لا لسحب أوحزف عضوية أختنا ساره ...

بالله عليكم العنوا الشيطان واستعيدوا مواقعكم انتن نوارة المنتدى ورحيقهاالدفاق, بكن نفرح ونسعد وتكتمل صورة الاسره, وبكن تبتر روعة المنتدى , اخواتى نسترجاكم بالله ان تعفو بعضكم بعضاو لابد من الرجوع ولاتحرمونا من مساهماتكم الفعاله.

و حلة النعيميه حرقت ياساره, ومجدى حالف طلاق ما يدخل ايدوا الا تعملى لينا واحده تانيه مشتركه مع نسرين. والجوع كتلنا.

جدوحسين شيخ محمد كتب:

الاخوات العزيزات،،،،،،،،،،ساره ونسرين
ماعهدناكم هكذا وعلي ايه الخلاف الموضوع لايستحق،،،،،،،مشاركاتكن جميله ولا تخطؤها عين
وغير كدا انتو ناسين الدم والقرابه البتجمعكم ولا ايه؟؟
رجـــــــــاء مني وممن سبقوني ارجو ان تعودو كما كنتم
لنسمو ونرتقي بمنتدانا وايد علي ايد نجدع بعيد

عين العقل ياجدو ...كلنا أصلنا وآحد ودمنا وآحد ....أرجعوا..أرجعوا

لك التحيه اخي مجدي ومافي داعي للزعل وكلنا اخوه واولاد بلد
وانا صراحه ما شايف اصلا في خلاف من اصلو
نرجو منكم العفو والمسامحه

بعد كلام الاخ مجدي الجميل دا عن الزعل مافي كلام

الزعل مرفوض ياسروره

والاخت نسرين اعتزرت والمسامح كريم

وبعدين انتي زعلتي من نسرين ولا مننا عشان تحرمينا مشاركاتك

رجائا" عودي وعوضينا عن غيابك اليومين اللي فاتوا كم موضوع كده.

يا عوض وين ام احمد, قوليها نحن قاعدين فى الديوان وما قدمتو لينا اى حاجه رغبة الشربات ده ماشفناه.

السلام عليكم حسب وعدي لكم والله من امس بتكلم معاها لحدي مازعلت منها بس قالت حلفت المهم هسي هي صايمه تتم الثلاثه يوم بتاعت الحليفه واليوم الرابع موجودة معكم اخواني
تقبلو اعتزاري ولكم الود والتقدير

اكان كدى نقوم نسوى النعيميه ده للفطور, يا عوض تعال شيل الصينيه.انت يا مجدى شوف ليك ساندوتش بتاع فول.
يا جماعة الخير عايزين وساطه زى ده لنسرين, نتمنى يا نسرين ما تحتاجى لوساطه ونتوقع منك المشاركه لاكتمال الصوره.ولكم منى التحيه مقدما.