الكـــــــــــــــــــــــــــلام ..... الحضــــــــــــــــــــور

والله مافي اي مــــــــــــــــــــــــــــــــــــــــــــــــزاج للكتابة .... والسبب انو الهلال خرب مزاجنا بهزيمة ما عندها اي معنى من فريق الاهلي شندي الابن الشرعي (العاق) للهـــــــــلال ... لكن ياها كورة القدم بس دي اكيد ابوبكر الشيخ يكون حضرها رغم انها مافي الخرطوم ولامتلفزة في قووون القناة ... لكن بعد ده كلو مشى جاب الراديو وغير حجارتو من العصر ... وقعد وخته كباية الشاى جمبو ...اهـــــــــــــــــــــا كده كويس؟؟؟ ...كمان انا امبارح كنت مشجع ريال مدريد ودي ماتكلمو بيها زول .... هسة عليك الله في زول نصيح كدة بشجع ليهو فريق يلعب ضد برشلونة .. يعني هزيمة (للريال وللهـلال) الله يجازيكم يا (مورينهو وميشو)

السبب التاني في خراب المزاج كنت امس مساهر في المطار ... وفي الحتة دي انا ما عارف سر انو الطيارات دي مابتسافر الا بعد منتصف الليل ليه؟؟ يعني كان ماشى تستقبل زول او تودعه معناها سهرة للصباح ... وكان ما ودعتو في المطار الله قال بيقولك وكان ما استقبلتو فانت محروم من هداياه وعطاياه وربما الب عليك القبائل وهجاك الشعراء ... سبب آخر وان كان فرعي الا انه ساهم بشكل اوباخر في خراب المزاج وهــو بعوضة تطير امامي بصورة استفزازية للغاية وكل ما احاول ان افتك بها تختفي ولا اجدها .... ثم تعاود مــرة اخرى فعلتها هذه

المهم اصبحت المعادلة كالاتى:

سهر + هزيمة الهلال + بعوضة = خراب المزاج

هذه المعادلة السودانية... كافية لان اكف عن الموضوع الاساسى الذي كنت اود ان اتناوله واستعوض عنه بذكر الملابسات والحيثيات وانقلكم الى الاجواء السودانية الخاصة هذه بدلا من ان اسجل غياب عن المنتدى ومستندا في ذلك على قصة جدنا المحب الذي كان يحرص على تسجيل اسمه في كشف الاعراس حتى ولو لم يكن مساهما ماديا ...مطلقا عبارة صارت مثلا سعــــــــــــــدابيا( الكلام الحضور)

دة حضور ونصراف ورفع التمام وابقي مارق الغشوة خفيفة

انابرشلونى على السكين ومانيو على السيف اما اهلى شندى ده فريق اجدادنا وليلتك كانت منيله..ياخوى

ده كلام طيب القحـــــــه ياودعمى ولا صمة الخشم ...والمره الجايه خلى جنبك ناموسيه مشبعــــــــــه...

والله كمان ذكرتنا الوآحد ممكن ينزل موضوع عن الباعوض

شكرا للذين مــــــــــــــــــروا علينا واليوم نزلنا الموضوع الاساسي