بابكر الشيخ الاسيد ضيف الكرسى الساخن لهذا الاسبوع

بابكر الشيخ الاسيد قلتها ومازلـــــــــــــــــــــــــــــــــــــــــت من هاب الرجال تهيبوة , والرجال مقامات , ولا يعرف قدر الرجال الا الرجال ,,,,,,,,,,,,,,,,,,,,,,,,,,,,,,,,,

هذا الانسان الخلوق , المهذب , المحترم , المؤدب , الهاش , يقابلك ببشاشة وود يعطيك احساس انة يعرفك منذ زمن , لا يتكلف كثيرا انما هو هكذا بسجيتة زووول بسيط ومتواضع

( ومن تواضع لله رفعة) ينتمى الى واحدة من الاجهزة النظامية فى هذا البلد لكن عندما تتعامل معة تجدة انسان اخر ,,,,,,,,,,,,,,,,,,,,,,,,,,, لا نود ان نسهب الحديث مدحا واطلالا

انما نترككم معة فى سياحة وابحار( فالتجلس على هذا الكرسى مابين مدنى وعسكــــــــــــــــــــــــــــرى )

العم بابكر الاسيد البطاقة الشخصية

التحيه لك أبوبكر الشيخ الإسيد....

والله فعلاً كلما ذكره الاخ راشد..ينطبق عليك تما ماً....

نبدأ بسم الله...

الجمــــــــــــره الأولى...
أبوبكر فى العمل الشرطى وأبوبكر فى البيت ..هل تنتقل الجديه..الشرطيه غلى البيت...؟؟

الجمــــــــره الثانيه...
وأنت تعمل فى شرطه المرور ووالدك سائق عربه وعمل مخالفه....هل تتخذ معه الإجرآءت وتدون له مخالفه أم....؟؟

الجمـــــــــره الثالثه...
بعض رجال المرور يقبلون الرشاوى..من سائقى المركبات ..الذين لايحملون رخص قياده..ومركباتهم غير مرخصــــه..ماهو رايك...؟؟

الجمـــــــــره الرابعه...
هل إرتكبت مخالفه من قبل ..وهل أقريت بها للطرف الآخر...؟

الجمـــره الخامسه...
حادث حركـــه مؤلم حدث أمامك كيف كان تصرفك معـــــــه...؟

وبجيك صــــــــــادى تانـــــــــى....

تعظيم سلام ابو بكر الشيخ
واسف جدا للتداخل فعلا اتفقت معك على الكرسي
الاعتذار ايضا للاخ راشد

ابننا ابوبكر الشيخ الاسيد لقد زاملت اخينا الشيخ الاسيد في الابيض في الستينات وانت طفل وانا عريس كما تذكر انت ذلك جيدا وللاسف الشديد ولظروف اغترابنا الذي امتد لعقود لم يتسني لنا اللقاء منذ ذلك الحين الا عبر هذا المنبر الرائع والذي نكرر شكرنا وتقديرنا للقائمين علي امره : والان وقد صرت انت ضابطا عظيما في شرطة المرور وانا ضابطا عظيما في المعاش ماهي النصائح التي تقدمها لارباب المغاشات وهم يقودون سيارتهم عبر شوارع الخرطوم المزدحمه وقد صار النظر نصف نظر والسمع نصف سمع والذاكره ربع ذاكره وشكرا
عمكم محمد افندي

مرحب بالخال , انت رجل شرطه وتقدمت ببلاغ ضد احد ائمة المساجد ماهو سبب البلاغ؟؟؟

لك التحـية والتقـدير ... وفي انتظــــــــارك ...

بابكر الشيخ الاسيد ضيف الكرسى الساخن لهذا الاسبوع D8d558338b

.

الاخ ابوبكر
سلامات وكيف الحال
العايز اعرفو لماذا وضعوك على هذا الكرسى هذا الاسبوع
آخر مرة زرت فيها الغابة

سلامٌ من الله عليــــــكم ..

أولاً : أعتذر عن التأخير ، والذى سببه أننى وُضعتُ فى هذا الكرسى الساخن يوم الجمعة ، والجمعة عطلة عن العمل ، كما أنها عطلة عن الإطلالات خارج نطاق الأسرة الصغيرة ، وإن كان المنتدى قد أصبح جزءاً من الأسرة ، إلا أن الجلوس أمام لوحة المفاتيح والشاشة يأخذك ، خاصة لو كنت محل إهتمام كل الأعضاء ، كما هو الحال للذى يجلس على الكرسى الساخن..

ثانياً : أشكر الإبن راشد الذى قال فىَّ ملم يقله مالكٌ فى الخمر .. ياخى انا ماقدر ده كلو . ربنا يديك العافية ويتمم ليك على خير يا عريس..

ثالثاً : سأبدأ فى الإجابة على أسألتكم وجمراتكم سؤال سؤال جمرة جمرة .. وعلى بركة الله..

مجدي عبدالله عاصي القيد كتب:: التحيه لك أبوبكر الشيخ الإسيد....
ولك التحية وزيادة..والله فعلاً كلما ذكره الاخ راشد..ينطبق عليك تما ماً....
لا والله ماكلو..
نبدأ بسم الله...
وعلى بركته..
الجمــــــــــــره الأولى...
أبوبكر فى العمل الشرطى وأبوبكر فى البيت ..هل تنتقل الجديه..الشرطيه غلى البيت...؟؟
لا ، بل ينتقل لين البيت أحياناً إلى العمل..
الجمــــــــره الثانيه...
وأنت تعمل فى شرطه المرور ووالدك سائق عربه وعمل مخالفه....هل تتخذ معه الإجرآءت وتدون له مخالفه أم....؟؟
نعم أعمل ليهو مخالفة وأدفع أنا قيمة الإيصال .. لكين مابقول ليهو : أوعك تانى تعمل كده
الجمـــــــــره الثالثه...
بعض رجال المرور يقبلون الرشاوى..من سائقى المركبات ..الذين لايحملون رخص قياده..ومركباتهم غير مرخصــــه..ماهو رايك...؟؟

لو قلت ليك مافى كلام ذى ده بكون ماصادق مع نفسى ، فى كل مجتمع يوجد الصالح والطالح ، ولكن تبقى آليات المحاسبة هى الفيصل.. كل شرطى يضبط بالرشوة يؤخذ بأشد العقاب..
الجمـــــــــره الرابعه...
هل إرتكبت مخالفه من قبل ..وهل أقريت بها للطرف الآخر...؟
نعم فى شارع الحاج يوسف دخلت الشارع خطأ واصطدمت بعربة بوكس ، وتحملت تبعات ذلك كله..
الجمـــره الخامسه...
حادث حركـــه مؤلم حدث أمامك كيف كان تصرفك معـــــــه...؟
لم يحدث أما ناظرىَّ حادث ، الغالب أُشاهد آثار حادث ، وحينها لم يكن علىَّ أن أتصرف ، إلا أن أقول لاحول ولا قوة إلا بالله..وبجيك صــــــــــادى تانـــــــــى....
عشان تسووى شنو ، مى كفاك..

شكراً إبن عمى .. وانا كنت قايل الكرسى ده شغال بالغاز ، اكان عارف فيها جمر كان جبت معاى جك موية .. كان تسمع : تش تش تش Smile

الصادق ابو حسن كتب:: تعظيم سلام ابو بكر الشيخ
واسف جدا للتداخل فعلا اتفقت معك على الكرسي
الاعتذار ايضا للاخ راشد

ولك الأخ الصادق أجمل تحية .. مادام الأسف ياخ و (no problem) ياخ..

عصام فتح الرحمن سالم كتب:: مرحب بالخال , انت رجل شرطه وتقدمت ببلاغ ضد احد ائمة المساجد ماهو سبب البلاغ؟؟؟

إنت الكلمك منو فى البلد داك؟؟ Smile

إمام المسجد فى خطبته ذكر أن هناك أفراد معينون من المرور ساومو صاحب حافلة على مبلغ من المال .. وذكر أن رجال المرور مرتشين .. طلبنا منه أسماء الأفراد ، بعد الخطبة ، وكان الغرض محاسبتهم ، خاصة وأنه كان قد ذكر أنه يحتفظ بالأسماء ومستعد لتقديمها لمن أراد .. لم يعطنا الأسماء ، ففتحنا فيه بلاغ إشانة سمعة .. طبعاً لو كان كلام عام عن إنتشار الرشوة وغير ذلك ، لما حركنا ضده أى بلاغ ، لكنه خصص أفراد معينين ..المهم أن هذا الأمام الآن من أقرب الناس للمرور وهو يعمل فى مجال التوعية المرورية ، وذلك بعد ان جلس معه مرور المرور ووجه بشطب البلاغ..

محمد محجوب كيري كتب:: لك التحـية والتقـدير ... وفي انتظــــــــارك ...

.

ولك أنت تحية أحلى وأجمل ..

ولك الشكر على هذا الإبداع ووضع صورتى فى إطار .. (الرسول قعد تسوهو كيفن جنس ده؟؟) Smile

أها الكلام الجوه الإطار ده سؤال أجاوب عليهو؟؟؟

محمد ميرغني عبدالرحمن كتب:: [color=red]الاخ ابوبكر
سلامات وكيف الحال
العايز اعرفو لماذا وضعوك على هذا الكرسى هذا الاسبوع

تقول شنو بس ؟؟
آخر مرة زرت فيها الغابةreen]آ
خر مرة زرت الغابة كان فى فبراير 2008 للعزاء فى وفاة خالى عبدالله دشى ، رحمة الله تغشاه../color]

الأستاذ محمد يديك العافية ، وإن شاءالله الناس كلها تبقى ذيك..

mohmdalsheikh كتب:: ابننا ابوبكر الشيخ الاسيد لقد زاملت اخينا الشيخ الاسيد في الابيض في الستينات وانت طفل وانا عريس كما تذكر انت ذلك جيدا وللاسف الشديد ولظروف اغترابنا الذي امتد لعقود لم يتسني لنا اللقاء منذ ذلك الحين الا عبر هذا المنبر الرائع والذي نكرر شكرنا وتقديرنا للقائمين علي امره : والان وقد صرت انت ضابطا عظيما في شرطة المرور وانا ضابطا عظيما في المعاش ماهي النصائح التي تقدمها لارباب المغاشات وهم يقودون سيارتهم عبر شوارع الخرطوم المزدحمه وقد صار النظر نصف نظر والسمع نصف سمع والذاكره ربع ذاكره وشكرا
عمكم محمد افندي

يا باشمهندس إنت مكبر نفسك ساكت .. إنت كنت عريس وأنا طفل ، وزمان الناس كانو بعرسو صغار والفرق بين العريس والطفل مابكون كتير ..

أما نصيحتى ، فهى ليست لأرباب المعاشات ، وإنما هى لأبناء هذا الجيل أن يأخذوا منكم النصائح ، فنصفُ نظركم بنظر إثنين من هذا الجيل .. ونصفُ السمع بأسماع ثلاثة منهم ، أما الذاكرة فدونك ماتخطه أنت هنا فى هذا المنتدى .. واسأل أى شاب من هذا الجيل عن المكان الذى وضع فيه مفتاح عربته قبل عشرة دقائق .. ألا ترى ، يا باشمهندس ، إنهم يربطون موبايلاتهم ومفاتحهم على كمرات بناطلينهم ، هم إنما يفعلون ذلك لأن ذاكرتهم خربة ، فلو تركو هذه الأشياء دون تربيط لتركوها فى مكان الساندوتشات ، او فى أمكنة البارد... Smile

.. تسلم يا باشمهندس وربنا يديك الصحة والعافية..

طبعاً البطاقة الشخصية أخرتها لأنى كنت نسيتها فى البيت (الله يستر من شماتة هذا الجيل)..

الإسم : بابكر (وإن شئت أبوبكر)الشيخ الأسيد ..

سعدابى أباً ودشنتاوى أماً..ا
لسكن: المهندسين مربع29 منزل 404 ..

العمل :عقيد شرطة - الإدارة العامة للشؤون القانونية (فرع المرور) .. يعنى أنا ماضابط مرور ..
تانى فى شنو؟؟
أيواا ، متزوج وأب لإثنين ، عمر فى سنة تامنة وعلى فى سنة سابعة..

هلالابى والحمدلله ..

انا مكبر نفسي ساكت كيف انت ما بتعرف الحساب ولا شنو؟ علي اية حال مشكور جدا يا ابابكر فقد رفعت معنوياتنا للسماء : والذي يعجبني في هذا المنتدي وخاليتا مكنكشين فيه هو سماع مثل هذا الكلام الذي يرد الروح : بالمناسبه وين طارق لطيف ؟

mohmdalsheikh كتب:: انا مكبر نفسي ساكت كيف انت ما بتعرف الحساب ولا شنو؟ علي اية حال مشكور جدا يا ابابكر فقد رفعت معنوياتنا للسماء : والذي يعجبني في هذا المنتدي وخاليتا مكنكشين فيه هو سماع مثل هذا الكلام الذي يرد الروح : بالمناسبه وين طارق لطيف ؟

هههههههههههههههه
ههههههههههههههههه
هههههههههههههه
الله يديم الكنكشة ..

طارق والله أنا ذاتى فقدتو ، لكن كدى خليهو لغاية أقوم من الكرسى ده.. Smile

وانا اقرأ ردودك استحضرت هدوءك كأني اسمعك وانت تتكلم على الرغم انا ما شفتك لاكثرمن نص ساعة ودي واحدة من مكاسب اجازتي الاخيرة
سؤال طرحته على الاخ الملازم راشد وعايز رأيك ( بس ما ترجع وتبص من راشد)
ما مدى وعي الشرطي السوداني؟
جاحة كدا : في الاونة الاخيرة كثرت جرائم المخدرات والقتل في الغابة ما اسبابها من وجهة نظرك؟ وكيف الحد منها

الأخ ابوبكر الشيخ الاسيد التحية لك وانت تُجلَس على الكرسى الساخن وتجيب على صواريخ اخونا المشير مجدى ومداخلات الباشمهندس محمد افندى اللطيفة بكل حنكة وكياسة وانا اقترح ان تنقل من الداخلية الى الخارجية ناطقا رسمى باسمها "بالجد بالجد ما مجاملة " وحقيقة عجبتنى تقدمة الشاب المهذب راشد كشكش وكل ما فى الكرسىمن اسئلة واجابات ولى سؤال واحد وهو :ــ كيف ينظر جناب العقيد شرطة ابوبكر لدور المحامى فى قضايا المرور بالخصوص والجنايات عموما؟؟ وما الذى يتبادر الى نفسك بصدق عندما يدخل عليك محامى حاملاً مظلمة موكله ؟؟؟..

ولك منى عميق الود واطيب التحايا ..

اعرف بجعبتك طرف كثيره ماهى اجمل طرفه بالذاكره؟؟؟

سعادة العقيد تعظيم سلااام

اضيف سؤالي مع سؤال عامر ابو
ماهي ادوات الشرطي ودورة في الكشف عن الجريمة قبل حدوثها
خاصة في مسالة الاغتصاااابات الكتيرة دي
...................
بصفتك ابن المنطقة وقيادي
يقولون نسبة معدل الجريمة في الغابة شي يحيّر
\سُكر\سرقة \احتيال\ شيكات \اغتصاب\ قتل\ \ زنا\وووو\؟ ومااسبابة؟ وكيف يتم معالجة هذة الظاهرة ؟
وماهي ثقافة الحس الامني لدى الشرطي في الغابة؟

لي عودة

الصادق ابو حسن كتب:: وانا اقرأ ردودك استحضرت هدوءك كأني اسمعك وانت تتكلم على الرغم انا ما شفتك لاكثرمن نص ساعة ودي واحدة من مكاسب اجازتي الاخيرة
سؤال طرحته على الاخ الملازم راشد وعايز رأيك ( بس ما ترجع وتبص من راشد)
ما مدى وعي الشرطي السوداني؟
جاحة كدا : في الاونة الاخيرة كثرت جرائم المخدرات والقتل في الغابة ما اسبابها من وجهة نظرك؟ وكيف الحد منها

نعم ، لم نلتقِ غير نصف ساعة ، ولكنها كانت كافية لى لأسبر غور شخصيتك ، فقد أكتملت فيها لوحة شخصيتك التى إرتسمت فى مخيلتى من خلال كتاباتك ..
الشرطى السودانى يتمتع بوعى نادر يُدركه من تعامل معهم مباشرة من غير الشرطيين من القضاة وغيرهم .. حكى لى أحد قضاة المحكمة العليا أنه فى بداية حياته العملية أنقذه شرطى من الرفت من الخدمة بسبب وعيه (سأحكى القصة فى غير هذا المكان).. من مظاهر وعى الشرطى ، أنك لو ذهبت لقسم الشرطة مبلغاً أو شاكياً ، فإن الشرطى المكلف بتلقى البلاغات لايفتح لك البلاغ مباشرةً بعد أن تسرد الوقائع ، وإنما يُناقشك فى الوقائع ويقترح عليك عدة حلول غير البلاغ ..
كثيرٌ من المبلغين جاءوا غاضبين ليفتحوا بلاغات ، رجعوا ليسلكوا طرقاً أخرى غير التقاضى بفضل نصائح الشرطيين ، خاصة عندما تكون الوقائع ذات طابع إجتماعى والمشكو ضدهم أقارب المبلغين.. سؤالك الثانى ستجدُ إجابته فى أسئلة الأخ طلال يس ، فمعذرة..

احمد سعيد ابراهيم كتب:: الأخ ابوبكر الشيخ الاسيد التحية لك وانت تُجلَس على الكرسى الساخن وتجيب على صواريخ اخونا المشير مجدى ومداخلات الباشمهندس محمد افندى اللطيفة بكل حنكة وكياسة وانا اقترح ان تنقل من الداخلية الى الخارجية ناطقا رسمى باسمها "بالجد بالجد ما مجاملة " وحقيقة عجبتنى تقدمة الشاب المهذب راشد كشكش وكل ما فى الكرسىمن اسئلة واجابات ولى سؤال واحد وهو :ــ كيف ينظر جناب العقيد شرطة ابوبكر لدور المحامى فى قضايا المرور بالخصوص والجنايات عموما؟؟ وما الذى يتبادر الى نفسك بصدق عندما يدخل عليك محامى حاملاً مظلمة موكله ؟؟؟..
ولك منى عميق الود واطيب التحايا ..

مرحب بالأستاذ والشكر لمجدى عاصى القيد الذى هيأ لنا شرف الإلتقاء بك للمرة الأولى ...
ناطق رسمى بإسم الخارجية حتتتة واحدة كده!! كمان بالجد جد مامجاملة ؟؟ يااااا !!

سؤالك واحد من شقين ولا سؤالين من شق واحد؟؟ Smile

.. المحامى هو رمز العدالة ، وهو الذى يحمل حق الدفاع عن المتهم وهو صمام الأمان لمبدأ المتهم برىء حتى تثبت إدانته دون شك معقول وذلك فى كل القضايا ، وفى قضايا المرور دور المحامى فى حفظ الحقوق لدى كافة الجهات ، شركات التأمين وغيرها ...

عندما يأتينى محام بمظلمة أشعر بأن هناك خارج الإدارة من يسلط لى الضوء على ممارسات الأفراد ، فنحن داخل مكاتبنا نحتاج لمن يعكس لنا أشياء هى من صميم عملنا .. وحقيقة كثيراً ماصدرت أوامر من الإدارة العامة للمرورلتنظيم مسائل وكان سببها مظلمات وملاحظات تقدم بها محامون..

عصام فتح الرحمن سالم كتب:: اعرف بجعبتك طرف كثيره ماهى اجمل طرفه بالذاكره؟؟؟

فى المدرسة المتوسطة ، كان هناك .. ياخ خلونى أحكى بالدارجى ..فى سنة تالتة متوسط كان عندنا إختبار دين وكان فيهو سؤال عن الذى أخرج الحديث (من هو مخرج الحديث؟؟) .. يلا فى واحد قاعد ورا النوع الماناقش أى حاجة داك الإجابات كلها يلقطها من الجنبو ، وبتفنن كمان يشف من القريبين كل سؤال من واحد مختلف والبعيدين يكورك ليهم بسوط منخفض ، يعنى وسوسة بصوت عالى .. اها قام وسوس لواحد إسمو طلال (طلال طلال المخرج المخرج) عايز يعرف مخرج الحديث.. طلال ده كان مستهبل جداً ، قال ليهو (بعد أن إلتفت عليه ووضع قفا يده أمام فمه) المخرج مكى سنادة..

.تانى اليوم الأستاذ جاب الورق ، وقبل يوزعو قال : فى ناس مستهترين جداً الله أكبر عليهم ، الكاتب لى المخرج مكى سنادة ده يطلع بره هنا .. ضج الفصل بالضحك وارتبك زولنا وطلع وهو محمِّر لطلال وبعمل ليهو بأصابعو الحركة ديك المعناها : أصبر لى آخر الحصص .. طبعاً طلال من حصة الفطور شتت..

طلال يس كتب:: سعادة العقيد تعظيم سلااام

اضيف سؤالي مع سؤال عامر ابو
ماهي ادوات الشرطي ودورة في الكشف عن الجريمة قبل حدوثها
خاصة في مسالة الاغتصاااابات الكتيرة دي
...................
بصفتك ابن المنطقة وقيادي
يقولون نسبة معدل الجريمة في الغابة شي يحيّر
\سُكر\سرقة \احتيال\ شيكات \اغتصاب\ قتل\ \ زنا\وووو\؟ ومااسبابة؟ وكيف يتم معالجة هذة الظاهرة ؟
وماهي ثقافة الحس الامني لدى الشرطي في الغابة؟

لي عودة

[size=24]مرحب طلال ..

منع الجريمة قبل وقوعها هى من أهم واجبات الشرطة ، ولذلك تنتشر الدوريات وتنشط المباحث والسوارى وغير ذلك من الإجراءات التحوطية التى تمنع الجريمة.. ولكن هناك أدوار تكمل دور الشرطة يجب أن يضطلع بها المجتمع ، فالشرطة ، مهما أوتيت من إمكانيات وأجرت من إجراءات ، فإنها لاتستطيع أن تُحيط بجميع المسارح التى يمكن أن تقع فيها الجرائم .. والمثال الذى أتيت به ياطلال ، هو من الأمثلة التى تتجلى فيها أهمية دور المجتمع والمنزل ، فهناك سلوك وممارسات تساهم فى جرائم مثل جريمة الإغتصاب ، المجال يضيق للتفصيل فى هذا الموضوع ، ولكن على سبيل المثال ننصح دائماً فى اجهزة الإعلام الأسر بتجنب إرسال أطفالهم لوحدهم لقضاء بعض الحاجات مثل إحضار حاجيات من البقالة ، خاصة بالليل ..

[أنا إبن المنطقة آه ، بس قيادى دى شنو؟؟ Smile

تطور الجريمة وارتفاع معدلاتها هو أمرٌ عالمى ولايقتصر على الغابة ، فالغابة تشهد تطور فى كل شىء ، حتى الجريمة .. أما معاجة ذلك فهو مهمة كل الحادبين من أبناء الغابة ووسائل ذلك كثيرة دينية إجتماعية ثقافية ، فالتوعية والتبصير وإعانة الشرطة هناك من باب أن الأمن مسؤولية الجميع ..كل ذلك وسائل متاحة تنتظر من يُفعلها../size]

من فشل فى الدراسه التحق بالشرطه او الديش والامن ( العساكر),
بتاع الحركه يوقفك ويقوليك بطريقه عنجهيه رخصتك تقول ليهو نعم؟ يرد ليك كلامى ده ما عربى واضح رخــــــصــــــتك. مافى لوسمحت او بعد اذنك ولا تسبقه تحيه. ما تعقيبك وكيف يرتقى الشرطى السودانى الى مستوى الوعى والمعايير الدوليه للشرطى فى خدمة الشعب ولا لاستغلالية الشعار وماهو دوركم كقانونيين او نخبه؟؟؟

عصام فتح الرحمن سالم كتب:: من فشل فى الدراسه التحق بالشرطه او الديش والامن ( العساكر),
بتاع الحركه يوقفك ويقوليك بطريقه عنجهيه رخصتك تقول ليهو نعم؟ يرد ليك كلامى ده ما عربى واضح رخــــــصــــــتك. مافى لوسمحت او بعد اذنك ولا تسبقه تحيه. ما تعقيبك وكيف يرتقى الشرطى السودانى الى مستوى الوعى والمعايير الدوليه للشرطى فى خدمة الشعب ولا لاستغلالية الشعار وماهو دوركم كقانونيين او نخبه؟؟؟

إذا كانت نظريتك صحيحة ، ففيها الإجابة على سؤالك عن سلوك الشرطى.. ولكن النظرية بتاعة الفشل دى هسه ماصحيحة ، والآن صفوف من حملة البكلاريوس يبحثون عن عمل فى صفوف الشرطة كشرطيين فنيين ..
أما الأسلوب الذى يواجهك به الشرطى ، فليس لأنه شرطى ، ولكنه لأنه سودانى .. ونحن هنا فى السودان نفتقر للأسلوب المهذب فى المخاطبة والتعامل ، وأذكر أن إحدى عضوات هذا المنتدى قد فتحت بوستاً فى هذا الموضوع ، أرجو من الإدارة أو أى عضو رفع هذا البوست ، فما أذكره أن به مساهمات قيمة..

1- العقيد ابوبكر الشيخ تغلب علي شخصيته روح الدعابة بالرغم من وظيفته التي تتسم بالجدية واعتقد هذه الصفه ورثها من الوالد الشيخ الاسيد امد الله في عمره اليس كذلك؟

2-العاصمة الخرطوم تفتقد للتنظيم المروري وتشكي من العشوائية في استخدام الشارع العام ولاتوجد ادني مقومات ضوابط الحركة من اشارات كافيه وكاميرات مراغبة؟

3- لماذا لا يتم تطبيق النظام الالكتروي في تسجيل المخلفات بدل الايصالات التي توجد بها ثغرات كثيرة للتلاعب بمبلغ المخالفة؟

4- سؤال قد يبدو مكرر شرطي المرور عمله الاضافي ذيادة راتبه من المخالفت المرورية؟

5-معظم مشاكل الغابه سببها حب الخلاف وغياب محاضر الخير التي كان يديرها في الماضي الشيوخ والعمد الذين غيب اغلبهم الموت وحتي علي مستوي المنتدي نجد حب الخلاف متأصل فينا والدليل علي ذلك مع وجود اقل مشكلة تافهة في المنتدي يدلي الجميع بشهاداته وصوته حتي لوكان طال غيابه عن المنتدي شهور يحرص علي الحضور ماهو رأيك فيما زكر؟

6- لو كنت مسؤل عن ادارة شؤون قريتك الغابه لمدة محددة ماهي اول القرارات والخطوات التي سوف تجريها؟

7- طرحت اكثر من فكرة في المنتدي لصناديق واعمال خيرية ولكن للاسف لم يتم تنزيل اي منها علي ارض الواقع فهل برأيك الاعضاء مؤهلين بالقدر الكافي للمساهمة في رفعت المنطقة ام ان الجميع ولا استثني نفسي نجيد فن الانشاء والحكي علي الفاضي؟
ونأسف للاطاله
تعظيم سلام سيادة العقيد[b]

أ.ابوبكر ازيك وكل سنه وانت طيب
قديما قالوا الشرطه في خدمة الشعب وحديثاقالو الشعب والشرطه في خدمه الوطن فمباانك زول شرطه ما رايك في المقولتين وفي التغييرالحصل دا؟

أسماعيل كيجاب كتب:: 1- العقيد ابوبكر الشيخ تغلب علي شخصيته روح الدعابة بالرغم من وظيفته التي تتسم بالجدية واعتقد هذه الصفه ورثها من الوالد الشيخ الاسيد امد الله في عمره اليس كذلك؟

بلى يا إسماعيل ، لكن برضو مابنحصل الكواجيب
2-العاصمة الخرطوم تفتقد للتنظيم المروري وتشكي من العشوائية في استخدام الشارع العام ولاتوجد ادني مقومات ضوابط الحركة من اشارات كافيه وكاميرات مراغبة؟

نعم ، والعملية المرورية لها شركاء أُخر غير إدارة المرور فالشوارع من إختصاص الشؤون الهندسية ، والإشارات شأنٌ تختصُ به الولاية.. ولذلك أُنشأ المجلس الأعلى للسلامة المروري يضم كل هذه الجهات وغيرها..
3- لماذا لا يتم تطبيق النظام الالكتروي في تسجيل المخلفات بدل الايصالات التي توجد بها ثغرات كثيرة للتلاعب بمبلغ المخالفة؟
سيكون ذلك قريباً ، وهو مشروع فى بدايات تنفيذه.
4- سؤال قد يبدو مكرر شرطي المرور عمله الاضافي ذيادة راتبه من المخالفت المرورية؟
عائد المخالفات يذهب للولاية ووزارة المالية ونسبة قليلة للمرور ، وهذه حقيقة لايعلمها معظم الناس..
5-معظم مشاكل الغابه سببها حب الخلاف وغياب محاضر الخير التي كان يديرها في الماضي الشيوخ والعمد الذين غيب اغلبهم الموت وحتي علي مستوي المنتدي نجد حب الخلاف متأصل فينا والدليل علي ذلك مع وجود اقل مشكلة تافهة في المنتدي يدلي الجميع بشهاداته وصوته حتي لوكان طال غيابه عن المنتدي شهور يحرص علي الحضور ماهو رأيك فيما زكر؟

الله يرحم أبوك يا إسماعيل ، ولكن الخلاف لايفسد للود قضية ، بل فى كثير من الأحيان يكون ضرورياً لأنه يقود لنقاش موضوعى يخرج بنتائج إيجابية وليدة تلاقح أفكار..
6- لو كنت مسؤل عن ادارة شؤون قريتك الغابه لمدة محددة ماهي اول القرارات والخطوات التي سوف تجريها؟
كدى سونى مسعول بعد داك نشوف..
7- طرحت اكثر من فكرة في المنتدي لصناديق واعمال خيرية ولكن للاسف لم يتم تنزيل اي منها علي ارض الواقع فهل برأيك الاعضاء مؤهلين بالقدر الكافي للمساهمة في رفعت المنطقة ام ان الجميع ولا استثني نفسي نجيد فن الانشاء والحكي علي الفاضي؟

كل المواضيع المطروحة تفتقد للخطوة الإيجابية ، فلايجدى إلقاء الفكرة هكذا دون إقتراح خطوة عملية تبدأ بها ، كما أن هناك أفكار ومقترحات لخطوات عملية / ولكنها غير ذات فائدة ، مثلاً نقول فليذهب البعض للغابة ، إفرض مشو ، حيعملو شنو،ويقولو شنو، ولمنو؟؟؟؟
ونأسف للاطاله
نان مالو؟؟ ، بس تانى ماطول كده
تعظيم سلام سيادة العقيد
سلام ليك ياسمعة[b]

شكراً يا كوجيب ، بس عليكم الله ماتكترو لى من الأسئلة بتاعت الشغل دى كندو مرور وكندو شوارع وكندو شنو داك مابعرفو!! ان قاعد أطلع من جو الشغل بالمنتدى ده تقوم تجى تقول لى بوليس الحركة؟؟ Smile

راقيه محمد حسين كتب:: أ.ابوبكر ازيك وكل سنه وانت طيب
قديما قالوا الشرطه في خدمة الشعب وحديثاقالو الشعب والشرطه في خدمه الوطن فمباانك زول شرطه ما رايك في المقولتين وفي التغييرالحصل دا؟

أهلاً ، وإنت طيبة يا راقية.. طبعاً المقولة الأكثر إيجابية وعمليةً هى ، الأمن مسؤولية الجميع ، والتى لو أُنْزِلَتْ لأرض التنفيذ لسلم الناس وأمنوا..

عايز اطلعك من الكاكي
مدينة زرتها وتركت اثرا في نفسك وتتمنى زيارتها
دولة زرتها واخرى تتمنى زيارتها
كيف تتعامل مع ابنائك في البيت خصوصا انهم( ما شاء الله ) كبروا ، مثلا ، اخر مرة ضربت واحد فيهم وما رد الفعل

الصادق ابو حسن كتب:: عايز اطلعك من الكاكي
ياسلام والله دى أحسن حاجة..

مدينة زرتها وتركت اثرا في نفسك وتتمنى زيارتها

المدينة المنورة ..المدينة المنورة.
دولة زرتها واخرى تتمنى زيارتها
تركيا ، كده لبستنى الكاكى تانى لأنى مشيت تركيا فى زيارة رسمية(كورس) ..دولة أتمنى زيارتها اليابان..

كيف تتعامل مع ابنائك في البيت خصوصا انهم( ما شاء الله ) كبروا ، مثلا ، اخر مرة ضربت واحد فيهم وما رد الفعل

والله ماقعد أضرب خالص ، يمكن وراثة ، لأنى لم أُضرب خالص والوالد كان يقول لنا إن والد الأسيد لم يضربهم أبداً ، بل كان يقول للواحد لمن يزعل منو شديد : الله يهديك..

بارك الله فيك الأخ المدير ، كدى نشوف المدير التانى شايفو خش.. Smile

محمد محجوب كيري كتب:: >

::

تعظيم سلام .. ارمي لي قدام .. اكل الحمام .. عشان ما يجيك الزكام .. وانت صاحب نظام .. ومن الناس العظام
انا جيت وليك مني ارق السلام .. وبرفع التمام .. ليك ولمحمد افندي الهمام .. عشان نشفي من العلل وامراض العظام

بابكر الشيخ الاسيد ضيف الكرسى الساخن لهذا الاسبوع Iamhere

بابكر الشيخ الاسيد ضيف الكرسى الساخن لهذا الاسبوع Iamhere

tarig lateef كتب:: تعظيم سلام .. ارمي لي قدام .. اكل الحمام .. عشان ما يجيك الزكام .. وانت صاحب نظام .. ومن الناس العظام
انا جيت وليك مني ارق السلام .. وبرفع التمام .. ليك ولمحمد افندي الهمام .. عشان نشفي من العلل وامراض العظام

فى حضرة حضورك يطيب القيام
صلى ياربى على خير الأنام
سلام ياطارق سلام

ربنا يديك الفى المرام..

أهــــــا لقيتنى كيف؟؟؟

بسم الله نبدا واسئلة خفيفة كدا !!
السعال الاول : كيف تعرفت ع شريكة حياتك ؟
السعال التاني : قالو ناس الشرطة والجيش اكتر ناس بيخافو من نسوانم .. مارايك وبصراحة ؟
السعال التالت : كم مرة في الاسبوع تخرج مع اسرتك لكي تشم هوا .. وهل هي من قناعاتك ام اوامر الزوجة ؟
السعال الرابع : هل قبل كدا عزمت واحدة او اكثر من زميلاتك لوجبة عشاء في البيت ؟
السعال الخامس : لم اقابلك من قبل لكن اظن انك صاحب مقالب وكدا .. كم مرة عملت مقلب لزوجتك حتي بكت .. اذكر المقلب ؟
السعال السادس : هل تفكر في الزوجة التانية .. هل انت خائف من الخطوة .. ما اسم زوجتك التانية ؟
السعال الاخير : ما تعليقك علي التالي :-

بابكر الشيخ الاسيد ضيف الكرسى الساخن لهذا الاسبوع 013ac43e9b

بابكر الشيخ الاسيد ضيف الكرسى الساخن لهذا الاسبوع 013ac43e9b

tarig lateef كتب:: بسم الله نبدا واسئلة خفيفة كدا !!
أسئلة وللا أسعلة؟؟
أالسعال الاول : كيف تعرفت ع شريكة حياتك ؟
كانت زميلة بنت أختى وصديقتها ..
السعال التاني : قالو ناس الشرطة والجيش اكتر ناس بيخافو من نسوانم .. مارايك وبصراحة ؟
إنت القال ليك منو؟؟ بصراحة ، ماصاح طبعاً لأن الخوف من الزوجة لاعلاقة له بمهنة الزوج.. هسه هناى داك شرطى؟؟ ماترا بخاف من مرتو
السعال التالت : كم مرة في الاسبوع تخرج مع اسرتك لكي تشم هوا .. وهل هي من قناعاتك ام اوامر الزوجة ؟
كتيير وبقناعتى مرة ومرة بإقتراح من المدام ومرات من الأولاد..السعال الرابع : هل قبل كدا عزمت واحدة او اكثر من زميلاتك لوجبة عشاء في البيت ؟
السعال الخامس : لم اقابلك من قبل لكن اظن انك صاحب مقالب وكدا .. كم مرة عملت مقلب لزوجتك حتي بكت .. اذكر المقلب ؟
مرة واحدة ،لكن مابكت.. كان مفروض نطلع مناسبة زواج مع بعض ، وبعد إتجهزت طلعت أنا والعربية كان بتقوم دفرة واول ماطلعت لقيت شباب ماشين وقلت ليهم يدكم ياشباب ، يلا قامو دفرونى ليك دفرة لمن العربية قربت تطير وماوقفت إلا جنب النادى ، وهى بهناك منتظرة لغاية مانامت ..
السعال السادس : هل تفكر في الزوجة التانية .. هل انت خائف من الخطوة .. ما اسم زوجتك التانية ؟

لا أفكر .. إسمها كوثر..

السعال الاخير : ما تعليقك علي التالي :-

جنك عرس إنت متعرس عشان تعرف الإجابات براك Smile

جنك عرس إنت متعرس عشان تعرف الإجابات براك Smile

[/quote]

هاهاهاهاهاااااااااااا والله عجبتني
كلامه دا كله حيطير من راسه بعدين

بابكر الشيخ الاسيد ضيف الكرسى الساخن لهذا الاسبوع 952259013

الشعب يريد الزوجة التانية ؟؟؟

بابكر الشيخ الاسيد ضيف الكرسى الساخن لهذا الاسبوع Images?q=tbn:ANd9GcRR_PXf1UC-zPNKZsxwtRxbw9B8CbRO5a85f-WXe_1Ow3gWh5gcZdKir7cy

؟؟؟ يعني طار ليكم ؟؟؟

إنت ياطارق قعدت فى الكرسى الساخن وللا لسه؟؟؟ لو ماقعدت حاأحكى ليك قصة وفى نهايتها أسألك سؤال جاوب عليهو ، ولو ماجلست جاوب عليهو لما تجلس ، أوكى؟؟
كان فى شايقى بقول لصاحبو الشايقى الزيو : تعرف آعصمان أنا خليت الشاى ولا سوالى شى ضُمَّ ضُمَّ .. شاى الصباح ماشربتو ماشوالى شى .. شاى الفطور ما شربتو ماسوالى شى ..ذى الساعة إطناشر كدى كت قع أشرب شاى ، أها الساعة إطناشر جات ماشربتو ماسوالى شى .. أها لمن جا شاى بعد الغدا وختو الكبابى الناس كوولهم شربو أنا ماشربتو ماسوالى ش... هنا قاطعه صاحبو الشايقى الزيو وقال ليهو : هوى هوى هوى إنت قايلو بسوى شنو ، مابيخليك تهضرب جنس هضربتك دى...

أها ياطارق السؤال هو : ما علاقة هذه القصة بحالتك مع العرس؟؟؟ Smile

مره العقيد قابل خطيبته فى عزومه وكانت تبع الجماعه البسوو الاكل والعقيد كان مركز فى الحاجه السوته , بت اخت العقيد بعد الوجبه قالت ليهو يا خال رايك شنو فى تبيخى ده قال ليها والله ما بطال لكن الصلطه كانت احلى.علما بأن الصلطه كانت من صنع خطيبته.

عصام فتح الرحمن سالم كتب:: مره العقيد قابل خطيبته فى عزومه وكانت تبع الجماعه البسوو الاكل والعقيد كان مركز فى الحاجه السوته , بت اخت العقيد بعد الوجبه قالت ليهو يا خال رايك شنو فى تبيخى ده قال ليها والله ما بطال لكن الصلطه كانت احلى.علما بأن الصلطه كانت من صنع خطيبته.

هسه الكلام ده علاقتو بالكرسى الساخن شنو؟؟ شفت ليك سلطة بختوها فى النار؟؟؟!! Smile

التحية لك حبيبنا أبوبكر..

جيناك صادين تانى....نواصل..

الُشعله الأولى *.ماهى المهنه التى كنت تتمناها قبل دخولك الشرطه....!!

الشُعله الثانيه**.. من ماذا تغار المدام ...!!

الشُعله الثالثه***...ماهو اللقب المحبب لك..!!

الشُعله الرابعه****....اين تجد نفسك فى المنتدى..!!

الشُعله الخامسه*****.....ماهى احب المواضيع التى تكتب عنها فى ا لمنتدى....!!

وبجيك صادى ياود عمى قبل ماتقوم من الكرسى...!!

مجدي عبدالله عاصي القيد كتب:: التحية لك حبيبنا أبوبكر..

جيناك صادين تانى....نواصل..
يا ساتر ، الجمر تحول لشعلات ، الله يجيب الأسبوع ده قبل الإنفجار
الُشعله الأولى *.ماهى المهنه التى كنت تتمناها قبل دخولك الشرطه....!!
البوليس

الشُعله الثانيه**.. من ماذا تغار المدام ...!!
من كل أيام الأسبوع عدا يومى الجُمُعة والسَبْت..
الشُعله الثالثه***...ماهو اللقب المحبب لك..!!
الصِدِيق (بنفس اللهجة حسب التشكيل)لأنه اللقب الذى تنادينى به أمى بت ود أحمد..
الشُعله الرابعه****....اين تجد نفسك فى المنتدى..!!
تجد الإجابة على الشعلة الخامسة ..
الشُعله الخامسه*****.....ماهى احب المواضيع التى تكتب عنها فى ا لمنتدى....!!
المواضيع التاريخية والدينية والرياضية ، ولذلك أجد نفسى فيها أين ماوجدت بهذا المنتدى.
وبجيك صادى ياود عمى قبل ماتقوم من الكرسى...!!

تعال يوم السبت

وين الصور؟؟ Smile

بابكر الشيخ الاسيد ضيف الكرسى الساخن لهذا الاسبوع Sign1

رأيك فى ولوج الجنس اللطيف العمل الشرطى ولاسيما شرطة المرور...؟؟

بابكر الشيخ الاسيد ضيف الكرسى الساخن لهذا الاسبوع 14-10-2010_78494595

» الكرسى الساخن لهذا الاسبوع
» أشرف أحمد نقد الله على الكرسي الساخن لهذا الاسبوع
» المقدم كمال فتح الرحمن يسخن الكرسي الساخن لهذا الاسبوع
» الفارس على الكرسى الساخن هذا الاسبوع الاستاذ/ حاتم عبدالله كيرى يا مرحبا
» فيصل ترنتى والكرسى الساخن لهذا الاسبوع