اول وحده ليك تاااني ماف ليك،،،

غايتو ياعمر وجدو خلوها شرط في العقد زي مؤخر الصداق عند المصرييين والناس التانييين ديل امسكو في قوله تعالى (([color=red]وان خفتم الا تعدلو فواحدة [/color]))

شكراً الأخ جدو والله موضوعك ممتاذ لكن كسير الكرعين ده الوحيد الحامينا الزواج وده الظهر فى الجهر سيبك من وصاياالأم العشرة لى بتها وحكاية العرس دى زكرتنى نكته. قالوا (يعنى انا ما شفت ولا شىء) كان فى اتنين حابين بعضهم شديد وكان بيتقابلو مع بعض كل فترة بدون علم اهلم
اها بعد موضوعم نجض تب قام الشاب اتقدم لى أهل البت الأهل وافقو والعرس بى خيرو وشرو تم لكن العريس (يا كافى البلاء)كان من النوع الشكاك شديد أول يوم فى العرس بعد ما ساق المره ومشو بيتم . طلع ورقة وقلم وقال:
تعالى هنا يامرة . اها دايرك من هسع ورينى كل الحتت والأماكن الإنتى بتمشى ليها.
قالت: بيت ناس أبوى ـ الحنانة ـ الكوفير ـ ناس نادية صاحبتى .......وعددت له كم حتة كدة اللهم صاحبك سجلم كلهم فى لسته طويلة وعريضه . اها بعد انتهاء فترة الزواج الأولى . جاءته فى أحد الأيام يا ديييييك القشرة:
بمجرد ماشافه اها على وين الليلة...!؟
ماشة ناس أبوى...! طلع الورقة ومرر بيده على اللستة حتى وجد ناس أبوى .
خلاص أمشى ..تانى بعد كم يوم قالت ماشى الكوفير .برضو طلع الورقة ومرر يده على اللستة حتى وجد الكوفير سمح لها بالذهاب ..تانى بعد كم يوم قالت ماشى الحنانة ..مسك الورقه ومرر يده الحنانة حتى وجد الحنانة خلاص امشى ..تانى امشى يازمن وتعال يازمن ديك القشرة قالت ماشة ناس نادية صاحبتى ..مسك ليك الورقة تررررى لمن لقى ناس نادية صاحبتى ..خلاص امشى ...لكنه بعد خمسة دقايق شوهد وهو يجرى فى الشارع (بالرداءوالفانيلة) ويقص فى دربه زى المجنون وهو يصيح:
نادية صاحبتى؟..دى علىَ انا..نادية صاحبتى؟..دى علىَ أنا....!
كسرة:
تذكر صاحبنا بأنها كانت لمن تقابلو قبل ما يعرسو بسألها يقول ليها: اهاقلتى لى ناس البيت ماشةوين؟ تقوم تقليهو:
قلتا ليهم ماشة ناس نادية صاحبتى..!!
والله اكتر حاجة كيفتنى تعليق الأخ الصادق كلام يطمئن الزول وانحنا على قناعة تامة لكن البقنع ......... منو..لكن بنات الزمن ده احلامٌ كبيييييييييييييييييييييييرة خلاااااااااااااص....

اظفر بذات الدين تربت يداك،،،،واحل لكم من النساء .....الخ وان خفتم الا تعدلو فواحده

قال الحجــــــــاج يوماً و عنده اصحــــــــابه : أما إنه لا يجتمع لرجللذة حتى تجتمع أربع حــــرائر في منزله يتزوجهــــن ، فسمع ذلك شاعــــر من أصحــــابه يقال لهالضحــــاك ، فعمد إلى كل ما يملك فــــبـاعه و تزوج أربــــع نســــوة ، فلم توافقــــه واحــــدة منهــــن .

فأقبل على الحجــــاج فقال : سمعــــتك أصلحك الله تقــــول : لا تجتمع لرجل لــــذة حتى يتزوج أربع حــــرائـر ،
فعمدت إلى قليلي و كثيري فبعــــته و تزوجــــت أربعــــاً فلــــم توافقــــني واحــــدة منهــــنّ ،
........ أما واحــــدة منهن فلا تعــــرف الله و لا تصلــــي و لا تصــــــــوم ،
........ و الثانية حمقــــاء لاتتمــــالك ، و الثالثة مذكّــــرة متبرّجــــة ،
.......... و الرابعة ورهــــاء ( الخرقــــاء ) لا تعــــرف ضــــرّها من نفعهــــا ، ....

و قد قلت فيهــــن ّ شعــــراً .... قال : هــــات ما قلــــت لله أبــــوك ! فقــــال :

تزوجت أبغي قــــرّة العين أربعــــــــاً - فــيـــالــيـتـنـي و الله لم أتــــــــزوج ِ

و يا ليتني اعمــــى أصــــمّ و لم أكن --- تزوجــــت بل يا ليتني كنت مخــــــــدج ِ

فواحــــــــدة لا تعــــــــرف الله ربّهــــا --- ولم تــــدر ِ ماالتقــــوى و لا مالتحــــــــرّج ِ

و ثانية حمقــــاء تزني مخــــــــانة --- تواثــــب من مــــرّت به لا تعــــــــرج ِ

و ثالثةما إن تــــوارى بثوبهــــا --- مذّكــــرة مـشـهــورة بالــــتبرج ِ

و رابعــــة ورهــــاء في كلأمرهــــا --- مفرّكــــة هوجــــاء من نسل أهــــــــوج ِ

فـــهنّ طــــلاق كلهــــن بوائنٌ --- ثلاثاًبتاتاً فاشهــــدوا لا ألـجـلــج ِ



فضحك الحجــــاج و قـــــــال : ويــــلك ........!

كم مهّــــرتهن..... ؟ قال : أربعــــة الآف أيها الأمير ، فأمــــر له باثني عشــــر ألــــف درهــــــــــــم

..

تحياتي لك اخي جدو ( تعدد الزوجات مرتبط بشرط العدل ويبدو اننا في زمن يصعب فيه الايفاء بهذا الشرط لذلك انخفضت اسهم الارتباط باكثر من زوجة )

أظن ياأستاذ العقد دا كان في الصالحه لكن الناس من البدايه وقفت

يا ود كيرى والله انت داهيييييييييييييييييييية بشكل وبتجيب الحاجات دى من وين......!؟

تسلم جدو ع الموضوع الجميل واديكم شويه فوائد من الزواج باربعه نساء بس سارة لو سمعتني الليله والليله الدقه راجياني خلو في السر ماتوروها اتفقنا
فوائد الزواج من اربعه نساء

من 4 نساء لعل كل النساء يرفضون الفكرة لكن.........
1-تنوع الثقافات في العائلة مما يساهم في رقيها

2-كثرة الاراء و الافكار مما يساهم في التقليل من الاخطاء

3-ارتياح الرجل و قضائه على الملل

4-كثرة الرقابة على الرجل مما يسمح في بعث الطمئنينة

5-التنويع في الاكل والشرب مما يسمح بتكوين عائلة متكاملة غدائيا

6-تنويع في الملبس مما يعطي لرجل دفع معنوي اخر في الحياة

7-كثرة الانساب و منها كثرة المعرفية والنفود ومنه ضمان

مستقبل الاولاد

8-الشهرة تزداد شهرته كلما تزوج اكثر من واحدة

9-ضمان ان الرجل لن ينظر الى اخريات

كما ان هناك سلبيات صغيرة لا تهم
ولك الود اخي جدو

والله يا عوض احتمال نحميك من كل شيء الا من دا
نحن بررررررررررا
واجه مشكلتك
هات أضانك : كلامك صاااااااااح 100 في المية بس النسوان انانيات
ضمنت ليها رجل وما عليها بالباقيات