اقبل علينا عيد الاضحي فأهلا" وسهلا"

الاخوة الاعضاء من اولاد بلدي وبنات بلدي الكرام اولا" مبروك العيد مقدما" وكل الامنيات الطيبة لكم من القلب الي القلب بان يعود علينا وعليكم باليمن والخير والبركات والماتزوج يضوق الحلو والطالب نتمني له التفوق والنجاح والموظف نتمني له الاستقرار الوظيفي واعلي الترقيات

وبالمنابسة عندي شوية ونسة عن عيد الاصحي


طبعا" نحن معشر الحريم نبدا الاستعدادات لعيد الخروف كما يحلو لنا ان نسمية من دكوة وبصل ابيض زي اللبن والقهوة و غيرها من مستلزمات الخروف واجمل الزكريات عن العيد في الغابه هي موضوع النظافه وطلاء المنازل بالجير طبعا" المهمة دي بالرغم من صعوبتها تقوم بها الفتيات الي اليوم من كنس للشوارع واعدد كعك العيد يعني ناس ( البتفور والناعم والبسكويت ) ودائما" اولاد البلد في العاصمة يفضلو عيد البلد علي العيد في العاصمة لما له من لمه جميلة للاهل لذلك سمي بالعيد الكبير
فهو فعلا" كبير بمعانية وتؤدي فيه افضل العبادات الا وهو الحج الي البيت العتيق

ولي بعض النصا ئح بالنسبة لموضوع المرارة وأكلها نية معروف طبيا" انوا المعدة بيت الداء فلا تحاول ان تأكل المرارة نية فالحم النظيف ما اكثرة


وما تنسوا الشربوت ههههههههههههه بالرغم ان هنالك بعض المشيايخ متحفظين علي حكاية الشربوت دي فبلاش الشربوت البيبسي والشامبييون دي مالو

ولمن لا يعرف الشربوت هو عبارة عن تمر يخلط مع شوية بيرة + دقيق الزريعة التي تستخدم في عمل الابري


وكل عام والجميع بخير والسودان متوحد والعيد الجاي نعيد في جوبا ول رايكم شنو

[b][b]فتحتى شهيتنا بالكلام الحلو دة ..سابدا لك عن ترتيبات عيد الاضحى من زمن ناس جمال الجير و(عرب الجير)ههه هم ماااااارين وسطة الحلة وناس البيت يقولو ليك اجر الحقو قبل مايفوت ماشاء الله تشوف بنات الحلة ونساوينا نزلو الشارع ونظفوهو وحرقوا (الامبق) وكنسو(مراح حمارة الابو) الخشم الباب وكمان فى وحدة من بنات الحى تكون مشهورة بلياستة السمحة البنات يحجزوها من بدرى ويبدو لييس الحيطان بندق بندق وبعدها تشوف (الاوض) مبلطة والستاير جابو اطول واحد فى ناس الحلة عشان يدق ليهم مسامير الستاير وست البيت تلقاها كمان منهمكة ومأجرة ليها عربية تدق ليها البن والبهارات
وتشترى (البرطمالنيات) الكبيرة وتلقاها مرصوصة فى رف المطبخ بطريقة حلوة
وياااااااااسلام كمان الحلبى يجى راكب حمارو ويكورك كفتيراااااات كوااااااانين حللللللللل يقوم يطلعو ليهو كوالين الشية وكفتيرات الشاى والجبنة يظبطهم ههههه
وياااااااااااسلام ابوك يرسلك السوق يوم السبت عشان تودى سكاكين الضبح للحداد تجيبهم من هناك سنااااااان يقول ليك احفظهم فى مكان سمح تقوم تختهم فى فتحات (برج الحمام)
ويااااااااسلام تشوف البصل الابيض اشترو وتشوف الشمااااااااار جابو وتشوف الدكوة عصرو وتشوف الشطة سحنو وتشوف الليمون حلبو وتشوف المنقد يسوى طش طش طش وقاعد عليهو شيخ يكون معروف من زمان ماهر فى الطهى والجماعة قاعدين حولو وكل واحد يجى يشيل ليهو قطعة عشان يتأكد من انها نجضت ولاليسة
وماننسى كبير الضباحين تلقاهو يوجة اين تزهب الكبدة والمرارة ومعظم كلامو يقول دخلو الكبدة دية للحريم جوة ههههههههههه
وياااااااااسلام تلاقاهم لمو الخرفان اول نمشى نضحى مع فلان يهرسوالخروف الاول بشراهة يقبلوعلى التانى وتكون الطخمة فى بداياتها هههه من يلحقو الخروف الثالث تلقى الجماعة جرى لى (تحت الزيرالنقااااع ههههه طبعا الشربوت) هه
هذا قليل من كثير عن العيد فى بلادى اختى هادية ورغم بركة هذالعيد وفضائلة لكنة مصحوب بعادات وتقاليد شكلت فى وجدانا تاريخ مصحوب بزكريات لن تنسى ابدا اتمنى للجميع الصحة والعافية وان يلم شمل الاهل فى كل عيد حتى يستأنسو وينبسطو وانشاء الله السنة الجاية نعيد فى السودان ولو انو دة العيد الثانى يفوت على مالحقتو بس ربنا اكرمنا بى حجة هذا العام والحمد لله [/b][/b]

كل عام وانتم بالف خير
يعود علينا وعلي الوطن بالخير والسلام والامان

عيدكم مبارك انشاء الله تامين ولامييييييييييييييييييين

جدوحسين شيخ محمد كتب:

يـــــــــاسلام
من البلد وطين البلد وريحة البلد وعيد البلد
ويارب يعود علينا وعليكم بالصحه والعافيه والقابله علي امانيكم
مشكوره اختنا هاديه
التي ينبض قلبها بحب البلد

عيدكم مبارك عساكم من عوادة يالعيد يالعيد عود عود علينا يالعيد عود عساكم من عواده

اخي الفاضل جدو حسين الشيخ كل سنة وانت طيب ومشكور علي مرورك الطيب

الوليد عبد السلام احمد كتب:

ربنا يجع كل اعضاء المنتدى العام القادم على جبل عرفاات وماتنسوا شية الجريد

اخي الوليد كل عام وانت بخير وربي يخليلك عيالك ويجمعنا في جبل عرفات اللهم امييييييييييييييين

أسماعيل كيجاب كتب:

[b][b]فتحتى شهيتنا بالكلام الحلو دة ..سابدا لك عن ترتيبات عيد الاضحى من زمن ناس جمال الجير و(عرب الجير)ههه هم ماااااارين وسطة الحلة وناس البيت يقولو ليك اجر الحقو قبل مايفوت ماشاء الله تشوف بنات الحلة ونساوينا نزلو الشارع ونظفوهو وحرقوا (الامبق) وكنسو(مراح حمارة الابو) الخشم الباب وكمان فى وحدة من بنات الحى تكون مشهورة بلياستة السمحة البنات يحجزوها من بدرى ويبدو لييس الحيطان بندق بندق وبعدها تشوف (الاوض) مبلطة والستاير جابو اطول واحد فى ناس الحلة عشان يدق ليهم مسامير الستاير وست البيت تلقاها كمان منهمكة ومأجرة ليها عربية تدق ليها البن والبهارات
وتشترى (البرطمالنيات) الكبيرة وتلقاها مرصوصة فى رف المطبخ بطريقة حلوة
وياااااااااسلام كمان الحلبى يجى راكب حمارو ويكورك كفتيراااااات كوااااااانين حللللللللل يقوم يطلعو ليهو كوالين الشية وكفتيرات الشاى والجبنة يظبطهم ههههه
وياااااااااااسلام ابوك يرسلك السوق يوم السبت عشان تودى سكاكين الضبح للحداد تجيبهم من هناك سنااااااان يقول ليك احفظهم فى مكان سمح تقوم تختهم فى فتحات (برج الحمام)
ويااااااااسلام تشوف البصل الابيض اشترو وتشوف الشمااااااااار جابو وتشوف الدكوة عصرو وتشوف الشطة سحنو وتشوف الليمون حلبو وتشوف المنقد يسوى طش طش طش وقاعد عليهو شيخ يكون معروف من زمان ماهر فى الطهى والجماعة قاعدين حولو وكل واحد يجى يشيل ليهو قطعة عشان يتأكد من انها نجضت ولاليسة
وماننسى كبير الضباحين تلقاهو يوجة اين تزهب الكبدة والمرارة ومعظم كلامو يقول دخلو الكبدة دية للحريم جوة ههههههههههه
وياااااااااسلام تلاقاهم لمو الخرفان اول نمشى نضحى مع فلان يهرسوالخروف الاول بشراهة يقبلوعلى التانى وتكون الطخمة فى بداياتها هههه من يلحقو الخروف الثالث تلقى الجماعة جرى لى (تحت الزيرالنقااااع ههههه طبعا الشربوت) هه
هذا قليل من كثير عن العيد فى بلادى اختى هادية ورغم بركة هذالعيد وفضائلة لكنة مصحوب بعادات وتقاليد شكلت فى وجدانا تاريخ مصحوب بزكريات لن تنسى ابدا اتمنى للجميع الصحة والعافية وان يلم شمل الاهل فى كل عيد حتى يستأنسو وينبسطو وانشاء الله السنة الجاية نعيد فى السودان ولو انو دة العيد الثانى يفوت على مالحقتو بس ربنا اكرمنا بى حجة هذا العام والحمد لله [/b][/b]

اخي حاج اسماعيل فتحت شهية الجماعة وجوعتهم حقيقة اضافتك اكثر من رائعة

ومبروم الحج مقدما" وكل سنة وانت في افضل حال والسنة القادمة تعيد في ارض الوطن قول امين

اكرام الصادق الحســــن كتب:

كل عام وانتم بالف خير
يعود علينا وعلي الوطن بالخير والسلام والامان

اختي الغالية كرومة كل عام وانتي طيبة وشكرا" علي مرورك الجميل

ابوبكر عبداللطيف كتب:

عيدكم مبارك انشاء الله تامين ولامييييييييييييييييييين

اخي ابوبكر كل عام وانت بخير وان شاء الله تامين ولامين

كل عام وأنتم بألف خير وعساكم من عواده
وان شاء الله السنه الجايه ذي ماعايزين ...

حسن مصطفي كتب:

كل عام وأنتم بألف خير وعساكم من عواده
وان شاء الله السنه الجايه ذي ماعايزين ...

كل عام وانت طيب يا حسونة

اقبل العيد السعيد فالتهنئة لكم اهلى واقاربى بالغابة الجميلة من كان حاضرا فيها العيد ومن اجبرته الظروف وحرمته
وعيد خارجها وللاخوة السودانيين جميعا كذلك التهنئة وللمسلمين اجمعين0
ذكريات العيد تأجج الذكرى والاشواق لايام الطفولة والعيد فى وطنى الجميل الغابة ذلك الوطن المسمى حقيقة لامجازا
مدينة النخيل - تحضرنى وقائع تلك الايام ونحن صغارا نمضى تلك الليلة التى تسبق العيد ونحن نحتضن ملابسنا
الجديدة وفى الغالب هى جلابية وحذاء من النوع المسمى شدة فى تلك الايام وقد يكون صندل- تلك النوعية الاكثر رقيا
من الشدة والتى غالبا ماتكون من نصيب الناس الذين هم احسن وضعا من ناحية المال - ونظل نرقب الفجر الجديد
للعيد حيث ننهض من غفوتنا مع شقشقة العصافير لنشرب الشاى المميز بالكعك والبسكويت الهش0
وننطلق للمعايدات للاهل والجيران ونحن فى نشوة وفرح بالعيد وماجلبه لنا من كل جديد وفى مرحلة لاحقة انتقل عيدنا الى مدرمان تلك المدينة العريقة واذكر ازدحام الاسواق قبيل العيد وحركة الشراء
الواسعة لكننا كنا نتجه الى المحطة الوسطى امدرمان حيث سلوى بوتيك وقربها منها لشراء ملابس العيد
والانطلاق فى ايام العيد عبر مواصلات ابورجيلة الى الخرطوم وحدائق مايو انذاك وباقى مدن العاصمة0
وللعيد فى قاهرة المعز طعم خاص خاصة مدينة اسكندرية الجميلة فقط تعذبك الاشواق للاهل ولذلك
تكون الفرحة منقوصة 0
اما اجمل الاعياد وقد يتفق الناس معى تلك التى تقضيها فى مكة او المدينة وتلك المشاعر الدينية الطاغية والبشر
على اختلاف جنسياتهم وسحناتهم تمتلئ بهم الساحات - انها ايام جميلة اللهم اعدها علينا جميعا فى تلك الديار
الطاهرة0
ثم تكون خاتمة الاعياد بالنسبة لى فى العاصمة القطرية الدوحة لسنوات طويلة وذكريات جميلة تظل راسخة
حيث الاعداد لاستقبال العيد بالذهاب المتكرر للاسواق لتجهيز كل مايلزم استقبالا للعيد وذلك بمعية الابناء 0

لك التحية وكل عام وانتم بخير 0