[b]أما آن لهذا الفارس أن يترجل[/b]

_الأستاذ عبدالقادر لك الشكر والتقدير علي كلامك الجميل دا وبشكرك عليهو شكر لا يقع الواطه ولا يشيلو هواء
‏_‏ الصادق عو و و ك انا ضد الكلام دا
‏_‏ عارف ليه
‏_‏ اخوك طلع طابور خامس وطلع مشهراتي و و و و
‏_‏ دي كتاحه يا عمك
‏_‏ خليها مستوره

ياأخي والله أنت مش عملت كتاحه انت عملت إعصار عديييل ولكن قد أتت الفرصه المواتيه لتكشف الغموض عن شخصيتك ولك تحياتي

والله علي الرغم من انني اكثر المعارضين لفكره الدخول باسماء مستعاره (وناضلنا من اجلها ههههه حلوه دي)لكن اري انا هذه الاسماء تجعل الشخص يرد ويتخيل،،،وتطلع الردود في قالب جميل جدا،،، خلوها لانها جعلت للمنتدي نكهه الفراوله،،،معليش ياحسن وياالصادق وياعبد القادر حتما سيترجل وربما سيختار الوقت المناسب ويقيني بذلك كبير

_ الحلو مر دا وين من زما ا ا ا ا ا ن
‏_‏ يا استاذ جدو الحقني بي كوز
‏_‏ كوز حلو مر قصدي
‏_‏ عشان فهمك ما يمشي بعيد وكدا
‏_‏ كباية حلو مر طيب
‏_‏ وادي الأستاذ عبدالقادر والأخ الصادق والرائع حسن كل واحد كباية حلو مر عشان يغيرو رأيهم
‏_‏ وبعد كدا جنس هضربات يا الصادق ايييييييييييييييييييييييييييييييييييييييييييك

ياخي والله ذي ماقلت بعد شوتك الضفاري ان انكشف ضهرك مشكله
قلنا عليك مسطول في بعض الردود أثبت انك عاقل
قلنا مجنون فما هذا بجنون
‏ عذبتتنا
تقبل تحياتي

ياتحياتي والله جدو جاب اخرهم،،،ماتنسانا من الحلومر وينك ياحلومر من زماااان

ياعبد العزيز الراجل حقيقه وجودو علي المنتدي مؤثر والضغط ماكويس،،كدي اشربو معانا الحلومر دا ومعرفه الاسامي شن فايدانا غير كترة خلاف خلت هناااااى عادانا يكفي النيل ابونا والجنس سوداني،،،،بس والله تحياتي بالجد...............

يا راجل ياداب أنا صدقت ( إنك بتهضرب ) لكن ماعرفنا الهضربه دي سببه شنو ؟ إنشاءالله خير ........ والغير رأي جدو يغير رأيك إنت مش رأينا نحن

الهدف ليس الضغط ، ولكن تخيلوا معي أن يكون تحياتي هذا صديقك مثلاً وبتشوفوا كل يوم وإنت ماعارف أنو ده هو

أو تلاقيه في محل وتتعرف عليه بي إسمو الحقيقي يكون كل معرفة المنتدى دي راحت شمار في مرقه بدل ماتكون أرضيه تنطلق منها في تعاملك معاه

يقيني : أن أفصح عن نفسه لن يؤتى من قبل هذا المنتدى

والأهم عندي : أن ماذكره تحياتي من معلومات ( بغض النظر عن صحتها من عدمه ) متداوله في كثير من المنابر وأركان النقاش وبعض الصحف التي تصدر تحت سمع وبصر الحكومه

كما إن قضايانا المصيريه والملحه مطروحه في الدوحه ومن قبلها في سيرت ومشاكوس وغيرها على مرأى ومسمع العالم بأسره فماهو المانع في أن يطرح أحد أي مشكله كانت طالما أنه يعبر سلماً عمايراه

دمتم ودام السودان ودام تحياتي متخفياً ، وفي إنتظار ساعة الصفر ( طبعاً للإفصاح عن نفسك ماساعة صفر تانيه )