[b]هل تفعلينها ليلة الدخلة‏[/b]

السؤال عام لكن بصورة ادق للبنات هل تفعلينها ليلة الدخلة . الموضوع يتشكل في هذه القصة والسؤال سوف يتضح بعد القصة . واليكم القصة:-
يحكي ان عريس ليلة دخلته وبعد ان انتهت مراسم التتويج والحفلة وبقية الاجرآت التي قاربت للفجر توجه هذا العريس برفقة عروسة الي الشقة الخاصه بهم لتقضية شهر العسل .
وبعد ان وصلوا بقليل رن هاتف الزوج ودار الحوار التالي:-
الزوج:الو عليكم السلام
المتصل:-كيف ياعريس مبروكين انشالله وبيت مال وعيال
الزوج:-بطل الكلام الميت دة ليه ماجيتوا الحفلة
المتصل:-والله العربيه اتعطلت بينا وبعد جينا عرفنا انك مشيت الشقة
الزوج:-وانتو وين هسه
المتصل:- نحنا راجعين البلد طوالي
الزوج:- اتعشيتو
المتصل:-نتعشا وين ما اتعشينا لكن بنتصرف قدام
الزوج:-والله ماتمشوا بدون ما تتعشوا معاي في الشقة
المتصل:-ياخ نحن....
الزوج :- الشقة في المحل الفلاني الفلاني انا منتظركم وعلي الطلاق تجوا
وقفل الخط
بعد ان انهي الزوج المكالمة توجه نحو زوجتة وقال لها عندي اصحابي جايين من سفر وما متعشين انا بنزل السوق وبجي...طبعا الزوجة ختت في بالا يجيب عشا جاهز ... بعد ربع ساعة العريس رجع مخمخم الاكياس والحاجات وقال لي العروسه جهزي لينا العشا ..وبعد دقيقتين جرس الباب دق حوالي عشرة اشخاص ... الزوجة بدات تسب وتسخت وتلعن حظها وهي تعد في العشاء تقطع البصل واللحمة وهي لابسه فستان الزفاف وتعد نفسها ان ترجع من الصباح بيت ابوها وتطلب الطلاق .
بعد ان انفض السامر توجه الزوج نحو زوجتة ورسم علي خدها قبلة هادئة وسلمها مظروف به عشرة ملايين جنيه واخبرها انها كانت في رهان مع عشرة اشخاص ان تعد العشاء ليلة دخلتها وهي بذلك كسبت الرهان والعشرة ملايين من نصيبها.
الان هل تفعلينها ليلة الدخلة
السؤال ليس حصري علي الفتيات
دمتم بخير

تحياتي عاطف الجلاد والله المفروض الزول دوما يكون ظنوا حسن وما يخت الناس في مواقف حرجة ذي دي هسع البيت دا لو إتهدا بسبب التصرف دا يبقي المتراهنين كسبوا شنو. أري إن هذا النوع من الرهان أو قل الامتحان أساسا لا يليق. وبالرغم من ذلك فإن من توضع في موقف كهذا ولا تتفاعل بإيجابية أيضا تصرفها لا تليق.

زائر

امتحان بايخ جدا" جدا" ربما ادي الي هدم المنزل من اول لحظة اذا لم تكن العروس ناضجة التفكير ولها اعصاب حديدية

لا تجعل حياتك الزوجية عرضة للمراهنات والتحدى مهما كان الثمن ولابد ان تجعل الحياه الزوجية بعيدة كل البعد عن تلك الاشياء التى لا تعود لعش الزوجية الا بالضرر

كما اسلف الاخ عاطف ان الموضوع عباره عن قصه ... ونادر ما يحدث مثل هذا .. وبتقاليد الشعب السودانى عيب تمشي لعريس فى شهر عسلو اصلا ... ولو حصل اكيد العروس حتكتشف انو فى حاجه غريبه ...

وفى النهاية ترجع القصه الي شهامه واصاله البنت السودانية ... برغم عدم الرضاء الا انها قامت بالازم وزياده

د.صلاح القاضي كتب:: تحياتي عاطف الجلاد والله المفروض الزول دوما يكون ظنوا حسن وما يخت الناس في مواقف حرجة ذي دي هسع البيت دا لو إتهدا بسبب التصرف دا يبقي المتراهنين كسبوا شنو. أري إن هذا النوع من الرهان أو قل الامتحان أساسا لا يليق. وبالرغم من ذلك فإن من توضع في موقف كهذا ولا تتفاعل بإيجابية أيضا تصرفها لا تليق.

هادية شيخ عووضة كتب:: امتحان بايخ جدا" جدا" ربما ادي الي هدم المنزل من اول لحظة اذا لم تكن العروس ناضجة التفكير ولها اعصاب حديدية.

انتو مالكم خايفين كدا دا مجرد قصة وما احلاها ... وفيها درجة عالية من الثقة والاحترام والكرم والشهامة وياربي تجعل ذي دي من قسمتنا كلنا ...

عضـو عدد الرسائل : 54 تاريخ التسجيل : 18/09/2010

أول شئ الرهان حرام ودا ممكن سبب يخليها ترجع بيت أبوها

تصرف المرأة كان تصرف جميل حيث استقبلت ضيوف عريسها من اول يوم

الزوجة بنت حلال

تتخيل ياعاطف المظرووووف حتى الآ ن موجوود وايضا فستان الزفاف لسه ريحة البصل والتوووووم موجوده فيه (اصل الجماعه طلعوا جيرانا)!!!!!

» هل تفعلينها ليلة الدخلة
» ليلة من ذات اليالى
» عمل مجلة للعزيزة الغابة
» عريس وعروستين في ليلة واحدة