صحيفة الراكوبة اللكترونية حنة عواطف

عضـو عدد الرسائل : 57 تاريخ التسجيل : 15/06/2010

ساخر
سبيل

حنة عواطف

الفاتح يوسف
جبرا

كان
ذلك فى منتصف ثمانينات القرن الماضى وكنا وقتها نأخذ (نصيبنا) من الإغتراب بإحدى
دول (البترول) ، فى نفس العمارة التى كنا نقطنها كان يسكن صديقنا (سعيد) فى الطابق
الأعلى للشقة التى أسكن فيها حينها وسعيد هذا ينتمى
إلى أحدى القبايل التى تتكسر فى (الزوجة) كسير شديد وتجعل (طلباتها) مستجابه فى (لمح البصر) بل تجعل الزوج كما (الربوت) يسير وهو
مبرمج تماماً … يمين يمين .. شمال شمال .. كان (سعيد) ينصاع إنصياعا تاما لزوجته
(عواطف) والتى أسميناها (الحكومة) فما أن يسمع سعيد صوت (الحكومة)
وهى تنده له إلا
و(يرمى) ورق (الويست) الذى كنا ندمن لعبه فى العطلات ذاهباً نحو مصدر صوتها ملبياً
لأوامرها تماماً كان سعيد يهيم
حباً بزوجته (عواطف) حتى تخال أنها عشيقته فأنت إذا ما قدر الله وذهبت معه للتبضع
فى السوق فاجأك قائلاً- والله التوب
(المشجر) داك أريتو فى (عواطف) !
- شفت (أحفظ مالك
) الفى البترينه داك يجنن أنا ح أشتريهو لى عواطف !فى أحد الأيام
وبينما أنا أصعد درجات السلم نحو (شقتى) مرورا بشقة (سعيد)
وجدته أمام باب
شقته عائداً من (الشغل) وهو يحمل فى يده (بطيخة) وعددا من (الأكياس) وبعض الصحف والأوراق ونفسو (طالع ونازل) من الشيل
.- مالك يا سعيد
واقف متحير ؟
- (وهو يشير بنفس
مقطوع نحو شقته) : الشقة مقفولة والمفتاح جوه مع (عواطف)- طيب ما تكورك
ليها !
- لا .. لا .. ما
أصلو هى قاعده محننة
- ويعنى شنو؟ ما
تخليها تطلع الحنة و تجى تفتح ليك
- كيفن تجى تفتح
ليا أكان جات فتحت ليا حنتا ما بتبوظ ! قالت ليا إنتظر الحنة لامن تشيل و(أخرتا)
حتين أجى أفتح ليك !
- وأنت هسه قاعد
راجى حنة عواطف لامن تشيل ليك بعد ساعتين ؟
- ساعتين شنو؟ فى
أقل من ساعة ح تشيل .. دى أصلو (حنة التاج) جايبا ليها أنا (من السودان) مع الشاف
والطلح والمحلبية (نمرة واحد) أصلية (ميسو) … أنا حاجات (عواطف) دى ما بلعب فيه كلو كلو!

- طيب خلاص وكت ما
عايزا (تفرتق) حنتا تعال أطلع معاى فوق فى الشقه لحدت ما (حنتا) تشيل وتطلعا وتفتح
ليك الباب !
وطلع معى (سعيد)
إلى شقتى وهو يحمل (البطيخة) وكل تلك الأكياس والأوراق والصحف وما أن جلسنا ورأى
علامات الإندهاش على وجهى حتى بادرنى قائلاً :
- كل حاجه ولا
بشتنت عواطف دى .. أنا عاوزا لمن تمشى عرس ناس سعاد بت بابكر بعد بكرة النسوان ديل
لمن يتضايرن
- هى لاكن .. أنت
كده الوقفه البره دى عليك ما حارة ؟
- لا حارة ولا
حاجة أنا كل شئ ولا زعل عواطف دى .. لازم حنتا دى تطلع سمحه وذى سواد الليل
!

رفض (سعيد) رفضا
قاطعا مبدأ ان يتناول معى طعام (الغداء) قائلا لى :
- عواطف دى لو أنا
ما أكلت معاها ما بتاكل !
إنقضت حوالى
ساعة من الزمان كان يحدثنى فيها (سعيد) عن علاقته الحميمة مع زوجته (عواطف) وكيف
أنه حريص على تجنب (زعلها) ودائم العمل على إرضائها كما عرج على موضوع (حنة عواطف)
وكيفية إختيارها (للنقشات) وعدد (الحنانات) اللواتى كن يقمن بعملية رسم الحنة لها فى السودان وإختياره للنوع
الجيد من (الطلح)
والشاف من شاطئ (أبوروف) وأخذه معه (صحبت راكب) فى الطائرة وبعد أن إستمعت له قلت
له مندهشاً :
- ياخ معقول فى
راجل بيهتم بالحاجات دى كده !
- كيفن ما أهتم ؟
دى (عطوفه) ياخ !
- طيب قوم شوف
(عطوفه) بتاعتك دى (حنتا شالت) !؟ عشان تدخل المأوراق والملفات الشايلا ليك ساعتين
دى !
خرجت مع (سعيد)
وهو يحمل الذى إتكأ مرة أخرى على الأنبوبه وقال مخاطبا (عواطف) فى رقه زأئدة
:
- عواطف .. عواطف
.. حنتك ما شالت؟
- (جاءه الرد سريعا
فى حده) : ياخى كرهتنا الحنة ذاتا .. ما قلنا ليك لسه ما شالت
!
أحمر وجه سعيد
وإصفر ثم إحمر مرة أخرى ونظر لى مبتسماً وهو يقول :
- عواطف دى مرات
كده عندها عصبية زياده شوية !

والله الفاتح جبرة كرّه الناس العرس والاغتراب
معقولة في راجل كدا
اداها كوز
الغريبة ان القصة القصة دي الان امام المحاكم
قال في واحد سجيمان ادعى ان القصة حقتو والفها سنة 93
دي شن طعمها لغاية ما تمشي المحاكم ما فيها اي فنيات شكلية ولا جوهرية
بل فيها وصف سيء للرجال

فى واحد قاعد يلعب فى الكشتينة مع العذابة اتصلت زوجته عليهوا
وين انت اتاخرت
قال ليها انا فى البقاله
العذابة فكوا الضحكة بصوت عالى حتى سمعت ضحكتهم وسزاجتهم
وانكشف المغطى ستار
ايش المشكلة تكون الاجابة كالاتى
كنتُ وين كنت فى العذابة تسوى شنو بلعب كشتينة
من البداية قول الحقيقة وكن واضح
وطيب اهلك مين يلعبهم مين يرعاهم ايش الفايدة مؤجر شقة ومعاى عيالى وانت ماشى العذابة تلعب وتسلى نفسك هذة انانية ؟؟؟؟؟؟؟؟؟؟؟؟؟؟؟؟؟
والراى للبقية فى المنتدى
وفى قصة تانى قريبة شوية سنذكرها لا حقا مع الشكر

نشكرك يا علي عبد الحفيظ على هذه اللفتة البارعة خصوصا عن اخوتنا المغتربين
اولادنا في الغربة احوج الى الدقائق المستقطعة من العمل والتي يقضيها الاب بينهم
مساطيل يلعبو في الكشتينة في العزابة
اتصلت زوجة واحد فيهم قال لزميله صرفها قول ليها اي حاجة:
داك قال ليها فلان دا مافي شال الصينية دخل الحمام اصحيه ليك؟

يــا جمــا عة خلـــــوا ا لحكــومة دى تتكـــون علشـــــــــــــا ن وزا رة ا لعـــدل مـــع وزا رة

ا لخا رجيـــــة يشــوفوا حـــــل لمثـــل هــذه ا لرا يـــــــــــــــــــــــــــــــــــا ت ا لخفا قــــة

و يفو ضــــو سفا را تهــــم للتدخـــــل ا لمبا شــــر لا نقــا ذ حا ملى ا لرا يــا ت !!!!!؟؟؟

» عواطف بدوي عمر في ذمة الله
» عـــــــــــــــــاجـــــــــــــــــــــــــــــل: صحيفة نيويورك تايمز
» صحيفة الـصــــــدي = ( الجمعــــة 19 / 2 /2010 م )
» نشرت صحيفة فرنسية‏ موضوع مهم جداً عن الفيس بوك
» هام وعاجل: احداث خطيرة في السودان نقلا عن صحيفة سودانية