| | طارق لطيف وآخرون ... على حقيقتهم!!! |  |
|
+7الصادق ابو حسن عمر عوض حماد جدوحسين شيخ محمد احمد سعيد ابراهيم فيصل ابراهيم احمد عمر مروة محمد عثمان كمال فتح الرحمن سالم 11 مشترك |
| كاتب الموضوع | رسالة |
|---|
كمال فتح الرحمن سالم
القـلم اللامــع
عدد الرسائل : 1514
تاريخ التسجيل : 19/04/2011
| | موضوع: طارق لطيف وآخرون ... على حقيقتهم!!! الأحد 22 مايو 2011 - 17:54 | |
| اتاحت لنا رابطة طلاب الغابة بالجامعات والمعاهد العليا رؤية بعض ابناء المنتدى على الطبيعة بعد ان رأينا صورهم فقط... وقد كان لقاءا رائعا عكست الرابطة من خلاله بعض مناشطها وبرامجها الاجتماعية والثقافية فلهم التحية جدو واركانحربه... اعود لانطباعاتى عن الاخوة الذين رأيتهم لاول مرة (جدو/اورحمد/ طارق لطيف/اريج/حسن مصطفى) طبعا ماح اكتب عن البرنس مجدي ولا الاستاذ احمد سعيد ولا الاخ الاصغر راشد لانو ديل بعرفهم من بدري والاخير عامل لى وجع وش....
جــــــــــــــــــــــدو اول حاجة الزول دة ما يغشكم بالصورة المركبه في المنتدى دي ... ما في علاقة اصلا بين الصورة والاصل ... الاصل شخصية مسالمة وهادئة ومرتبة وشخص بشوش وود بلد وتشرفت بمعرفته
حســــــــــــــــــــــــــــــــــن مصــــــــــــــــــــــطفى هــــــــدوء وحياء ووضاءة تفوق اضاءه الفانوس الذي اتخذه رمزا وشعارا
طارق لطيف ده خاتيهو اخر حاجة نظام تحليه وكده
اورحمد طبعا الاسم كبير والشكل صغير والصورة لشخص صغير (فهمتو حاجة) ؟؟ .... وكنت اظن قبل رؤيته ان الصورة المنشورة لاحد ابناء الشخص المذكور لأن كتاباته تشير الى انه شخص كبير وكانت المفاجأة ان وجدت صاحب الصورة هو نفسه (بشحمه) ولحمه ..بس حقو يعمل ريجيم شوية .. صغير في العمر كبير في الفهم ماشاء الله عليهو
اريـــــــــــــــــج كانت الحضور الانثوي الوحيد من رائدات المنتدى هدوء رزانة حشمة ووقار اضافة حقيقية للمنتدى
واخيرا طاااارق لطيف ... ده الا تشوفوه براكم ... الصورة والشكل متطابقتان لكن مختلفتان والله زي مابقول ليكم ... يمكن لأنو زول بتاع مناكفات الواحد متخيل يلقاهو بزراير مفتحة وسجارتو قصبة ومصرصر وشو زي الجزمة القديمة وحاجات كدة... لكن تعالو شوفو طارق على حقيقتو ولد مهندم مبتسم على طول (آى والله جد زى مابقول ليكم ) يقابلك بترحاب وكأنه يعرفك منذ زمن طويل وهمة منقطعة النظير وكان اكثر الناس سعادة بتلاقى اهل المنتدى بل وبادر بمقترح بجمع المجموعة يوم السبت القادم في مكتب الاستاذ احمد سعيد (جوار البوادي) ودي فرصة عشان مانعلن للناس القاعدين في العاصمة بالحضور (جوار البوادي يااحمد) يوم السبت | |
|
| | |
مروة محمد عثمان
عضو فعال
عدد الرسائل : 553
تاريخ التسجيل : 22/04/2011
| | موضوع: رد: طارق لطيف وآخرون ... على حقيقتهم!!! الأحد 22 مايو 2011 - 18:04 | |
| مشكور كمال فتح الرحمن علي المعلومات دي ويأريت زي أنتو ماشوفتوهم وأتعرفتو عليهم نحنا كمان نتعرف عليهم وكلهم أعضاء مميزين وخاصة الاخ طارق لطيف من خلال كتاباتة وردودو أنسان يستحق الإحترام والتقدير :twisted :
| |
|
| | |
فيصل ابراهيم احمد عمر
القـلم اللامــع
عدد الرسائل : 1131
العمر : 67
تاريخ التسجيل : 31/03/2011
| | موضوع: رد: طارق لطيف وآخرون ... على حقيقتهم!!! الأحد 22 مايو 2011 - 18:19 | |
| الشكر الجزيل الكثير لاصحاب فكرة قيام هذا الحفل البهيج والذى جعل الجميع يهيج ... اما احبتى طلاب
رابطة ابناء الغابة بالجامعات والمعاهد العليا فتكفيهم شكرا وحمدا وافتخارا بهم ولهم الكلمات اللؤلؤات
التى اثرانا بها الاخ الاغلى جنابو كمال واجد ان الثورات الحاصلات فللغابة جات ومن عدة جهات | |
|
| | |
احمد سعيد ابراهيم
عضو فعال
عدد الرسائل : 506
تاريخ التسجيل : 25/06/2010
| | موضوع: رد: طارق لطيف وآخرون ... على حقيقتهم!!! الأحد 22 مايو 2011 - 19:17 | |
| التحية والتقدير لرابطة ابناء الغابة من اخوانى واخواتى ـ ولا اقول ابناءنا ـ طلاب وخريجى الجامعات والمعاهد العليا الذين جعلوا لقاء الأمس ممكنا ....فقد كان بحق لقاءاً رائعاً وأنيقاً للدرجة التى لم نشعر فيها بمرور الوقت ..فقد عرفت فى هذا اللقاء ان هذا الجيل من ابناء الرابطة وهذه الدورة بالذات هى دورة للمبدعين من ابناء الغابة وبحكم معرفتى بهذه الرابطة من ايام محمد ساتى والسمؤال بشير حسين مروراً بدورات اخى النذير عووضة التى كنت اتشرف بتمثيل الخريجين فيها ومعى الدكتور الصادق عسكر والى الآن لم ارى دورة يحتشد فيها نفر من الشباب الشاعر المبدع كما فى هذه الدورة ولا اقصد بالطبع اعضاء المكتب التنفيذى فقط لكنى اقصد كل العضوية بل ان اعضاء هذه الدورة مبدعين حتى فى تفاعلهم مع الاحتفال وبرامجه ...أخى الودود كمال فتح الرحمن صاحب الملصق بفراسته البائنة وعمقه الذى لا يجارى شرًح كل العضوية وكان محقاً وموفقاً فى كل ما ذكر وقد اتاحت لى المناسبة ان التقى بشخصه الفاضل بعد انقطاع استمر لسنوات وهذه من بشارات وفضائل هذا المنتدى أنه جسًر للتواصل بين كل ابناء الغابة المنضوين تحت لواءه فى سهولة ويسر...وإن كان ثمة شئ فات على ذكره هو ان لقاء السبت القادم فى مكتبى الجديد بخرطوم 2 ـ وهذه ليست دعاية ـ شرق الطرمبة وليس شرق البوادى كما ذكر اخى كمال ويبدو ان الاخ كمال لديه مشكلة فى جغرافيا المكان هههها..... يعنى الناس البجو بى عرباتهم سيكون لهم تعبئتها بالوقود بكل سهولة ..وانشاء الله نلتقى يوم السبت القادم والدار ترحب بكم ولكم منى كل المحبة والود.... | |
|
| | |
جدوحسين شيخ محمد
القـلم اللامــع
عدد الرسائل : 1726
تاريخ التسجيل : 10/11/2009
| |
| | |
عمر عوض حماد
عضو فعال
عدد الرسائل : 534
تاريخ التسجيل : 20/03/2011
| |
| | |
الصادق ابو حسن
المدير العام
عدد الرسائل : 2879
العمر : 58
تاريخ التسجيل : 31/08/2008
| | موضوع: رد: طارق لطيف وآخرون ... على حقيقتهم!!! الإثنين 23 مايو 2011 - 0:33 | |
| شكرا يا جنابو على هذه اللفتة البارعة
جزاكم الله خيرا اخوتي الاكارم
وانتم تترجمون اللقاء عبرالشبكة العنكبوتية الى لقاء بالصوت والصورة
وتحيلون الافكار الى روابط اسرية واخوية والى الامام
والمكتب مبارك ومزيدا من النجاحات والتطور يا استاذ احمد | |
|
| | |
مجدي عبدالله عاصي القيد
القلم الذهبي
عدد الرسائل : 4288
الموقع : الســــــــــــودان - الخرطـــــــــوم -الــــــــــــــــرياض
تاريخ التسجيل : 11/12/2010
| | موضوع: رد: طارق لطيف وآخرون ... على حقيقتهم!!! الإثنين 23 مايو 2011 - 4:37 | |
| ياسلالالالالام على الكلام والله كانت ليلة من أجمل الليالى .... عنما وصلنا وجدنا الاخ الرائع جدو والى جانبه الدينمو المحرك للإحتفال عبد الرحيم أورحمد ..الرشيق صاحب الدم الخفيف...فى إستقبال الضيوف... كنت سعيداً جدا ونحن محاطون بهذه الكوكبه النيره... ولاتنسوا صاحب قصر الاحلام المهذب الهادىء الاخ جمال مصطفى سالم الذى سقط إسمه سهواً من الأـخوه... الرائعون...وهو صاحب قصر الاحلام..والصاله بها العديد من المناشط .. مركز تجميل شامل للنساء ... ومركز تخسيس ورياضه...وخليك ياأورحمد كمان أسبوعين..... فقدنا حبيبنا وأبن عمنا أبابكر الشيخ....وياشباب الإجتماع ....لو أصبح الثلاثاء يكون أفضل .{.جاتنا سفره فجائيه} وياأبوحميد جهز البيتزا من سانتوس .... أتمنى من الله أن يجمعنا دائماً ..على المحبه والإلفه والوئام.... وفقكم الله وسدد خطاكم ودمتم فى رعاية المولى وحفظه..  | |
|
| | |
tarig lateef
القـلم اللامــع
عدد الرسائل : 1028
الموقع : امدرمان
تاريخ التسجيل : 04/08/2010
| |
| | |
عبدالرحيم اورحمد
عضو فعال
عدد الرسائل : 497
العمر : 36
تاريخ التسجيل : 23/05/2010
| | موضوع: رد: طارق لطيف وآخرون ... على حقيقتهم!!! الإثنين 23 مايو 2011 - 17:23 | |
| - مجدي عبدالله عاصي القيد كتب:
من أجمل الليالى .... عنما وصلنا وجدنا الاخ الرائع جدو والى جانبه الدينمو المحرك للإحتفال عبد الرحيم أورحمد ..الرشيق صاحب الدم الخفيف...فى إستقبال الضيوف... ... ومركز تخسيس ورياضه...وخليك ياأورحمد كمان أسبوعين..... اسبوعين عديل انت داير تطلعني زي استاذ جدو ولا شنووووووووو هههههههههه | |
|
| | |
ابوبكر الشيخ الأسيد
عضو مـمـيز
عدد الرسائل : 816
تاريخ التسجيل : 14/02/2011
| | موضوع: رد: طارق لطيف وآخرون ... على حقيقتهم!!! الثلاثاء 24 مايو 2011 - 17:28 | |
| - احمد سعيد ابراهيم كتب:
التحية والتقدير لرابطة ابناء الغابة من اخوانى واخواتى ـ ولا اقول ابناءنا ـ طلاب وخريجى الجامعات والمعاهد العليا الذين جعلوا لقاء الأمس ممكنا ....فقد كان بحق لقاءاً رائعاً وأنيقاً للدرجة التى لم نشعر فيها بمرور الوقت ..فقد عرفت فى هذا اللقاء ان هذا الجيل من ابناء الرابطة وهذه الدورة بالذات هى دورة للمبدعين من ابناء الغابة وبحكم معرفتى بهذه الرابطة من ايام محمد ساتى والسمؤال بشير حسين مروراً بدورات اخى النذير عووضة التى كنت اتشرف بتمثيل الخريجين فيها ومعى الدكتور الصادق عسكر والى الآن لم ارى دورة يحتشد فيها نفر من الشباب الشاعر المبدع كما فى هذه الدورة ولا اقصد بالطبع اعضاء المكتب التنفيذى فقط لكنى اقصد كل العضوية بل ان اعضاء هذه الدورة مبدعين حتى فى تفاعلهم مع الاحتفال وبرامجه ...أخى الودود كمال فتح الرحمن صاحب الملصق بفراسته البائنة وعمقه الذى لا يجارى شرًح كل العضوية وكان محقاً وموفقاً فى كل ما ذكر وقد اتاحت لى المناسبة ان التقى بشخصه الفاضل بعد انقطاع استمر لسنوات وهذه من بشارات وفضائل هذا المنتدى أنه جسًر للتواصل بين كل ابناء الغابة المنضوين تحت لواءه فى سهولة ويسر...وإن كان ثمة شئ فات على ذكره هو ان لقاء السبت القادم فى مكتبى الجديد بخرطوم 2 ـ وهذه ليست دعاية ـ شرق الطرمبة وليس شرق البوادى كما ذكر اخى كمال ويبدو ان الاخ كمال لديه مشكلة فى جغرافيا المكان هههها..... يعنى الناس البجو بى عرباتهم سيكون لهم تعبئتها بالوقود بكل سهولة ..وانشاء الله نلتقى يوم السبت القادم والدار ترحب بكم ولكم منى كل المحبة والود.... الغريبة لا كمال ولا الأستاذ أحمد حددو زمن هذا اللقاء المرتقب .. بس قلتو السبت ، وخطورة ذلك تكمن فى أن البعض سيعتبر ذلك اليوم يوم مفتوح .. خاصة وأنه بالقرب من البوادى واليوم يوم عطلة ..
وبالمناسبة ، الأستاذ أحمد وصف بالطرمبة وقال ممكن تعبو منها عرباتكم على حسابو .. وكمال وصف بالبوادى .. يعنى برضو ممكن تعبو منها كروشكم ، وعلى حسابو..
من أعظم ثمرات المنتدى التلاقى عبر الطبيعة.. تشكروا | |
|
| | |
tarig lateef
القـلم اللامــع
عدد الرسائل : 1028
الموقع : امدرمان
تاريخ التسجيل : 04/08/2010
| | موضوع: رد: طارق لطيف وآخرون ... على حقيقتهم!!! الثلاثاء 24 مايو 2011 - 17:52 | |
| يا اخوي يا ابو بكر يمكن الجماعة زايقين !!!
انا بقول ليك طوالي وتعال من بدري عشان تشل نصيبك من الجداد والبنزين ؟؟؟
السبت الجاي .. بعد المغرب مباشرة .. والباقي عارفو ..
... اوعك تتوه ... تعال بالدابة دي عشان ما تخسر احمد سعيد ..
 | |
|
| | |
| | طارق لطيف وآخرون ... على حقيقتهم!!! | |
|
