حاجه غريبه ... لا شباكنا مظلل لا الباب مقفول لاموظف استقبال لا بوليص فى كشك مخطط لارسم جبايه لا إيصال مضروب لا قدام الباب مويه وطين شـــان تاخد حذرك حاجه غريبه ... شهادة البحث تقول الدار بى اسمك وبرضـــو تتاوق ...!!!! حاجه غريبه غريبه بشكل !!! الجلابيه والقفطان وعصاية ابنوس وبعد تتعمعم تكب الريحه الساعه الرومر تقطع مية كيلو ومرات الفين من أمريكا عسق سالم ومن الدوحــه سالنجى أولاد كيرى والنقدلاب والدشنتى ومن ابكرشولا السعداب من جـــبرونا من الباجـــا وأب عكاز كتار و كتار كتار بالحيل من الخرطوم عاصى القيد ومن كل وكالة وكل كفاله وفيزات حرة فى حرايه شديده عرق يتصبب ولمن توصل عند الباب والباب مفتوح والدار بى أسمك برضو تتاوق.. حاجه غريبه .. غريبه بشكل ..؟! فوق الحيطه وخرم الباب وخرم السلكه أموت لو أعرف ليش بتاوق لا كيرى... لا آبو ... لا الدشنتى طالبينك شى كنا نقول كمين ديانه وكشف سمايه وكنا نقول ... وكنا نقول ... لكن والله... لو تتخطا عتبت الباب وعفصت الشفع بالمركوب تلقاهم فرحو وهبو وهتفوا بابا جا بابا جا قبيل شن قلنا شهادة البحث باسمك ولا زهايمر ولا نسيت الله يعينك يالبتاوق وشهادة البحث باسمك لو كسرت بى عكازك كم زهريه الباقى يعوض فى لحظات وتلق الدار فرحانه بس محتاره شهادة البحث بإسمك ليش بتاوق حاجه غريبه ... غريبه بشكل خليتنا نشُــك ومندهشــــين
حاجه غريبه ... لا شباكنا مظلل لا الباب مقفول لاموظف استقبال لا بوليص فى كشك مخطط لارسم جبايه لا إيصال مضروب لا قدام الباب مويه وطين شـــان تاخد حذرك حاجه غريبه ... شهادة البحث تقول الدار بى اسمك وبرضـــو تتاوق ...!!!! حاجه غريبه غريبه بشكل !!! الجلابيه والقفطان وعصاية ابنوس وبعد تتعمعم تكب الريحه الساعه الرومر تقطع مية كيلو ومرات الفين من أمريكا عسق سالم ومن الدوحــه سالنجى أولاد كيرى والنقدلاب والدشنتى ومن ابكرشولا السعداب من جـــبرونا من الباجـــا وأب عكاز كتار و كتار كتار بالحيل من الخرطوم عاصى القيد ومن كل وكالة وكل كفاله وفيزات حرة فى حرايه شديده عرق يتصبب ولمن توصل عند الباب والباب مفتوح والدار بى أسمك برضو تتاوق.. حاجه غريبه .. غريبه بشكل ..؟! فوق الحيطه وخرم الباب وخرم السلكه أموت لو أعرف ليش بتاوق لا كيرى... لا آبو ... لا الدشنتى طالبينك شى كنا نقول كمين ديانه وكشف سمايه وكنا نقول ... وكنا نقول ... لكن والله... لو تتخطا عتبت الباب وعفصت الشفع بالمركوب تلقاهم فرحو وهبو وهتفوا بابا جا بابا جا قبيل شن قلنا شهادة البحث باسمك ولا زهايمر ولا نسيت الله يعينك يالبتاوق وشهادة البحث باسمك لو كسرت بى عكازك كم زهريه الباقى يعوض فى لحظات وتلق الدار فرحانه بس محتاره شهادة البحث بإسمك ليش بتاوق حاجه غريبه ... غريبه بشكل خليتنا نشُــك ومندهشــــين
شهادة البحث لسه باسمك لز الباب وخش بجسمك خلي الدار يحس بجيتك داك البنبر قاعد تحت الضل حواليهو مزوعة زهور الفل جرو وأقعد تجيك القهوة معاها بخور أرشف براحة ماك مجبور الدار أمان وما مسحور شهادة البحث لسه بإسمك