الييـــــع خلو،،،لقينا الحل،،

ابــــــــــــــــــــــــدا ماهنت ياسوداننا يوما علينا،،،ياوطني ياغالي ياوطن الجد والحبوبه،،،وامجادك ...تاريخك يشهد مكتوبه
السودا ن حقنا كلنا،،،،مافي زول عندو اكتر من التاني،،،،
قالو....تقبض كم وتبيع،،،،واحدين قالو نبيع واحدين قالو مانبيع،،،،وبين البايع والمشتري يفتح الله ،،،ماكل زول حر في حقو،،،،ان داير يبيع،،،بس انت ماتفرط في نصيبك
اذا الوطن مااداني حقي نبقي وطني؟؟؟لكن نحنا بالفطره وطنيون،،،،لااقصد وطنيون دييييييك ،،،بقصد الوطنيه،،،يعني بنحب السودان وجوه فؤادنا،،،،لكن الفؤاد زاتو مرق انا خايف السودان يمرق معاهو
طيب يااخوانا البيع خلوهو لاوره مااظن تتفقو لانو التمن الدايرنو مابتلقو والسوق كعب،،،،في ظل الازمه الاقتصاديه العالميه،،،ولا احسن البيع لانو النص بعد كم شهر بروح والسعر بقل ،،،،ماعلينا انا رايي ماتبيعو
غـــــــــــــــايتو لقيت ليكم حل جذري بس ماتسالو جبتو من وين؟؟؟
كدي شوفو الحل دا وادونا رايكم؟؟عناوين كتب بس وامشو ابحثو فيها بتلقو الحل وتعالو نعدل حال السودان لانو وطنا ،،،واكيد ان مااتصلح الليله باكر بتصلح وبكـــــــــــره احلي،،،هووووووووووي
انا ماقلت نبيع اقرو كووويس،،،،
هــــــــــــاكم الكتب دي
المعالجات الفطيره لاحيــاء مشروع الجزيره
القول الماثور في المخارجه من كشات المرور
الحكمه السريه في غلاء السلع الاستهلاكيه
لوامع الافكار في مواجهة انقطاع التيار
الادله القطعيه في رفض المؤسسات للمراجعه الداخليه
الدرر البهيه في كيفيه تعلم اللصوصيه
الاسرار البهيه لسرقه اموال المحليه
الجواهر اللماعه في سر تقديم الساعه
الرد الشافي لمن يقول ان المرتب غير كافي
السيف البتار في محاربه ستات الشاي والخدار
السر الباطن في كيفيه تنظيف جيب المواطن
الخطط التامه في سرقه الاموال العامعه
انوار الربيع لجلب الثراء السريع
الاطاله في اخبار الخريجين العطالي
الواقع الاليم في مسائل التربيه والتعليم
كشف القناع عن عائدات البتاع
الرد المختار علي المواطن المحتار
علي فكره المراجع دي مابتلقاها الا في مكتبه المواطن السوداني وهي جوار موقف الضايقه خلقم،،،،تقاطع شارع المحتارين مع شارع شيال الهموم
اكيد بنلقي الحل ونغير الشوارع والمحطات،،،،ونقول وداعا ياظلام الهم علي ابوابنا ماتعتب ومرحب ياصباح الحب قرب تعال مـــــــــــــــــــــــــــــــــــــــاتبتعد،،،،