شخصيات طريفة وصاحبة دم خفيف من البلد

قالو والعهدة على الراوى
كان جدى شيخ عووضة راجع البلد بعد ما عمل عملية عيون وكان فى رفقتوا حاتم عبد العزيز يعنى صادف سفروا للبلد قالوا ليه خلى بالك من جدك والقطرة دى اعملا ليه كل ست ساعات فى الطريق
المهم القطرة وقعت بين الشوالات طبعا السفر كان بى اللوارى وكل ما جدى يقول ليهو ياولد جيب القطرة يقول ليه دقيقة دقيقة لأنو خايف يقول ليه القطرة ضاعت . فى نص الطريق لما الكلام كتر نزلوا الشواللات ولقو القطرة
لكن جدى كان حردا طبعا
حاتم جا فرحان جدى جدى لقينا القطره
جدى قال ليه ( ان شقيت بطنك )

ايضا من الشخصيات الطريفة فى الغابه اخونا ابراهيم درار شموم ووالده المرحوم درار وجده محمد شموم وجميع الشموماب يتمتعون بروح الفكاهة وخفة الظل وسرعة البديهة.و قد سمعت هذه القصة من ابراهيم درار شخصيا قال عندما طلقت زوجتى الاؤلى غضب ابى غضبا شديدا وطالبنى بردها دون جدوى وكان والدها رجلا متدينا وبعد فترة قلت له اريد ان اتزوج امراه اخرى وبعد اصرار منه على اعادة الاؤلى ورفض قاطع من جانبى قال لى انت عاوز تتزوج بت منو فقلت له بت عبدالله المريومه وكان راقدا فى العنقريب فقام قاعدا وقال لى.. ابراهيم لاالاه الا الله محمدا رسول الله من قمة الدين لى اسفل سافلين.. ...... وقد تزوجها ورزق منها بالبنات والبنين وايضا رد طليقته ارضاء ..

يحضرني الحاج صندل ابو مامون صندل طبعا" شخصية مرحة للحد البعيد وفي الفترة الاخيرة فقد بصرة لزوم الكبر ربنا يمتعه بالصحة والعافية ويعيد اليه بصره وهو قدير علي ذلك المهم اتت اليه امراءة تدعي ( علوية ككري ) تسلم علية وسألته عرفتي يا صندل قال ليها ماني ماعرفتك قالت ليهو انا منو وطبعا" صوتها مميز ويتعرف للعميان والمفتح رد عليها بسخرية مي ياكي (نانسي عجرم)

الله يديكم العافيه ياشباب والله رجعتونا لزمن الطيبين النقيييييين اعجبتنى محاورة عبد الرؤف الكنبور مع محمد عووضةو000وماشاء الله القائمه طويلة ومن كل حلة يوجد شخصية ظريفة ازكر منها عم وداعه المشهور( بوداعة السيد) كان عندو شغل عندنا فى البيت ،وكانت عندنا ليمونه شيالة وحجمها كبير والايام ديك كان العيد عيد ضحيه ، الوالد قال ليهو ياوداعه شيل معاك ليمون لناس البيت فكان رده الليمون مجننننننننننننننانودىهو وين ونعمل بيهو شننننننننننننو!!!(زوجتة طبعا"اسمها ليمونه.)

كانت البلد فى تلك الايام صاخبة بالانتخابات والجماعة مقسومين لجزئين جزء مويد شعار القطية والاخر مرشح ومؤيد القندول وعمنا صديق سعد رحمة الله عليه كان مرشح وواقف فى صف ناس القطيه والدنيا جايطه ومقلوبه وعمنا موسى ادريس مشهووووور بخطبة فى مثل تلك المواقف وعمنا صديق مشهوووور بقصائدة (الحلمنتيشيه)قام وقف فى نصف دائرة التجمع والقى قصىدتة الشهيرة بزكر منها اخر بيت بقول القندوووووول انا ماعندى فيه النييييييييه بدخل الستارة وائيييييييييييد القطية

يحكي ان هنالك رجل من الغابة يدعي عبدالله حسنين المهم الرجل قال انو شاف هلال رمضان والناس في البلد عيزين يصوموا علي رؤيته والكل يشيد بعبد الله لانو شاف هلال رمضان الراجل انبسط من الحكاية وشالتو الهاشمية وقام قال ليهم داك كمان واحد

كيجاب مره سألوه:

البلد:الغابه

الدراسه: الفرع

السكن الشجره

وذكر اسم جدو الاسيد

الجماعه قالوا ليهو قم ياخى خوفتنا انت سباح ولامتمرد

حسن خواجة رحمة الله علي روحة ايضا" كان خفيف الظل زكي حاضر النكته ايام ازمة السكر احتكر التجار السلعة وعمك حسن راقد قدام الدكان في العنقريب واول ما شاف ليهو حريم جايين من بعيد طالبين السكر قام علي طول بربط رأسه بالعمة وقال ليهم هسي كان في سكر انا كان ربطة راسي بالعمة (كناية عن الصداع الذي اصابه من عدم الشاي ابو سكر)

ايضا" من نكت المرحوم حسن خواجه وقع حماره في ايدي اولاد السعداب وقامو بتلطيخه بالطين ولم يتركوا الا عينية وعندما شاهد منظر الحمار قال ليهم بي سخرية ( ليستوهو بارك الله فيكم كان تجيبو البناي يسوي ليهو الجلة)

مساءالخير على الجميع
رايكم شنو في الحاجة نفيسة جارة اطل الله عمرها

خطيرة عديييل كدا يا حبوبة

استراحة
بكرة بنحكي الشوق لي ذكري *** نار الريد الغابت تظهر

ماشفنا حاجة ياحديد نار الريد حتغيب تاااااااااااانى

اغلب الذين ذكروا في هذه الشخصيات المرحة توفوا رحمهم الله . لكن السوال هل من الاحياء من يخلفهم ؟