منتديات رابطة ابناء الغابه
["رابطة أبناء الغاية"]







منتديات رابطة ابناء الغابه

www.alghaba.yoo7.com
 
الرئيسيةالرئيسية  التسجيلالتسجيل  دخول  

شاطر | 
 

 السباح الدولي السلطان كيجاب

اذهب الى الأسفل 
كاتب الموضوعرسالة
زائر
زائر



مُساهمةموضوع: السباح الدولي السلطان كيجاب   الأحد 14 فبراير 2010 - 15:11

لا شك في ان كل السودانين وليس ابناء الغابة فحسب يعرفون السباح الدولي والمرشح السابق لرئاسة الجمهورية السلطان كيجاب فهو من ابناء الغابة اللذين ساهمو ا في رفع اسمها عاليا" بمساهماته الرياضيه فهو مثل السودان في كثير من السباقات الدولية واحرز المراتب المتقدمة وحصد جوائز وكؤؤس دولية وهو رجل معروف عنة حبه للنكتة وبه روح مرحه وفكاه عاليه وهو الان يقيم في كندا مع الاسرة الكريمة ومعروف بكرمة الجم ورغم طول سنينة في خدمة الرياضة الا انه لم يعطي حقة المالي الطبيعي وبعد كل هذه السنوات فضل الرجوع لبلد
الخواجات والاغتراب من جديد وهذا عيب هذه الحكومات التي تكرم المتفوقين بالشهادات التي يمتلاء بها الجدار اما عن امتلاء الجيوب فحدث ولا حرج
من يحفظ شي عن نكتة التي ملاءت الجرائد والمحافل في زمنة فاليتفضل مشكور ا

اتوقع الاخ حاتم كيري
الرجوع الى أعلى الصفحة اذهب الى الأسفل
حاتم عبدالله كيري
عضو مـمـيز
عضو مـمـيز
avatar

عدد الرسائل : 624
تاريخ التسجيل : 21/04/2009

مُساهمةموضوع: رد: السباح الدولي السلطان كيجاب   الأحد 14 فبراير 2010 - 17:14

الاخت هدية : الاخ عبدالمجيد سلطان كيجاب اعتقد من خلال تناولك لشخصيته تعرفين عنه الكثير من ناحية السيرة الذاتية
وذلك لتركيزك فى الجانب الفكاهى لديه لذلك وفرت على مسألة تزويد الاخوة بمعلومات عنه0
الاخ عبدالمجيد نعم يمتاز بخفة الدم ولاغرو فى ذلك فقد ورث تلك الصفة من والده رحمة الله عليه سلطان كيجاب - وان
كانت نكات سلطان كيجاب فيها شئ من المبالغات ذات الغرض الشريف من اجل اضفاء جو من البهجة على الناس مثل
روايته التى اطلقها (رحمه الله) عند عودته من الحج حيث تداول الناس قصة رواها لهم مفادها انه عند ذهابه للحج مروا بقرب
سحابة وكان العطش قد بلغ منهم مبلغا كبيرا فما كان منه الا ان تناول اناء وغرف من ماء تلك السحابة ثم سقى نفسه والاخرون
الذين معه فى الطائرة 0
الاخ عبدالمجيد نكاته وليدة اللحظة وهو يميل للسخرية فى غالب بلدى دائما ولذلك يضفى على اى مجلس يتواجد فيه الكثير من
المرح فتجد الناس يتجمعون حوله لان الناس بطبيعتهم يهربون من النكديين0
ومن مقولاته التى تحضرنى لاادرى ان كانت تحسب نكتة او غير ذلك - فقد كان يسكن فى الشجرة ويدرس فى جامعة القاهرة
فرع الخرطوم انذاك وطبعا هو من الغابة فكان يردد :
( اننى من الغابة واسكن الشجرة وادرس فى الفرع )
عبدالمجيد لديه اقرباء خفيفى الظل مثل عبدالسلام نمر وهو من السعداب الذين ينتمى اليهم من ناحية الام0
والغابة فيها من الظرفاء الكثيرين وهناك اسرة (اليدية) الذين اعرفهم عن قرب فهم مشهورون بخفة الدم ومنهم عمر حسين
يدى 0

لكم الشكر ولاهلى الطيبين بالغابة0
الرجوع الى أعلى الصفحة اذهب الى الأسفل
طارق عبد العزيز
عضو فعال
عضو فعال
avatar

عدد الرسائل : 418
الموقع : الدوحة
تاريخ التسجيل : 11/12/2008

مُساهمةموضوع: رد: السباح الدولي السلطان كيجاب   الأحد 14 فبراير 2010 - 17:34

كنت فى الجامعة عندما حضر السلطان كيجاب من إحدى جولاته الخارجية الطويلة وأظنها كانت فى السعودية وقد قال انه ينوى إكمال دراسته الجامعية وأظن انه كان لا يدرى فى أى فصل توقف. وعندما جاء كانت ثورة الإنقاذ فى بداياتها وقد تأثر الناس بها كثيرا حيث هاله منظر الطالبات وهن يربطن الخمار وكان له من التعليقات ماكان (البنات ديل مالهن رابطين روسينهن زى زير الدكاى).
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: السباح الدولي السلطان كيجاب   الإثنين 15 فبراير 2010 - 12:56

شكرا" لك اخي الفاضل حاتم كيري علي الاضافة السرة ومشاء الله عليك معلوماتك عن ابناء البلد مية مية رغم طول غيابك عنها وهذا هو المطلوب
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: السباح الدولي السلطان كيجاب   الإثنين 15 فبراير 2010 - 12:57

مرورك اخي طارق وتعليقك زين صفحات كتاباتي فلا تحرمنا من مرورك العطر
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: السباح الدولي السلطان كيجاب   الخميس 18 فبراير 2010 - 17:06

مشكورين الاخوة هادية -حاتم -طارق على هذا السرد من تعريف للسلطان كيجاب الذي سمعنا عنه كثيرا وعن بطولاته الرياضية وحفظه الله لاسرته وللغابة
واحث على كلام الاخت هادية ان ياتي التكريم اولا نحن ابناء الغابة
ثم ياتي تكريم الدولة
الرجوع الى أعلى الصفحة اذهب الى الأسفل
جعفر بشير حسن زياده
عضـو جـديد
عضـو جـديد


عدد الرسائل : 38
العمر : 40
الموقع : الجبيل الصناعية..المملكة العربية السعودية
تاريخ التسجيل : 23/11/2008

مُساهمةموضوع: رد: السباح الدولي السلطان كيجاب   السبت 27 فبراير 2010 - 8:38

الشكركل الشكر لك أختنا هادية وانت تتناولين شخصيات قد رسمت وجودها فى خارطة تاريخ الغابةالقديم والحديث..ونشيد بتناولك لشخصية السباح الدولى كيجاب وفى ذلك تنويع فى تناول التوثيق للشخصيات فى المنتدى والتى اغلبها من الأساتذة..وقد اشرت بصورة غير مباشرة لهذا الرقم من بلادى فى أول مشاركة لى فى هذا المنتدى حيث أوردت متواترة فكاهية كنا نقدمها فى البرامج الثقافية فى المرحلة المتوسطة بعطبرة..فكم سعدت عندسماعى لها اول مرة وهى تحمل فى أحدجزئياتها اسم الدولى كيجاب وانتابنى شعور بالاعزاز وقتها..وذلك ماشدنى لحفظها..ونواصل لاحقاً بحول الله
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: السباح الدولي السلطان كيجاب   الثلاثاء 6 أبريل 2010 - 15:18

انا اليوم جايه ليكم لقاء جريده الصحافه السودانيه مه السباح كيجاب واللقاء طويل سوف اتناوله فقره فقره

بسم الله نبداء


كيجاب قال للبشير اديني البلد دي شهر اصلحها وارجعها لك

اللواء الزبير كان دفعتي وعلمتوا لعبة الكوتشينه


السلطان كيجاب رجل منحه الله بسطه في الجسم وخفه في الدم يدخل الي اي وسط فيثير فيه موجه من الضحك والالفه

سباح ماهر وقوي سبح ونجح وجرب السباحه في بحر السياسة ولم تعحبه النتيجه ولم يعترف بها جاء الي مقر الصحيفه فكان هذا

اللقاء

مرحب بيك كيجاب ؟

مرحب بيكم انتو لكن قول السلطان كيجاب رضي الله عنه

انتو اصلا" سلاطين ؟

انا اسمي عبد المجيد محمد صالح

وكيجاب دي جات من وين ؟

ده لقب عملوه الاتراك لي جدي

جابوه من وين ؟

كيجاب دي جايه من كجب والكجب في لغة الاتراك الزول الفتوه وكجب بقت كيجاب


انتو دناقله ؟

انا من الغابه من الشماليه

اتولته سنت كم ؟

غايتوا سنة كم واربعين

انت تحب انك تكون عسكري ؟

شوف ده بالله انا قدمت للكليه الحربيه لكن ناس حمد النيل طردوني

رغبتك تبقي ظابط جيش ؟

ايوه كنت داير اكون جياشي عشان اقلبها

كنت حتعمل اول انقلاب متين ؟

بمجرد ما اصل رتبة تقيب استلم البلد

حتي لو كان الرئيس نميري الزمن داك ؟

لا لا ما بقلبها علي نميري نميري ما الراجل البقلبوه

منو الرفض يقبلك في الكليه ومتين كان الكلام ده ؟

الكلام ده بعد اكتوبر يمكن سنة 1968 وكان حمد النيل ضيف الله القائد واللؤاء محمد ادريس عبد الله ديل الكان بيعملوا المعينات وبعد م قالبلوني اخر مقابله قالوا لي انت زول بتاع جوطه ما بتنفع حتعمل لينا انقلاب
منها مشيت جامعة القاهره فرع الخرطوم ؟

ايوه ناس الزبير محمد صالح ديل دفعتي وانا علمت الزبير لعبة الكوتشينه

لكن يا كيجاب مش الله بيريدك ما خلاك ريس ما شايف المشاكل المتلتله دي ؟

ها دي راسمالها قرار جمهوري واحد اجيب عاليها اسفلها

خلي المشاكل السياسية دي مثلا" لو جاك وباء انفلونزاء الخنازير ده بينفع معاهو قرارت ساكت كده ؟

يا اخي ده عندنا من زمان تصحي من النوم تلقي ليك صقر واقع او جداده مرميه ميته زي السرطان ده انت قايلوا ظهر
مه الانقاذ ده من زمان في بس الناس ما كان عارفنوا يقولوا ليك جاتوا لوايه في بطنوا ومات ده ما ياهو السرطان زاتو

اللقاء طويل نواصل في الحلقه القادمه ( مسلسل )


عدل سابقا من قبل هادية شيخ عووضة في الثلاثاء 6 أبريل 2010 - 15:47 عدل 1 مرات
الرجوع الى أعلى الصفحة اذهب الى الأسفل
طارق عبد العزيز
عضو فعال
عضو فعال
avatar

عدد الرسائل : 418
الموقع : الدوحة
تاريخ التسجيل : 11/12/2008

مُساهمةموضوع: رد: السباح الدولي السلطان كيجاب   الثلاثاء 6 أبريل 2010 - 15:30

اعتقد ان اللقاء مع السلطان كيجاب ممتع بس يا هادية ما تعمليهو مسلسل تركى
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: السباح الدولي السلطان كيجاب   الثلاثاء 6 أبريل 2010 - 16:21

وانت في جامعة القاهرة الفرع خشيت البحر ؟

ايوه شوف في حاجه الناس ما عرفاهاانا كنت فنان وبغني لفنان عظيم حسن عطيه ولاحظ بقيت سباح عظيم يعني الرئيس

الوحيد الذي يجمع فن ورياضه وسياسة

كيف ياخي ريجان كان ممثل وكلنتون كان يعزف سكسفون ؟

ايوه لكن ما عندهم فرقه زي انا محترف ما زيهم

الفن والسياسه والرياضه اكثر وحده بتحبها ياته ؟

السياسه سمحه مواتر قدامك ووراك وصفقه واستقبلات يااخي انا لما كنت مترشح للرائسه ما كنت مصدق نفسي

لكن هزيمتك كانت شنيعه ؟
الانتخابات كانت مزورة الترابي اعترف بأنوا الرئيس الفعلي كيجاب وعمر البشير حصل علي 15% فقط

الكلام ده ما زعل البشير منك ؟

انا كلمت البشير قلت ليهوا الترابي قال انا الفائز عمر ضحك وقال لي الترابي ده عايز يعمل لينا فتنه ساكت
وانت رايك شنوا ؟

انا قلت لعمر دي الحاجه الوحيده الصدق فيها الترابي

لو قلت ليك اختار واحد من اثنين الصادق المهدي او المرغني للرائاسه حتختار منوا؟

ولا واحد فيهم
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: السباح الدولي السلطان كيجاب   الأربعاء 7 أبريل 2010 - 14:46

وهذا الجزاء الاخير من اللقاء مع السباح كييجاب


انت علاقتك مع الزبير الله يرحمه قويه ؟


ايوه الناس مفتكره انا عرفتو الزبير بعد الثورة لا نحنا دفعة انا بعرفه من سنة 1959 ولعلمك الزبير الله يرحمه هو العلمنا لعبة ( الوست ) بتاعة الكوتشينه دي وقت يجي الاجازة من وادي سيدنا جابا لينا في الغابه وما كنا عاررفين معناها شنو

والزبير كان بسمع كلامي

زي شنو؟

كنت بقول ليهوا ما تدخلوا الطلبة السجون عشان ما يكثروا اعداءكم برضو قلت ليهو فكوا الجرائد خلوا الناس تكتب وتفضفض همومها اليومية بكل شفافية
في بيتك ديمقراطي ولا دكتاتور ؟

انا في بيتنا معتدل مره دمقراطي ومرة دكتاتور حسب الموقف

دفعتك منو؟

انا دفعتي حسب منها 36 وزير وازكر اول حكومة للانقاذ زاعوا منها 9 وزارء من الفرع

انت قعدت في كثير في جامعة القاهرة فرع الخرطوم ؟


ايوه كنت ولد ولوف لدرجة الجامعة زاتها سموها جامعة كيجاب وكان عويطة مدير الجامعة وقت يمشي القاهره يناديني ويقول لي يا كيجاب انا مسافر مصر 15 يوم الجامعة في زمتك وانا كنت بحرك الجامعة بصات وكارينهات ورحلات
السودان يستاهل كم صحيفه رياضيه ؟

والله مجاملة كده واحده يااخي المانيا وفيها 9 ملايين رياضي فيها اربع صحف رياضيه ودي بلد وصلت كاس العالم خمس مرات

انت طلعت من البحر وخليت السباحه لكن مازالت علاقتك مع البحر قوية بدليل السمك البتبيعوا محمر ومشوي ؟
ده زاتوا قفلنهو الافته بتاعتوا مكتوب عليه كيجاب من رائسة الجمهورية للفول والطعمية وبرضوا ما نجحنا وقفلنهو
انت عشت في امريكا ؟


من سنة 69 ودانا نميري متدربين وعشنا هنالك وادوني جواز اكرامي كندي وادوني وسام كندي تتصور حكومة كندا ادتني
وسام وحكومة السودان ما اتني وسام

اولادك ما بقولوا ليك دايرين نسافر ؟

هم صغار لسه عندي ابو هيف عمرو 7 سنوات سميتوا علي السباح المصري المشهور ابو هيف وطوالي بطلع الاول في المدرسة وعندي بت سميتها علي اسم بثينة مرت نميري وعندي احمد نجاة علي الرئيس الايراني وعندي نازك الملائكة

شغال شنوا ؟

ما شغال حاجة محترف ومن دون اعباء

حزبك شنو؟

انا طبعا" مع نميري

بتسمع لمنو من الفانانين الشباب ؟

تمتام فنان ممتازو لد قلد الحبش ده زول ما فيهوا كلام وبرضوا فرفور

هل مازلت تحلم تحكم السودن؟

نعم لغاية اموت حيظل ده حلمي وانا بالمناسبة قلت للبشير اديني ليها شهر اصلحها وارجعها لبك ههههههههههه

الرجوع الى أعلى الصفحة اذهب الى الأسفل
عمر صالح محمداحمد عبدالله
عضو مشارك
عضو مشارك


عدد الرسائل : 183
تاريخ التسجيل : 08/11/2008

مُساهمةموضوع: رد: السباح الدولي السلطان كيجاب   الأربعاء 7 أبريل 2010 - 17:02

متعه الله بالصحة والعافية ... هذا الشخص الفكاهي لدرجة قف ...شخصية تدخل في نفسك السرور اينما حل به المقام, كثيراً ما كنا نفرح حينما نسمع بقدومة للغابة حاملا معه بشاشتة ونكاتة التي تجعلك حريص كل الحصر للاستماع لية ... نسال الله ان يرد غربتة سالماُ غانما ....
لك التحية الاستاذه هادية علي هذا المرور الجميل
الرجوع الى أعلى الصفحة اذهب الى الأسفل
 
السباح الدولي السلطان كيجاب
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات رابطة ابناء الغابه  :: منتديات الـغـــابة :: شخصيات من الغابة-
انتقل الى: