بين الشارع والشوارع

في ضجيج زيف البادر
والقراية اللاها اول لاها اخر
جات بنيه طه تقرا
شايله في اماله بكرة
بكرة تقرا وتبقي طفرة
طفرة في الزمن المكاجر
بقرن البنوت عليها
دودروها
جرجروها
وطوعوا الريد جابو ليها
؛؛؛؛
باقي النص موجود بس قلت اهبش الموضوع وانتظر الردود والنقاش الحاد المثمر في قضية تمسنا كلنا شئنا ولا ابينا منو المسؤل عن بتي وبتك اختي واختك امي وامك وكل الناس الحالم زيك وبحلموا انو يعيشوا مستورين
سؤال الحوار :- نعمل شنو عشان نطلع جيل يرفع الراس """""""""""" الرجاء تناول الموضوع باهمية

الاخ محمد موسى حاج احمد بين قوسين الارسنال
حقيقه موضوع طويل ومهم وداير ناقش
نبدا من الداخل وحته حته
يعنى من جوه الاسره
وباقى الكلام بعد الناس تشارك.........يتبع

حسب رأيي المتواضع أقول أن من الصعب جدا وضع هذه الجملة بمفرداتها و معانيها لابد أن نتعمق في دلالاتها المعرفية حتى نستطيع أن نفهم ما تحمله من تعبيرات وأفكار ذات أهمية خاصة لكل فرد فينا...
ولكن دعني اشارك برأيي وان خرج قليلا عن موضوع السؤال ، وبقول في اغلب الأحيان نخلط بين المشاعر والعواطف وبين السلوك ....
واذا تكلمنا عن السلوك فالسلوك هو النشاط الذي يعبر عنه الفرد من خلال علاقاته بمن حوله وسلوك الفرد له عدة عوامل تأثر فيه ومنها البئية المحيطة بالفرد ، ولماذا لا نجعل البئية المحيطة بالفرد هي الاسرة الصغيرة قبل المجتمع الكبير الذي قد يأتي بالحميد والخبيث ، وتأكيدا لهذا اذا الانسان لم يكن لديه وازع في داخله يحده عن فعل الخطأ سوف يفعل ما يشاء ، ايا كان نوع هذا الوازع ، وازع ديني ، اسري ، عقائدي ، اجتماعي ... الخ
ولابد أن يدرك اي فرد فينا انه المسئول الأول والأخير عن سلوكه وعن سلوك عائلته , كما في الحديث : كلكم راعي وكلكم مسئول عن رعيته .
بصراحة موضوع في غاية الاهمية وياريت الناس تتفاعل معه لكي تعم الفائدة.

والله انا قاعد ساعه عشان اعرف حاجه واحده بس ماعرفته غايتو كلامك عجبني يابكري بالرغم اناعارف حاجه

فعلا الاسره هي النواه الحقيقة لانتاج الجيل الصالح لكن لو اخدنا في الاعتبار مبداء التاثير والتاثر بالنسبة للفرد فبيتضح ومن وجهة نظري انو المجتمع المحيط بالفرد اهم نوعا ما من الاسرة . اقصد هنا ان الاسرة لاتسطيع ان تراقب 24 ساعة ولا تسطيع ان تري خلف الجدران لذلك نجد ان الاجيال السابقة كانت اكثر التزاما من الجيال التي تلت وذلك لسبب صغير انو اللشارع كان لاعب دور كبير في حياة الناس يعني الواحد في الشارع اي واحد ابر منو لو شافو في طريق غلط بيزجرو وحتي لو اضطر الامر يضربو والموضوع عادي . لكن في زمنا ده وبكل صراحة لو بالغلط هرجت ليك شافع من شفع جيرانك القيامة تقوم . وده بيرجع بينا لي دور الاسرة الابتدائي في التنشئة .
اذا المسؤلية تضامنية لكن بمعايير واوزان غير متساوية لكن لو الشارع ما رجع زي زمان والبيت بقي ياهو البيت الزمان للاسف حنطش ونوحل في الظلط

والله اعلم
ارسنال

انا اعتقد دور الاسره اهم واكبر واكثر تأثيرا من المجتمع الخارجى
الاسره عبارة عن شتلة صغيره وضعيفه فى البدايه
والشتلة دى اذا سقيناها وسمدناها وعمقنا ليها الحوض
تبقى شجرة كبيرة وقويه ومثمرة ولو مامثمره ضلها بكون حلو
ولو جات عاصفة مابتقلعة
يتبع..............