الخرطــــــــــــــــــــــــــــــــــــــــــــــــــــــــــــــــــــوم

الخرطوم تلك البقعة الرائعة التي تقع عند ملتقي النيلين واقصد العاصمة المثلثة بكل اطرافها والتي كانت منذ الاستقلال عام 1956 تلهف القلوب ومصدر سعادة كل السودانيين بما كانت تشكل في وجدان العامة وخاصة سكان الاقاليم الذين كانوا يتمنون زيارتها كلما سنحت لهم الفرصةحيث كان يتعصي ذلك لمعظم الناس لصعوبة السفر واتذكر عندما كنا صغار حيث النشأة في مدينة الخرطوم بحري المزاد كان يأتي الينا الاهل من البلد للزيارة شعثا غبرا من صعوبة السفر في ذلك الوقت لعدم وجود الطرق المعبدة الان والتي تسهل السفر حيث يصل المسافر من الغابة الي الخرطوم في ساعات معدودة نظيف الملابس لوجود السيارات المكيفة والطريق المعبد ولكن في الماضي كنا نسمع عن ضياع الناس في الطريق والموت عطشا ، ومما دعاني ان اكتب هذا الكلام لوعتي وشوقي الي الخرطوم والتي ابعدنا عنها اشياء خاصة وفي هذة الايام قلوبنا مع البلاد لما تشهدة الساحة من تغيرات جوهرية لا ندري كيف سيكون الحال بعدها وندعوا الله القدير ان يحفظ البلد من كل شر ومن حسد الحاسدين

انشاء الله تكون بلت شوقك ياأشرف...؟؟

بوركت يا اخ مجدي علي هذة الصور الجميلة لكن اتفحص الصورة الاولي هل هي من الخرطوم واذا كانت كذلك فهي تحفه فنية راقية والله يا اخي مجدي الخرطوم لها موقع رائع اذا تم استغلالة بالصوره الصحيحة واظهار جمالها من خلال موقعها المميز علي ضفاف النيل ولكن من يهتم ومن يعمل ومن عينة علي البلد؟؟؟؟

يالخرطوم يالعندى جمالك جنة رضوان
طول عمرى ماشفت مثالك فى أى مكان
كانت ايام ياوطنى
زى الأحلام ياوطنى
فى وجودى أحبك وغيابى
ياوطنى يابلد أحبابى
( اتمنى أن تكتحل أعيننا برؤية الوطن والعزيزة الخرطوم أدام الله عليها الأمن والاستقرار

الخرطوم بدو نك ضهباني وتفتش لي واحات عيونك الخرطوم
تهت في الهجائر بهات لون جبينه تتعشم تصادفك نظراتا الحنينه
تصغر بين زحامه وتصبح مامدينه الخرطوم
ربنا يرد غربتك ويبل شوقك ياقريبي

مجدي عبدالله عاصي القيد كتب:

عندما يكون التصوير من فوق من طائرة او نحو ذلك العاصمة صراحة تديك منظر ولا احلي

مجدي عبدالله عاصي القيد كتب:

انشاء الله تكون بلت شوقك ياأشرف...؟؟

دي القاهره يامجدي الخرطوم!!!!

شكرا يا زهير علي التعليق والكلمات المرصنة وانشاء الله نرجع الي بلدنا سالمين غانمين ويامجدي نحنا ما منقطعين عن السودان للدرجة دي كلها وانا بعرف كل طوبة تتبني كل يوم في السودان يعني ال tirick مامشي عليناوشتان ما بين القاهرة والخرطوم ودي حقيقة

الخرطوم وماادراك مالخرطوم انها اجمل عواصم الدنيا فمن غيرها تمر به ثلاثة انهر وجزيرة
يسمر عندها السمار ويرتاحون من وعثاء السفر - جزيرة لو ابدل ترابها ذهبا لما ارتضينا -
وماالانهار انها نهر النيل وابنيه الابيض والازرق وثلة من الاحفاد - لك التحية اخى اشرف
والاشواق للخرطوم قاسم مشترك بيننا - اللهم حقق الامانى 0

مجدي عبدالله عاصي القيد كتب:

انشاء الله تكون بلت شوقك ياأشرف...؟؟