▪وانا أهم باخراج العربة شاهدت شنطة يد )ستاتية يعني).... تقبع في مكان ظاااهر في المقعد الخلفي ..
طيب ...ده معناه انو العربة معرضة للسرقة وكسر الزجاج عشان خاطر الشنطة التي اجزم انها خاوية علي عروشها فهي علي الاقل ليست لام مازن وانما لاخته ..لكن البقنع الحرامي منو؟
...
▪المهم ..فكرت علي طول في كيفية حماية واخفاء الشنطة طوال المشاوير التي انوي الذهاب اليها ..ودي ما كانت مشكلة كبيرة ... فقد نجحت في المهمة بنسبة امتياز تبلغ 99.9% (برضو).
لكن المشكلة الكبري كانت في كيفية انزال هذه الشنطة من العربة وحملها حتي الشقة ..وتكمن المشكلة في ان يراك احد من العالمين وانت تحمل شنطة ستاتية ويبقي منظرك (زبالة اوي ) زي مابقول اخوانا المصريين..وطبعا مافي طريقة تبرر لكل زول وتحكي القصة الكاملة ..
يعني ياتتركها للحرامية يا شيل الحال..
▪المهم بعد تفكير لم يستغرق زمنا طويلا اخترت الخيار الثاني وحملت الشنطة وانا اتلفت يمينا ويسارا وانزل مسرعا من العربة وما متأكد هل قفلتها ولا خليتها فاتحة..واسرع نحو العمارة ويعصلج معاي الباب في الفتح علي غير العادة لكن في النهاية بعد معافرة كده يفتح ..واطلع السلم وانا حاملا الشنطة واتلفت زي سواق التاكسي ولحسن حظي ما لقيت زول طالع ولا نازل لحدي ما وصلت الشقة ..ودخلت علي الشقة وفتحت الباب ام مازن وطبعاً استغربت وضحكت في بعلها الشايل شنطة اليد ده .. ..
زي ضحككم ده هسة
بس اؤكد ليكم ان مشيتي لم تشهد اي تغيير اثناء حملي لهذه الشنطة..
▪بس الزول الصنف الشنط دي علي اساس رجالي ونسائي ماعمل خير والله ..هسة في داعي يجهجهنا كده
الرئيسية
