اذيكم جت واخباركم ومشتاقوووووووووووووون اوي اوي وذي ما انتو عارفين انا كنت في الدوحة في مفاوضات السلام الحاصلة دي بس ما بقول ليكم انا مع ياتو طرف الحكومة ولا ناس عمو خليل
المهم رجعت ليكم الليلة وكلمة الليلة دي ذي ما انتو عارفين جاية من كلمة الليل و الليل سكون والسكون راحة..
والراحة اهم مايحرص عليه الانسان ..
والانسان سمي انسان لانه ينسى ..
والنسيان نعمه وهبها الله لهذا الانسان الضعيف..
والضعف عكسه القوة ..
والقوة تتنوع وتتشكل ولكن اهمها قوة الارادة وقوة العزيمة..
والعزيمة تختلف من شخص لآخر ..
فبعضنا يعزم على فتة فول وبعضنا يعزم على قراصة ..
والقراصة بعملوها النسوان ( بس بعد مرات كدا بعملوها الرجال البهرشوهم نسوانهم ذي هناي دا كدا )
والنسوان هن شقائق الرجال ويحبون شيئين هما ... السوق والمكياج ..
والمكياج نعمة وهبها الله بشكل غير مباشر لرجالنا
ونسائنا في غاية الجمال ... "بعد المكياج" ... ولكن ..
ليس في الصباح الباكر
والصباح الباكر جميــــــل .... بدون رؤية امرأه توها قايمة من النوم ..
وتتثاوب بأنواع الصّجة والدوشة..
لصحتكم نمنع الرؤية والمشاهدة لتلك المناظر <<
والمشاهدة لتلك المناظر ستؤدي الى ازمات ونزلات معوية..
وانكشاحات عقلية وفكرية..
وبمجرد التفكير ستتعرض لصدمة عاطفية جافة..
والجفاف في هذه الحالة ... عالة على الرجل ..
والرجل هذا الكائن الحي الطيب الرحوم الجذاب <<
وجاذبيته في قوة شخصيته ..
وشخصيته بالعمه او الكاب او الطاقية او الطربوش او الصلعة كل واحد تختلف به ميولة ..
والميول عادةً ماتكون هلالية أو مريخاباوية..
والهلال فاز على المريخ ثنين واحد ..
والواحد بعد الصفر ..
والصفر درجه مئوية يتجمد عندها الماء ..
والماء سر الحياة ..
والحياة بدونك ياسيدتي سراب ..
والسراب عكس الحقيقة..
والحقيقه انك ياسيدتي انتي الحقيقة..
بدون مكياج واقنعة عاطفية..
والمكياج هنا بدون كريم اساس وروج وكحل وديرم ... ولكن
مكياج العواطف هو تزوير العاطفة تجاه الرجل..
والرجل يحب الصراحة كما المرأة..
ولكنك ياسيدتي تحبين المكياج في كل امورك ...ملخبطة يمين يسار ...؟؟؟
واليمين عكسه اليسار
واليسار عكسه اليمين
واليمين درب الغانمين ..
والغانمين هما انا وانتم.....والله يديكم العافية..
والعافية نوع من الزيوت اللي مافيها كولسترول علشان الصحة..
والصحة تاج على رؤس االأصحاء لا يراه إلا المرضى..
والمرض دا زول لكة ذي تحياتي
وتحياتي دا في رواية عن الاستاذ جدو قالو ياهو محمد محجوب
ومحمد محجوب دا مدير المنتدي
والمنتدي دا بتاع ابناء الغابة
والغابة دي قرية في الشمالية
والشمالية دي ولايه في السودان
والسودان حاكمو المؤتمر الوطني
اهااااااااااااااااااااااااااااااااااااااااااااااا
الكلام دا بياباهو الصادق ابو
والصادق ابو دا قاعد في الدوحة
والدوحة دي فيها مفاوضات السلام بين المتمردين و الحكومة
والحكومه دي ...............................
اهااااااااااااااااااااااااااااااااا وقف تحياتي في العقبة
الباقي تمو خيال
الرئيسية
