حكاية الأغاني دي شنو ؟؟؟

هاهاهاهاهاهاهاهاها دي ضحكة السر قدور لما تفتح قناة النيل الأزرق وما شاءالله تلقي معاهو فرفور وطه سليمان وعاصم البنا وعصام محمدنور والحوت وريماز وشموس و و و و و و و و كمية من الفنانين واشباه الفنانين

تطلع من قناة النيل الأزرق تمشي لي قناة الشروق تلقي برنامج خيمة رمضان وبرضو اغاني في اغاني

تطلع من الشروق لي ساهور التي تحمل شعار تعظيم المصطفي صلي الله عليه الصلاة والسلام اصبحت قناة خالدالمصطفي واولاده لتكسير التلج للبشير وحكايتو شنو خالد دا كل يوم شابكنا اوكامبو وبتاع وناسي شعار القناه والموجعني وحاشي مصاريني ضمن مستقبل اولادو مداديح في القناة وموجعني صلاح الكويت القالو من الباجا دا وموجعني نسايم ساهور يلا ماعلينا

نطلع من ساهور لي هارموني تلقي حواء الطقطاقه ومعاها حرم النور وانصاف مدني وحنان بلوبلو وبنات حواء

يا جماعة البنات ديل علي الطلاق في الكشتينة لما نجدعهم بايظ بنجدعهم بي براحه وحنان عشان بنريدهم وماعندنا مشكله معاهم

نمشي الأمل برضو نلقي اغاني

نتخارج نمشي قوون برضو شغالين اغاني

تمشي قناة ايبوني تلقي نفرين ليهم اسبوع قاعدين يغنوا والقناه ليها سنتين بث تجريبي

وقناه السودان دي انسوها عشان اصلا" هي منسيه

البركه في قناة طيبه وانشاءالله يستمرو في حالتهم دي وشعارهم ما يتحول للشجره

ياناس الدنيا رمضان حكاية الأغاني الكتيره دي شنو

اين نحن من قنوات الحياه وال ام بي سي وانحنا لسه بنجيب مصريين عشان يعملو لينا دعايات اورانجا

اي قناه يكون في اغاني في رمضان اتأكد انها سودانية مية مية

وخليك سوداني
يلا هي ناقصه نسمع اغاني في رمضان

.

الوحده الجاذبه دي ما بتجي الا بالغناء يعني

وبالزغاريــــــــــــــد كماااان ياتحياتي

وبرضو كمان تأخد تخريمه لقناة زول تشوفا تقول دي أصلا" ماسودانيه

والله يا حسن انا قاصد ما قلت قناه زول عشان دي ما سودانية اصلا

يا تحياتي لو انك ملكت سلطة سحب هذه البرامج الغنائية من هذه القنوات ماذا تتوقع ان يكون مصيرها ؟ ثم بالامانة عن نفسي عندما البي دعوة افراح الاعراس في الصالات المغلقة اري العجب العجاب اليس هذا واقعنا وهذه بضاعتنا