الكتـابـه علـى السيارات والـــركشـــــات...!!

(شراب الموية من يد الرجال عطش) لوعندى رقشة بكتب فيها كدة طبعا لشئ فى نفس ياعقوب ؟؟ دة راى

في واحد من عرب الجزيرة عندو هوستن قديم واتعبوا شديد كتب عليهوا(ياصاحب الجود والعطا يازيدة يا ازعطة ) راي هي تعبير عن الواقع الذي يعيشه الفرد







0

[quote="الوليد عبد السلام احمد"]في واحد من عرب الجزيرة عندو هوستن قديم واتعبوا شديد كتب عليهوا(ياصاحب الجود والعطا يازيدة يا ازعطة ) راي هي تعبير عن الواقع الذي يعيشه الفرد



شكرا" أخى الوليد للمشاركه وأشكرك على رأيك ...والكلمه الأخيره فى رأى لوكانت (يابيده)..كانت بتكون أبلغ..!!

هى فى الواقع من ثقافاتنا وتعبير عن ما بداخل صا حب العربة او الركشة مثال لذلك
يا ابنى ادريس من البوليس
سيد البلد ودى اكثر حاجة فى لوارى التراب
يالحاق بعيد تعابير كثيرة وليها معنى

ياابن عمى استاذ مجدى ... اعتقد ان المسألة فى الامر الاول تعنى التفات انظار الناس
لما يكتب من تعابير توحى لقارئها بعض التسائولات عن الشخص السايق فهذة بيت القصيد
لى اخونا كاتب العبارة الدايس الابنصى حبل ....

تعال نشوف المسميات دية لاقتك وين ؟؟ مالك رايح بعيد....

الحوار ..
قصاص الدروب..
يامعين...
البشوش..
الكلام رضاء الوالدين ..
يالله تشوفنا ...
بالنية...
الانترنت ...
التايتنك...
عنبة
قشطة ..
الهجرس..
زهرة جناين الغابة ..
البركة ...

موضوع جميل اخي مجدي

انا اعتقد تعبير او تنفيس عن مشاعر لصاحب المركبة فيهم من يكتب ادعية وايات قرانية وفيهم من يفتخر بالقبيلة يعني مثلا"( جعلي عينو حارة) ( محسي ) وهكذا وفي من يبوح بمشاعره للحبيبة بكلمات غزل وكل اناء بما فيه ينضح وكل سواق بما عنده من هواجس ومشاعر يفصح ويفضح محدش يسأل حد مثل شريط الكسيت في المركبه العامة والكفتريات صاحب المركبة يسمعك ما يريد من اغني ربة وسيرة وتراث ولا علي كيفك .

ابوبكر الشيخ الأسيد كتب:

طبعاً كل إناء بمافيه ينضح .. كل عبارة على مركبة تعكس مابداخل كاتبها ، أو صاحبها .. فمثلاً تلقى واحد إغترب كم سنة وجا إشترى حافلة أو لورى كاتب (حصاد الغربة)... تلقى واحد عندو بت أختو بحبها شديد كاتب (خال دانية) .. أو واحد بحب اللعب بالحروف ، تلقاهو كاتب (فى الليلة وراسم ديك) الله يرحم زيدان ... أو واحد مهووس ببرشلونة تلقاهو كاتب (ميــــــــــــسى يااخ) ... أو مهووس بالمريخ ، تلقاهو عامل فى ركشتو عمايل (أنظر ركشة مجدى أعلاه) ...

وهناك من يختصر قصة فى عبارة ، لاتفهم معناها إلا عندما يحكى لك القصة ، فتجد العبارة مبهمة بدون القصة .. من ذلك واحد كاتب (أنا عندى نزلة) بتاع حافلة .. سألته ، يعنى شنو عندك نزلة وإنت سايق العربية ، وكيف تنزل وتخلى الركاب .. ضحك وقال لى دى قصة طوييلة .. قال : مرة ركبت جنبو واحدة جميلة شديد وكانت شايله منديل وكلو مرة تكح ، قلت ليها سلامتك مالك ، نظرت إلىَّ وهى مبتسمة قالت لى : (أنا عندى نزلة) .. وطوالى أول مانزلت الفردة جيت للخطاط وقلت ليهو أكتب لى أنا عندى نزلة .... إنتهى كلام السواق بتاع الحافلة..

تحدثتُ معه كثيراً وقلت له إن هذه القصة لاتليق بك كرجل محترم وأن هذه العبارة تثير الإشمئزاز لدى كل من يقرأها ، وسيزداد إشمئزازه عندما تحكى له هذه القصة ، وستسقط فى نظره .. وعدنى بقسم مغلظ أنه سيمسحها بعد أن يوصل الفردة ...

هذه القصة حقيقية حدثت فى الثمانينات عندما كنت عائداً من الجامعة للبيت

ياسلالالالام عليك ياابوبكر ماتدخل فى بوست وإلا تزيده ألقاً وجمالاً.....وعاوزين نعرف من سيادتك ...رأى شرطة المرور ..فى هذه

التعليقات..ولاهم زاتهم تلقاهم كاتبين

وبالذات بتاعين المواتر....ولاتنسى الشرطه فى خدمة الشعب ...تشكراتى حبيبنا العقيد شرطه أبوبكر......

يلا يا مجدي انا عاوز اقول ليك انو حكاية الكتابة في العربات دي
بتكون زي هي ثقافة منتشرة في كتير من بلاد الله العربية ..
وغالبا بتكون تعبير عن مقصود معين ...
وفي الحالة السودانية البختة ...
وخصوصا مع التناوب الكتير للسواقين على العربية الواحدة
فان العربية بتكون خازن اسرار كتابات اكتر من سواق ..
يعني العربية ممكن تكون ارشيف كتابات سواقين وكده ...

واعجب كتابة لاقتني هي
واحد كاتب على حافلتو (( ام العيال )) ..

كل التوداد ,,,,,,,,,,,

من الكتابات أيضاً :
* الطفي النور منو
* قرد يونسك ولا غزال يزازي بيك

[b]