واجعنى المؤتمر ..؟؟ وواجعنى الشعبى ..؟ وواجعانى الحركة ..؟؟

يااااازول دقبقة لست من مثيرى الغلاغل السياسية بس موجعانى امور كتيرة منها

اناموجعنى وقاطع قلبى المؤتمر .؟؟ مؤتمر شنو
المؤتمر العملوهو ناس الرابطة اليوام دااااك فى وسط الحلة ..
اناموجعنى وقاطع قلبى الشعبى ..؟؟ الشعبى ياتو .؟
الشعبى الودوهو المينا ء البرى الجم السوق المركزى السوق دة ماااكبير مايحولهو بالاطراف
اناموجعانى وقاطعة قلبى الحركة ؟ الحركة ياتا ..؟
الحركة العملتة البت اليوم داااك فى الجامعة قدام الرجال دية حركة شنو دية ..

انا موجوع خلاص موجعنى الكيزان ..؟؟ الكيزان ياتم ..؟
الكيزان الشالهم الحلبى الصلاح القال عايز يصلحهم وماجابهم ..

والله انا واجعانى الحرية ..؟؟ الحرية ياتا ...؟؟
كبرى الحرية الجم الاستاذ البيدخل السجانة يعنى كيف حرية تدخل السجانة ..؟

انا وجعاني وقاطعة قلبي الجدادة


الجدادة يااااااااته؟


الجدادة التكاكي في الغابة وتبيض في القولد

واااجعنى وقاااطع قلبى الخبر المنقول ..؟؟
الخبر المنقول ياااااتو ..؟؟

الخبر البتجيبو القناة الاولى والتانية وتبثو للمشاهدين

انا واجعني وقاطع قلبي الحجاب


الحجاب ياااااتو؟


الحجاب اليصف اكثر من انو يستر

انا الواجعني والقاطع قلبي الاستفهام الاستفهام ياتو العمل الجماعه اليوم داك

انا الواجعني وهارد فشافشي وحامني النوم اولاد المصري ياااااااتو اولاد المصري في ؟

انا الواجعنى بالجد بالجد الزول
الزول ياتو
قناة زول الطول اليوم حبش حبش ما عرفناها زول ولا تسفاى

وانا موجوعة شدييد من الادارة وطنيشا للناس
الادارة ياتا
ادارة الأزمات

انا الواجعنى والحارق قلبى الكتابة:الكتابة ياتا؟ كتابة المواضيع المامنها فايدة

انا واجعنى وجعكم كلكككككككككككككككككم والزايدنى وجع انو لافى دكتور يشكو ليهو الوجع وانت وجعان يجيك واحد موجوع بوجعك ذاتو وكدى ياسمعة شوف اليدق فى الباب دا مايبفى وجعان !!!!!!!! ؟