اعلن وازرة المالية زيادة الرسوم علي الأسمنت المستورد الي 40% بدلا من 25% (بعد كدا الناس تبني جالوص عشان اسمنت عطبره واسمنت السلام ما ظاهر في السوق والموجود كلو اسمنت بورتلاند مصري وابوحصان واسمنت قنا)
، إضافه الي زيادة من 15% الي 25 % علي سلع الحلويات والشكولاته والسراميك والاثاثات (والحمدلله دي ما فارقه معانا برضو) ،
إضافه الي زياده 20% بواقع 100% علي إجهزه الاستقبال التلفزيوني (ودي شوية صعبوها)
، وطالت الزياده اللحوم الجاهزه (نحمدالله اللحوم رخيصه والكيلو ب20 _ 25 بس وماف داعي نجيب لحوم جاهزه وعندنا الشرموط ذي العجب )
والصلصله ( عندنا البندوره ذي وارغو )
والعطور ( نحمدو عندنا بت السودان والسرتية وعندنا عطور ماليها حد )
وادوات التجميل ( بنوتنا بعملو بن بي بيض وعندنا البن وعندنا جنا الجداد )
والغسالات ( بنوتنا بعملو آه ونص في طش تحتو لستك تركتر عديل كدا وما محتاجين غسالات ذاتو )
واسلاك الكهرباء ( هي وينها الكهربا المسنوحه دي )
واوضح وزير المالية في مؤتمر صحفي بالأمس ان حجم واردات العربات العام الماضي بلغ 958 مليون دولار تماثل قيمه صادرات السودان غير البترولية ( بالله انحنا عندنا حاجه بنصدرها ولا بنحسن بيها علاقات مع الحبش والمصريين )
، في حين بلغ ما انفق علي استيرادها في الأشهر الخمس من العام الحالي 388 مليون دولار في حين ان بالميناء 3874 عربه مستعمله بإنتظار الدخول ( بالله صدقناك منتظره الدخول قال !!! قول منتظره الدلاله او منتظره يوزعوها بيناتم !!! ياخ خمنا بي حاجه غير دي )
، ورأي ان العربات لا تمثل اولوية او ضروره حتي يحتج الناس علي زياده الرسوم عليها ( فعلا مع وفره البصات الجديده دي مافي داعي ليها )
واعلن حظر استيراد العربات من غير موديل العام ( ما تدقسو يا مغتربين وتجو بعربات اقل من عشرين عشره )
بجانب الغاء الإعفاءات علي شركات الليموزين ( شركات الليموزين دي يا ربي كانت تابعه لمنو)
بجانب منع الوحدات الحكومية من استيراد الأثاثات مع استثناء القصر الجمهوري( احم احم وقف حمار الشيخ ف
ي بوابه القصر )
نقطه سطر جديد
القرارات دي اعتبارا من الجمعه القادم
الرئيسية
