الشقة
المتصل:-ياخ نحن....
الزوج :- الشقة في المحل الفلاني الفلاني انا منتظركم وعلي الطلاق تجوا
وقفل الخط
بعد ان انهي الزوج المكالمة توجه نحو زوجتة وقال لها عندي اصحابي جايين من سفر وما متعشين انا بنزل السوق وبجي...طبعا الزوجة ختت في بالا يجيب عشا جاهز ... بعد ربع ساعة العريس رجع مخمخم الاكياس والحاجات وقال لي العروسه جهزي لينا العشا ..وبعد دقيقتين جرس الباب دق حوالي عشرة اشخاص ... الزوجة بدات تسب وتسخت وتلعن حظها وهي تعد في العشاء تقطع البصل واللحمة وهي لابسه فستان الزفاف وتعد نفسها ان ترجع من الصباح بيت ابوها وتطلب الطلاق .
بعد ان انفض السامر توجه الزوج نحو زوجتة ورسم علي خدها قبلة هادئة وسلمها مظروف به عشرة ملايين جنيه واخبرها انها كانت في رهان مع عشرة اشخاص ان تعد العشاء ليلة دخلتها وهي بذلك كسبت الرهان والعشرة ملايين من نصيبها.
الان هل تفعلينها ليلة الدخلة
السؤال ليس حصري علي الفتيات
دمتم بخير

[size=24]قصة جميلة جدا
اولا البت طلعت بت رجال ما خيبت ظن راجلها وما قصرت رقبته قدام اصحابه تستاهل منو تاني عشرة ملايين
لكن السؤال المهم : هل من بنات الزمن ده واحدة تعمل زي ما عملت؟[/size]

عدد الرسائل : 5 تاريخ التسجيل : 21/04/2009

تحياتى لاشك ان موقف البنت جميل ولكن ومعليش دايما اللكنه بعد الجمال منكد شويه هى رافضه لهذا التصرف بدليل انها فكرت او قررت بينا وبين نفسها انو الصباح تمشى بيت اهلا وتخيلو معى فرضا لم تكن هنالك قصة الملايين تلك ! ماهى النهاية لذلك الموقف وبصراحه قد نجد من تقف الموقف الجميل هذا من دون الملايين او الملاليم بس ليست هذه البنت وهذا ليست رؤية للاشواك فى الورود ولا بحثا وراء النكد وتحياتى لكل الذين يحترمون الحياة الزوجيه بينهم والذين سيحترمونها عندمايدخلوها

لاحظ يا ايوب بعد التحية طبعا
ان البنت نفذت ما طلبه منها العريس وفي قرارة نفسها انها زعلت وحتمشي بيت ابوها وده من حقها لانها اعتقدت ان العريس ما احترمها وما قدر انها عروس ودي من اولها كده بعدين يعمل شنو
لو في مكانها واحدة تانية كانت كملت باقي ليلها عند اهلها

فعلاً انا مع كلام الاخ ايوب لو ما كان الحكاية فيها ملايين ما كان انتظرت حتى رسم قبلة على خدها ولكن كمان ما عايز اظلم في بنات كثير ممكن يعملوها من غير ملايين ؟؟؟؟؟؟؟؟

ويبقى الأمل!!!!!!!!!!