حـنة محـاســن .. مانـشـفــــــت ....

قصـــــــة عجــــيبة
** ..... لكــــن زي دا يقــــــــولــــو عليهــــو شــــــــنو ...... **

لقيتو قاعــــد جنب باب الشقــــة حقــــتو جنبو أنبوبة غــــاز ... متفن في واطــــة الله ...سلمــــت عليهــــو ..
إزيك يا أخــــينا مالك قاعــــد هــــنا ......؟
عاين لي وهــــو ياشــــر بايــــدو علي الشقــــة ،،، وقال لي الشقــــة مقفــــولة وأنا ما عندي مفــــتاح ..
المفتاح جــــــــوه أصلها محــــاسـن قاعــــدة جــــوه لكنهــــــــا متحــــــــننه وما دايره تقــــوم وتخــــرب حنتهــــــــا -- قالت لي أنتظر لحــــدي ما الحــــنة تشــــيل .....
وأخــــرتها وبعــــدين أجــــي أفــــتح لــــيك الباب .. أهــــــــاااااااااا أنا قاعــــد وراجــــي الحــــنة تشــــيل ...

لكن يا جــــني الحــــنة بشــــيل في كم ســــــــاعة ........ ؟؟؟؟؟
.عاينت ليهو وكلي شفقــــة علي هذا الزوج الألــــيف الوديــــع الذي أبــــدع الفكــــي بتــــاع محــــاسن في أن يخلق منو نعجــــة ...
وقلت ليهــــو والله يا أخــــينا شــــيل الحــــنة ومدتو بتوقــــف علي عوامــــل كــــتيرة لكن أهمهــــا نــــوع الحــــنة والمحــــلبية والصبغــــة .....

إنتهــــيت من نضميني وشــــرحي الوافــــي عن العــــلاقة بين شــــيل الحــــنة والمــــدة الزمــــنية لذلك .....
وعاينت ليهو ولقيت الهم عصــــف باين علي وشــــيشـو وعلي وشــــك أن يــــزرف الدمع الثخــــين ....
قال لي تعرف الحنة نمــــرة واحــــد جــــايانا مخصوص من الدامــــر والمحلبية أصلــــية ميســــــــو .. اصلـو محــــاسن ما قاعدة تستعمــــل الصبغــــة ... عشان عنــــدها حساسية الله يحفظها ويغطي عليها من عين الناس وبطــــن كرعــــين محــــاسن صــــلاتي علي النبي املس من جضــــوم ليلــي علــــوي وداخــــلات في سفنجة يعـني بي نضمــــك دا حــــنتنا عشــــان تشـــيل دايــــرة ليها ثلاثــــة ساعــــات وأنا ماشي الشغل كــــيف الحـــــل ........ ؟؟؟

قلت ليهو طيب يا أخـــي كلمهـا وخليهـا تفــــرتق الحــــنة وتقوم تفــــتح ليك الــــــــباب . ....

عاين لي بإنزعــــاج وغضــــب ونهــــرني نهــــرة : يازول إنت ما نصــــــــــيح ......... ؟ داير حنتها تخــــرب وتطلــــع شينة والنســــوان يقعــــدن يتقارصن ويتونسن بيهــــا ..........؟
يا أخوي كلو شيء ولا زعل حســــونتي دي إنشاء الله يرفــــدوني من الشغــــل بس هي حنتها تشــــيل وتطلع سمحــــة ........
وإتلفت علي بــــاب الشقــــة وقعد يكــــورك محــــاسن محــــاسن ما شالـــــت ......؟؟؟
وجاء صوت من الداخل وكأنه صوت عسكــــري الحركة وبحــــدة شــــديدة قالت ليهــــو :
يشيلك التمســـاح ... ما قــــنا ليك لســــه كرهتني الحــــنة زاتها يا أخــــي .... . ...
زولي هنا قعد يبلع في ريقــــو وضحك وعــــاين لي
وقال: والله الله يهــــديها بس عصبية خــــلاص إلا طــــيبة طيبة والله وحنينة .........
لملمت بعضي ونزلت ثــــلاثة عــــتبات إلا وأسمــــع ليك أخــــونا يغني ويدنــــدن الزول السمــــح فات الكبار والقــــــــــــدرو ........

... ( .... ارجــــــــو الرد ... ))) ...




..

اقتباس :

وبطــــن كرعــــين محــــاسن صــــلاتي علي النبي املس من جضــــوم ليلــي علــــوي

هسي تلقاها كرعينها غبش ومشققه

والله انا لسه ما دخلت دينيا ذي ما قال عادل امام بس الحاجه الشايفنها من الاهل وحريم الاهل مفروض يحسدو زولنا دا ويشوفو طريقه يتزوجو محاسن عشان هي طيبه ومشكلتها مع الحنه بس دا وربنا يكون في العون

مهما كانت الحياه صعبه مع المرأه فهي اصعب دونها

انا غايتو مع الزول البقول ليك والله البنوت ديل بنريدن لدرجه الواحد في الكوتشينة لما يجدع البايظ بنت بيجدعو بي حنا ا ا ا ا ا ا ا ا ن

الراجل ده من النوع موش الرافع الراية بس ، ده الراية ذاتها تنزلها وترفعها زوجته متي ارادت وللعلم النوع ده في تزايد مستمر الهم ارحم اباءنا واجدادنا اللي واحد منهم ما يكون دخل التكل الا في حالات الضرورة القصوي وموش براه ولما جاي من برة البيت يعمل حركات ذي همهمة او شي من القبيل دة وكل شئ يرجع مكانه

طارق لطيف كتب:

طـــيب اوجـــد الفـــــارق بين الصـــور الـثلاثة دي :
1- صورة تحياتي 2- صورة محمد محجوب 3- صورة جار راجل محاسن
جــــوائز قيمـــــــة اذا وجــــدتم فرقـــا واحـــــدا ................ !!!

الفـــروقــات واضحـــــــة ... بس .. على العمـــــوم .. مافـي فــرق ...
كلهـم بيمشــوا تحـت الحـيط .. وبيخــافوا من نســوانهم ...
وبكـــــل صــراحة زي راجـل محاســن

.

الفـــروقــات واضحـــــــة ... بس .. على العمـــــوم .. مافـي فــرق ...
كلهـم بيمشــوا تحـت الحـيط .. وبيخــافوا من نســوانهم ...
وبكـــــل صــراحة زي راجـل محاســن

.[/quot

يامحمد محجوب الواضح مافاضح
لاكين بيني وبينكم انا خايف مايكون تحياتي لمن دمر حياتي ده راجل محاسن زاتو
عشان كده دخل باسم تحياتي لمن دمر حياتي

خلاص رأيكم شنو تحياتي لمحاسن شريكه حياتي

ســؤال برئي
هل ناس محاسن مغتربين ولا عايشين في الخرطوم ؟
اذا كانوا مغتربيين سوف تقاطع اي بيت فيه واحدة اسمها محاسن .
واذا كانوا في الخرطوم سوف نعلن الهجرة الدائمة حتي تعلن خلو الخرطوم من كل المحاسن .

والله يااستاذ محمد الموضوع لذيذ - نعم هناك نوعية من الرجال يمكنها الانتظار حتى تنشف حنة محاسن لكن هذا الانتظار فقط
داخل البيت اما عند باب البيت فالتأويلات والتفسيرات كثيرة جدا - انا بكتفى بأثنين فقط - واحد الراجل دا يكون غرقان فى
حب محاسن حتى الادمان وان اى شئ يصدر منه يسبب لها الازعاج ولو كان حتى مجرد النداء الانسانى بفتح الباب هو فى حكم
العصيان - ثانيا يكون هناك خلل من البداية فى معادلة الارتباط وصاحبنا كان يدرك ذلك وانه من بداية عقد القران اهم شرط
الاذعان ثم الاذعان وان شخصيته لاتسمح ولاحيلة لها فى الانفكاك - اذن النتيجة الطبيعية الانتظار ثم الانتظار لصعوبة العودة
لتصحيح المسار فقد فاته القطار 0

الكلام بقي عديل ياود محجوب .
ديل ناس مغتربين لكن مش في قطر
تقدر تقول- سعودية - امارات - كويت والله اعلم
المهم نحن في قطر الحمد لله ماعندنا ناس بنعرفهم عندهم واحدة اسمها محاسن.
وانا في رائ خلي الاسم وارمز له ب ص +

حاتم عبدالله كيري كتب:

والله يااســــــتاذ محمــد الموضـــــــــــوع لذيـــذ - نعم هناك نوعية من الرجال يمكنها الانتظــــــار حتى تنشف حنة محـاسن لكن هــــذا الانتظـــــار فقط داخل البيت اما عند باب البيت فالتأويلات والتفسيرات كثيرة جدا - انا بكتفى بأثنين فقط - واحد الراجل دا يكون غرقان فى
حب محاسن حتى الادمان وان اى شئ يصدر منه يسبب لها الازعاج ولو كان حتى مجرد النداء الانسانى بفتح الباب هو فى حكم
العصيان - ثانيا يكون هناك خلل من البداية فى معادلة الارتباط وصاحبنا كان يدرك ذلك وانه من بداية عقد القران اهم شرط
الاذعان ثم الاذعان وان شخصيته لاتسمح ولاحيلة لها فى الانفكاك - اذن النتيجة الطبيعية الانتظار ثم الانتظار لصعوبة العودة
لتصحيح المسار فقد فاته القطار 0

اشكــرك على التحـــليل الموضــوعي لي حــنة محاســـن .. وخصوصاً لســـع ما شفــــنا شمـــاراته ...
كـدي خــلينا نشـــوف الراجــل الغـــرقان دا ... وطبعاً ... دا موجـــود وكثير .. وبصراحة ايضا غير الغـــرقان .. لايوجــد
ما يمعــنه من الانتظـــــار ولو قــليلاً .. لانو محاســـن تســــتاهل ولا ما كــدا ...
ونرجــع ... ثاني من ثـانـي ...







..