السفر بالبكاسى هل خطة تجربة تلك الحقبة ومع من ؟؟

صباح الخير ياناس الاكسبريس السريع وياناس قندلا وياناس سهم الشمال وياناس توحيد مكة شاى الصبح فى الخرطوم
والفطور فى الغابة مع ناس البيت ...

السفر بالبكاسى كان لة مألات وتحديات وصعوبات ومغامرات مع اشخاص عانقو الصحراء
بكل جلد وعزيمة ووضعو تاريخ ملى بالاحداث المثيرة والمغامرات الجميلة فهم يستحقون منا
تكربم بليق بهم حتى لاننسسى دورهم الكبير الذى قدموهو لاهلنا فى الغابة

اذا كنت سافرت مع احد من هاؤلا الاشاوس كيف كانت تلك الرحلة وماهى الصعويات والمغامرات التى واجهتها فى وسط الصحراء ؟؟
المعلم ..السليك
المعلم ..صلاح بروة
المعلم ..يوسف اب شرا
المعلم ..عادل فقير
المعلم قرشى على ابن عوف
المعلم ..صالح على موسى
المعلم ..صالح العوض
المعلم ..على كديس
المعلم .. كتنبور
المعلم ..ساتى كركاب
المعلم ..عادل العسكرى
المعلم ..بارقيطة
المعلم .. عصام عبد الجليل
المعلم ..عامر محجوب
المعلم ..مامون كروبى

اكيدكل منا مرة بتجربة مريرة وحافلة باحداث فى سط الصحراء بعد ان تقطعت جميع سبل النجاء والتعلق بامل الوصول
انا شخصيا مررتبتجربة عصيبة ومريرة لكن بحمد الله وبفضلة وبى حنكة السائق الحمد لله مرت بسلام بس حارويها فى
النهاية ..... يلى يامجدى اهم شى صورة بكسى وحلان فى خور عبسى

التحيه اخي اسماعيل للاسف انا لم اجرب السفر بالبكاسي ابدا
ولكني سافرت بالباصات القديمه النيسانات واكثر شئ باللواري (لوري الصادق عبالحليم ) وهو كان الوسيله المفضل لاكثر اهل ابو عكاز
وآخير سافرت عام 2009بالبصات السياحيه مع عامر محجوب

موضوع من بيت الكلاوي يا سمعة

السفر بالبكاسي متعة ومشقة في نفس الوقت

خاصتا" اذا وحل بيك البوكسي في وسط الصحراء وانزلو ياحريم وادفرو معنا وينزلوا الصاجات وموال عجيب والشمس في نص رأسك تقلي قلي ويلاقوك شفع العرب في وسط الصحراء وينادو ( كرامة الدرب كرامة الدرب ) تقوم ترمي ليهم باقي الطعام او قريشات وتقسم ليهم الموية من القرية حقت اللوري واول ما تصل امبدة يطلعوا ليك الشفع في الشارع ويكوركو وراء البكسي شمالية كناية علي الغبار الذي يغطي الملابس والابدان.

مشكور ستاذ الصادق على الاضافات الجديدة وياريت تدينا قصة طريفة مريت بيها
ومشكورة الاخت هادية على توضيحك لى بعض مزايا الرحلة ماخليتى شى بس نسيتى كراتين القرقوش والسمنة
ومشكور استاذ زهير وبقول ليك فرصة وفاتت عليك لو سافرت
كنت حتستمتع بنغمات التعشيق للمعلمين ترس تقيل وترس خفيف

ياود عمى البرعى دة اكيد سافر مع احمدالبرومة طاوى المسافات
اشك فى الحتة دية (جابو الزيبة سلام عرب قطع شك ) ورينا قصتك

الصادق ابو كتب:

والله افكارك دايما جهنمية
بالجد تستحق الاشادة يا اسماعيل
توثيق لحقبة مهمة من الزمن كانت مع صعوبتها وانها ركوب مغامرة حقيقية ولكنها حلوة تتنفس الصعداء عندما تصل
ولكن نسيت الاب الروحي للسواقين:
الصادق الحسن اسماعيل من اوائل من دخل الخلاء منذ بداية الثمانينات
وهناك أيضا :
أحمد برومة ثعلب الصحراء الذي كان يطوي المسافات في اقل من ثلاث ساعات
زاهر حسنتود
ياسر زيادة ، فقد قالوا : خلو القيادة لياسر زيادة
صلاح كتمبور

حقيقه يااسماعيل نسيت اهم وابرع ناس في السواقه برومه دا قالو كان بخش الخرطوم في ساعتين بس
واما ياسر دا لي الان الاغنيه متداوله السواقه خلوها خلوها لسياده لي ياسر زياده

ياميادة مشكورة جدا الاخ العزيز ياسر زياادة عشان قصتي معاهو قلت اوريها ليكم في النهاية بس عشمانين في
قصة مشوقة كدة زي قصة اختنا هادية

مجدي عبدالله عاصي القيد كتب:

نص عمرك ضاع ماركبت مع فيصل أمين فى الكومر ولا مع ميرغنى

محى الدين أو محمد ابصلعه..أوكومر الحلب..أيام عجيبه

أنشاء الله ماتتعاد ياسمعه ..أنا لليوم عندى آلآم فى الظهر

من كومر فيصل امين..أنت محظوظ ياأبو الزهور..

اسي مع الاسكودا يامجدي ولسان حالك يقول دع لنا القيادة واستمتع بالرحلة والله اللفت نظري للبوست دة الصورة النزلتها
بتاعة البكاسي الفي التمتام انت قوقل زي مقال حاتم سعد تكتب فار في شريط البحث طوالي يجيك !! ولا الحاصل شنو هههه