لكل حاملات الشمارات

هنــالك عامل مشترك بين نســوان البشــر ونســوان البعـــوض
فنســوان البعــوض هم الناقــل الرسمــي للطفيــلي المسـبب لمـرض المـلاريا
ونسوان البشر هم الناقل الرسمي للشمارات المسبب لمرض الفتن والمشاكل
وبما أن الفتن والمشاكل هم نتاج الشمــارات
فبالتالي ومن المؤكد ان تتترتب على ناقل الشمارات النصيب
الاكبر من المشـاكل والهموم ولو بعد حين
وذكرت قصص كثيرة بخصوص الشمارات ونتائجها ...
وأذكر منها قصــــة المــــره الجنها شمــــــــارات ...........

في زمن السلاطين البقطعو الرقبة بالسيف
مشت لي وادي قريب من الحي ولقت بئر قديمة ومهجورة الشمار كتلها
قالت الا تشوف جوه البئر في شنو المهم ،،
مدت راسا في البئر
لقت ليك راس مقطوع بتكلم
الشمار كتلها مــــرة ثانية
قالت لي الراس المقطـوع: القطـع راسك مـنو؟
قال ليها لساني
فما فهمت مضمون كلامو
وقامت جارية للسلطان حكت القصة وكل ما شافت
السلطان قال ليها لو طلع كلامك غلط السيف ياكل راسك
وافقت ،، طبعا هي متأكدة وما بتكضب عيونها
السلطان وناس الحلة كلهم في وراها
مشو البئر لا لقو رأس مقطوع ولا لسان مقطوع
قالو يتأكدو ،،
نزلو واحد في البئر
برضو مافي حاجة
بئر عادية وفيها موية كمان
قام السلطان زعل زعل شديد
وشال ليك راسها بره
وطلب من الجماعة المعاهو يرمو راسها في البئر
عشان تكون عظة لكل مره شماراتيه
وبعد الناس مشو واتفرقو
ظهر ليها الراس المقطوع مرة ثانيه وقال ليها:
انا ما قلت ليك انو لساني قتلني
ولكن ليس لديكن الصبر يا نسوان لفهم ما يقال
سوي التسرع بنقل نص الكلام قبل إتمامه والباقي بتتمو شمارات
فانا شيطان وليس انسان
فحبيت ان العب هذه المره لعبه الموت
فانتنَ اكثر الخلق عجينةً في يدي

.

.