العشرة الاوائل

[

أهلا بك عائدا والعود أحمد

Mahasin Mohamed Ali كتب:

الاخ كمال مرحبا وعودتك ان شاء الله ما تبقى زي الباقيين .....
ما ان تأ تي كلمة زماااان والا ترجع بنا الذاكرة لتلك الايام وايام الشقاوة والبراءة ....
كنت فرحانة جدا لاحرازي الاولى  مشترك في الصف الاول الابتدائي وكانت واحد زعلانة جدا ونتيجتها لم ترضيها فكانت تبكي بحرقة ....
في طالبة كانت تسبقنا بدفعتين لم يعجبها فرحتي وفي نفس الوقت لم يرضيها بكاء الطالبة الاخرى ...
فقالت لي لما الفرحة وانت لستي الاولى انما الاولى مشترك واتجهت للاخرى ومسكت بالقلم وكتبت لها الثانية  ففرحت هذه الطالبة وتوقفت عن البكاء
وحولت فرحتي الى بكاء وما ذاد الطين بلة عند وصولي البيت قال لي بن عمي (لا تفرحي انتي جبتي لابوكي جنيه واحد)
(دي مشكلتكم انا  ذي الافندي ما لكم جايبين سيرة زمان)

الاخت محاسن ...لك التحية ...غيابي كان لظروف خارجة عن ارادتي وأأمل ان اتواصل معكم ...تجولنا في كل وسائل الميديا لكن لم نجد انفسنا الا في هذا المنتدي

نواصل الردود بعد اكمال العشرة الاوائل

الموضوع السادس عنوانه عبارة عن احرف انجليزية متقطعه وعلامات زايد ...كاتبه الصادق عزالدين عدلان .... عنوان بالتأكيد يحفز الزول عشان يقرأ المراد بهذه الحروف المتقطعة

الموضوع السابع مقتطفات رائعه لمحاسن محمد علي ...ما عارف اقتطفتها من جنينة منو ؟ و محاسن جمعت بين المركز الاول والسابع وده يدل علي نشاطها ومشاركتها الفعالة في المنتدي ...تحية خاصة لها

الموضوع الثامن بعنوان الغابة ( دوت كم) ونحنا عندنا في الجيش دائما الغابة ( ضدكم) ... حيث ترتبط الغابة بالتمرد والعدو غير المرئي ولكن الغابة عندنا هنا الغابة مرئية للجميع من خلال وجودها الفاعل في المنتديات والمجموعات الالكترونية وعلي رأسها منتدي ابناء الغابة وتحية للحسين عبد الرحمن عبدالله صاحب البوست

الموضوع التاسع لفيصل محمد خير عنوانه غريب بعض الشئ (لاتجتهد فتفشل) وحاولت اجد له تفسيرا قبل قراءة الموضوع ولكن راجعت نفسي وهمست سرا (لا اجتهد فافشل)

الموضوع العاشر ... زمان طبعا كنا بنقول للعاشر طيش العشرة الاوائل ..المهم الموضوع جاء يحمل عنوانا طويلا ...(لبيك عثمان الشيخ – زينب ام الحسن -20-(الضو لايبكي رفاته الشمعة) (والعطر يحتسب حطامه الوردة) ...
يا فيصل ما عرفنا ده العنوان ولا الموضوع ذاتو؟ واذا كان ده العنوان الموضوع ح يكون قدر شنو ...لكن عنوانك ده ناقص في نهايته (العظمي)
 
تلك عشرة كاملة ...وعذرا لمن جاء بعدها...و بالرغم من ان (الحديث ذو شجون) الا اننا( نحتاج الي تربية جديدة) في الاختصار لذلك اكتفي بتلك العشرة ...والملاحظة المهمة غياب الكثير من الفاعلين بالمنتدي و(هل غادر الاعضاء من غير رجعه) ام انهم في (رحلة الي مدينة الغابة) وابرز الغائبين النشط مجدي عبد الله و(ذرات تراب حلتنا تسأل عن مجيك) وجميعكم (التحايا والتجلة لكم)

فيصل محمد خير محمد كتب:

من  غرائب  المنتدي   أن : 
( أشياء  تمنعني  من  الكتابه  )    هو  ما  يدفع  الكثيرين  لتسويد  صحائفهم  بالروائع  الناصعه

و( مساوئ  المتاوقه ) هي  ما  يحسب  لهم  حسنه  بولوج  من  يتاوقون  سنين  عددا -  رجما  بالغيب -  الي  ديارهم  التي  هجروها

لقد  اتسعت  ابتسامتي - (مجهولة  الترقيم )  - بالعشرة  الاوائل  

ونرجو  ان  تكتب  ما  يستفز  أخرين  للعوده  

 
ا                

 
الاخرين يافيصل يمنعهم من العودة التطور السريع للميديا وتجاوز الزمن للابتوب والكمبيوتر الثابت ...اما عن المتاوقة وكثرة المتاوقين وانا لم اكن منهم فبسبب انهم لايسطيعون المشاركة من خلال الهواتف الذكية ولكن متاح لهم المتاوقة فقط ...يعني مشكلة فنية لابد من معالجتها

[siz

...

[size=

كمال فتح الرحمن سالم كتب:

زماااان في المدرسة كان العشرة الاوائل ليهم شنة ورنة ... ولمن يقترب موعد النتيجة تلقي التسريبات بدت تطلع ... ( والله قالوا محمد ميرغني منهم وقالوا فيصل معاهم .. فيصل ياتو فيهم ؟ المهم واحد من الفايصل وقالوا عثمان الشيخ المرة دي التاني ... والصادق عدلان قالوا لوما التالت الرابع وقالو  وقالو لاحظوا الاول ده ماذكرناهو  من قريب او بعيد لانو الاول دائما يكون مكانو محجوز من بداية السنة وتلقاهو النوع الجنو قراية داك وما بلعب كورة وما بطلع من بيتهم وونستو مع الناس محدودة وتلقاهو النوع الخايف يدقوهو  )

تذكرت هذه المشاهد وانا اعود للمنتدي من بعيد وبعد غيبة وانا في زحمة من العمل ولكن في اصرار علي المشاركة فاكتفيت بقراءة عناوين المواضيع العشرة الاوائل وطلعت منها بالانطباعات الاتية
الموضوع الاول ...بعنوان من الاشياء التي تمنعني الكتابة لمحاسن محمد علي وفيه وقفت عند اسم الاخت ( محاسن محمد علي ) وذكرني ذلك الاسم بحصة التاريخ عندما كنا نقرأ محاسن محمد علي !!! ولااذكر جيدا تفصيل محاسن محمد علي ولكن منها انه قام بتحسين العمل الاداري في السودان اما غزوه للسودان فمن مساوئ محمد علي باشا..ولو كلامي ما مفهوم يكون ذلك (من الاشياء التي تمنعني الكتابة)

الموضوع الثاني ...جاء بعنوان (مساوئ)المتاوقة ... يعني من (محاسن) انتقلنا مباشرة الي (مساوئ) وهل هذا من (محاسن) الصدف ام من ( مساوئ) الصدف لا ادري ؟ والقول (الفيصل) في ذلك عند فيصل الخير

الموضوع الثالث ...الغابة شجرة عائلة كبيرة ...والمرجع في مثل هذه المواضيع لابد ان يكون انسان (صادق) وهكذا جاء صاحب المقال اسما علي مسمي ...تحايا خاصة لك الصادق عدلان

الموضوع الرابع...والخامس.(كيف تكرمه وترد له الجميل) ...(من هو السارق)...للرائع (محمد ميرغني) الذي اشتقنا لكتاباته ( شوق السحابة الراحلة)

ونواصل باذن الله

كمال نورت الديار وانشاءالله نورك ما ينطفى
والله انا سعيد لان بعض الاقلام صار نورها يبحلق من بعيد
حتى عم نورها المكان عند وصولها والبطاريات مشحونه
والتمنى والامانى ان تتواصل تلك الاشعاعات التى سوف تجذب لنا
المزيد من الطيور المغردة والتى هجرتنا
وسوف نسعد ونطير من الفرح بهم

الصادق عزالدين عدلان كتب:

أهلا بك عائدا والعود أحمد

هلا وغلا بالصادق ومشكور علي الترحيب

عثمان الشيخ الاسيد كتب:

كمال لم يعود صدفه .. وانما جاء نتيجة استدعاء لقوات السعداب الخاصة ... وانا كلامي واضح .. يعني الكلام ليك يا المطير اضنيك... نحن ما عندنا .. اياك اعني واسمعي يا جاره وغيرو....  قال لفة الكلاكله قال  اسكن تاني كرر كلامك ده ..
كمان يا جنابو غير التهديدات الي ذكرتها لك في الخاص.. في حاجات كده غريبه حصلت في غيابكم .. يعني واحد يقول ليك .. كنت بايت في المنتدى بتعمل شنو
والتاني يقول ليك  .. شايل القفه..ومره يقول ليك زمنكم قبيح وكندو شنو...

تما سعادتك كل القوى جاهزة:
ليث ضرغام نمر
اسد سبع غضنفر
قسورة  الفحل ..
الليله تمشي وين الليله.. والله كان رحت منتدى المرأه والطفل نحن وراك.. قال لفة الكلاكله قال

كل قـــــــوة السعداب الخاصة جاهــــــزة في انتظـــــار تعليمات الخال

عرفنا العشرة الأوائل

بس الطيش وينو

حليل أيام زمان

الطيش ... الطيش ... يدقو بالبراطيش

مبروووك لكل الناجحين بمرحلة الأساس