كدي وصف لينا بيت جدك زمان

بيت جدي كان عبارة عن مبني قائم من الجالوص الخالص وباب الحوش باب خشب تقيل وعندو مفتاح من الخشب تقعد تكركب تكركب لحدي ماتتعب عشان يفتح ولكن جدي كان خبرة في فتحوا مجرد ما يدخل المفتاح يفتح معاهو وكدي ادخلو لي جوة الديوان سبعة اباريق نحاس مرصوصة في مدخل الديوان ومصلاية مصنوعة من جلد الخروف ريحتها غرض غرض ومزيرة تصطف

فيها الازيار المصنوعة من الفخار في منظر جميل والمطبخ في وسطو عود مرق يسمي الامين يحمل باقي الاعواد ودوكة رثلاث ادايات وشنطة قران تضع فيها البهارات ام اوضة النوم

عبارة عن عنقريب مرق وتحتو عكاز جدي وحقت الصعوط وفردة بيضاء للغطاء ومصحف كبير وصندوق يسمي السحارة داسي فيهو جدي القريشات والاوراق المهمة وفي وسط الحوش
شجرة نخيل عملاقة وجنبها قوقة الجداد لحدي هنا كفاية طب بس خلاص .

دى صـــــــورة جــــدى..



ودى مستشــــفى جــدى....





وده كبـــــرى جـــــــدى...

أمابيت جدى فقد أزاله زلزال.....

مشكور علي الوصف ياو د ا خوي عبد الله علي حسب علمي بك انك مكينة ضخ هائلة في المعلومات
الثرية وتحريك المنتدي باروع الحانك وصدق حديثك كنت يعني حابي انك تتكلم في لب الموضوع عشان تكتمل
روعة موضوعي بي طلتك بس مامشكلة قبلت وصفك ياود اخوي وميزيدا من الابداع لولاك لاصبح المنتدي يخيم
علية الروتين القاتل انا سعيدة بان المنتدي كسب واحد زيك مزيدا مزيدا مزيدا

بيت جدك ناقص القسيبه وبرج الحمام والتكل ماشفنا المعلاق والغبره (كباية الشاى) ولا عنقريب العده وقلة العجين ديك اسما شنو والبسديك.

ويا مجدى ما شفنا شارع جدك.
ولا خايف من الشايقيه لما الجعلى قاليها ده شارع المك نمر قالتلو ده الجرابو؟.

الاخت نوال وباقى العقد المنظوم من الاخوة الاجلاء كان لابد ان تكللوا جهودكم التراثية فى ايجاد وسيلة لتوضيح كل هذه المسميات الجميلة
ووصف تلك الحالة بذلك الزمن الجميل لاخواننا وابنائنا من الجيل الجديد حتى تزداد عرى الماضى بالحاضر ونضعهم فى تلك الصور الراقية0
ولكم اعزائى كل الشكر لتنشيط ذاكرتنا بما مضى من حلو الليالى والايام فى هكذا اماكن خالدة فى الذاكرة 0

مجدي عبدالله عاصي القيد كتب:

عصام فتح الرحمن سالم كتب:

بيت جدك ناقص القسيبه وبرج الحمام والتكل ماشفنا المعلاق والغبره (كباية الشاى) ولا عنقريب العده وقلة العجين ديك اسما شنو والبسديك.

دى القسيبه ياعصام للناس الماشافوها...






وده بــــــرج الحمام...







المشلعيب أو المعلاق.....












ودى صــــــــــوره كاملــــــــــه لبيت جـــــــــــدك....

الله ينصر دينك اخوي مجدي الرسول الصوردي من قوقل ولا من سحارة جدك تشكر يا ود امي علي هذاالمجهود الجبار تقريبا" غطيت الموضوع وما خليت حاجه

ما قصرته وما خليت لينا حاجه نسال منها والعافيه مبارياك يا رائع.