انذار شديد اللهجة من رئيس رابطة ابناء الغابة بقطر

بسم الله الرحمن الرحيم
قرار
بما ان اجتماع الجمعية العمومية الاخير قد مددنا لنا بصلاحيات اوسع وبما علمنا ان هذا المنتدا تحت سيطرة المكتب التنفيذي عليه تم الاتي :
هذا قررنا نحن رئيس رابطة ابناء الغابة بدولة قطر الاتي :
1- القاء اشتراك اي عضو لم يذكر اسمه كامل وبصورة واضحة
2- يهمل الاعضاء المشتركين مهل اسبوع من تاريخ نشر القرار في المنتدا
3- اي عضو يتم القاء اشتراكه لن يسمح له بالدخول الا بعد المقابلة الشخصية مع المكتب التنفيذي
4- علي مدير عام المنتدا اجراء اللازم

صدر هذا تحت توقيعي
رئيس رابطة ابناء الغابة بالدوحة

اللهم انصر اهل غزة

بسم الله الرحمن الرحيم
اولا : - نشكركم علي الرد
ثانيا :- نحن لم نقصدكم ولكن هنالك بعض الناس الغير معروفيين وطبعا دي فيها مقالب
بالنسبة لموضوع الرابطة انت مؤسس فيها لانك خال مصطفي وابو مصطفي هو الرئيس لدورتين ولكن مشكلتك انو انا تقدمت باستقالتي هذا الشهر ولكن ح اكون من قيادات الرابطة ولنا نفوذ في تصريف امور الرابطة وخاصة المنتدا نحن ما ندي واحد السيطرة غيرنا المهم ماتخاف معاك احمد ومصطفي وفي حالة طلب المزيد من الدعم ناتي بخنساء ولكن خولة طبعا ممتحنا وقالت عاوزة تقراء صيدلة ولكن امها عاوزة طب لانو كل البلالاب دخلوا طب المهم نحن قلنا احسن حاجة تقراء علوم سياسية لانو امها عندها فلسفة وعاوزة ليها واحد يوقفها عند حدها وطبعا السياسيين هم الاقدر علي ذلك وان كان مصطفي الحمد لله مسيطر علي الوضع بصورة كاملة ونامل نحن ان يستمر في ذلك حتي النصر وماهو ببعيد
ثالثا : - بما انك خبير حاسوب نحن في سبيل تحويل المنتدا الي موقع نرجو ارسال مقترحاتكم

مزمل عبد الرحيم مصطفي كتب:

بسم الله الرحمن الرحيم
بما انك خبير حاسوب نحن في سبيل تحويل المنتدا الي موقع نرجو ارسال مقترحاتكم

WAD GAILY كتب:

"

ليوفر للموقع نظم الحماية

انشرها لتعم الفائدة ونبطل السخف بتاعنا

تخيل كيف يكون الحال لو ما كنت سوداني




· كنت ح تلتزم بالمواعيد

· كنت ح تدفع فاتورة المحامي أوالطبيب قريبك

· كنت قاضيت المهندس اللي خرب ليك بيتك

· كنت عملت مشروعك بنفسك دون محاكاة

· كنت بدأت دوامك في الموعد المحدد - كنت حتنطق حرف ال (ق ) و ال (غ) كما ينبغي وما كنت حا تقول للتسعة تزعة

· كنت صرت متخصص وعالم في مجالك

· كنت حتلبس شيك جدا عند خروجك أمام التلفاز وأجهزة الاعلام

· كنت تتحدث بطلاقة وإنسيابية بدون أ أ أ أ أ أ

· ولو ما كنت سودانى كنت عرفت أن باللدقيقة 60 ثانية وبالساعة 60 دقيقة وباليوم 24 ساعة وفي اليوم ممكن تعمل كذا وتنجز كذا وكنت خططت لحياتك ومستقبلك و كنت اخترت المساق التعليمي بنفسك ودرست الجامعة بالكلية اللي تناسب مقدراتك ومواهبك ورغباتك المستقبلية مش عشان ود جيرانكم اختار الكلية دى بالذات يعنى اخنق فطس.

· كنت ح تتصل بالتلفون قبل زيارة أحد في منزله بدري شويه، مش و أنت في خشم الباب، ده طبعا لو اتصلت وما جيت داخل زي قدر الله بدون حتي ماتدق الباب، وتدقو ليه؟؟مش في سلك تجرو وتدخل!!بدون مراعاة لحرمة البيت

· ولو ما كنت سوداني...كنت انتظرت دورك في الصف وخلصت معاملتك بنظام بدل الململة البتعملوها وكنت ح تنهر أولادك لما يبهدلوا ليهم بيت زول ويعيثوا فيهو فسادا وحضرتك قاعد تضحك ومتعوجب لي اولادك ورافع لي ناس البيت الضغط والسكري...

· كنت حا تتوقع بحصل شنو لما ترقد طفلك الصغير بدون بامبرز في سرير في بيت ناس!! واولادك الاكبر شوية بعملو شنو في نباتات وازهار الناس التعبانين عليها وزارعنها وراوينها بي دم قلبهم ..والطامة الكبري لو كان عندهم حوض سمك .

· و كنت ح تتردد في أخذهم معاك المرة الجاية لنفس البيت، علشان يبهدلوه مرة تانية..

· كنت ح تتردد في إعطاء رقم تلفون أو عنوان شخص ما.. دون إذنه أو حتي سؤاله إنكان عندو رغبة يتواصل مع الناس ديل أو مفهمهم انو ما عندوا تلفون من اصلو بدل تورطو وتحرجو كدة!!!.وكنت امتنعت عن السماح بجلوس طفلك الرضيع في المقعد الأمامي على حجر والده او والدته ولمن يحصل حادث . . الحبيب ياكلها لا لذنب جناهو سوي انو اهلو سودانين!!.

· كنت ح تترد في زيارة شخص ما.. أنصاص الليالي و صابح تاني يوم مدارس و عمل وتساهر بالناس وتطلع روحهم تشرب العصير والشاي ويعملو ليك العشاء علي امل انك تمشي وتخليهم ينومو وانت برضو قاعد تبرأ فيهم وما تحس الإ قبل آذان الفجر بشوية وتقوم تنكشح بعد ما الديك قرب يعوعي!!

· ولو ما كنت سوداني ...كنت ح تخلي الصغار في البيت عندما تكون المناسبة مناسبة كبار..- كنت اتونست بصوت معقول، خصوصاً عندما يكون الطرف الأخر قاعد جنبك في نفس الكنبة.. ويا حبذا عندما يكون الطرف الاخر ساكت...كنت امتنعت عن التدخين في منزل شخص آخر، او على الاقل استأذنت قبل ما تولع

· كنت ترددت في ارسال حاجات وزنها خمسة كيلو وما فوق مع كل من تسمع بأنه ماشي السودان...كنت رجعت القروش الاستلفتها في وقتها, أو في الحقيقة رجعتها و بس.

· كنت امتنعت عن زيارة احدهم في مكتبه، للونسة او مناقشة امور لا صلة لها بالعمل

· كنت خجلت من عدد المسكولات التي تعملها، مش كمان تقول 'شنو يا فردة, خمسه مسكولات ما ترد عليها؟ والله الفيك اتعرفت'..

· كنت حا تقعد فى صالون الناس بدل تلوص فى البيت كلو.

· كنت ح تبطل التحشر فى خصوصيات الناس وتعمل الحالة واحدة وتدى نفسك الحق تسأل اى سؤال يخطر فى مخك ( لو كان فى يعنى)

· كنت ما حا تمشي مستشفى الولادة وتقعد تحقن النسوان الفى العنبر كلهم واللللللللللله عيب كبير يا سودانيين اصلا ما شفت غيركم بتحاوم فى عنابر الولادة وكمان معاها هرجلة وإزعاج ..اصلا انتو البوديكم شنو مستشفي الولادة؟؟ عشان تودو نسوانكم اوكي آمنّا بالله طيب اقعدوا في الاستقبال لزومو شنو الحوامة في العنابر يعني حبكت تباركو للام .. استنو لمن تطلع في البيت أما لو كانت اختك او زوجة اخوك يا ريت الزيارة تكون من طرف الاوضة وتتوكل علي الله ..

· ولو ما كنت سودانى كنت بطلت تطلع بالعراقى والسروال والسفنجة وراسك مكشوف وصوتك يجيب الطاش.

· لو ما كنت سودانى ما كنت اكلت ميراث اخوانك الصغار واستوليت على بيت ابوك لى يوم يبعثون عشان بس انت الكبير!!



· ولو ما كنت سودانى كنت إبتكرت فى خريطة بيتك بدل تشف حقت صاحبك بالكربون وكنت استثمرت فى حاجة غير الركشة !! ومحلات الاتصالات !!

· ولو ما كنت سودانى كنت عرفت وين ترمي السفة وكيف تتخلص من الأكياس والأوراق والنفايات،

· ولو ما كنت سوداني كنت عرفت تسوق سيارتك في خط مستقيم،

· ولوما كنت سوداني كنت قدرت تجعل من السودان بلد بيهو نعتز،

· ولو ما كنت سودااااااااااانى ما كنت سقت معاك كتيبة وانت ماشى المطار وما كنت عملت الضوضاء والغوغاء العجيبة البتعملوها فى المطارات ولابسين الجلاليب والبراطيش وراسكم كاشف وفي احسن الاحوال لابسين طاقية ويوم تحبو تقشرو تلبسو مركوب نمر يقزز .. ونسوانكم معنكشين بى دهب البيت كلو ولابسين الاحمر والاخضر والترتر وزفة الوان ما شوفناها حتي في اعتي صحن سلطة ده غير شباشب الظار البرتقالي والليموني وهلمجرا وشفعكم يكوركو ويتساككو ده غير التحنيس والدناءة عشان يمشو ليك الوزن !!!

· ولو ما كنتو سودانين كنت قعدتو محترمين فى الطيارة وما قرفتو المضيفات بي الطلبات والاصوات والمشية والجية والهمجية وبكاء الشفع والشنط والكراتين والصفايح الداخلين بيها الطيارة والاصوات العالية والجلاليب الشربانة وما كان نسوانكم غيرو التياب فى الطيارة وما كنتو فكيتو الاحزمة ووقفتو قبل الطيارة تنزل..

· لو ما كنت سودانى ما كان ممكن تدخل فى زول شمال وتقول ليهو راتبك كم؟؟؟؟

· ولو ما كنت سودانى ما كان ممكن تفكر انك تمشى عرس بتاع ناس وتقيف بكل بجاحة تصور العروس بى موبايلك وانت ما بتقرب للعروس ولا حتى بى حواء وآدم بدون ما تسأل نفسك منو الاداك الحق ده في إختراق خصوصيات الناس ومنو السمح ليك تدخل وتتعشي وتصور!!!! .

· ولو ما كنت سودانى ما كنت طلعت من شغلك ولمدة ثلاثة ايام وسبت المراجعين يتبهدلو عشان حبوبة جار جاركم ماتت عن عمر يناهز المية وشوية والبكا جاى خبر من الشمالية.. والمراجعين برضو لو ما كانو سودانيين ما كان سكتو عن حقهم وكل يوم يمشو ويجو المؤسسة عشان موضوع تافه ما بياخد اكتر من عشرة دقايق!!!

· لو ما كنت سودانى كنت استفدت من غربتك وأمنت مستقبل اولادك وقدمت استقالتك ورجعت بلدك بي كرعينك مش بالصندوق..

· لو ما كنت سودانى ما كان كل يوم جاييك تلفون رسل وجيب وحول عشان هم يقعدوا ياكلو فى حقك لا شغل لا مشغلة ويشتغلو ليه؟؟كفاية عندهم سودانى مغفل زيهم يرسل بدون تفكير ..

· ولو ما كنت سودانى مستحيييييييييييييييل تدى اخوك يبنى ليك بيتك وترجع بعد خمسة سنين تلقاو لسة ما حفر الساس ولو سألتو عن القروش الحولتها طول السنين دي يزعل منك ويخاصمك ويعملها حكاية طويلة وعريضة ولو ما كانو اهلك زااااتهم سودانييين ما كان غلطوك وطلعوك انت الكعب!!وجبروك تسكت عن حقك وطلعت من الموضوع بي ازمة نفسية!!

· صدقنى لو ما كنت سودانى كانت حياتك مشت بى اريحية ونظام ورااااااااحة كانت مجاملاتك حا تكون حلوة وفى حدود المعقول بدل كل يوم جاري ولاهث من بيت لي بيت في الفارغة والمليانة!!.

· كنت نمت لما تحب وتصحى لمن تحب..كنت انت القررت مشروع زواجك بمن تحب بدل القبيلة كلها تقرر معاك..ويجزمو بأغلظ الإيمان انو فلانة هي البتناسبك !!!عرفو احتياجاتك كيف؟؟ميولك كيف؟؟طلبك كيف؟؟ انا ما عارف!!!!!.

· كنت سميت اولادك الاسماء البتحبها مش البختاروها ليك عمك وجدك ونسيبك وتقوم الدنيا وما تقعد لو ما سميت ليهم الاسم الدايرنو ويسلبوك ويسلبو الام ابسط الحقوق انها تسمي الكائن الكانت شايلاو تسعة شهور وتعبانة فيهو ده!!!

· كنت استمتعت باجازتك وبى وقتك وحياتك بدل كل واحد يديك الفتوي الفى دماغو..لو ما كنت سودانى كنت حا تكون سييييييييييد نفسك وووووووووووووووووووووووووووووووووووووو.



**********************



الرجاء إضافة وجهة نظرك....





كنت حسنت اسلوبك شوية ..وقلت كلام حلو (إضافة ومشاركة)



الله لو ماااااااااااااااكنت سوداني (امنية عزيزة)



كنت ارتحت من المجاملات الاتلفت اعصابي دي (احلام يقظة)



كنت خليت اسلوب الامر والنهى (مشاركة)





كنت اهتميت بى اولادك اكتر من الضيوف يا زول "إضافة"



كنت استمتعت بى ماهيتي برااااااااااااااااااااااااااااااااااااااااااااي " واحد موجوع"



علي الطلاق بالتلاتة لو ما كنت سوداني كنت رجعت السودان !!!!!!!!! "أفهموها براكم"



لو ما كنت قشراني ما كان ضغطي ارتفع من مناظر القشرانين المبهدلين البشوفهم في الشارع (واحد قرفان)



لو ما كنت سوداني كنت ارتحت من القناة السودانية المشغلاها مرتي ليل ونهار وكنت ارتحت من الالوان النارية بتاعت المذيعات واهم حاجة كنت ارتحت من المذيع الاسمو اساااااااااامة الخليفة((واحد مستاءءءءءء من تلفزيون السودان))



يا أبو الشباب اسامة الخليفة برااااااو؟؟؟وايمان ......... ((استغفر الله العظيم)) وغيرهم وغيرهم والهبل بتاعين فرق الكوميديا القايمين ليهم في عباطة جديدة ديل والاماكن الاعبط البصورو فيها والوساخة وعربات الكارو والركشات ووووووووووووووووووووووووووووووووو الوجع كتيييييير((واحد ممغوس))





كنت حا انوم في سريري!!!ما تستغربو !!! طول الوقت كان معانا ضيوف مأخدين سريري "واحد مغيوظ"



كنت..... ولأ مافي داعي.(واحد خواف)



كنت ح تهتم بمظهرك وإنت حايم فى الشارع مبهدل ومنظرك لا يوحى لأى شخص بإحترامك "إضافة"







(الأخ السودانى الكريم..... لو تذكرت أى عيب فينا أرجو إضافته مشكوراً لا لكى نفضح أنفسـنا و لكن لكى نرى أنفسـنا بوضـوح و شـفافية )

السلام عليكم ورحمة الله وبركاته اخوتي ابناء الغابة بالدوحة لقد كنت متابعا بكل المواضيع التي تكتب في هذا المنتدى وكله طيب ومشرف واحي الجميع على ذلك واني اليوم اطلب من الاخوان رئيس واعضاء المكتب التنفيذي لرابطة ابناء الغابة بالدوحة ان ليشتشعرو بالمسؤلية وجمع الشمل واحياء الرابطة الى سيرتها الاولى حتى لا تذهب ريحها والى الامام جميعا 

mohmdalsheikh كتب:

بسم الله الرحمن الرحيم والصلاة والسلام علي اشرق الرسلين سيدنا محمد عليه افضل الصلاة واتم التسليم وبعد:
اسمحوا لي اخوتي وابنائي ان احيي ابننا معاويه علي هذه اللفته البارعه واثارة هذا الموضوع الحساس انني والله العظيم لم اعجب بموضوع اثير في هذا المنتدي مثل اعجابي بهذا الموضوع الذي نحن بصدده الان
هل منكم من أحس بالحرج وهو يطرد من عنابر النساء وهو يتجول كالتيس وسط النساء وعلي مرئي ومسمع من جميع الجنسيات .لقد حدث هذا في الامس القريب ونحن نتجول داخل عنابر النساء الوالدات حديثا كالتيوس ارجو المعذره علي هذه التسميه الغير جميله : انا عن نفسي وليشهد الجميع انني منذ حادثة الامس قررت عدم زيارة اي نفساء سواء اكان ذلك في المستشفي او في منزلهم االعامر اعني النفساء وليس المنزل طبعا واتمني ان لا يلومني احد بعد اليوم اذا امد الله في اعمارنا ولم اقم بمثل هذه الزيارات واتمني ان يعمل الجميع بهذا المبدأ ويبتعد عن عنابر النساء وليس هذا فحسب فكل ماجاء في مساهمة ابننا معاويه انما هي سلبيات يجب التخلي عنها وبسرعه شديده جدا: انني اعلم ان هذه امور متجزه فينا ويصعب التخلي عنها ولكن لا بد مما ليس منه بد
وتحياتي لكم جميعا

أبصم على كلامك بالعشرة يا باشمهندس
وأزيدك بأنني لم أتذكر آخر مرة زرت فيها امرأة والدة لطول العهد
وانقل كلامك هذا لجميع السودانيين بالداخل الخارج وأخص من هم خارج البلاد لاختلاطهم بجنسيات أخرى تستغرب مما نفعل وتتضايق
وكذلك يجب التخلي عن اشياء كثيرة وعلى رأسها مصافحة النساء وقلت هذا في موضوع ( هل تخجل من ذكر اسم زوجتك )

أروع ما قرأت منذ إشتراكي بهذا المنتدى ... وبعد إذنك بنسخها لأن سيئآتنا كلها جاهزة وملمومة في حتة واحدة عاوزة واحد يكوشها بالجملة لو يقدر.... فلك التحية يا معاوية....

موضوع: رد: انذار شديد اللهجة من رئيس رابطة ابناء الغابة بقطر الجمعة 24 سبتمبر - 14:55

--------------------------------------------------------------------------------

السلام عليكم ورحمة الله وبركاته اخوتي ابناء الغابة بالدوحة لقد كنت متابعا بكل المواضيع التي تكتب في هذا المنتدى وكله طيب ومشرف واحي الجميع على ذلك واني اليوم اطلب من الاخوان رئيس واعضاء المكتب التنفيذي لرابطة ابناء الغابة بالدوحة ان ليشتشعرو بالمسؤلية وجمع الشمل واحياء الرابطة الى سيرتها الاولى حتى لا تذهب ريحها والى الامام جميعا
وينك يا رااااجل ......