النفوس كان اتطايبت جلد الفار بصلوا فيهو جماعه

زائر

الفقراء اتقسموا النبقه وجلد الفار بصلوا فيهو جماعه الكلام دا في رأيكم لسه موجود ولا الزمن دا مافي نفوس طيبه ومافي ناس طيبه
مجرد سؤال

والله موضوعك جميل وسؤالك اجمل يا تحياتي
فعلا نحن في انسب وقت نحتاج فيه الى للتكافل الاجتماعي ونشايل بعض
ارجو المشاركة في الموضوع

زائر

نتمني من الله الناس تتكافل وتترابط يا ريس

زائر

كن في الحياة كعابر سبيل وأترك وراك كل اثر جميل فما نحن في الدنيا الا ضيوف وما علي الضيف الا الرحيل

الأخ تحياتى والله هذا الموضوع فى غاية الأهميةوهذه الأمثال اذا تطبقت على ارض الواقع تكون الناس عايشة فى أمن وامان وهى بمثابة تكافل اجتماعى والحمدلله هذا موجود فى الولايات حتى فى العواصم نجدها فى الأحياء الشعبية ولكنها بدأت تندثر بعض الشىء ةالأسباب كثيرة مع عصر السرعة دا والله يصفى الضماير ودى أهم حاجة فى تطبق هذه الأمثال...

هو مثل طيب بس حتى الان لما تقولوا بتقول حليل زمان زمن جلد الفار بصلوا فيهو جماعة والعنقريب يشيل عشرة
وزمن الشعيرة تتباع بالمتر والسكر بالراس شوف بالله المثل دة وقيس على ذلك. ولكن يقول الشاعر
نعيب زماننا والعيب فينا وما لزماننا عيب سوانا
ولابد لنا ان نرجع ونصفي انفسنا مع بعض حتى يسعنا جلد الفار

زائر

الزمن دا زمن اخوي كان مات بمشي في جنازتو احسن من اموت معاهو

حقيقه اذا ان نرجع الي زمان العنقيريب لو النفوس اتطايبت بشيل عشره لابد ان نبدأ بانفسنا ونحسن النوايا
ونملاء قلوبنا بالمحبه والتسامح والحنيه،،،،فكلنا لادم وادم خلق من تراب ونهايتها كوم تراب فلم اذا التفرقه والحسد ربنا يجمع قلوبنا علي فعل الخير دوما

الاخ تحياتى
لك كل والود والتقدير على هذه المساهمة
هذه الامثال التى عندما نرويها كما قال اخونا الوليد عبد السلام نقول زمان !!!!!! ليه ؟؟
لان زمان كانت النفوس طيبة والبركة موجودة بكل عمل تقوم به مثلاً الزراعة بى موية الساقية والمحصول برجىّ الزول الحول
والعشمان يجى يشيل والمسكين يشيل والبركة حاصلة
الآن مشاريع بمساحات شاسعة ورى طلمبات وبرضو بعد كم شهر تشترى قوت يومك من السوق ، انه هلع الدنيا وعدم الرضاء بالمقسوم ، فلابد ان نرجع لهذه العادات الحلوة لان الرصول صلى الله عليه وسلم فى فعنى حديثه قال( الخير فى امتى الى يوم القامة ) بس كيف نحنا نصفى ضمائرنا ونعيد ماضينا الحلو .
ولك تحياتى

حيرتني واحيرت معاي اديني امثالك العجيبة دي ؟
طيب : حليل زمن العرس مجانا -- واحد داير يعرس وما قادر
: حليل زمن جوز الحمام كان تلاتة -- واحد عيان
: حليل زمن الجوابات -- واحد من جيل النت

زائر

وحليل زمن الكمونية بالمتر
حليل زمن ام فتفت بالشبر
حليل زمن القطر بمشي في الطوب
وحليل زمن الناس بتأشر للقطر بالعمه والشال
وحليل زمن مريم الشجاعه
وحليل زمن الف الطوبه فيهو الف وخمسمية طوبه
وحليل زمن بصات كنه

» المنتدى دا فيهو مريخاب ولا ما فيهو
» الفار الفاره...
» النفوس بيوت قليل من يدخلها
» يا جماعه الناس ديل شفتوهم قريب؟؟؟
» كان يوما اسود يومى الاشتركتة فيهو ؟؟