بالله شــــــوف أزعــــاج الركشـــــــــــــات...!!

دي كلوا من التفليد الاعمي عروسنا لبسوها اللبسة الهندية والحنة اصلها من تاج محل قلنا ماشي واخيرا" ركشات الهنود تجوب شوارع العاصمة اصلا" هي خطره وقابلة للانقلاب اذا تعثرت في اصغر حجر عدا الازعاج. المفروض علي سلطات المرور نقل خدمتها من العاصمة للولايات تكون اسلم.

أخى مجدى فى ألمانيا قيمة الإنسان أعلى من قيمة شركة المارسيدس والإسكودا وكل شوارع الظلط لهذا له قدره ومقداره أما عندنا فقيمة الإنسان أقل من قيمة عادم الركشة فلا على الحكومة ولا وزيرها حرج فى ان تجوس الرقشة شوارع الولاية طولا وعرضا وحلك لا حدى ما الناس تموت بدخان الركشة وبعدين خليها على الله ..وما الناس عايزة تعيش ...قل لن يصيبنا الا ما كتب الله لنا ..ونحن ناس متوكلين وكل هذا إيراد للمقاصد الشرعية فى غير مكانها ..وقبل ايام قلت لبتاع فرن بلدى خصصوا شخص لإستلام هذه النقود المتسخة وشخص اخر لتعبة الخبز فتصدى لى زميله مستنكراً وقال لى يااااااااااااااااااااااااااخى نحن ناس متوكليييييييييييييييييييييييييييييييييييييييييييييييييييييييين وياهو دة السودان نعيش فى الحادى والعشرين بعقلية وثقافة القرن التاسع قبل الميلاد................

والله لو عندى سلطة ما اخلى ركشة حايمة فى الشارع بغض النظر انها بتعول اسر
مشاكل الركشات لا تحصى 90% من سائقيها مستهترين مما ادى الى كوارث راح ضحيتها
ابرياء وقبل يومين اربعة جثث من منزل واحد بمدنى والحادث كان فى ام درمان
بها سماعات تسمع غصبا عنك وفى اى وقت
اجمل يوم عندى يوم تكون هنالك حملة من ناس المرور للركشات الشوارع فاضية
الحمد لله على كل حال

زهير سلطان عبد اللطيف كتب:

والله صوت الركشه وانت نائم بالليل لامثيل له الا صوت (القعونجا) في الخريف

اخير القعونجه على الأقل مابتعمل تلوث وبتلقط الحشرآت.أشكرك {أبوريم} على المساهمه ...

زمن الرَّكْشَه!
آه يا زمن الرَّكْشَه...
زمن الفوضى العَمْيَا و طَرْشَا
و زمن الوَهَم العَسْكَرْ فى البلد الغَشَّه
بلاد الناس الغَبْشَا..
الناس الجاريه الدَّاقشه
شن لاحقين؟ الشُّغُل العاطل وَلَّا الأمل الطَّشَّ؟َ

و لَّا سراب المليونات و رهاب العربيات الرَّقشه؟



>