بنحب من بلدنا ما بره البلد

زائر

من خلال متابعتي للبرنامج الهايف افراح افراح لاحظت زواج السودانين من الخارج سورية مصرية برازلية

الحصل شنو السودانيات شن عيبن ؟

وبعدين وين راحت الغنية الجميلة:

بنحب من بلدنا ما بره البلد

سودانية عاشق ود بلد
بعيونا المفاتن شئ ما ليهو حد

**************
التوب المهبهب في ام ضفائر

والخد المعطر زي احلي الازاهر
والخطوة الانيقة ترنيمة مشاعر

انا بي كل عمري بمشيلا وبسافر
***********************

مين في الدنيا دية اجمل من بناتنا

الليهن قلوبنا وفيهن صفاتنا
الكامنات في روحنا والعيشات في زاتنا
***************************

في حلفا البداية أحلامي وهنايا
انا عايش لحبي المخضر برايا

النافرة الاليفة بجروحي وهنايا
***********************
انا لي في كريمة شايقيا بشلوخا

نعتز بصفاتا ما بنجهل تاريخا

ماها المابية ريدتي ومو ياها المسيخة

*****************

في شندي العظيمة تلقي بنات جعل

وحدات في المتة زي لون العسل

النايرات خدودن زي فجر أطل

*********************
في سنكات بنعشق بت سمرة وابية
ترتاح في الضريرة خصلاتا الغنية
عاشت في شعوري احلي هدندوية
الواردات جدودن في الجود والشجاعة
البظهر جمالن من زمن الرضاعة

سودانية مية الميا في زوقا وطباعة
يا ناس ارحموني انا قلبي في رفاعة
لو تلقطنا اليانعة السمحة ونضيرة
تستني الحليوة في مشية اميرة

اجمل حب عندي في قلب الجزيرة
***********************
لي في الغرب اغيد في دار حمر والبقارة
نحميها بسيوفنا تفاحنا ونضارة
تسكرنا الليالي وتطربنا النقارة

كدي قولي لي يا نوال شنو في السودان ما اتغيير ؟
الناس بقت تجيب ليها تقليعات عجيبة
كمان الزواج من خارج الحدود تقليعة جديدة ما في ليها اي معنى
المحافظة على النسيج الاجتماعي ضرورية

زائر

غايتو دي ياها القرضمة العورة
شيل البطارية في القمرا

الزواج من اجنبية فى الغالب مبنى على مصلحة معينة خاصة الشباب فى اروبا وامريكا واستراليا فلسهولة الحصول على الجنسية والعمل يتزوج الشباب من هذة الدول ولا يفكر الشاب كثيرا على ما يترتب على هذة الزيجة من مخاطر فيما بعد فلا ينظر الى حل الى مشكلتة الحالية ويتم الزواج بفرح وينتهى فى الغالب بطلاق ومحاكم والسبب الرئسى هو اختلاف الثقافة والعادات والتقاليد والقيم .
فتظهر المشاكل بعد انجاب الاطفال فالزوجة تريد لابنائها ان ينشؤا على ثقافتها وعاداتها والزوج يريد ان ينشا اولادة على ما ورثة وهنا يحصل التصادم والاختلاف وينشا الاطفال مشتتين لايعرفون اى ثقافة يتبعون وفى الغالب يتاثرون بثقافة الدولة التى ينشاون فيها وهكذا يكبر الاطفال ويكبر الشخص ويريد ان يستقر فى وطنة السودان ويجد معارضة الزوجة والاطفال ويوضع فى مفترق طرق اما ينسى وطنة ويقضى بقية عمرة معهم او يفارقهم ويتركهم ويذهب وحيدا ويكون قد كبر فى العمر وهو فى امس الحوجة الى ابنائة لمساعدتة فى شيخوختة .
لذلك يا اختى نوال فلا اجمل من يتزوج الشاب من وطنة خاصة عدم الزواج من الوطن تزيد من نسبة العنوسة

نوال احمد درار كتب:: الحصل شنو السودانيات شن عيبن ؟

الـعــولمــــــة ..
تتعــد الاســـــــباب ....
بـس ....كيف يكـــون الحـــال .....

https://alghaba.yoo7.com/t1734-topic

.

محمد محجوب كيري كتب:: زواج الـســـــــــــــودانيـــــــــات من الاجــــــــــانب ..

عــــــــادي انك تصحــــى الصــــباح و تلاقــــي في الجــــريدة خــــبر بيقــــــــول :

تزوج فــــلان الفلاني من الحســــناء فــــلانة الفــــلانية وسط جــــو من الفــــرح و البهجــــة و العشــــا الما كفــــى الضــــيوف

خــــــــبر عــــــــــــــــــــااااااااااااااااادي جــــدا

لكن انك تصحــــى الصباح و تفتح الجــــريدة و تلاقــــي خــــبر زواج الحســــناء الســــودانية من جــــورج ولد ام جــــورج البريطــــاني

ده خــــــــــــــــبر ما عــــــــــــــــــــاااااااااااااااادي

زمان كنا نادرا ما نسمــــع انو بت ســــودانية عرست ليها زول غير ســــوداني .. ولو حصل و سمعنا بنكون مستغــــربين جدا

حسي الشي ده بقى يحصــــل عــــــــااااااااااااادي .. وفي فترة قصيرة جــــدا سمعته بخــــبر زولة بعرفها ســــودانية اتزوجت كنغــــولي ..

و واحــــدة اتزوجت يمــــني .. و اختهــــا برضو اتزوجت جنســــية عــــربية تانية

و بعدها واحــــدة اتزوجت تركــــي ... وواحــدة جــزائري ...

و بعدها برضو واحــــدة اتزوجــــت روســــي

و اخر شي واحــدة بنت ناس اكـابر ... اتزوجــــت اللورد فــــلان الفــــلاني ..

يعني السوداني بقى ما برضي طمــــوح الفــــتاة الســــودانية في هذا الزمــــن ............ ؟

>

ان ارتباطك بابنة وطنك واقترانك بها يوفر لك الشعور
بالأمن النفسي والأمان ....
وهو أفضل بكثير من الأرتباط بالأجنبية ..

لأن هذا سيؤثرعلى
الأطفال وسلوكهم والدين والعادات والمعتقدات كلها تؤثر على الطفل ..
ولا ننسى احساس الطفل بالدونية وعقدة الأحتقار .... والولاء العاطفي تجاه أمهاتهم مما
يعرضهم لسوء التوافق مع المجتمع وقيمه وعاداته ....

في دراسة لسلبيات الزواج من اجنبيات تبين منها ان الأبناء من أمهات مواطنات يكونون
أكثر شعوراً بالسعاده مع الذات واكثر انتماء للأسره والمدرسه والوطن ..

قال تعالى : ( والله جعل لكم من أنفسكم أزواجا وجعل لكم من أزواجكم بنين وحفدة ورزقكم
من الطيبات )

من تزوج محسية فقد دقس دقسه قويه
ومن تزوج شايقيه توقف عقله وقفه ابديه
ومن تزوج جعليه فقد افتقد الحــــــــــــــــــنيه
ومن تزوج حلبيه عاش عيشه وهميه
ومن تزوج دنقلاويه نزعت منه الانسانيه ..
.ومن تزوج حلفاويه انسته عقيدته الاسلاميه
ومن تزوج رباطابيه كتمت فيه كتمه قويه.
. ومن تزوج دنكاويه فهي مأساة حقيقيه ,,,
,, لذا لا تتزوج سوداااااااااااانيه ....
وانا متزوج يوغنديه هديه ورضيه
لا ممصلحه فيها ولاجنسيه
طلباتامحدوده حب ورومانسيه
لاتوب رساله ولا سرتيه
ولا دهب ولا غرفة نوم فوق الطاقه والمهنيه
ولا تزاكر سفر لامى لانجب بطريقه هنيه.
ولا ختان ينقص من الحياة الزيجيه .
ويانوال ياسودانيه طلباتك مروعه وخرافيه
وورقةالطلاق تحت البوابه الخلفيه.

من يعرف قيمة السودانيه لايمكن ابدا ان يتذوج من اجنبيه مها كان السبب

تزكرت المللوج الذى كنا نشارك به فى الدورات المدرسية
عرست واحدة اجنبية
لهفت فلوسى وضحكت عليا
لا طرحة لا توب فى راسا
تقول فى مدفع فى مداسا
الديمة فى السوق كواسا
انا زى كديسة تأشر ليا
خمسين جنيه للريحة
خمسين حلاقة وتسريحة
خمسين جنيه...
وايجار البيت للكلب لعبة ومرجيحة
ولدت ولد سميتو احمد
لمن رجعتا لقيتو طونى
فلتعيش بلادى وتدوم ليا
بل تعيش السودانية

زائر

شكرا" لكل المتداخلين

الصادق ابو
هادية
جمال حسين
محمد محجوب
مجدي عبدالله
عصام فتحي
زهير سلطان
مواهب عبد العزيز
شكرا" علي المرور الكريم

وفي رايئ انو السودانية مافي زيها
المحننة المدخنة المعجنة زي عجوة المحس
والاجنبية شنو المعفنة دي لو اتكلمت ريحة خشمة ترمي الطير من السماء _ غايتو بس ياها سماحة جمل الطين

... العـادة هي السمـة الغــالــبة ...
لكـن احـيانا .. ما يحـدث خارجهــا يصــبح شـئ ثاني ..
ولذلك .. زواج السـودانية من اجـنبي .. اغـرب من زواج السوداني من اجـنبية ..
لمـاذا .. هذا هـو مربط الفـرس ..

.

» مرحبتين ...بلدنا الغابـــــــــــــــه...
» مصطلحات من بلدنا
» ناس البلد في طيبتم
» حش التمر في البلد
» شباب البلد فاطرين رمضان