كلام سودانيين

زائر

يقولو ليك

قاطع المنتجات الأمريكية لأنها تدعم اسرائيل.
قاطع المنتجات البريطانية لأنها تدعم أمريكا.
قاطع المنتجات الدينامركية عشان الكاريكاتير.
قاطع المنتجات الهولندية عشان الفلم.
قاطع المنتجات الألمانية لأنها جنب الدول السابق ذكرها.

و في النهاية نحن بنرسل لى بعض بعض مستخدمين اجهزة الكومبيوتر و الاتصالات والشبكة و البرامج الامريكية، و كل واحد فى بيتو مركب مكيف امريكى و سخان امريكى و تلاجة امريكية .. يعنى بس بقت على البيبسى و الشوكلاتة ولبن البودره

ويقولوا ليك تاني

عشان تحافظ علي صحتك
ما تشرب البيبسي لأنه يحتوي على مواد تنظيف و عصارة خنزير.
ما تشرب شامبوين لانو غير خالى من الكحول فيهو كم خط
ما تشرب عصائر طبيعية لانو فيها مواد ملونة
ما تشرب عصير طبيعي لأنه يأتي على شكل عصارة مركزة

يعنى بالعربى كدا الناس تشرب عرديب و كركدى و تعتمد على المريسة كمشروب روحانى

ما تأكل لحم البقر لأنه يسبب جنون البقر.
ما تأكل الجداد بعمل انفلونزا الطيور
ما تأكل سمك بعمل بواسير السمك
ما تأكل خضار و لا فواكه لأنها كلها هرمونات
ما تأكل معلبات لأنها تحتوي على مواد حافظة
وما تشرب عصير غير طبيعي لأنه كله ألوان

طيب يعني ناكل هوا؟!!!
لأ طبعا اوعك من الهوا بالذات , اساسا الهوا دا ملوث بعوادم العربات و المصانع.

ما تدخن و ما تشرب شاي و لا قهوة علي الريق
لا تأكل مباشرة بعد الاستيقاظ من النوم
اشرب ثلاث اكواب من الماء على الريق لاذابة الدهون
شراب الماء على الريق يرهل البطن
لا تمارس الرياضة بعد النوم الا بنصف ساعة

يعني أحسن حاجة انك تقوم من النوم و تنتحر

ما تخلي الموية في الثلاجة داخل علبة بلاستك لأنه مسرطنة
ما تخليها في قزاز لانو ممكن ينكسر بدون ما تعرف و تشربه و تموت.
و ما تخلية برة التلاجة لأنها ممكن يتلوث.
و اياك تشرب من الماسورة لانها ما صحية وهي اصلا ماسوره
ما تشرب موية مفلتره لأنها تسبب نقص فيتامين
و ما تشرب موية صحة لانها مكررة و فيها مواد مسرطنة.
ما تشرب موية الزير لانو فيهو طحالب
ما تشرب موية بعد الأكل بتعمل غازات.

يعنى احسن اننا نشتغل بى نظرية السمك و نشرب الماء المذاب فى الهواء

ما تتكلم علي الموبايل بدون سماعة اضان عشان الموجات بتقتل خلايا المخ
و ما تتكلم عن طريق السماعة عشان الكهربا الساكنة
و ما تتكلم عن طريق البلوتوث عشان الموجات برضو بتقتل خلايا المخ
ما تتكلم بالتلفوت الثابت لأنو ممكن يوصل الصواعق و يحرق ابو اهلك
وانت البخليك تتكلم بالتلفون اصلا شنو مادام في مكالمات بتكتل
ما تتكلم بالماسنجر لأنو بيضعف البصر

احسن حاجة انو لو عندك كلام مع زول تلاقيهو فى حبيبي مفلس و تحنكوا على راحتكم

ما تشغل التكييف بتاع العربية اول ما تركب لأنه مسرطن
وما تخلي الهوا يجي من بره لأنو ملوث
ما تلخبط الفريون بالهواء الجاء من برة لأنو بيعمل التفاف الوجه

احسن حاجة تركب مكيف موية فى عربيتك

و ما تطلع في الشمس عشان الأوزون بيعمل سرطان
واطلع فى الشمس عشان تروح البهق و تحرق الدهون
وما تطلع فى الشمس عشان ما تتلف اهداب الشبكية

احسن حاجة تطلع لمن يكون فى كسوف و خسوف بس

حيرتوووووووووووووووووووووووووونا

لو تابعت كلام الناس يعني تنتحر بس

زائر

فعلا" كثرة التحزيرات والنشرات التخوفية والواحد بقي مجهجه يتبع اي نصيحة الله يكون في العون

زائر

يعني أحسن حل ....

انه الواحد لا ياكل و لا يشرب و لا يتنفس و يركب الحمار بدل العربية و يشتغل فى فرن و يلبس ريش نعام و يرسل جوابات بالبوستة ولا الحمام الزاجل بيكون احسن!!!

» كلام جميل جدا... كلام بالصميم ....
» كلام حبوباتنا...احلى كلام
» كلام حـبوبة والســـياســة ..
» كلام الطير فى
» كلام زى الدهب