عووووك تعالو،،،

عـــــــــــــــــــــــــــــــووووك تعالو يارجــــــــــــــــــــــــــــاله ايد علي تجدع بعيد
دي الغبه ام الكل ولازم نقــــــــــــيف اجمع
وليكن شعارنا (ان الرجال فنجحها في فعلها لافي الكلام)،،،ونحنا جاهزين

لأخوة الأعزاء
السلام عليكم ورحمة الله وبركاته
لقد خصصنا منتدى خاصا بالغابة الوطن الصغير بناء على اقتراح بعض الأعضاء لمناقشة القضايا التي تهمها والنتائج التي يتوصلون اليها

كلام جميل بجد وروعه كمان
وربنا يدى الاداره العافيه ويخلى لينا حماسك ده ى استاذ
عموما انا جيتكم ومن اليوم معاكم وم دايرين وقوف وكلام ساااااى يعنى عمل وفعل وبس..........

بسم الله.....

فلنبدأ يالصحة والمستشفى سردا وتوضيحا ونقاشا وما علينا ان نقوم به

حنبنيهو المنحلم بيهو يوماتى
وطن بالفيهو نتساوى
نحلم نقرا نتداوى
مساكن كهربا ومويه
تحتنا الظلمة تتهاوى
تحت الفجر طاقيه
وتطلع شمس مغهورة
تخلى الدنيا مبهورة
ارادة وحدة طوعية

الشكر فى المقام الأول لله سبحانه وتعالى بأن جعلنا اخوة متحابين مترابطين ومتَحِدين إن شاءالله ثُم من بعد موصول لإدارة المنتدى التى خصصت مساحة نتفاكر ونتدارس فيها هموم وطننا الصغير الغابة.
وأنا اثنى على إقتراح الأخ والأستاذ الصادق ابو إبتدءاً بالأمور المتعلقة بالصحة والمستشفى لأن الإنسان عندما يكون سليم ومعافى ممكن يقرأ ويزرع ويتاجر .........الخ .
وفى المستشفى نبدأ بأول مرحلة من مراحل تشخيص المرض وهو (المعمل)وهذا يتطلب جهد من الجميع لكى يرتقى ويستحدث ويواكب العصر وفوق هذا وذاك لكى يكون بمستوى اهلنافى الغابة ونرجو من الأخوه المتواجدون بالمنطقة عكس الحالة الراهنة والمتطلبات والإحتياجات . ويالله رحلت الميل تبدأ بخطوة......

هكذا يكون المنتدى لمصلحة الغابة وفعلا الصحة فى منطقة الغابة تحتاج لمجهود كبير ، كنت بالباجا ولديهم مركز صحى مصدق له بملغ 27000ج فى دنقلا تحتاج لجهد حتى يتم استخراجها من فك حكومة الولاية وهى تكفى لإكمال البناء للمركز الصحى.

زرت مستشفى الغابة وفعلا يحتاج للكثير والكثير جدا ، المعمل ، العنابر ، الاجهزة والكوادر الطبية

جميل أن نبدأ ونسأل الله التوفيق والسداد - وطالما وقع الإختيار على الصحه كبدايه فهذا جيد ، وأرجو أن يتمكن الأخوه الأكثر نشاطاً من السودان على سبيل المثال الأساتذه جدو ووليد وعبدالحفيظ بعكس حال المستشفى مستعينين بالمسؤولين عن المستشفى ، ولربما كان هناك مايمكن عمله من خلال تضافر جهود أعضاء المنتدى أنفسهم

اولا اتأسف والعذر لعدم المشاركه والتأخير
بالامس كان هنالك اجتماع للجنة امناء المستشفى واخطرتهم بشكل رسمى لكتابة كشف كامل لكل م تحتاجه المستشفى الان من معامل وعنابر ووووووو
وعرفت انو هنالك من طلب من ابناء الدوحه ارسال كشف للطلبات وتمت كتابة الكشف مرفوق معها سى دى مصور لحالة المستشفى بكل نواحيها لكى تكتمل لكم الصوره والصوت والحال والمشهد وف الغد انشاء الله سيكون الكشف بين ايديكم ويكن معه السى دى.............ونسال الله التوفيق.......

ألم أقل إنك أسد ياعبدالحفيظ - مشكور على الجهد الوافر ونسأل الله ان تتكلل المساعي بالنجاح

بسم الله الرحمن الرحيم
الان بين ايديكم المطلوبات من قبل مستشفى الغابه بالولايه الشمالية.............
اولا(مطلوبات غرفة العمليه):ـ
1 ماكينة تخدير كامله لان ذلك يمكن من متابعة المرضى اثناء العمليه وضمان سلامتهم
2/ جهاز اضاءة العمليه
فلا يمكن اجراء العمليات من غير اضاءه كافيه حيث الجهاز المتواجد حاليا يعمل بطاقة 25%
3/اتنين جهاز تكيييف(فريون)
لان اجراء العمليه فى جو ساخن يعرض لالتهاب الجروح لان كل م بغة العمليه عباره عن مكيف واحد وعمره اربع سنوات فاصبح لا يؤدى التبريد المطلوب.

ثانيا: (مطلوبات قسم الاشعه):-
1/جهاز اشعه ثابت مع تربيزه مزوده بجهاز (البكى) بالاضافه لجهاز تحميض اوتوماتيكى للاشعه.
2/واحد مكيف فريون ..... لا يوجد بها اى تكييف حاليا .

ثالثا: (متطلبات المعمل)
1/حمام مائى
2/ سنتر فيوج
3/حضانه
4/ثلاجه لحفظ المحاليل
5/كرسى دوار

رابعا(مطلوبات اخرى)
1/جهاز شفط السوائل من الفم والشعب الهوايئه
2/جهاز يرقان ضويئ للاطفال حديثى الولاده
3/حضانة اطفال(خدج) اى غير مكتملى النمو

خامسا( ما تتطلبه من اثاثات)
1/ اجهزة حاسوب بملحقاتها لقسم الاحصاء وقسم الحسابات
2/ثلاجات للعنابر (لحفظ الادويه الخاصه بمرضى السكرى وكذلك لحفظ الامصال
3/سراير ومراتب طبيه
4/دواليب وترابيز مكتبيه
5/كراسى انتظار مرضى

*ملحوظه:ـ
هذا بخلاف ما تتطلبه المستشفى من صيانات وتأهيل للعنابر والمكاتب والعياده من دهانات وسيراميك (ارضيات) اضافه لمراجعة الصرف الصحى

علما بأن المستشفى تقوم بتقديم الخدمات الصحيه للسكان البالغ عددهم 25 الف نسمه.

والله لا يضيع اجر من احسن عملا.........

مشكور ياباش مهندس،،،،وانا متاكد لن يخيب ظننا فيك والله ومنتظرين منك المزيد،،،،

اها ي ناس اظن الصوره وضحت قدام عيونكم بقينا بعد كده منتظرين تحريتكم وعملكم وجهودكم
وكما اسلف استاذنا ان الرجال فلاحها فى فعلها لا فى الكلام.!!!!!!!!!!

الحمد لله أصبحنا جميعاً على بينه من الأمر ، والمطلوب منا جميعاً السعي الحثيث من أجل تقديم مايمكن أن يعين القائمين على أمر المستشفى ، والمطلوب من كل واحد منا الآن مايلي : ـ

1- طباعة التقرير المعد من الأخ / عبدالحفيظ وعرضه على جميع أبناء الغابه من حولك أو إرساله بالإيميل لهم

2- عرض التقرير على من تعرف من المحسنين

3-أعتقد أنه من الممكن أن يتبنى أعضاء المنتدى أحد البنود ( حتى لو كان أقلها تكلفه ) لو وافقني الأخوان في ذلك

هذا كله طبعاً في حال أن لم تكن ممن أنعم الله عليهم ولك المقدره على توفير شئ من هذه الإحتياجات

ومن لم يستطع كل ذلك فلربما كان رأيه أقيم فلا يبخل به

والله من وراء القصد وهو يهدي السبيل

الحمد لله الذي بنعمته تتم الصالحات
والحمد لله الذي أنعم علينا بنعمه الوافرة
وبعد
الشكر كل الشكر الاخ عبد الحفيظ على هذا المجهود الجبار والشكر لبقية الاخوة الكرام
وأعتقد أن الأمر دخل في دائرة الجد وحيز التنفيذ
ولكي نبدأ بداية جيدة فلنقسم انفسنا حسب المواقع الجغرافية وأرجو مدنا بكتب رسمية وموثقة نتحرك على ضوئها
وسأقوم أن شاء الله على دائرة الدوحة وسأقوم بطباعة التقرير كاملا وتوزيعه
وأرجو من الاخوة في المناطق الاخرى تسمية اللجان ( السعودية باختلاف مناطقها ، الامارات ) والحث بالمساهمة ولو بالقليل

مالى لا اسمع صوت هنا؟؟؟؟؟؟؟؟؟؟؟؟؟؟؟؟؟؟؟؟؟؟

كنت قبل ثلاثة اشهر بالغابة وزرت مريض بالمستشفي وكان الحال بالنسبة للمستشفي يرسى علية وتناقشت مع الذين يعملون بالصمت وبعد رجوعي ماكان الا ان بدأنا ومعي بعض الاخوة بما نستطيع حتي لو بالقليل لازاله الغبار عن المستشفي واظنوا الناس كانت نايمة وبدأت تفيق من نومها او كانت بالمريخ ورجعت من رحلتها علي حال خطوة كويس ماعاوزنها تكون تقا رير وبس ولوكانت في تقارير يستحسن ترفع لوزارة الصحة ليس علي المغتربين سواء ان يقوموا بما يستطيوا وذي ماقلت نخن بدورنا ساعين بما نستطيع سوف يصلكم ما قمنا به قريب وممكن الاخ جدو يتصل بالخ عمر ليتاكد من ذلك وصوتنا كان قبل ان تفيق الناس من نومها هذا هو صوتنا يا أولادي واخواني وربنا يجعل الناس صاحين دائما ويكون المواضيع بجد ليس كتابات وتقارير للتسلية

الأخ / البدري - لك التحيه مجدداً

ومشكورين على ماتقومون به ونسأل الله أن يجعله في موازين حسناتكم - وأقترح عليكم تعميم الفكره على باقي مدن المملكه لاسيما الكبيره منها حتى تتضافر الجهود ويكون العائد المادي معتبر ويسهم بشكل جيد في دفع عجلة التطوير بالمستشفى

وطبعاً عدد أبناء الغابه بالرياض مقدر وكذلك بمدينة جده آمل أن نتفاكر معاً من أجل نقل الفكره لهم في جده أيضاً ويمكن الإستفاده من الأخ / هشام بادي في هذا الخصوص

أما بالنسبه لنا في ينبع فالعدد لايتجاوز أصابع اليد الواحده تقريباً وقد تم طرح الموضوع عليهم ونسأل الله أن يوفقنا في الإسهام بشئ مقدر

وسوف أقوم بالإتصال عليكم اليوم لمزيد من التفاكر

ملاحظه - أرجو من الجميع تقبل وجود هذه الزوايه والرضا عنها فلعل الله أن يجعلها منطلق يعيد الحياه لمستشفى الغابه والا نستعجل النتائج ومن سار على الدرب وصل

خالص التحايا........
مع احترامى لك الاخ البدرى.... من كان له صوت فهو لبلدته فلا لشخص بعينه فلذلك لا داعى حتى للتفاخر بأن تقول صوتى كان وكان وحينما كان الاخرون نايمون........
اخى البدرى ان كنت تستنكر رفع التقارير للمغتربين فهذا ذنبى اذا!!!! لان ادارة المنتدى هى من طلبت منى هذا الامر ومن ثم من قال لك ان التقارير لا ترفع للوزاره؟؟؟؟
ومن ثم ان كنت ترى الاخرون نايمون كما تظن فهذا رأيك ولكنك لا اعتقد هل تعرف كم عمرى الان ؟؟؟؟الان عمرى عشرين عاما!!!!وانا منذ العاشره من عمرى كنت اجرى لانادى والدى من المستشفى هنالك من يريدك فى المنزل......
انا اقول لك هذا الكلام فقط لاثبت لك ان هنالك من هم ليس نايمون كما تزعم!!!!
اخوتى....من يعمل يعمل لبلده لا لاحد ومن لا يعمل لن يلومه احد........
والله من وراء القصد...

العزيز جدا عبدالحفيظ أنا مقدر حماسك وفخور بذلك ، لكني في نفس الوقت معرفتي بالبدري عميقه وقديمه جداً وأنا أقدر أقول ليك بكل ثقه البدري لم يقصد أن يمتن على أحد أو على بلدته فهو مهموم بالشأن العام منذ معرفتي به - وأرجو الا نفسر تعبيراته حرفياً ونترك جوهر الموضوع

وانت وهو نحن معولين عليكم كثير عشان كده ماعايزين ننصرف لأشياء جانيه

لكم الشكر اجزله اخوتنا البدري وعبد القادر وعبد الحفيظ وان كان لا شكر على واجب تقومون به تجاه بلادكم لان ما تفعلونه عمل خالص لا رياء فيه ولا منّ
ولكن ارجو ان نحتمل بعضنا بعضا ونتروى ونستفيد من تجارب الكبار
العمل العام ليس عملا سهلا ولا يحتاج الى قوة وفتوة بقدر ما يحتاج الى فكر وعمق ودبلوماسية تستطيع بها اكتساب الاخرين والعمل على لم الشمل
ما قام به الاخ البدري عمل مقدر يطلب فيه وجه الله
وكذلك جهود الاخ عبد الفادر ومساعيه الجادة وكلنا نحذو حذوه ان شاء الله
وكذلك ابننا عبد الحفيظ نثمن عاليا غيرته على الوطن ونحن وراءك
وكما قلت لك سابقا طبعنا التقرير وسنوزعه هنا في الدوحة ولكن كنا نريد دعما موثقا لان الاشياء المطلوبة ليست بمقدورنا ولا مقدور الناس العاديين

طيب الحصل شنو في موضوع المستشفي ولا تقرير وبس ولا كونت لجنة وماتت علي راي المثل اذا اردت ان تلجن عملا فكون له لجنة ....

كل ما قيل أعلاه جيد ومفيد ومجرد طرح الأمر للنقاش وخلق رأى عام حوله يعتبر خطوة فى درب الحل. ومثل هذه المشاريع الإصلاحية تحتاج إلى تضافر الجهود الحكومية والشعبية فى الوطن وخارجه وأرى غياب دور أبناء البلد فى الخرطوم فى محاور النقاش وانا وانتم تعرفون أن هناك بعض الموسرين والخيرين من أبناءنا فى الخرطوم مؤكد سيكون لهم دلوهم ومشاركتهم فى هذا العمل الحيوى وأهلنا زمان قالوا الداب نفسو مقصر وأقترح على الإخوة أعضاء المنتدى فى البلد إجراء حوارات مكتوبة مع مدير المستشفى وتنزيلها على صفحات المنتدى على تكون الصورة أشمل وأوضح وأبلغ تأثيرا ودمتم

تحياتى

والله م عارف أقول شنو بس بجد حسيت أنو مرارتي أتفقعت وبقرأ كلام طارق (طيب الحصل شنو لو داير تكتل عمل كون لجنه)
والله ي أخ طارق أقوليك بالخشم المليان لو أنا وأنت وكل ناس الغابه وأنت ريسنا م تقدر تعمل الأتعمل الآن ف المستشفي
وعليكم الله أي واحد داير يكتب أو يعلق أول حاجه يعرف روحو قاعد يكتب ف شنو
أنا عن نفسي ده آخر يوم لي معاكم ف موضوع الغابه والمستشفي و الكلام ده والله يقدركم تعملو حاجه..
وآخر حاجه كده مني ليكم أي واحد داير يعرف الحاصل ف الغابه شنو والناس بتعمل شنو يجي يشوف بي عيونو ويبطل سؤال.
السلام عليكم

طيب الحصل شنو في موضوع المستشفي ولا تقرير وبس ولا كونت لجنة وماتت علي راي المثل اذا اردت ان تلجن عملا فكون له لجنة ....

طيب الحصل شنو في موضوع المستشفي ولا تقرير وبس ولا كونت لجنة وماتت علي راي المثل اذا اردت ان تلجن عملا فكون له لجنة ....

انت بتزعل ليه ؟
يا اخي وحبيبي عبد الحفيظ ..
بالرغم من انني لم اعرفك حتي الان سوي انك ابن الغابة الغيور والنشط جدا وذلك من خلال اطروحاتك بالمنتدي يا عزيزي خلي روحك رياضية عشان تقدر تحقق ما كل نتمناه للغابة وحاول ان تفهم ما بين السطور جيدا وانا اقصد بال حرف الواضح بانك قمت بمجهود كبير هل تكلل بالنجاح ام مات تقريرك بتكوين لجنة ونحوه .
ياعزيزي الفاضل خليك كالزهب لا تذيدك النار الا اصفرارا وبعدين اتضح لي ان هناك تكرار في الرسالة وما تفهمة خطا لانه عند ارسال الرسالة كانت هناك مشكلة بالنت عندي فحسبت ان الرسالة لم ترسل وفوجئت بها مرة اخري عند ولوجي للمنتدي مرة اخري .
ياسيدي ما دمت اني لا اعرف شيئا عن المستشفي فكان حري بك ان تعرفني وبذلك اكون فخورا واشكرك جدا والان اطلب منك بكل سعة صدر ان ترسل تقريرا مفصلا عن ما هو القدر الذي تحقق من تقريرك للمستشفي وعلما بان صدري لايضيق لعمل يهم الفابة واهلها ابدا لانها مني وانا منها .
اخيرا ايها البطل اطلب منك طلبا ولا تردني مكسوفا واحب ان اري ويري جميع اعضاء المنتدي بان ترجع من ماخطه قلمك (ده آخر يوم لي معاكم ف موضوع الغابه والمستشفي) اعتذارا عشان خاطر الغابة يا غيور .
والله انا مبسوط منك لانك واضح وقلبك علي الغابة

روقوا المنقة يا شباب
العمل العام ما بتحمل النفس الساخن
ولو كل واحد ما رضي بكلام التاني العمل ما حيمشي لقدام
والعمل الجيد خطوة خطوة وفي صمت
وفقكم الله جميعا الى عمل الخير وما فيه مصلحة العباد

عبد الحفيظ عبد الله كتب:: والله م عارف أقول شنو بس بجد حسيت أنو مرارتي أتفقعت وبقرأ كلام طارق (طيب الحصل شنو لو داير تكتل عمل كون لجنه)
والله ي أخ طارق أقوليك بالخشم المليان لو أنا وأنت وكل ناس الغابه وأنت ريسنا م تقدر تعمل الأتعمل الآن ف المستشفي
وعليكم الله أي واحد داير يكتب أو يعلق أول حاجه يعرف روحو قاعد يكتب ف شنو
أنا عن نفسي ده آخر يوم لي معاكم ف موضوع الغابه والمستشفي و الكلام ده والله يقدركم تعملو حاجه..
وآخر حاجه كده مني ليكم أي واحد داير يعرف الحاصل ف الغابه شنو والناس بتعمل شنو يجي يشوف بي عيونو ويبطل سؤال.
السلام عليكم

الاخ عبدالحـفـيظ ... المـوضــــــــوع مافيهـــو زعـل ولا بيستحمـــــــل الزعــل ... عـارف ليه .. لانو كل حـاجة انته بتقــدمـه أو تسعـــى
لأن تسـاعـد فيهــا ليســت ملكك الشخـصي .. إنمــا عمــل عامل لخدمــة الناس الذين في النهــــــــاية هــم اهـــلك .. وناســــــــــــك ..
بعــدين .. عـايز اقــول ليك حـاجة .. ما تفتكـــــــــر المســـألة بتاعــت التقـــرير غـاية في السهـــولة في انك تقــدمه لي مجمــــــــــوعـة
من الناس وبكل الســـرعة الممكــنة انهـــــــــــم يتخـــذوا قــــــــرار .. ويلـــبوا الطـــــــــلب ..
المســــــــــــألة صعـــبة .. والايام الجـاية بشـــرح ليك صعــــــــــوبته ...
لك تحـــــــــياتي ..

..

صباحكم عافيه
وصباحكم طيب بحجم طيبة الأخ طارق!!
أخي طارق بجد خجلت أخوك لدرجه غريبه يعني أنا أعصب وأنت ترد رد طيب!
ياخي بجد أنا متأسف بجد أحتمال أنا عصبت سريع بس ده كلو(علشان بحب الغابه)والله
وبعدين أشكرك بجد ع أسلوبك الطيب
أنا بجد قريت ردك بعمق شويه وأفتكرتك بتحكي عن اللجنه اللي كتبت التقرير وربعت يدها!
عموما ي سيدي تسلم وبعدين أنا م محتاج لكون تترجاني عادي ممكن (تهرشني) بالسوداني وتقولي أعمل كده. عارف ليه ؟؟ لأننا أخوان وبين الأخوان ماف حجاب وكفايه أنو دمنا ف النهايه بيجري فيهو حب الغابه..

وف النهايه تسلم ياخي وأنا متأسف
والاسف للاداره برضو ع العصبيه الما في محلها
وأخي محمد تسلم ياخي وبعدين أنا عارف البرنامج م تقرير ويجاب ع طول(والا يكون التقرير أحنا رفعنا لمارد علاء الدين)البقول شبيك لبيك ولو أنا فاكر أنو تقرير وع طول ينفذ أنا م كنت ريحتكم ف اليوم كنت كتبت ليكم 20 طلب(ههه)
وع فكره أخ طارق والأداره ككل أزيدكم بشري وكلام يروق الدم
هنا برضو الناس صاحيه ومصحصحه يعني ف باب غير المنتدي مطروق وأكيد حأنسمع أخبار تسرنا قريب

وف النهايه كده تسلموا أنكم عملتوا صفحه الناس تتكلم فيها عن البلد وربنا يخلينا أخوان ع طووول

العفو!!

الاخ عبد الحفيظ او قل الابن عبد الحفيظ
أحيي فيك هذه الروح مع صغر سنك وانت على اعتاب العشرينات واذا سرت على هذه الوتيرة سيكون لك شأن في المستقبل والغابة محتاجة للزيك دا من ذوي الدماء الحارة
اما مسألة التقارير دي زي ما قال ليك الاخ محمد محجوب ما بالامر السهل الذي ينفذ بين عشية وضحاها لأنها تعتمد على دفع أموال طائلة من الناس وهذا ليس بالشيء الهين
خصوصا في هذا الزمن والواحد عشان يطلع ليه قرش روحه تطلع قبله
وزي ما قلت ليك المساعي جارية لتنفيذ ما جاء في التقرير حتى ولو جزء منه
ولكن طلبنا ان تمدونا بتقرير مكتوب ومختوم عشان نكون رسميين
ولا أخفيك لا أحد يسمع كلامنا ما لم نكن رسميين الا القرش والقرشين من الناس ودي ما بتقطع عطش
ولك تحياتي

تسلم ي سيدي والله ليشرفني أنك تقول لي الأبن تسلم واسمح لي من اليوم أناديك ب ي (عم)
عل كل عن موضوع التقرير المؤثق أنا حأقول ليك فكره بعد م أنتو تكونوا عليهوا وتضمنوا الجهه الممؤله أنا حاديك رقم الدكتور أو رقم اي عضو من لجنة امناء المستشفي وأنت تكلمهم بشكل رسمي
أنا بعد كده حأسكهم ليكم وأوصلوا ليكم بالفاكس أو أو أو أو
وتسلم ي عم

يس كفانا ...
اخجلت تواضعنا ياجميل ...
حيرت عقلنا يازعيم ...
اني الان احمل لك هدية قيمة ارجو ان تقبلها يا جنتل مان رغم انني لا اراك حتي الان لكن اراك بقلبي ...
هديتك اني احبك في الله يا عبد الله ...

أحبك الله الذي أحببتني فيه
وجعلنا الله نحن ومن نحب ممن يظلهم الله بظله يوم لا ظل الا ظله!!!
مشكور ي غالي