رابطة ابناء جبرونا

هنالك دعوة لقيام روابط في كل مناطق الغابة يصعد منها للرابطة الام .
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الاخ الصادق
شكرا علي التعليق

شويه شويه شويه وشويه اهو الجنوب بدا كدا ورااااااااااااااااااااااااااح فيها،،،
والان حركات دارفور ما كانت ترغب في الانفصال شويه شويه شويه والدور جاي
والان شويه شويه شويه ياربي جــــــــــااااااااي ،،،،
الله يكضب الشينه

سعيد علي عبدالكريم حمد كتب:

رابطة ابناء جبرونا رابطة ابناء عرب نارتي رابطة ابناء ود دياب رابطة ابناء الباجا رابطة ابناء ابقسي رابطة ابناء غرب دنقلا فبلي اها وبعد كده حتعملوا شنو ياعـــــــــــــــالـــــــــــم الله يرضي عليكم لما تناموا اتغطوا كويس و لما تصحوا قولوا جملة مفيدة ولا ساعدونا بي سكـــــــــــــــــــــاتـــــــــــــــــــــــــكــــــــــــــم احســــــــــــن ــــ العفو و العافية -[b]

اعجبني هذا شكر عم سعيد

وبعدين معاك يا مزمل بعد ان تفصل جبرونا حتتطالب بفصل البلالاب كمان ام مذا ؟ نحن ابناء البلالاب من ناحية الأم سوف نعترض ونتظاهر ونهتف الشعب يريد تغيير البلالاب بالزياداب وسوف نرجع مره أخري الي دنقلا العجوز وجدو طبعا عنده هتاف أخر

الكلام ده كله مفهوم وواضح يا أخوان أنا بتكلم عن البلالاب والزياداب : يعني لو قامت ثورة السخلان مثلا نحن ذوات الاعراق البلالابيه الزيادابيه حنكون مع البلالاب ام مع الزياداب هذا هو مربط الفرس اما موضوع فصل جنوب السودان أو جنوب كردفان فهذا أمر مقدور عليه المهم تشوفوا لينا حل لموضوع البلالاب والزنداب في حال انفصال جبرونه عن دولة شمال السودان

أنا لا أنكر أن جبرونه فيها موارد طبيعيه كثيره فهناك صناعة الازيار وصناعة المناجل والحبال وغيره كثير

ياربي انا بعاين كويس ولا لا
أكيد ما انفصال
شكلي كدا ما بعاين كويس
يابت جيبي النظارة
انفصال شنو ياناس
كدي اسع نرتقي بالمنتدي للافضل وبعدين نشوف الانفصالات دي
طيب تعالو هنا اسع انا اعمل شنو
يعني لمن امشي الغابة بكون عند اهل الوالد(ود ستنا) اقطع تزكرة وحجز واحتمال طيارة لي اهل امي (حي خواجة) فهمونا الحاصل عشان لو بقت في تزاكر وكدا احسن في دنقلا زاتا
والله دي عوجة دي

الأبنه النشطه مروه أنا أفتكر ماتجهجهي نفسك ساكت احسن أمسكي في حلة ودستنا : الأسم حلة ودستنا زاتو اسم موسيقي ويعبر عن الانتماء الي أمنا ستنتا : أرجو أن يوافينا أحد بنبذه تاريخيه عن الحاجه ستنا وولدها صاحب اللأسم

مروة محمد عثمان كتب:

ياربي انا بعاين كويس ولا لا
أكيد ما انفصال
شكلي كدا ما بعاين كويس
يابت جيبي النظارة
انفصال شنو ياناس
كدي اسع نرتقي بالمنتدي للافضل وبعدين نشوف الانفصالات دي
طيب تعالو هنا اسع انا اعمل شنو
يعني لمن امشي الغابة بكون عند اهل الوالد(ود ستنا) اقطع تزكرة وحجز واحتمال طيارة لي اهل امي (حي خواجة) فهمونا الحاصل عشان لو بقت في تزاكر وكدا احسن في دنقلا زاتا
والله دي عوجة دي

ما تخافى حنديق لجوء فى يوغندا

وحدتنا فى غابتناوغابتنا فى وحدتنا, كدى يامزمل عاين للمنتدى دا وحدناونحن فى دول الشتات

tarig lateef كتب:

بما انك صاحب شركة عايزين لينا شغل كدا ان شاء الله من السودان ؟؟؟؟ احسن من اللجوء هناك !!!

شرطنا الاول تكون متزوج

ابننا طارق لطيف أسمك ده ملتهب كده مالو ان شاء الله مافي عوجه : بعد الزواج ما عارفين شكلو حيبقي كيف

لكن كده حتحرق نفسك قبل الزواج -أحسن التسخين يكون بعد الزواج

فعلا ابننا مجدي أسأل مجرب ولا تسأل طبيب-- لكن منو القال ليك يا مجدي أنا اتحرقت قبل الزواج نحن في زمنا الواحد كان بيطلعوه من الفريزر قبل الزواج بيومين لزوم التسخين أقصد من تحت الزير

عمنا افندى طارق ده اسمو ملتهب هسى لكن بعد الزواج حينطفى طفيه عدوك

ما أنت دوختنا الواحد بقي ما عارف منو طارق ومنو مجدي : أصلا مجدي ده واحد صاحبنا كان ملتهب زيك كده قبل الزواج وفجأه علي رأي ابننا عصام انطفي كل شئ بعد الزواج : يعني فص ملح وذاب: وبعدين أنت حاسد ولا بغران ما تخلونا نتزاوجوا زي طيور البطريق ما بتتزاوج حتي مشيتنا بقت ذي مشيت طيور البطريق خطوه قدام وخطوتين ورا

ابننا مجدي اسف أقصد ابننا طارق : تعليقك جميل جدا جدا لكن لم تصل ينا الحال لهذه الدرجه من االهوان ممكن نمشي خطوه قدام وخطوتين ورا لكن لدرجة الضرب فلا وألف لا وما تنسي أنني أفندي ولا يستطيع كائنا من كان أن يرفع صوته في وشي ناهيك عن الضرب : هذا الكلام بيني وبينك : وبعدين انت الكاركتير ده نكتو من وين الله ينكت علي أولاد الزمن ده (محمد أفندي )

اعزائي واهلي الكرام لكم الشكر علي المداخلات .
سوف اوضح الفكرة انشاءالله بعد سماية المولودة

مزمل عبد الرحيم مصطفي كتب:

اعزائي واهلي الكرام لكم الشكر علي المداخلات .
سوف اوضح الفكرة انشاءالله بعد سماية المولودة

مبروك المولوده تتربا فى عزك ان شاء الله من موحدات الغابه

دي حلوه جدا وشكرا رديت لينا اعتبارنا : لكن (الريال ) متحزم مالو : الريال بتشديد الراء هو الراجل بلغة الخليجيين

يا طارق انت بتحشش ولاشنو: من وين بتجيب الردود السريعه دي والله بامانه حكاية عاوز يقطع الرحط دي ما تخطر الا علي بال واحد محشش : هذا التعليق تستحق عليه سوط الجداره اسف اقصد نوط الجداده اسغفر الله نوط الجداره

أنا فاهمك كويس : وخصوصا الكركاتير : وكتر خيرك يا طارق لحد هنا كفايه : وخلينا نفسح المجال للجادين فقط : لقد أستمتعت كثيرا بتعليقاتك التي تنم علي رهافة حسك وهشاشة عظامك : وأنت طبعا عارف هشاشة العظام بتجي من شنو : وتحياتي لكل من تابع هذا السجال بين جيل النبق والحمبك وجيل الشوكولاته والأزبكاتي والبلوزه ماشيه مع الأسكيرت ولا ما ماشيه: بالمناسبه هل تغرف الحمبك ؟

شكرا ابننا طارق علي كلماتك الجميله التي أسعدتني كثيرا: لكن الحكايه شنو شايفك فتحت لينا طاقه جديده في الفيسبوك بعد أن قفليا طاقة المنتدي : ربنا يجيب العواقب سليمه

ألف طاقه ولا حوه الطقطاقه : موضوعنا أصلا كان عن انفصال جبرونه عن دولة شمال السودان : ما عارف انحرفنا عن صلب الموضوع ليه : اذا أصر مزمل علي فصل جبرونه فنحن الزياداب سوف نصر علي الحكم الزاتي وننضم لقطاع الشمال

ياها زاتها يا مروه الواقعه بين القوز وابعكاز وابعكاز يحدها من الناحيه الشماليه تحت السبيل ومن الشرق شيخ مروس علي ما اعتقد وانتي سيدة العارفين : اصلا انا من حلة الحشرات ولا فخر ولا يهمني في كثير انفصال جبرونه لاني سوف اعود معززا مكرما الي مسقط راسي ومرتع صباي حلة الحشرات حيث الخضره والماء والوجه الحسن

الاخ عصام فتح الرحمن سالم
جزاك الله خيرا ونشكرك علي الدعوة الظريفة ونحن نقول انشاء الله

كل عام وانتم بخير
وانشــاء الله بعد العيد سوف ندخول في الموضوع مباشرة انشاءالله لانو مع رمضان الوضع صعب