الرسول يا ود عمتي كان بتدور راحتي وجمتي رسل لي في الخرطوم اللجي

زائر

الرسول يا ود عمتي كان بتدور رحتي وجمتي رسل لي في الخرطوم اللجي

الطباخة تسوي الطبيخ وجمعة جمعة نزور الضريح يا يمه

شوف جمال النيل والخرطوم بالليل

ياالخرطوم يالعندي جمالك جنة رضوان طول عمري ما شفت مثالك في اي مكان

كل هذه المقدمات لموضوع يظل عالق بذاكرتي وهو اول زيارة للخرطوم كانت رغبة السفر للخرطوم لا تفارقني ليل نهار وجننت الوالد جن بتين يا ابوي انا ازور الخرطوم وبلغ بي الامر ان

اخذت غلاف احدي المجلات الخليجية وبها صورة مدينة خليجية قلت للوالد الخرطوم زي دي قال لي يابتي كان الخرطوم زي دي نحنا المقعدنا في البلد شنو المهم الوالد كان عندو اسبوع زيارة

للخرطوم وقال جهزي نفسك عشان تسافري معاي صراحة طرت من الفرحة وقعت اكلم زول زول واجتمعن زميلات الدراسة في المنزل لوداعي وهاك يا حق اللبن من الاهل والكل يوصي

اعملي حسابك وانتي تقطعي الزلط واعملي حسابك من الحرامية والنشالين وهذا اكثر ما خوفني .
المهم جاء اليوم الموعود وسافرنا واول ماوصلنا امبدة ابوي قال لي الخرطوم المجننا بيها ياها دي صراحة لما رايت السكن العشوائي وحمير الكارو تجوب الشوارع اصبت بصدمة وقلت للوالد

بلدنا احسن رجعني البلد ولم ابتسم الابعد ان قطعنا الكبري وظهر ت ساقية منتزة المقرن العائلي يادوب فرحت المهم قضيت اسبوع جميل واخذني الوالد الي حديقة الحيوان ومنتزة المقرن العائلي واكلنا الايس كريم ابو شعلة وحلاوي قطن وانبسطت اخر انبساط.

وعت للبلد ومعي البوم صور لجميع الاماكن التي زرتها وحضرن صديقاتي لزيارة وقعت اتبختر امامهم بالملابس التي اشتريتها من السوق الشعبي و في الاسبوع دا اتعلمت لي كم كلمة

من كلام ناس الخرطوم واول ماناس البيت ينادوني اقول اااااااااااااااااي جاية امي تتغاظ مني وتقولي بالله شوف البت في اسبوع خشمه اتعوج دي لو قعدت شهر تسوي شنو يا بت لما اناديك قولي ايوه جاية تجيك الكشة وماباقي لي شئ الا ان اقول ليهم مالكم ماعملتو لي كرامة وضبحتوا لي خروف الجية.

اكيد لكل واحد زكريات مع اول زيارة للخرطوم تفضلو ا احكو من غير خجل . مافي واحد بيقول عليكم اهل العوض .

اختنا هادية امانة لما شفنا الخرطوم اول مرة خلونا (نهنق ) زى الحمير.. للقصة حكاية جااااامدة بس امشى واجيك صادى تانى

زائر

أسماعيل كيجاب كتب:: اختنا هادية امانة لما شفنا الخرطوم اول مرة خلونا (نهنق ) زى الحمير.. للقصة حكاية جااااامدة بس امشى واجيك صادى تانى

راجنك يا سمعة تصد تاني وتورينا حكاية ( الهنيق ) دي شنو

التحية لك اختنا الرائعه هـاديــــه...

أنا حااديك مشوار عكسى لانو أساسا" كنا ساكنين الخرطوم ...

أختنا الكبيره وهى تأتى من أبوظبى محمله بكميه من الشنط ،التى تفوح

منها رائحة المغتربين المميزه آنذاك ...توجهنا ألى السجانه وبعد،

أنتظار طويل وتربيط عفش،وأنتظار الركاب وصفافير البص المميزه تسمعها

من بعيد وحركة المساعد وهو يقوم بتسخين البص ويدوس كم مره على الجاز

وبعد تربيط شبكة العفش تحرك البص الى أمدرمان عن طريق شارع الغابه

قبل السادسه والنصف ميعاد قفل الكوبرى.....

وصلنا أمدرمان بعد معاناه فى الكوبرى.. وكان الكوبرى الوحيد من الخرطوم

لأمدرمان..

أنتظر البص مده طويله من الزمن لتستيف عفش الركاب الذين تم حجزهم من

أمدرمان....

بعد مرارات الانتظار تحرك البص ألى سوق ليبيا والطريق ألى سوق ليبيا

لم يكن معبد أومسفلت ..مما أشعرنا بطول الطريق...

وصلنا سوق ليبيا وأنتظرنا فتره طويله لاكتمال أجراءات البص... والتمام

على موية القرب والجاز وشراء الفول والتسالى والسمسميه من قبل الركاب

وأنطلق البص مودعا" الخرطوم،وبعد فتره من الزمن وصلنا البيوت اللى بعد

سوق ليبيا....وسألتنى أختى ماوصلنا...فى هذه اللحظه أطلقت ضحكه مدويه

كانت مسار حديث كل البص ..بعد أن عم الشمار كل ركاب البص ...

الرسول يا ود عمتي كان بتدور راحتي وجمتي رسل لي في الخرطوم اللجي 26204431672

الرسول يا ود عمتي كان بتدور راحتي وجمتي رسل لي في الخرطوم اللجي 26204431672

زائر

تشكري اخي الفاضل مجدي علي اضافاتك الكريمة ونحن معاك لحدي سوق ليبيا وشكلها الحاكاية عندها بقية

لك التحيه موضوعك جميل
اول زيارة لي للخرطوم كان سنة 84 وحينها كان عمري اقل من عشرة سنين ولم اتذكر من تلك الذيارة الا بعض الشئ واكثر ماكان يثير استغرابي لبن بطانه في الكيس واعجبتت بالمنتذهه
اذكر سنة 1991 عندما رحلنا من البلد للخرطوم بي لوري الصادق عبد اللحليم واول مادخلنا امبدة كان محمد اخوي صغير جدا لفت انتباهه حمير الكارو وصاح بصوت عالي (الله خلقكم شفتو الحمار يسو كارو)
طبعا في ذلك الوقت لم يكن في كارو في البلد الا الحصين اجلكم الله

زائر

تشكر اخي زهيرر سلطان علي المرور والاضافة الكريمة

صراحة توقعت تفاعل اكثر من الاعضاء مع الموضوع الحاصل شنو كلكم شفع بندر ولا شنو ادخلو ادخلو اكتبو عن تجربتكم ومافي احلي من الريف ولو سألوكم انتو من وين المفروض تقدم بلد المنشاء علي محل الاقامة يعني ممكن تقول للسائل انا من الشمالية الغابة لكن ساكن الرياض او المنشية .

قالو في الخرطوم البت تسوق عربية

يالله بتين ازور الخرطوم

لا لا يا قروية

لا لا يا قروية

والله انا جيت الخرطوم صغير بس ما عارف عمري كان كم
بس بذكر كان في مسلسل لولو الصغيرة والليث الابيض
نخلى اولاد الخرطوم يورونا ده كان سنة كم
واول ما جيت كنت شايف الناس يتابعوا المسلسلات المصرية والله قدر ما حاولت افهم لي كلمة واحدة من كلام المصريين غلبني
وكنت بشوف كلامهم جقمسه
والشيء الكان مدهشني ومحيرني كانت دعاية لا ركو في التلفزيون وكانت الجزمة تطلع من جوه الكرتونة براها وانا مستغرب كيف ده يكون

تخريمه
عندنا واحد في البلد ماشاف اي شيء بس يسمع الناس يحكو عن حاجات وهو شايفها خيال خيال
بعد ما سمع الناس قام طلع كبريته من جيبه قال ليهم (والله انا ما محيرني شيء غير الكبريته دي تقولها كدي تقولك شخ

)

زائر

اضافة اكثر من رائعة اخي صديق حسين

وشكرا" علي الصراحة والمرور الكريم

ههههههههههههههههههههه تسلم الاخ صديق حسين لكن زولك دا شكلو شايقي
ولك الود

الرسول يا ود عمتي كان بتدور راحتي وجمتي رسل لي في الخرطوم اللجي Wdkrom)%20(442)%20(Small)

والله كما زكــــــر الاخ صديق انو هو من المحظوظين لانو ســــــــافر صغير بس الصراحه سمحه انا سافرت عمـــــــــري كبير جدا تغريبا في المرحله الثانويه
وكــــــانت سفره صعبه جدا جدا ازكر السفر كان بي بص ابراهيم درار شموم الخليل تحركنا الساعه تسعه صباحا وحوالي الساعه خمسه مســــــاء لم فينا سيل اطرينا نبيت في الشارع
واليوم البعدو ماشنو كلو في السكه وجينا الخرطوم حوالي الساعه العاشره مســاء طبعا الشئ الوحيد اللفت انتباهي الاضواء وازكر جينا بامام فندق الهلتون والانوار الجميله
والله وبكل صراحه وبالرغم من اني اول مره اجي لم اجد مايدعو الي الحيره والدهشــــــه ىسوي كثره الناس والضجيج
وكنت اري ان هنالك استحاله في اني اتعلم المواصلات
ولكن الي الان لا اريد الخرطوم ولا ضجيجها والبقول الخرتوم خرتوم الســـــــرور يبقي ماعرف السرور وين
والخرطوم ماشفته ابدا فيها راحه بال بل تعب وجري وشقاوه فايتا حدوده
مشكوره ياهاديه علي الموضوع

زائر

جدوحسين شيخ محمد كتب:: والله كما زكــــــر الاخ صديق انو هو من المحظوظين لانو ســــــــافر صغير بس الصراحه سمحه انا سافرت عمـــــــــري كبير جدا تغريبا في المرحله الثانويه
وكــــــانت سفره صعبه جدا جدا ازكر السفر كان بي بص ابراهيم درار شموم الخليل تحركنا الساعه تسعه صباحا وحوالي الساعه خمسه مســــــاء لم فينا سيل اطرينا نبيت في الشارع
واليوم البعدو ماشنو كلو في السكه وجينا الخرطوم حوالي الساعه العاشره مســاء طبعا الشئ الوحيد اللفت انتباهي الاضواء وازكر جينا بامام فندق الهلتون والانوار الجميله
والله وبكل صراحه وبالرغم من اني اول مره اجي لم اجد مايدعو الي الحيره والدهشــــــه ىسوي كثره الناس والضجيج
وكنت اري ان هنالك استحاله في اني اتعلم المواصلات
ولكن الي الان لا اريد الخرطوم ولا ضجيجها والبقول الخرتوم خرتوم الســـــــرور يبقي ماعرف السرور وين
والخرطوم ماشفته ابدا فيها راحه بال بل تعب وجري وشقاوه فايتا حدوده
مشكوره ياهاديه علي الموضوع

تشكر اخي جدو علي اضافتك للموضوع
وزي ما قلت شن بنسوي بالخرطوم كلها دوشة وضجيج والداير راحة البال يشد الترحال علي الارياف

بالله شوف منظر البص ده الناس كلها تتونس وتضحك من الصباح حتى المساء..

كان بيتعاونو لما الباص يوحل ويرموا الصاجات للبص ...

وياكلو الزواده مع بعض ...تعاون تاااام

وشوف موية القربه الفيها ريحة الجلد المدبوغ بالقرض...

وأعمل مقارنه مع البصات الحديته كل زول ماسك جريده وبيتصفح فيها

ولاكلمه مع الزول القاعد جنبه....

والبقيه ضاربه الكندشه و....خخخخخخخخخخخخ..أصح وصلنا الغابه.التخر يمه كانت من بوحات لأم الحسن....

» في صحيفه آخر لحظه العدد 1327 يوم الأحد 18_4_2010
» باى باى الخرطوم
» مطار الخرطوم الدولى الجديد
» عجايب الخرطوم منقول
» الصادق أبو فى مطار الخرطوم....