العنقــــــــريب مالـــــــــــــو.......

انظر حولك ودقق جيدا ممكن تعمل من الحبة قبة وممكن حاجة بسيطة تمر بيك تسوي منها قصة كبيرة
ممكن ابسط المشاعر تعبر عنها بي طريقتك وتوصلها لينا بي طريقة تخلينا نشاركك فيها
الكتابة في العنقريب ممكن نقول عنها من النوع السهل الممتنع
لكن احذر من انك تكتب عشان تكتب بس لانك بالطريقة دي ما حا ترضي نفسك ولا حا ترضي الناس وحا تكون كتابتك
استجابة لإغراء الكتابة فقط ولا حا تستفيد ولا تفيد غيرك
أنا شخصيا الكتابة في العنقريب علمتني ارتب افكاري واقدر اصوغ من فكرة بسيطة موضوع متماسك ومقنع إلى حد ما
انت عارف العنقريب دا عامل زي الورشة او زي مدرسة تجريبية كبيرة
والبشجعك اكتر انو ناس العنقريب مستعدين يتقبلوا جميع الافكار وبساعدوك انك تعبر عن فكرتك بدون ما يحسسوك انك
غير محترف فن الكتابة لاننا كلنا هنا بنحاول محاولات ممكن مرة تصيب ومرة تخيب لكن المهم اننا في الآخر نستفيد ...{منقوووول}

العنقريب مالو يا مجدى
داير تكتب عن العنقريب
داير تكتب وانت قاعد فى العنقريب
داير تستمد افكارك من العنقريب المدرسة القديمة المتجددة وتستفيد من احتلاله لموقعه بالرقم
من وجود الجديد المبتكر
او00000000000000

محمد ميرغني عبدالرحمن كتب:: العنقريب مالو يا مجدى
داير تكتب عن العنقريب
داير تكتب وانت قاعد فى العنقريب
داير تستمد افكارك من العنقريب المدرسة القديمة المتجددة وتستفيد من احتلاله لموقعه بالرقم
من وجود الجديد المبتكر
او00000000000000

ههههههه عنقريب جدى عدلان المنسوج من جلد البقر..البودر وجع الضهر ...شكرا"لك أبوحميد على المرور والتعقيب..

العنقــــــــريب مالـــــــــــــو....... 4025_1264694450

العنقــــــــريب مالـــــــــــــو....... 4025_1264694450

زائر

اكيد البكتب وهو قاعد او راقد في العنقريب حيكتب كلاما" تقيل وكلاما" سمح بالحيل كلام عن حبوبه وعن يمه وعن ويابا وكلاما" تفوح منه كل روائع الزمن الجميل

ياخوي العنقريب دا انا جدي وصي ابوي عليهو وابوي وصاني عليهوا وانا بوصيكم عليهوا ابقوا عشرة عليهوا.

عنقريب الجودية
صلوا على النبى يا جماعة واقعدوا على العنقريب تقعد الناس فى العنقريب وتحلحل مشاكلها
العنقريب الهبابى
منسوج من الحلفا وسعف الدوم تجده تحت الرواكيب والبرندات وامام الدكاكين من غير فرش
عنقريب الحنة والجرتق
يزين بالاحمر والبرش والملايات لحنة العريس
ومازال العنقريب يحتل مكانته فى البيوت بالرغم من وجود الاسرة الحديثة بمختلف اشكالها ومسمياتها

هادية شيخ عووضة كتب:: اكيد البكتب وهو قاعد او راقد في العنقريب حيكتب كلاما" تقيل وكلاما" سمح بالحيل كلام عن حبوبه وعن يمه وعن ويابا وكلاما" تفوح منه كل روائع الزمن الجميل

ياخوي العنقريب دا انا جدي وصي ابوي عليهو وابوي وصاني عليهوا وانا بوصيكم عليهوا ابقوا عشرة عليهوا.

وبالزات لمن جدنا شيخ عووضه يكون بيشرب فى الأغلى من الدهب...وخالف رجل على رجل بمزااااااج...التحيه لك اختى هاديه على المشاركه ..بدبك الغافيه..

محمد ميرغني عبدالرحمن كتب:: عنقريب الجودية
صلوا على النبى يا جماعة واقعدوا على العنقريب تقعد الناس فى العنقريب وتحلحل مشاكلها
العنقريب الهبابى
منسوج من الحلفا وسعف الدوم تجده تحت الرواكيب والبرندات وامام الدكاكين من غير فرش
عنقريب الحنة والجرتق
يزين بالاحمر والبرش والملايات لحنة العريس
ومازال العنقريب يحتل مكانته فى البيوت بالرغم من وجود الاسرة الحديثة بمختلف اشكالها ومسمياتها

والله ياابو حميد شباب اليومين ديل العنقريب ده مابعرفوا أسمه ويمكن ماشافوه ولو شافوه مابيكونوا قعدوا فيه....الغلطه غلطة منو...بعد شويه هو زاتو حايختفى ...

وماشى فى انقراض بسبب الدخيل السراير الصينىه والأثاثات المودرن الله يستر.....

العنقريب راقد تحتو ابريق ومتكى عليهو فركيك ابو شعبتين وجمبو مركوب بقر قطع جنينة
وبين الكراب بتاعو فى صرار دلقان فيهو كم جنيهات كدة وفى اخرو راقدة حقة التمبااك
وفي النص العنقريب مرخى عامل شكل غوص بى الله ويامين يقوم جد هادية كرب كرب
يامجدى اشترى ليك عبسيقة حبل خلى سالم القدال سنسجو ههه
يااخوانا معزرة ماابقى خرمجتة فى التعبير لكن اصريت انى اكتب تعليقى دة كدة ماعارف لية ؟؟

الشكر الجزيل للاستاذ مجدى على هذه الافادات القيمه وبجد اضفة معلومه جديده لى . تحياتى،،،،،،،،،،،،،،،،،

وياكوووووووووووووووووووووووز لو فى امكانيه تترجم يكون افضل لانى مافهمت شيئ. تحياتى،،،،،،،،،،،،،،،

أسماعيل كيجاب كتب:: العنقريب راقد تحتو ابريق ومتكى عليهو فركيك ابو شعبتين وجمبو مركوب بقر قطع جنينة
وبين الكراب بتاعو فى صرار دلقان فيهو كم جنيهات كدة وفى اخرو راقدة حقة التمبااك
وفي النص العنقريب مرخى عامل شكل غوص بى الله ويامين يقوم جد هادية كرب كرب
يامجدى اشترى ليك عبسيقة حبل خلى سالم القدال سنسجو ههه
يااخوانا معزرة ماابقى خرمجتة فى التعبير لكن اصريت انى اكتب تعليقى دة كدة ماعارف لية ؟؟

هههههههههه الله يجازيك ياسمعه زمان كان بيفتلو الحبال من العشميق والحلفا ...والجماعه بيسحنوا نواة البلح بى أصبعين..ويعوجوا الريال بتاع زمان مش الريال السعودى البيطبق..؟

وين سالم القدال حليل أيامه....أظنو نسى نساجه العناقريب زمااان؟؟

وتعليقك جميل جدا ومافيه اى خرمجه ...ده اسمه طق حنك يا ابوحنك ياكووووووز....

nissren al tiab salah كتب:: وياكوووووووووووووووووووووووز لو فى امكانيه تترجم يكون افضل لانى مافهمت شيئ. تحياتى،،،،،،،،،،،،،،،

يابحــثيــة .... ؟؟ اقصد يالباحثة عن تراث الاهل الموضوع كلو بيتكام عن العنقريب والحاجات الملازمة ليهو نبد الحصة ونشرح اصلو انحنا
فايدتنا شنو لو ماورينا اخواتانا عن مسميات بلدنا ولا المنتدى ماحيحتوينا تانى نحنا حلفنا قسم للكيزان اقص حلفنا نورى ونوضح الحاجات الفاتت
الناس ( المصارين البيوض ) دية ياربى عايذة شرح مااعتقد المهم نبد نشرح ليك الكلام القلبك تفهميو وركذى لانى مش حأعيد تانى
1/ الابريق ... هو ماعون للماء يستعمل عند اهلنا وجدودنا للصلاة والوضوء ويختوهو اما الفروة عشان الكديسة ماتقطع الصلاة وكدة
2/ اما الفركيك ابو شعبتين ....هذة عصاء يستعملها كبار السن للتوكع عليها وتلازمهم اين ماارتحلو وعادة تصنع من الطرفى والسلم وعرق الطنضب
3/ اما المركوب قطع جنية .. .. هذا حذا كان يلبسة جدودنا ومازال الى اليوم لكن تم تعديل من شكلة ليواكب العولمة والجلابية ام فكو وصنوع من جلد البقر
4/ صرار الدلقان دة يعنى شبيهو اسى فى الزمن دة مايعرف بحاجة اسم ( الجزلان )
5/ اما المصيبة فى حقة التنبااك دية نشرحة ليك كيفين ياخى اصلو ماسمعتى بحاجة اسمة سلطان الكيف ولا مالاقتك يافطة مكتوب عليها
( اولو مافاطر ماتخاطر ...؟ ) ولا اسم محل اسمو الجمهورية للكيف ولا نورى ولا ولا اسحاق
5/ العبسيقة نعنى بيها الحبال القاعدين تجيبوهم من المقااالق البتربطو بيهم كااارتين القرقوش يعنى زى السلفاب وكدة
ياخى والله حصة من بيت الكلاوى [/b][/color]

أعجبت بهذا الشرح الوآفى الكافى...

صرة الدلقان التى تحولت ،ألى جزلان ومن ثم ألى بطاقه صراف آلى أنتشر

فى كل مكان.{الصره والدلقان} دى ياسمعه عاوزه شرح..يديك العافيه يامبدع...

العنقــــــــريب مالـــــــــــــو....... Atm

العنقــــــــريب مالـــــــــــــو....... Atm

العنقريب فى القيساب وجنب كراعو البطارية للمبيت وحراسة المحصول وبالنهار يكون متكى على عود النوريق
معلقين فيهو سعن الموية
عنقريب الهوليقة يكون مربوط اعلى النخلة وموصل بحبال معلق عليها علب(كشكوش) حتى النخلة الاخرى
وواحد راقد عليه ويهز العلب لطرد الطير من العيش

التحيه لي جاد كريم صانع العناقريب.

العنقــــــــريب مالـــــــــــــو....... 4

العنقريب سرير شعبي يتم إعداده من الحبال ، والبعض يصنعه من الجريد، ويسمي عند النوبيين "انقري ويقال أن اسمه تم اشتقاقه من هذه المفردة ، كما يقال أن اسمه مأخوذ من العقرب ، إذ إن هذا النوع من الأسرة لا تطاله العقارب مع انتشارها في هذه الأماكن الجنوبية : الصحراوية خاصة ، كمايسمي عند قبائل البجا في الشرق بالسيداب. وكان العنقريب قديما من أثاث الملوك ، لكنه كان يزخرف بالعاج والأبنوس والذهب ، ومن آسف أن هذا النوع من الأسرة قد بدا في الاختفاء كصناعات وحرف شعبية كثيرة ، لكنه يعود في بعض البلدان كمظهر سياحي بعيدا عن وظيفته الأساسية ، فيستخدم كنوع من الديكور بشكل متحفي ، والعنقريب يستخدم ويصنع في جنوب مصر أيضا ، فالباحث الطيب محمد الطيب يتغمده الله بواسع رحمته يؤكد في رسالته للماجستير أن: العنقريب صناعة سودانية أصيلة ونيلية، وإذا نظرنا إلي الآثار المروية والآثار القديمة نجد فيها العنقريب، وهو ليس دخيلا. وأصل كلمة عنقريب من شمال السودان ،فكلمة "انقري تعني السرير باللغة النوبية، وحرفت إلي أن أصبحت عنقريب واستعملت في كل مناطق السودان المختلفة، وقد كان يصنع من أربعة قوائم ويجلد بجلد البقر أو الإبل.
وقد استعمل العنقريب منذ قديم الزمان، ومن الشواهد علي ذلك في عهد السلطنة الزرقاء أن سكانها يستخدمون العنقريب أو الكراب.
وفي عهد السلطنة الزرقاء والتركية زخرفت عناقريب الملوك من العاج والأبنوس والذهب ودخل عنقريب الحديد الكبير من مصر، واستطاع السودانيون تصنيعه من الخشب. وبنفس الشكل كما استعمل أثرياء وحكام السودان عنقريب الصندل في مختلف العهود. وقد كان يستخدم في حضارة كرمة للدفن الجماعي. وقد وجد بحالة جيدة مدفونا في باطن الأرض مع هياكل لحيوانات وأدوات فخارية. وشكل السرير غريب بعض الشيء عن الأسرة والعناقريب المستعملة حاليا، وله أرجل علي هيئة أرجل البقر مغطاة بالذهب الخالص. وقد كان السرير أبو عمدان يحتل مكانة كبيرة عند تجهيز أثاث العرس مع ملحقاته الداير بألوانه ورسومه ، وزخارفه التي تسمي الكوبيات وناموسيته الكبيرة ، لكنه سرعان ما اختفي أمام الأسرة الحديثة ليعاود الظهور مرة أخري في شكل سياحي ولوظيفة غير التي ظهر في البداية من أجلها .+

منقـــــــــــــووووول

عصام فتح الرحمن سالم كتب:: التحيه لي جاد كريم صانع العناقريب.

عليه الرحمه والمغفره....بقدر ماأوفى واعطى....

جدوحسين شيخ محمد كتب:: العنقريب سرير شعبي يتم إعداده من الحبال ، والبعض يصنعه من الجريد، ويسمي عند النوبيين "انقري ويقال أن اسمه تم اشتقاقه من هذه المفردة ، كما يقال أن اسمه مأخوذ من العقرب ، إذ إن هذا النوع من الأسرة لا تطاله العقارب مع انتشارها في هذه الأماكن الجنوبية : الصحراوية خاصة ، كمايسمي عند قبائل البجا في الشرق بالسيداب. وكان العنقريب قديما من أثاث الملوك ، لكنه كان يزخرف بالعاج والأبنوس والذهب ، ومن آسف أن هذا النوع من الأسرة قد بدا في الاختفاء كصناعات وحرف شعبية كثيرة ، لكنه يعود في بعض البلدان كمظهر سياحي بعيدا عن وظيفته الأساسية ، فيستخدم كنوع من الديكور بشكل متحفي ، والعنقريب يستخدم ويصنع في جنوب مصر أيضا ، فالباحث الطيب محمد الطيب يتغمده الله بواسع رحمته يؤكد في رسالته للماجستير أن: العنقريب صناعة سودانية أصيلة ونيلية، وإذا نظرنا إلي الآثار المروية والآثار القديمة نجد فيها العنقريب، وهو ليس دخيلا. وأصل كلمة عنقريب من شمال السودان ،فكلمة "انقري تعني السرير باللغة النوبية، وحرفت إلي أن أصبحت عنقريب واستعملت في كل مناطق السودان المختلفة، وقد كان يصنع من أربعة قوائم ويجلد بجلد البقر أو الإبل.
وقد استعمل العنقريب منذ قديم الزمان، ومن الشواهد علي ذلك في عهد السلطنة الزرقاء أن سكانها يستخدمون العنقريب أو الكراب.
وفي عهد السلطنة الزرقاء والتركية زخرفت عناقريب الملوك من العاج والأبنوس والذهب ودخل عنقريب الحديد الكبير من مصر، واستطاع السودانيون تصنيعه من الخشب. وبنفس الشكل كما استعمل أثرياء وحكام السودان عنقريب الصندل في مختلف العهود. وقد كان يستخدم في حضارة كرمة للدفن الجماعي. وقد وجد بحالة جيدة مدفونا في باطن الأرض مع هياكل لحيوانات وأدوات فخارية. وشكل السرير غريب بعض الشيء عن الأسرة والعناقريب المستعملة حاليا، وله أرجل علي هيئة أرجل البقر مغطاة بالذهب الخالص. وقد كان السرير أبو عمدان يحتل مكانة كبيرة عند تجهيز أثاث العرس مع ملحقاته الداير بألوانه ورسومه ، وزخارفه التي تسمي الكوبيات وناموسيته الكبيرة ، لكنه سرعان ما اختفي أمام الأسرة الحديثة ليعاود الظهور مرة أخري في شكل سياحي ولوظيفة غير التي ظهر في البداية من أجلها .+

منقـــــــــــــووووول

الرائع جدو أكملت أطار وبرواز العنقريب بهذه المعاومات الثره ..وكدى أخذ ليك جمه فى عنقريب جدك ده وواصل لنثر دررك..يديك العافيه...

انت تعال ده ياهو جدو العمل الحلقه مع عمنا عبدالله عاصى القيد؟؟
لو هو بتين حنشاهده؟؟

عصام فتح الرحمن سالم كتب:: انت تعال ده ياهو جدو العمل الحلقه مع عمنا عبدالله عاصى القيد؟؟
لو هو بتين حنشاهده؟؟

يـــــــــاهو زاتو وحبابك الف ياعصام فتح الرحمن ابن عمنا الاستاذ الجليل واخونا الرائع احمد فتحي ولا انا غلطـــان
الحلقه ستشاهدون حلقات عديده في مقبل الايام عن الغابه باكملها حواريها وازقتها وناسا الطيبين واساتذتنا الاجلاء
متحدثون عنها بس البرنامج هنالك جدوله له والي الان مازال في المونتاج
لاسباب فنيه خاصه تأخرت عمليات المونتاج وسنعلن عنها عبر المنتدي حين البث

عصام فتح الرحمن سالم كتب:: انت تعال ده ياهو جدو العمل الحلقه مع عمنا عبدالله عاصى القيد؟؟
لو هو بتين حنشاهده؟؟

ياهو زاته بى شحمه ولحمه .....ويارائع عاوزين صوره بدل القمريه .....ولو عاجباك خليها تحت الصوره..

العنقريب مالوا ياشباب...

والله أنا خايف يطلع لينا وآحد من شباب اليومين ديل اللى بيلبسو..

سستم داون و....ويقول لينا
العنقريب ده ....إسم تفصيله .. جديده ولاتسريحه جديده..ولاعربيه

هامر.... موديل جديد...