ضيفنا على الكرسي الاخ عصام فتح الرحمن سالم

شكرا ليك الاخ الصادق على المفاجئه المباغته على الكرسى الساخن وانا دخلت محضر اسئله للاخ الوليد ولكن المدرب عجل بتغيير الاخ وليد بسبب الاصابه المبكره ويا كرسى كون بردا وسلاما على شخصى الضعيف.

عن البطاقه الشخصيه
عصام فتح الرحمن سالم,من سعداب المهجر
متزوج من يوغندا ,اولياء العهد مرتضى ودياب وملاذ
صاحب شركه تجاريه تعمل فى عدة مجالات ووكيل لشركة كوفتى السودانيه.
درست بالهند وطاب لى المقام بيوغندا منذ عام 1994
اعشق كرة القدم وعدوى اللدود السياسه.

Ra8ia M7md Hussein كتب:

عصام فتح الرحمن شخصيا هلا وغلا بيك نورت والله
والله ياجماعه عصام دا ماداير ليهو زول يخش يكتب ليهو سوال عابر كدا ويطلع انا غايتو ياعصام بعد اقعد في ضل الارتيق واشرب لي جبنه صباحيه كدا حتي بعدا افكر اسالك شنو؟؟؟؟
ربنا يعينك

اليس الصبح بقريب , خلى قهوتك حبشيه تقيله واسئلتك خليها راقيه.

الاخ العزيز ابن الاسرة العزيزة عصام الاعز ......... دمت بصحة وراحة البال
بقدر ماتفاجئت انت بقرار المدرب والتغيير انا لم اتفاجأ لانى كنت اشتم رائحة جلوسك قبل جلوسى وكانت
نيتى ان تجلس مكانى ولكن كانت الاقدار اقوى والذى يحيرنى هو عدم التمهيد والاعلان السابق للاجلاس
لمن سيجلس وهى فيها نوع من حلاوة الطعم والرائحة ولكن ابتعاد المختار عن تصفح المنتدى ان لم
يكن من المداومين للتصفح ربما لايعرف انه تم اجلاسه على الكرسى الساخن.................
يعنى اعطيك امثلة الشيخ محمد افندى لم يرد عدة ايام !!!؟؟ الاستاذ احمد سعيد ضمه ضمه ماشفناهو
الوليد حرقتو حرارة الكرسى !!! فوت نط قام وماعارفنو استاذن من منو وكيف وكانت المفاجأة
اننى لقيتك مصنقر قاعد .......... سلامات والف مرحب بيك وضيافتك بطيخة روثمان مثلجة فى
الجو الحـــــــــــــار دا وثانيا اشكرك على متابعتك لاخبار الدورة حتى نهايتها.. والجماعة امبارح
غفلونا وانسرقوا مشوا مدنى وريحة شيتهم تضرب فى الراس!!!!!! بالعافية ونتمنى ان تتكرر
فى معظم ديار الاخوة افراح فى افراح ............................................
وكدى بالله قول لي رايك شنو فى التظاهرة الكروية التى كانت بالغابة دورة كاس الطاهر والاحتفال
الكبيربالامس؟؟؟ والاخ الصادق ماشى السودان الاسبوع القادم ونبهت الاخوان لفتح الحساب برفقة
الاخ الصادق فهل فى نظرك انطلقنا رياضيا وبعد فتح الحساب اجهز لحضور افتتاح كاس المنتدى
معاك سوا سوا كما المحنا لذلك ؟؟؟؟؟
وكدى بعد ردك عندى اسئلة جوه البيت .....الى اللقاء ................................

لأبن العزيز عصام أبن الأخ العزيز فتح الرحمن سالم كما تفضل الأبن اسماعيل كيجاب فقد عرفنا عنك الكثير من خلال كتاباتك ومداخلاتك المتواصله والأن وقد تكرمت بالأفصاح عن الجوانب الأسريه فاني أريد أن أسألك هنا عن عادات وتقاليد الأوغنديين وهل تختلف كثيرا عن العادات السودانيه وهل يحبون الأنغماس في السياسه كما نفعل نحن في السودان بلد المليون سياسي : أنا مثلا أتعامل أحيانا مع السياسه ولكن بدون تعصب ولا أجد نفسي في الكوره اطلاقا : لكن بأمانه أنت مريح بالك لأن السياسه لا تجلب غير الهم والغم ووجع الراأس ولا أريد أن أعكر صفو الأخوه مدمني السياسه وأفسد عليهم بهجة يوهم بذكر الأوصاف التي تكال علي السياسيين والتي يعلمها الجميع : سؤالي الثاني مقارنه بين مناخ الأستثمار في السودان والأستثمار في أوغندا ومدي سيطرة الدوله علي مدخلات الأنتاج والمحسوبيه في توزيع الفرص بين رجال الأعمال وشكرا

أسماعيل كيجاب كتب:

لك التحية استاذ عصام فكم يسعدنا ويشرفنا موافقتك الكريمة التي تشوقنا اليها كما تشوقنا لمن جلسو من قبلك
أذا سيكون كرسي ناجح بجميع المقايس لم تتيح لنا كتاباتك ومواضيعك التعرف الي الجوانب الخفية والاسئلة
التي نود معرفتها الاعبر هذا الكرسي فكلنا يعلم أن جميع المنتديات تجعل من الكرس الساخن وأجلاس العضو أمر
حتمي اذا هذا هو الصواب هذا هو الامر الملح في كيفية استفادة المشترك أو العضو في فهم فكار جديدة
لايمكن فهمها الي عبر هذا الكرسي

نبد أولا هل تعتقد من ينتقد الكرسي الساخن ويظن أن ملكية الكرسي الساخن تتوقف علي القضاء والمحامين
والمدراء والسياسين في جميع الكراسي الساخنة ؟؟
هل تعتقد أن اجلاسك علي هذا الكرسي أمرا هايف لايسمن ولايغني من جوع ؟؟

ماهي الاجابيات التي اكتسبتها من جلوس الاعضاء السابقين ؟؟

مانظرتك لمن يختفي عام وأكثر ثم ينطبق علية المثل صمت دهر ونطق مخترحا يمثل وجه نظرة فقط ؟؟

حبيبنا سمعه من على البعد سلام
هذا الكرسى ذات طابع خاص لابناء الغابه بمختلف اطيافهم المهنيه ويسع الجميع, ولو هناك عيب العيب فى اللذين هم عن المنتدى ضالون, وليس من المهم ان نكون جادين فى كل بوست.
ليس هناك من الهيافه بل يعطيك الفرصه لكى تتعرف على الاخرين ولك الحق ان تسال الاسئله ذات الطابع الحاد والجاد والنقد البناء الذى يرمى الى التطور والنماء.
اكتسبت الكثير من ضمنها تعرفت على اغلبية الاعضاء عن طريق الكرسى , وابراز مواهب دفينه مع فن الحوار وروح الفكاهه والمرح.
اقول لهم واظبو على المشاركات حتى ولو بقدر بسيط من التعليق حتى يقبل الاخرين نقدكم البناء ,(وعشان ما نقبطكم بتتاوقو )

فيصل ابراهيم احمد عمر كتب:

الاخ العزيز ابن الاسرة العزيزة عصام الاعز ......... دمت بصحة وراحة البال
بقدر ماتفاجئت انت بقرار المدرب والتغيير انا لم اتفاجأ لانى كنت اشتم رائحة جلوسك قبل جلوسى وكانت
نيتى ان تجلس مكانى ولكن كانت الاقدار اقوى والذى يحيرنى هو عدم التمهيد والاعلان السابق للاجلاس
لمن سيجلس وهى فيها نوع من حلاوة الطعم والرائحة ولكن ابتعاد المختار عن تصفح المنتدى ان لم
يكن من المداومين للتصفح ربما لايعرف انه تم اجلاسه على الكرسى الساخن.................
يعنى اعطيك امثلة الشيخ محمد افندى لم يرد عدة ايام !!!؟؟ الاستاذ احمد سعيد ضمه ضمه ماشفناهو
الوليد حرقتو حرارة الكرسى !!! فوت نط قام وماعارفنو استاذن من منو وكيف وكانت المفاجأة
اننى لقيتك مصنقر قاعد .......... سلامات والف مرحب بيك وضيافتك بطيخة روثمان مثلجة فى
الجو الحـــــــــــــار دا وثانيا اشكرك على متابعتك لاخبار الدورة حتى نهايتها.. والجماعة امبارح
غفلونا وانسرقوا مشوا مدنى وريحة شيتهم تضرب فى الراس!!!!!! بالعافية ونتمنى ان تتكرر
فى معظم ديار الاخوة افراح فى افراح ............................................
وكدى بالله قول لي رايك شنو فى التظاهرة الكروية التى كانت بالغابة دورة كاس الطاهر والاحتفال
الكبيربالامس؟؟؟ والاخ الصادق ماشى السودان الاسبوع القادم ونبهت الاخوان لفتح الحساب برفقة
الاخ الصادق فهل فى نظرك انطلقنا رياضيا وبعد فتح الحساب اجهز لحضور افتتاح كاس المنتدى
معاك سوا سوا كما المحنا لذلك ؟؟؟؟؟
وكدى بعد ردك عندى اسئلة جوه البيت .....الى اللقاء ................................

عزيزنا الغالى فيصل لك منا الود , اجمل رحله الى اخينا محمد من اعضاء المنتدى والفضل يرجع الى القائمين بامر المنتدى, اما عن دورة الراحل المقيم الطاهر نفضت غبار الركوض والجمود الرياضى بالغابه والشكر موصول لللذين قاموا بانجاح الدوره والشكر خاص لشخصك العظيم باخبارنا يوميا ببرامج الدوره وتفاصيلها الدقيقه والذى انتهى بفوز الامير العملاق والتهنئه موصوله لهم ولاهل المرحوم وهذه بمثابة انطلاقه كرويه حقيقيه ونناشد الجميع بمواصلة الدورات الرياضيه لانعاش شباب الغابه ونشلهم من ثلة الخماله والاحباط الرياضى.

tarig lateef كتب:

تووووووووووووووووووووووووش خشيت ولا سلالالالالالالالالالام ولا حبااااااااااااااااب ؟؟؟
انت قلت متزوج من يوغندا ؟؟
طيب يوغندا دي اسم البلد ولا اسم المدام ؟
برجع ليك قريب ......

يالطيييف ,الحمد لله انا ما قلت متزوج من اسيا.
لو كان اسما يوغندا على الاقل كنت غيرته اسما للتايه.

mohmdalsheikh كتب:

لأبن العزيز عصام أبن الأخ العزيز فتح الرحمن سالم كما تفضل الأبن اسماعيل كيجاب فقد عرفنا عنك الكثير من خلال كتاباتك ومداخلاتك المتواصله والأن وقد تكرمت بالأفصاح عن الجوانب الأسريه فاني أريد أن أسألك هنا عن عادات وتقاليد الأوغنديين وهل تختلف كثيرا عن العادات السودانيه وهل يحبون الأنغماس في السياسه كما نفعل نحن في السودان بلد المليون سياسي : أنا مثلا أتعامل أحيانا مع السياسه ولكن بدون تعصب ولا أجد نفسي في الكوره اطلاقا : لكن بأمانه أنت مريح بالك لأن السياسه لا تجلب غير الهم والغم ووجع الراأس ولا أريد أن أعكر صفو الأخوه مدمني السياسه وأفسد عليهم بهجة يوهم بذكر الأوصاف التي تكال علي السياسيين والتي يعلمها الجميع : سؤالي الثاني مقارنه بين مناخ الأستثمار في السودان والأستثمار في أوغندا ومدي سيطرة الدوله علي مدخلات الأنتاج والمحسوبيه في توزيع الفرص بين رجال الأعمال وشكرا

عمنا محمد افندى حبنا متدفق نحوك بلا حدود, هنالك اختلاف شاسع بين عاداتنا وتقاليدنا والشعب اليوغندى فى المجالات الاجتماعيه والثقافيه وكنت بدأت موضوع فى البوست عن عادات وتقاليد من ادغال افريقيا وان شاء الله سوف اواصل فيها للايضاح. لا يحبون السياسه ولكن نظام الحكم قبلى بحت.
شتان ما بين الاستثمار فى يوغندا والاستثمار فى السودان , هنا فى يوغندا الاستثمار حر ومفتوح ليس عليه قيود بل تسهيلات من قبل الحكومه ولذا الاوربيون كانو سباقين فى الاستثمار فى يوغندا والان العرب انتبهو للاستثمار فيها وعلى مقدمتهم الوليد بن طلال, والدعوه مقدمه لكم جميعا لاى نوع من الاستثمار والبلد غنيه بالطقس الاستوائى الرائع , والامن وغنيه بالبن والشاى والسمسم وجميع انواع الفاكهه , والمعادن والذهب ومع نهاية العام سوف ينعمو ا باول انتاج بترول محلى.

tarig lateef كتب:

تووووووووووووووووووووووووش خشيت ولا سلالالالالالالالالالام ولا حبااااااااااااااااب ؟؟؟
انت قلت متزوج من يوغندا ؟؟
طيب يوغندا دي اسم البلد ولا اسم المدام ؟
برجع ليك قريب ......

النيران القايمه فى اسمك ده اكلت حرف R وغيرته لى E الحق اسمك سريع.

راشد كشكش كتب:

عصاااااااااااااااام تراحيب

ماذا تعنى لك

الغابة

حلة السعداب

الام

ومتى تنوى الرجوع للوطن

الغابه : هى الاصل والفصل وفخر كل من ينتمى اليها.
حلة السعداب: علم لجريدة الغابه الاجتماعيه
الام: هى حياتى وملاذى الاول والاخير
الرجوع للوطن: هاجس يلازمنى كل برهه , قريبا ان شاء الله

الكرسي دا مالو بقي ساقط كدي ؟؟؟
كدي النديهو دستة الحطب دي ..

1- أجمل إسم بت مرّ عليك شنو ؟
2- ماهو أجمل مكان للخلط في ولاية الخرطوم ؟ وأوعك تقول ما عارف لانو أول أمس ورّوك ليهو..........
3- ماذا تعني لك هذه الكلمة ( الجذّاب ) ؟
5- يعني شنو السؤال دا ( حاشم في ؟ ) ؟
6- حصل عزموك ملوحه ؟ ومنو العزمك ؟ ووين ؟ ومتين ؟ وهل كان فيها شطة كتيره ولا لا ؟ والكان معاك منو ؟
7- ماذا تعني كلمة ( طراش ) و ( رهينة ) في عرف ميدان جاكسون ؟
8- متي يقول عصام ( أعوز بالله ) ومعاها كشيرة وش ؟
9- لمن تهدي هذه الأغنية ( ونمسكا من الكبري ) ؟
10- لو في زول ناداك - كرشنااااااااااااااااااااااااااااااااا .. حترد ليو بي شنو ؟
11- في زول مسّكك ماسورة وقال ليك برسل لي جهاز يلتقط شبكة الويرلس من علي بعد أميال .. من هو ؟
12- أنا جاي عليك عرشت ولا لسّة ؟
بعد دا أخليك شوية

الصادق ابو حسن كتب:

اجمل الاسئلة لما تكون من الواقع وموجهه للشخص وليس لغيره
السؤال : هل تجيب بصراحة مهما كان السؤال خاصا؟

اذا لم يسبب حرجا للاخرين
'

الوليد عبد السلام احمد كتب:

الاخ عصام نزلت اهلا وحللت سهلا
1- الغابة تلبس ثوب جديد من النسيج الاجتماعي كيف تتعامل معه
2- رايك في هذا المنتدى هل يرضي تطلعاتك
3- ماذا يعني لك الوكر
4- ماهو تاثير قرار حذف الاسماء المستعارة على المنتدى
5-رسالة توجهها للعنصر النسائي بالمنتدي

سلام يا ود عبد السلام
1- نفرض عاداتنا الاجتماعيه القديمه السمحه على كل جديد او دخيل ونجذبهم للتعامل معها.
2- المنتدى فى خطا تقدميه حثيثه من حيث الفكره , ولكن يضعف التجاوب من قبل الاعضاء مع المواضيع الجاده.
3- ملجاء الحساسين ومحطة العزابه ومصنع النكته والفكاهه.
4- بمثابة بتر ايادى المنتدى المعطاه.منهم من قدم الجميل الهادف وكانت اسباب استخدامهن للاسماء المستعاره لاسباب اسريه لم يتفهمها اغلبيتنا.
5-العنصر النسائى فى المنتدى هن رحمة لنا, مشاركاتكن لسيت بالمستوى المطلوب ونحن نرجو منكن الكثير والجميل هنالك مواضيع اجتماعيه تحتاج للنقاش والتوضيح واراءكن يهم الجميع ودائما تحلو بالروح الرياضيه فى حالة النقد والنقض.واناشد من فقدناهن بسبب الخلافات ان يعيدو ادراجهن ويا حبذا لو هنالك وساطه من بنات المنتدى لرأب الصدع واصلاح ذات البين.
تشكر يا وليد العصر

مجدي عبدالله عاصي القيد كتب:

أخى عصام فتحى...هنيئاً لك وأنت تجلس على الكرسى الدافى ..ولكى يكون

ساخناً سنمدك بخمسه شعلات ملتهبه تزيد من حراره الكرسى...

الشعله الأُولى :

لماذاقفز عصام من فوق أسوار العائله وتخطاها لخارج حدود الوطن

ليوغنده..!ليتم زفافه هناك..!

الشعله الثانيه:

عصام داخل البيت وخارجه هل هو وجهان لعمله وآحده..!

الشعله الثالثه:

كلمة حق لمن تقولها..!

الشعله الرابعه:

هديه لمن تقدمها..خارج الأهل والأسره..!

الشعله الخامسه : {أكبرهم..}

هل دخل عصام فتحى فى إستثمار وخسر أموالاً كثيره..!

وبجيك صادى تانـــى...!

1-قفزت بالزانا ليس هروب من اهلى وعشيرتى ولكن قسمه ونصيب ومن هنا احسب نفسى من السعداء. ولكن جاييكم يا اخر الموانى.
2- عصام ياهو عصام داخل البيت او خارجه, الجماعه ملغبنى بغصن الشوك كارى القطنه والدلق والورقه والعشميق لى المقدره فى التعامل مع الجميع.
3- كلمة حق لم اقلها لمديرنا محمد محجوب بثبت مواضيعو الخاصه ويهمل مواضيع الاعضاء الهادفه.
4- هديه اقدمها للاخوان الصادق ابو ومحمد كيرى واسميها وسام ملكية فكرة المنتدى.
5-هنالك الخساره وارده بسبب تذبذب الاسعار والتضخم وغيره وخسرت مره عن طريق الخدعه.
اجيك صادى ده ما تغير رايك فيها , ولو مصر جيب معاك كركدى بارد.

مروة محمد عثمان كتب:

السيد الاخ عصام
صباحك أحلي
و الله الليله امانه ما وقع راجل
و بسم الله نبدأ
1- لو قالوا لك اختصر أحلامك فما ستقول؟؟



2- لو قالوا لك غدا تموت فما ستفعل؟؟



3- لو قالوا لك نرجع للماضي فماذا ستأخذ معاك؟؟



4- لو قالوا لك اختر خبر يسرك وحانا يتحقق؟؟



5- لو قالوا لك نرجع لك انسان فقدته؟؟



6- لو قالوا لك اختر شخصية امرأة مثالية أثرت فيك ؟؟



7- لو قالوا لك اختر شخصية رجالية مثالية أثرت فيك ؟؟



8- لو قالوا لك ماهي أجمل دمعة داعبت وجنتيك؟؟



9- لو قالوا لك نرجعك لفترة معينة ما هي الفترة؟؟



10- لو قالوا لك الحياة حلوة؟؟

ومشكوووووووووووووووور
تقبل ودي و احترامي
و لي عودة لو في العمر بقية

اهلا بمروه الدنقلاويه
1-من اختصر احلامه قلت طموحاته
2-قضاء وقدر مع تلاوة قران
3-الجيل الجديد ده حتى يدرى انه على خطاء
4-الانطلاقه لتنمية الغابه
5-الخال الشهيد على الشيخ الاسيد
6-امرأه مثاليه امونه بابكر
7-الاستاذ العزيز فتح الرحمن سالم
8-اجمل دمعه عندما قابلت الاهل بعدغياب دام 10سنين .
9-فترة الصبى
10-الحياه حلو لليفهما واحيانا عابسه.
11 انشالله كهربتكم تقطع.

محمد ميرغني عبدالرحمن كتب:

ده اليوم الدايرو ليك اهريك جنس هرى
خلينى شوية لاننى من يوم الجمعة فى غمرة من الفرح بزيارة
الاخوة مجدى وطارق وسمعة واورحمد لى فى مدنى وكان من اجمل الايام
التى قضيتها فى صحبتهم وكنتم معنا جميعا متمثلين فيهم
بجيك راجع اقعد سمح

انشالله يزورك ناس تانين ويلخموك لحدى الجمعه الجايه

مروة محمد عثمان كتب:

الكرسي دا مالو بقي ساقط كدي ؟؟؟
كدي النديهو دستة الحطب دي ..

1- أجمل إسم بت مرّ عليك شنو ؟
2- ماهو أجمل مكان للخلط في ولاية الخرطوم ؟ وأوعك تقول ما عارف لانو أول أمس ورّوك ليهو..........
3- ماذا تعني لك هذه الكلمة ( الجذّاب ) ؟
5- يعني شنو السؤال دا ( حاشم في ؟ ) ؟
6- حصل عزموك ملوحه ؟ ومنو العزمك ؟ ووين ؟ ومتين ؟ وهل كان فيها شطة كتيره ولا لا ؟ والكان معاك منو ؟
7- ماذا تعني كلمة ( طراش ) و ( رهينة ) في عرف ميدان جاكسون ؟
8- متي يقول عصام ( أعوز بالله ) ومعاها كشيرة وش ؟
9- لمن تهدي هذه الأغنية ( ونمسكا من الكبري ) ؟
10- لو في زول ناداك - كرشنااااااااااااااااااااااااااااااااا .. حترد ليو بي شنو ؟
11- في زول مسّكك ماسورة وقال ليك برسل لي جهاز يلتقط شبكة الويرلس من علي بعد أميال .. من هو ؟
12- أنا جاي عليك عرشت ولا لسّة ؟
بعد دا أخليك شوية

1-اجمل اسم بت مره على اسم زبيده
2- خلط النيل الازرق للنيل الابيض لو الاجابه ما شافيه مكان تويتى بخلط موز بلبن رهيب.
3-الجذاب تعنى انشراح القلب لشىء ما واللهفه لتذوقه.
5-حاشم فى اذا قاصده الحاء هاء تعنى هاشم فى العيد.
6-عزمونى ملوحات, اخرا كامل بشير فى الغابه, شهر12, شطه بمبان بس, كنت انا وناس نحنا و كمال فتحى وعمر سعد وهشام كيجاب وهلم جره, اخر ملوحه اكلتها بى عيونى ملوحتك عبر المنتدى.
7-طراش تعنى طناش , ورهينه معذبه سجينه
8-يقول عصام اعوذ بالله عندما يرى منكرا او اسئله زى اسئلتك دى.
9-اهدى اغنية ونمسكا من الاكبرى لحكومة الانقاذ لانهم جنهم كبارى.
10-لو نادانى كرشنا حارد ليهو طرشنا
11-عرفت مصطلح ماسوره الان وعلى ما اظن عمار كيجاب
12- مرحبيك لو جايا على ناس الفزع قربو يخلصو عرش الراكوبه.
تخلينى شويه يا مفتريه, انشالله شبكتكم تطش زى ماطشت من اسئلتى ليكى فى كرسيكى الساخن.

مرة تانية عصام انسان لايستطيع ان يتكتم علي اي كلام مهما كان مضمونة ولايراعي الغير ومن حولة
بعني انسان لايمكن ان تحكي لة سرا والا امرك انكشف للجميع هذا اذا افطردنا اننا مررنا بتجربة مثل ذال ؟؟

ثانيا لماذا لم تستوعب ابناء اهلك في مجموعة شركاتك التي تخصك لماذا تستعين بعمالة اجنبية ؟؟

كيف بدأت تجارتك الي ان أوصلتها شركات تجارية تعمل في عدة مجالات بخلاف توكيلات شركة كوفتي ؟؟

ماسر حبك للحذاء اقصد مركوب قطع جنينة والجلابية المقلبنة ؟؟

جاوب ولسة الراس مستف

شـــيخ محمد حســين كتب:

منور رنااااااااااااااااااااااااااااااااااااااااااااااااااااااااااااااااااااااااااااااا ياعصام

بوجودكم

أسماعيل كيجاب كتب:

مرة تانية عصام انسان لايستطيع ان يتكتم علي اي كلام مهما كان مضمونة ولايراعي الغير ومن حولة
بعني انسان لايمكن ان تحكي لة سرا والا امرك انكشف للجميع هذا اذا افطردنا اننا مررنا بتجربة مثل ذال ؟؟

ثانيا لماذا لم تستوعب ابناء اهلك في مجموعة شركاتك التي تخصك لماذا تستعين بعمالة اجنبية ؟؟

كيف بدأت تجارتك الي ان أوصلتها شركات تجارية تعمل في عدة مجالات بخلاف توكيلات شركة كوفتي ؟؟

ماسر حبك للحذاء اقصد مركوب قطع جنينة والجلابية المقلبنة ؟؟

جاوب ولسة الراس مستف

1-والله سؤالك الاول ده شككنى انا قبل الاخرين , لكن انا من كترت ما بحفظ السر الصبح بصليهو سرا , وفقدت اصدقاء بفتكرو كتمانى للسر تهميش لهم .افشاء الاسرار من شيمة النساء.
2-بالمناسبه حجم عملى متوسط وليس بالكبير , ثانيا قانون العماله يفضل العماله المحليه , ثالثا بتطلب لغه انجليزيه للتداول, والاصعب فهم التعامل مع الشعب اليوغندى يحتاج وقت.
3-الثقه والامانه كانتا بمثابة راس المال وكسب ود العملاء ووجودى المستقر خلق اسم تجارى يثق فيه الجميع.
4-سر المركوب قطع جنينه وراثى ليس بيدى حيله , والجلابيه المقلبنه لسهولة اللبس.
راسك مستف مرسلو بى لورى فيصل؟؟؟

الأبن عصام في الغالب الأعم يكون رجال الأعمال دمهم تقيل شويه لكن ماشاء الله عليك دمك خفيف جدا وقد أعجبني ردك علي اسماعيل كيجاب بأنك ولحرصك الشديد علي كتمان السر فانك تصلي الصبح سرا-- رد ينم فعلا علي الظرف وخفة الدم

mohmdalsheikh كتب:

الأبن عصام في الغالب الأعم يكون رجال الأعمال دمهم تقيل شويه لكن ماشاء الله عليك دمك خفيف جدا وقد أعجبني ردك علي اسماعيل كيجاب بأنك ولحرصك الشديد علي كتمان السر فانك تصلي الصبح سرا-- رد ينم فعلا علي الظرف وخفة الدم

سلام عمنا محمد , الدنيا دار ممر علينا ان نعيشها بالوجه الفرايحى وغرس روح المرح فى انفسنا لتبسيط مفهوم الحياه ولك منا الود اجزله.

رمضان علي الابواب هل لازلت تحافظ علي العادات الرمضانية أذا صح التعبير بمعني
هل يدخل الحلو مر والعصيدة من ضمن صينية الفطور ؟؟
هل المدام لها خبرة كافية في اعداد مثل هذة الوجبات ؟؟
لماذا يأتيكم الابري من السودان أنت وغيرك من المهاجرين ترسلون متطلبات الابري أو الحلو مرمن دقيق وأدوية وهبهان وجنزبيل وقرنفل الخ .. من الخارج مع انو كل المكونات متاحة اليكم ؟؟
ياربي الدوكة والصاج بتاعتكم مابتجض كويس ؟
ياربي زوجاتكم لايعرفون كر الابري وعملية التخمير ؟؟
ولا ياربي الابري المنجض بعويش التمر وقعور الابج والزبيط بيدي النكهة والطعم الحقيقي ؟؟
دعنا نقول بمعني أخر دلع أم شنااااااااااااهوووووو ؟؟

Ra8ia M7md Hussein كتب:

السلام عليكم ....
عل فكره ياعصام انا قابلت اسرتك الصغيره(زوجتك وابنك مرتضي) في اول زياره ليهم في السودان في بيتكم التحت حيث كانت ريان هي الصديقه المقربه شديد لي في المدرسه قبل ان يفرق الزمن بيننا بس استقرار اسرتكم في الخرطوم ربيا يديكم الصحه والعافيه
عصام....
اذا طلب منك الوالد (متعه الله بالصحه العافيه)الرجوع للبلد الام والا ستقرار فيه ولكن رفضت زوجتك الاستقرار في البلد ماذا تفعل؟؟
هال انت من الذين يؤيدون انفصال جنوب السودان ؟؟ولو اتيحت لك الفرصه لاسترداد الجنوب لشماله هل ح تفعل؟؟
مارايك في تعليم السودانيات خارج السودان؟
لو وصلتك هديه ووجدت فيها شي من خيرات البلد( بلح مثلا)واكتشفت انها ليست لك هل ح ترجعها لصاحبها والا تنوم بيها؟

اهلا بالراقيه , بالله انتى من الناس الوجعو ايدينا بالسلام ويتمنظرو فى اليوغنديه الجات الغابه .
والله الرجوع للبلد مايحتاج لطلب الوالد الفكره موجوده بقوه , اما اذا رفضت المدام وما ظنيتا ترفض لان الغابه عاجباها لكن لو حصل ترانى اخدت الرخصه مثنى وثلاث ورباع لكن بشرط معرفة عمل التقليه والملوحه القاعده لى جنا نقد فى حلقو دى.
انفصال الجنوب خيار اهله وهو كان بمثابة ترله لساتكه مطرشقه والشمال ملح جارييها. لو اتيحت لى الفرصه حا اعطيهم فرصة الانفصال النهائى.
لا ثم لا لتعليم السودانيات بالخارج.
هديه من البلد وكمان بلح ورمضان على الابواب والله انوم بيها واعمل مجنون كمان.

محمد ميرغني عبدالرحمن كتب:

منور يا عصام
عصام فنان فى عمل القراصة
هل ايضا الفرك بامية خدرة اريق برضو بتعرف تفرك
ام تصلك جاهزة من السودان مع العلم المدام يوغندية
عادات جميلة تتمنى ان تجدها فى الغربة
مجدى واسماعيل فى طريقهم اليك ما هى طلباتك
رمضان فى السودان ام يوغندا

يا حبيب المنتدى اغريك السلام من منابع النيل
كل من درس خارج الوطن يجيد الطبخ الا من رحم ربه وكما ذكرت سالفا المدام اخدت كورسات مكثفه فى الغابه وراقيه شاهده على الكلام ده.
عادات اتمناها فى الغربه , قايمى الصباح متكفلتى شايلى الحليلى على المراح , وتصابيح العمات والخالات فى الصباح الباكر.
مجدى واسماعيل فى طريقهم اليا طلبى الخاص ان تكون ثالثهم ورفيق دربهم وحبابكم الف.
رمضان بيوغندا ان شاءالله طبعا يامحمد سمانا ملقم مافى شمس.

الاخ الفريد فى كل شىء ... عصــــــــــــــــــــــــــــــــــــــــــــــــــــــــــــــــــام

كما تلاحظ باننى لم اعود لسؤالك مرة اخرى لاننى وجدتك مع اسئلة الاخوان واجابتك عليها تتميز
بصفات لا ولم ولن اجدها فى كل سنوات عمرى الطويل وانا اجوب ماخصنى به قدرى من تجوال
فى عدة اماكن على هذه البسيطة .... انك تتناول المواضيع بمنتهى الدقة والملاحظات والمرامى
العميقة لكل كلمة وردت فى السؤال وهذه ملكة لاتجدها الا عند من تخرج من مدارس الحياة التى
لاتجد منهجها فى اعلى الكليات الجامعية واكاديمياتها المتعددة ..... احييك اخى عصام وهنيئا لك
بهذا الكنز على هذا المنبر الهام واشكرك على كل حرف ورد فى ردودك الرائعة ،،،،،،،،،،

مجدي عبدالله عاصي القيد كتب:

حبيبنا وأبن عمنا عصام....

شوف لينا عمل فى يوغنده ولو فى شروط موافقين عليها..{نعمل زفاف

هناك.}

والزياره القادمه لحبيبنا عصام فتحى...{بس التذاكر بالهولنديـــــه..}

السؤال الاول...لماذا غاب عصام فتحى من السودان عشره سنوات....!

السؤال الثانى..هنالك بعض الأشخاص تضايقوا من جلوسك فى الكرسى...لماذا ياتُرى!

السؤال الرابع: هل أملاك عصام فتحى مسجله بأسمه فى يوغنده..!

السؤال الخامس...متى يحزن عصام فتحى ويتقوقع داخل نفسه..!

وبجيك مُخرم تـــانى..!

عمل الزفاف ده انت جيت من الاخر
التذاكر بالهولنديه ما بالتونسيه
الاول :غبت عن السودان عشر سنين عجاف منها اربعه سنين فى الهند ولم اتمكن من خلالها زيارة السودان بسبب التحاقى بالجامعه مؤخرا واستقليت الاجازات للحاق بالركب والتخرج فى الزمن المحدد وقد كان, اما السته سنين الاخيره قضيتها وما زلت اتمادى فى قضاء الكتير من السنين فى بيوغندا بدأت بظروف خارجه عن ارادتى ولكن فى الاخير ادركت ان الامر بيد الله وهاهنا رزقنا.
التانى: اما اللذين تضايقو من اجلاسسى على الكرسى ليس انا الذى طلبت ولكن فخر اعتز به من صادق تعرفت عليه عبر هذا المنبر وقصد معرفة الاخرين بشخصى الضعيف كما تعرفت على مجموعه طيبه من ابناء جلدتنا وعن كثب عبر هذه الصرح العظيم, ربما خانهم التعبير فى تزمرهم من اجلاسى على كرسى المحكمه العليا وهم يقصدون الكرسى وفكرته ,وانا لا املك حقد ولا ضغينه على احد منهم, ولكن اذا انعمك الله باختيار الكلمات والتعابير المناسبه وصياغها فى اسطر مفيده اثنى الله على هذه النعمه ولا تتوقع الاخرين ان يمتلكو نفس المواهب فى فن الحوار واهدار المعانى ,
هذا المنتدى الطيب باهله هو الحفير الذى شربت منه كل جناين الغابه وارتوت وروت.
خذ من المنتدى ما يعنيك وتحفظ على مالايعنيك وهو غنى بالمواضيع الجاده والساره ويرمى لتنمية الغابه وفيه الفرح والترح والمرح ويخلق البهجه والسرور فى النفوس .
(هسى بس لو فتحت المنتدى وعاينته لى صورة طارق او عمنا محمد افندى ما بترتاح نفسيا؟)
التالت: سؤالك التالت ده يامجدى محرج جدا جدا ومنو القاليك الكلام البايخ ده وانا اتحفظ على اجابته؟؟؟؟؟
اما الرابع: املاك عصام بسيطه جدا وهى باسم الشركه (عايز تجيب لى ناس الضرائب)
الخامس: احزن عندما افقد عزيز جدا , احزن عندما تأكل الغربه يوما من عمرى وانا بعيدا عن الاهل, احزن عندما ينعتنى الاخرون بسلوك غير الذى اسلكه , واتقوقع عندما يتمادون فى النعت.
ماتخرم حفظك الله