مشــــــــــــتاقين والله

ازيكم ... نحمد ربنا على نعمة الاتصالات خففت علينا كتير ومازال الشوق كتال .. لكن الناس بقت ملخومه والحياه بقت ماشه سريع ومتطلباتها كتيره تنسيك روحك .. وصدقني ياجدو المشاعر والاشواق ما بتضيع امكن اللهفه قلت لكن البال بقى شويه مرتاح و الناس اطمنت على بعض .. والله انا قادره اشكر ربنا كفايه على نعمه الاسكايب خفف علي غربتي وبعد ده باحسب حساب ليوم اللقى .. والله لا يجيبك يافتور الاشواق
تحياتي

عزيزى نحن رامون اللوم على جيلكم فى ترك العادات الحميده والعمل بما يروق ويحلو لكم ولكن يا جدو انت تكتب مواضيع ذات طابع اصيل ومؤصل من اعماق الماضى الجميل ودعنى اقول ان هذا الجيل يمتلك نخبه طيبه تربط الماضى بالحاضر واتمنى من الاخرين ان يحذو حذوك وان يستغلو العولمه لتطوير ماضينا الذهبى.
لك منا كل الود يا حامل راية الماضى وحذارا ان تسقط هذه الرايه والانخراط فى عولمة الغرب.

ياحليل زمان وزمن زمان لمن تكون منتظر الجواب وتقراه خمسة ستة مرات
الان بقي زمن الفيس بوك والاسكاي بي والنمبز
زمان كان تفرح لمن تلقي عندك جواب
ايوة الزمن اتطور لاكن برضو ما بجيب حق زمان

راشد كشكش كتب:

فعلا اورحمد لم تترك العولمة شى للماضى ولم تترك خدمات سودانى واريبا وزين والفيس بوك

شى للحنين والعاطفة وكل مايضرب ليك واحد من برة اول شى يقول ليك عندك حساب وعندك اسكاى ونمبوز

طغت كل هذة الاشياء على المريسيل والمناديل الجميلة !!!!!!!!!

واذكر ونحن صغار كان الخال عاطف كثير الاسفار وكثيرا ماكان يبعث برسائل نقوم بقراءتها على الحاجة

فتصر تصر على قراءتها مثنى وثلاث ورباع !!!!!!! والله زماااااااااان ياخال