وجدتها .. وجدتها ... وجدتها

عندمـــا اكتشف ارخميدس نظرية الطفو في القصة الشهيرة خرج عريا يهتف وجدتها ... وجدتها ... وجدتها ...
وخلال الفترة الماضية اعيتنى الحيلة في معرفة كيفية انزال الصور .. خاصة وان بوست (لمن هذه الصوره) التوثيقى تعرض لمشكلة في انزال الصور ... وعرفت من الكثيرين انهم يملكون صورا نادرة وتواجههم نفس هذه المشكلة ...
والآن اعلن لكم انتهاء هذه المشكلة بحل مستورد من امريكا عن طريق الاخ حاتم سعد الذي بدورى اشكره ... واقدم لكم صورتي ضمن الصور التى انزلتها اليوم ( في اول ظهور علنى لي ) بجوار المرحوم باذن الله محمد صالح كيجاب ... طبعا في ناس ما بكونوا شافوني .. وقايلنى ازرق زي عصام... طبعا صورتى لابس هدومي ما زي ارخميدس
ساقوم لاحقا بتعريفكم بالطريقة المستوردة دي (مجاني) ما داير منكم قرش ولاتعريفة ... ساقوم بذلك بعد البث التجريبى .. فى انتظار تعليقاتكم على الصور ... تفضلوا بالدخول في بوست
لمـــــــــــــــــــــــن هـــــــــــــــــــــــذه الصــــــــــــــــــــــــورة؟؟؟؟؟؟؟؟
---------------------------------------------------------------------------------------------------

واله يا كمال اخوب
انت ربنا فك ليك اميتك بي فك الصور ( على وزن فك الخط )
لكن انا فرحان شديد خلاص
لانو حسيت اني كمان ببقى زيك قريب
انا من زماااان بعاني من الحته دي
وممكون وصابر
عليك الله ما تشحتف لي رويحتي ووريني اللبن المستورد ده طعمو كيف ...قصدي الحل المستورد ده شكلو كيف
,,,,,,,,,,,,,,,,,,,,,,,,,,,,,,,,, ولسه قاعد في رجاك

انت يامالك ماعارف ناس الجيش ديل اليوم كلو تلقاهم بقدموا ليك المارشات العسكرية ومرة مرة كدة يقولو ليك بيان هام بعد قليل فترقبوه.... بعد قليل دى ممكن تكون يوم او يومين المهم ترقبوه .. انت جهز صور وابقى قريب
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||