من اين جاءت عبارة ( كسير التلج )

عبارة كسير التلج هي ترجمة حرفية من الجملة الانجليزية

Break the ice

ومعنا مجازا هو تمهيد الامور او الطريق لشئ ما

وهي في الاصل معناها المنافقة او المجاملة لأرضاء الآخر

وارضاء غروره بحسب حاجتك اليه وحسب أهميته عندك

ولكن يبقى السؤال من اين جاءت عبارة كسير الثلج ؟

هي في الاصل جاءت من الكحولين القدامى

ففي جلسات الشراب يوجد دوما شخص يشرف

علي الكحول وهو دائما اقل الناس مكانة

او صاحب البيت

او العازم الناس

فبالتالي يكسر الثلج

عشان الناس تشرب وتسكر

ويضحك لهذا ويبتسم لذاك

فقط لارضاء الجالسين

طيب كسير البلح دي كيف ... يكون دكاي ولا شنو

هل كسير التلج لمن تود خطب ودها أيضا يندرج في باب المنافقة وإرضاء الغرور ياأبو بكر؟ مجرد سعال.

مشكور ابوبكر والله طبعا عارفنها بالمعني البلدي لكن تعمقت واتيت بالمضمون
يعني هسي الزول اذا لاقي ليهو زول مهم يسلمو سلام تمام واذا لاقي زول عادي يمد طرف يدو دا كسير تلج مش كدا والكسير زاتو باقي لي انواع ولا رايك شنو؟؟

طارق لطيف كتب:: طيب كسير البلح دي كيف ... يكون دكاي ولا شنو

كسير بلح عديل كده ؟؟ برضو ممكن ،، تصدق !!

د.صلاح القاضي كتب:: هل كسير التلج لمن تود خطب ودها أيضا يندرج في باب المنافقة وإرضاء الغرور ياأبو بكر؟ مجرد سعال.

أكيد لا ،، ده يندرج في باب

ابو بكر موسى حاج أحمد كتب:: ارضاء غروره بحسب حاجتك اليه وحسب أهميته عندك

جدوحسين شيخ محمد كتب:: _
يعني هسي الزول اذا لاقي ليهو زول مهم يسلمو سلام تمام واذا لاقي زول عادي يمد طرف يدو دا كسير تلج مش كدا

ياخ ده ما ياهو كسير التلج زاااااااااااااااااااااتو

دي زي
قال ليك في واحد بتونس مع واحد ،،
قال ليهو : انا ما عارف الحب البيقولوهو ده عامل كيف
المهم بعد كلام كتير
جات بت ماشه
الزول القال ما بعرف الحب قال لصاحبه:
البت دي انا بدوووره من جوه قلبي
صاحبو قال ليهو: طيب ده ما ياهو الحب زاااااااااااتو

طبعا زي ما عرفنا
ماهو معنى عبارة كسير التلج مجازا
ومن وين جات العبارة
فكسير التلج زاتو انواع
ومثال على انواع كسير التلج
كسير تلج الشعراء للامراء والرؤساء والسلاطين
واشهر كسير تلج للشعراء قديما اشتهر به شاعر مصري
والكلام ده لمن حصل زلزال في مصر ايام السلاطين
في شاعر عايز يكسر تلج فقال:

ما زلزلت مصر من كيد يراد بها ،،
ولكـن رقصـت من عدله طــــربا

شفت كسير التلج ده كيف؟؟

دا حقو تسمي تذويب الثلج !!!

زائر

وكسير الثلج ده موجود في زمنا ده بي كسرة خاصة بين المدير والموظيف عشان يمشي الحال يكسروا ليهو جنس تلج

والدنيا كلها مصالح ولا ايه يا باشه

طارق لطيف كتب:: دا حقو تسمي تذويب الثلج !!!

مشكور يا طارق على المرور والتعليق الظريف

هادية شيخ عووضة كتب:: وكسير الثلج ده موجود في زمنا ده بي كسرة خاصة بين المدير والموظيف عشان يمشي الحال يكسروا ليهو جنس تلج

والدنيا كلها مصالح ولا ايه يا باشه

فعلا والله كتر جنس كترة اليومين ديل

مشكورة يا هادية على المرور والاضافة

» حش التمر في البلد
» ارجع البلد و عش كريما
» شباب البلد فاطرين رمضان
» ناس البلد في طيبتم
» عيد الاستقلال في البلد زمان