مـاتشوفو المطرطشه دي!!!

مـاتشوفو المطرطشه دي!!! 183758_149155978481439_100001611133884_332976_7736226_n

قــــــــــام صلي الصبح حاضر وقال ياالله ياســـاتر وشال طوريتو واتوكل مما شرقت شمس الله ومتوكل علي الله ورضيان بالمقسومه من الله وعايش سعيد ومبسوط
وكل موسم المحصول يزيد والخير باسط والحمد لله قراء ومع القرايه واصل في الزراعه وفي الزراعه بقي مزراع لا يشق له غبار عارف متين يوقف البرسيم للتقاوي وعارف متين ام شير تجي
ومتين طوبا وهبوبا بس بعد موسم كان ناجح قرر يعرس واتلمو في شاي المغيرب وحس الضحكه والونسه ،،،اهـــا يابا انا نويت العرس،،،،فاذا ام احمد تنطلق الزغاريد منها بنغم مموسق يشق السواقي مال له النخيل طربان واردفت معها القماري مدوزنه ايوووووي احمد داير يعرس والخبر انزاع في كل الحله وقالو احمد دار يبقي عريس واختارولو بنيتاً طيبه خلق واخلاق وجمالا فريد،،،لكن قدر الله الما متوقع هد احلامو بقت تكذيب
اصلو ابو مشي اتقدم للبنيه اها ياحاج الصافي دحين جيتك ومتعشم فيك الخير احمد ولدي ماهو راجلاً ساهل ونويت اعرسلو والدنيا مامعروفه والوليد رايد بنيتك وبنيتك ماها بنتن ساهله متعلمه وقاريه الجامعه
وسكنت البندر ،،،والله ياابو احمد شن اقول الزمن دا الشوره بقت عند البنيات كدي في قدامك اناديها واسمع منها يااااا بت يالزينه تعالي،،،اي يابا جاياك!!يابتي عمك ابو احمد قال بدورك لي وليدو شن قولك
والله يابا احمد ماهو راجلاً يتعاب بس انا سكنت البلد ما بدورا ومادايرلي مزارع
مابدور المزارعيه المزارع عيشتو قويه
المزارع عيشت التابه العارش بيتو بالورتابه الكل يوم تقع درابه
اممممم يابتي عاد شن نقول الثقافه والقرايه والتعب الوراكي دا كلو من ضراع ابوكي المزارع دا الا لكن شن نقول دي جامعات الزمن الاغبر
فتناكم بي عاااافيه
اها يااحمد ياوليدي البنيه تربايت بنادر عاد شن نقول
اسمع يابــــــا انا احمد واكان للقول قولهــــا يابا احمد بقول ليكي
مــــــــاني شبه عريسك انـــا
الحفيد تربال غبش المشققات ايدي
وماني شبه عريسك انا وانا اللي بكره ماعندي
حرم والكرم والجود والطوريه والواسوق ياها ورثتي من جدي
وشباكاً يجيبلي هواكي اتحداكي من تالاي عديل سدي
وعريسك دايره لعبه في ايدك محل ماك دايره بتودي
وان مليتي منو كمان ممكن لاي زول تهدي
وان حبيتي واحد تاني طلقي اوعي ماتردي
وان كان عندو ليكي سؤال يمد ايدو ويقول فندي
عريسك انت شبهو برا
وعريسك يشبه القمرا
يشاركك ديمه في التوليت وفي الارياح وفي الخــمره
وان كان قايلي السماح في الشارلي انا زولي سماحتو بالفردي
وان كان قايلي زيك مافي عايني وفي النجوم عدي
وان قايلي انت براكي اخجلي ما تقولي كدي
امانه الدنيا ما مليانه بالحور حوا كم والدي
عليـــــــــــــكم الله ياناس هوووي ما تشوفو المطرطشه دي
دحيــــــــــــن ياابوي بعرس من بنات بلدي
وان قت ليها ،، البهم عطشانه بتشيل الصفيح تردي
وعشان عرس البلد عزي بعرس من بنات بلدي

إبـــــــــــــــــداع ياجــــــــــدو....

اللوحه خياليـــــــــــــــه..والحوار رهيـــــــــــــب...والكلمات عميقه ومعــــــــــــبره....

[color=blue]تحفة ياتحفة انت وين ناس بالعندك تعال وابوي بيسندك تعال [/colل or]

مجدي عبدالله عاصي القيد كتب:: إبـــــــــــــــــداع ياجــــــــــدو....

اللوحه خياليـــــــــــــــه..والحوار رهيـــــــــــــب...والكلمات عميقه ومعــــــــــــبره....

مشكــــــــــــــور جدا مجدي ورمضان كريم مقدمــــــــــا

الوليد عبد السلام احمد كتب:: [color=blue]تحفة ياتحفة انت وين ناس بالعندك تعال وابوي بيسندك تعال [/colل or]

تحياتنا استاذ الوليد الزمن دا مافي كلام زي كدا كل يوم الطلبات زايده والسوووق مولع نار ودقسنا هاهاها

ماشاء الله عليك اخوى شيخ محمد لكن بينى وبينك الحكاية مابقت جامعات وكليات وحليل زمن التكل

واللدايات والطرطشة بقت طرطشة حيطات مو طرطشة كلام الحبوبات دمت عالى وغالى ،،،،،،

فيصل ابراهيم احمد عمر كتب:: ماشاء الله عليك اخوى شيخ محمد لكن بينى وبينك الحكاية مابقت جامعات وكليات وحليل زمن التكل

واللدايات والطرطشة بقت طرطشة حيطات مو طرطشة كلام الحبوبات دمت عالى وغالى ،،،،،،

سلمت انت وسلمت يداك اخي فيصل ودمت انت العالي والغالي

تفتكر السبب الاساسي ايه يافيصل سبب الرفض هل مهنة الزراعه اصبحت كما كالعطاله المقنعه ام ما زال المزارع مزارع

عم عبد الرحيم اتوكل نزل فى المشرع لقى زملان الشقى ........

ذاك عهد فائت كلما تذكرناة تساقطت عبراتــــــــــــــــــــــــنا

راشد كشكش كتب:: عم عبد الرحيم اتوكل نزل فى المشرع لقى زملان الشقى ........

ذاك عهد فائت كلما تذكرناة تساقطت عبراتــــــــــــــــــــــــنا

ياحبيبنا راشد النسوان كانن راضيات بالقليل قالتلو النعال والطرقي انهرن شيلن يالحبيب غشهن النقلتي
والترزي القريب ماقالتلو جيب
قالها لازمك توب جديد انطقن زمن وانق الزمن واهو الزمن مطقع كل الناس
وشيل شيلتك والعرس قرب هاهاهاها جيب جيب جيب
واحد زهج من مرتو بكلمه جيب جيب قال ليها ياوليه حرم طلقانه
والله انا ماعارف انت وليه ولا محليه!!!هاها

ماك ما فسبك اليوم ادخل نشووووووووووووفك

راشد كشكش كتب:: ماك ما فسبك اليوم ادخل نشووووووووووووفك

جينا ليك والشوووق دفرنا

واااااااااااااااااااو كلام خطير يااستاذ تسلم انت ويسلم احمد

كل الناس هناك اهل وماهم قراب قربن العمل

إبداع ياأستـاذ

Ra8ia M7md Hussein كتب:: واااااااااااااااااااو كلام خطير يااستاذ تسلم انت ويسلم احمد

تسلمي ياراقيه ياراقيه كل عام وانتم بخير بس بت البلد الاصيله بترضي بالمقسومه ليها مش كدا؟؟

عصام فتح الرحمن سالم كتب:: كل الناس هناك اهل وماهم قراب قربن العمل

شكرا شكرا حبيبنا عصام وماعدمناك

حسن مصطفي كتب:: إبداع ياأستـاذ

مشكووووور ياهندسه الابداع استمديناه منكم

جدوحسين شيخ محمد كتب:

Ra8ia M7md Hussein كتب:: واااااااااااااااااااو كلام خطير يااستاذ تسلم انت ويسلم احمد

تسلمي ياراقيه ياراقيه كل عام وانتم بخير بس بت البلد الاصيله بترضي بالمقسومه ليها مش كدا؟؟

اكيد ياجدو امال بت بلد علي شنو؟؟؟

خليكم مع هذة القصيدة من الفنانة ندي القلعة

راجل السترة ما تفكي
لوكي القرضة وامسكي في
بيت حلال ما تخربي
لوكي المرة وامسكي في
بي الفي المافي عيشي معاه
بيت جالوص وضي شمعة
شن المرة بلا السترة
وشن الزول بلا السمعة
فقرو وعدمو ما عيبة
بعيد عن شبهه أو ريبه
في لقمةحلال صافي
ليك بيخدمه يجيبه
الغنه والروقة من الله
جوعة ولا شبع زله
قال يا الله يا رازق
ما قال يا محسنين لله
راجل العيشة ما ساهل
وين بيتلقي هو بالساهل
عدم مع حسيس بفهم
ولا بوبار مع جاهل
صلي الصبح وقام حاضر
وقال يا مهون يا ساتر
الفي جيبو ختاها
عدم الهلله وقال حاضر
اوعه الصاحبة الحاسده
عديمة فهم وما راشده
بتخرب بيتك وتخربو
وتعمل ليك ما قاصده
وما تسوقي الغلط تبعه
عايزة تهمل السبعة
تسيبك ام واولادك
والمجتمع يقول كعبه
دحين ابقي عليه عشرة
وصونية وقدري العشرة
يجازيك الله في طاعته
حسنتك تجزئ بالعشرة
ياربي ياجدو في بنات الزمن بيايدو ندي القلعة
ممكن يايدوها في اي شي الا هذة الكلمااااااااااااات لان هذة الكلمات لاتعني لهم شئ
ربنا يكون في العون ويحفظ الجميع

والله نايس حوار,,ونايس خيال

ابداع في الفكره.....

ويبقي الاصل هو الاصل!

مروه وراقيه انتن نموزج لبنت البلد الاصيله ودمتم زخرا لمنتدانا

عبد الحفيظ عبد الله كتب:: والله نايس حوار,,ونايس خيال

ابداع في الفكره.....

ويبقي الاصل هو الاصل!

من زوقك ياهندسه تسلم ورمضان كريم عليك القابله خريج وعلي الماستر طوالي

عليـــــــــــــكم الله ياناس هوووي ما تشوفو المطرطشه دي
دحيــــــــــــن ياابوي بعرس من بنات بلدي
وان قت ليها ،، البهم عطشانه بتشيل الصفيح تردي
وعشان عرس البلد عزي بعرس من بنات بلدي

التحيه لك دوماً الرائع جدو....

مجدي عبدالله عاصي القيد كتب:

عليـــــــــــــكم الله ياناس هوووي ما تشوفو المطرطشه دي
دحيــــــــــــن ياابوي بعرس من بنات بلدي
وان قت ليها ،، البهم عطشانه بتشيل الصفيح تردي
وعشان عرس البلد عزي بعرس من بنات بلدي

التحيه لك دوماً الرائع جدو....

انت الروعه يامجدي ماخليت لينا فيها حاجه ربنا يخليك وتتحفنا

مجدي عبدالله عاصي القيد كتب:: عليـــــــــــــكم الله ياناس هوووي ما تشوفو المطرطشه دي
دحيــــــــــــن ياابوي بعرس من بنات بلدي
وان قت ليها ،، البهم عطشانه بتشيل الصفيح تردي
وعشان عرس البلد عزي بعرس من بنات بلدي

التحيه لك دوماً الرائع جدو....

كــــــــــــــــــــلام جمــــــــــــــــيل ياجدو

ربنا يديم عليك عافيتو ياكمال

آآآآآى والله صح شوفو المطرطتشة دى . شكرا يا صاحب الوسام

د.صلاح القاضي كتب:: آآآآآى والله صح شوفو المطرطتشة دى . شكرا يا صاحب الوسام

والله منــــــــــــور يادكتور طولت الغيبه ازيك ازاي القالات معاك هاهاهاها
قريب تجينا وعقالك علي الراس