لماذا السودانيون؟

لماذا السودانيون دون الاجناس الاخرى يتخلون عن سودانيتهم بسهولة
وينجرفون في اودية الجنسيات الاخرى وويقلدونهم تماما في اللهجة واللبس وغيرها
على الرغم من ان عاداتنا يجب ان يحتذى بها

ليس كلهم بل بعضهم وهذا يعذى لظروف اقتصاديه او سياسيه او عرقيه ,ولو تخلى عن كل شى لن يتخلى عن كلمة يا زول .

والله ده موضوع حيوى .. كدى نصلى الضهر ونجيكم صاد..

اكيد مش الكل ولكن السواد الاعظم ولا سيما اوساط الشباب خارج السودان وليس داخله
لاحظت ذلك كثيرا في اوساط طلاب المدارس السودانيين المختلطين بغيرهم على عكس المصريين مثلا
ثم ان اول لفظة تخلوا عنها لفظة زول بل يتحاشون لفظها حتى لا تكون محط سخرية

أن تعتاد التحدث بلهجة بلد أقمت فيه وتعاملت مع أهله ، أمرٌ عادى فهم حولك فى العمل ، وربما فى الجيرة .. ولكن مع ذلك يمكن للسودانيين أن يؤثروا فى من حولهم لو انهم تمسكوا بلهجتهم فيجبروا الآخرين على الإعتياد على فهمها ، على الأقل ، إن لم يتحدثوا بها ..

ولكن المشكلة الحقيقية هنا فى السودان تلقى فى مصرى واحد شغال فى محل كلهم سودانيين ، أسبوع بس تلقاهم كلهم يتكلمو مصرى ، وتسمع آه وإيه .. تقول للواحد تعال للفطور ، يقول ليك : مليش نفس النهار ده ، وحكمة الله الفطور يكون قراصة بويكة ...

ابننا الصادق في بدايات اغترابنا عرض علينا الجوازات وكان الرفض التام من الجميع وذلك لاننا كنا اذلة علي المؤمنين اعزة علي الكافرين وكان السوداني يتعمد لبس الجلابيه والعمامه لان ذلك كان يميزه عن سائر خلق الله ويكسوه مهابة وجلالا : سوف اسوق لك قصه حقيقيه تدلك علي نبل الفرد السوداني في احد المرات زار احد الشوام رفيقا له في الستشفي وكان في نفس الغرفه سوداني يبدو انه وصل حديثا ولم يكن يعرف احدا قال للشامي من فضلك اذا لاقيت سوداني خليه يجيب لي بشكير فسأله ما اسمه فقال له السوداني ياخي قلت ليك البتلاقيه في دربك كلمه وفعلا بلغ الشامي احد السودانيين واعطاه رقم الغرقه وفي اليوم التالي ولدهشة الشامي وجد ان البشكير بحوزة السوداني : هذا حدث عندما كنا كما قلت لك اذلة علي المسلمين اعزة علي الكافرين اما الان فربنا يجازي الكان السبب في جعلنا اعزة علي المسلمين اذلة علي الكافرين

ملصق جميل اخى الصادق لكن ....أمس وفى لقاء تلفزيونى وعلى قناة النيل الازرق سُئل العداء السودانى العالمى أبوبكر كاكى من المذيعة سؤالاً مؤثراً: هل يا كاكى اذا عرضت عليك جنسية دولة اخرى ستتخلى عن السودانية ؟ فأجاب كاكى كيف اتخلى عن جنسية بلدى ..من سيقابلنى فى المطار وكيف ستقابلنى اسرتى عندما اعود ودون ان اشعر سقطت من عينى دمعة حرى على وطنى الحبيب ....بالمناسبة اخى الصادق هناك الكثير من السودانيين كما ذكر الباشمهندس رفضوا جنسيات اجنبية وهذه نفسها مسألة نسبية لأن هناك دول تأخذ بمبدأ تعدد الجنسيات وهذه لا بأس ان تقبل جنسيتها لأنها ربما تسهل عليك خدمة وطنك الاصلى مثل الجنسية الامريكية وهناك دول تشترط عليك ان تتنازل عن جنسية وطنك الاصلى وهنا يكون المحك لإختبار الوطنية وصدق الانتماء ...

أما اللهجة واللغة فأى شخص يغادر جغرافية وطنه عليه أن يعرف أن أول ما يتخلى عنه هو اللغة الدارجة لوطنه وهذه تكون رغم أنفك لأن الإغتراب نفسه يعنى التنازل عن الكثير من القيم والاشياء فعندما تبعد عن اهلك وعشيرتك ودفء وطنك تنسى مع كل هذه الاشياء الغالية لهجة اهلك وبعض ملبسهم ومأكلهم ..رد الله غربة الجميع "اللهم أمنًا فى أوطاننا " كما كان يدعو لنا جارنا شيخ الباقر عليه ألف رحمة فى مرقده ...تحياتى

ذي ما قال استاذي أفندي وأحمد... من خل داره قل مقداره ... ومافي زول في الدنيا بقلل مقداره بيده.... ويكون كذاب أي واحد يقول مرتاح في غربته رغم الهنا والدنانير والعز العايش فيهو.... وكمان عيشة الهنا ولت زمااااااان البرة ذي الجوة بس فايتنهم بستر الحال...
كدي وفر للفرد أن يعيش مستور بي راتب يكفيه ووفرليهو يتعالج ويتعلم وسكنه بعد كده شوف لو تلقى ليك طابور تأشيرة ولا استخراج جواز.....
لكن لو وفرت ديل أبان كروش وجيوب سبب الأذية يملوها من وين؟
تبكي على لهجة اتغيرت... وحياتك مآسى بالشوالات في أطفال عربيهم ذاتو راح خليك من اللهجة... وبعداك شوف ورا وديرة العربي يكون روح شنو من موروثاته...

يقولون ان من اللباقة والكياسة ان تتكلم مع اي انسان بما يحب ان يسمعك ولكن في حدود المعقول والصحيح , ان لا اؤيد من يتخلي عن لهجة بلدة ووطنه لكن اخي الصادق في بلاد الغربة وخاصة البلاد العربية اذا تحدثت السودانية الدارجة صدقني لن يفهمك احد هم يقولون في البداية ان لهجتنا سريعة وانا اعزو ذلك لضعف اعلامنا الذي لا يكاد يري في شاشات التلفاذ طبعا المصريون والشوام غذو شاشات التلفاذ بمسلسلاتهم واعلامهم لذلك فرضو لغتهم ولهجتهم علي الناس لكن هل تقول لي مسلسلا وا فيلما او برنامجا سودانيا واحدا لقي النور لكون عربيا ناهيك ان يكون عالميا ............. يا اخي مصيبتان في اعلامنا لكن ما اتعجب واستغرب له الي من يرجعون السودان في اجازاتهم ويتحدثون اللهجات الاخري الصرفه مثل ايه والحين انت وين ومش عارف ويكون هو ليهو يدوب سنتين اغتراب او جاء زيارة 14 يوم ورجع . تحياتي

الاخ الصادق الجنسية وينا للسودانين
نعم في زمنكم سيادة العم افندي كان المغترب عزيز وزي ماقالو ابان شلوخ هم الرفعوا اسم السودان في ذلك الزمان ولكن عندما تم اذلالنا في بلادنا اصبحنا نبحث عن جنسيات اخري وخاصة الخليجية ولكن وينا لينا من الصعب جدا ان يتحصل احد علي الجنسيات الخليجية وكذاب من قال انه سيرفض وندمان الرفض زمان لان هذه البلاد يتمنا الجميع جنسيتها وهناك من يدفع المبالغ الطائلة والوساطات ومع ذلك هيهات وذلك لعدت اسباب فناخذ السعودية كمثال
1/سهولة العيش وذي مابيقول الرمة يعيش
2/التعليم المجاني لمنسوبي الدول العربية وذلك بجوار السعودين من الابتدائي الي الثانوي مع العلم ان الطالب الواحد يكلف الدولة 13000 دولار وطبعا اذانال الجنسية فالجامعة مجان
3/الرعاية الصحية للجميع متوفرة من قبل شركات التامين
ومن الاشياء المغرية مافي بتاع شرطي مرتشي ولافي حد يعطلك والكاميرات متوفرة 4
/والطرق معبدة والزمن في يدك
5/ولاتوجد رسوم نفايات ولاوجع قلب والموية شبه مجانا ومابتقطع الانادرا
6/الكهرباء عشرة سنة موجودين ماشفناهاقطعت
والكثير الكثير من غيراذدراءولاافتراء علي الاخرين ولامن ولااذي كمايحدث في السودان
ياخي ديل الكبري بتاع جدول الكندوة جايبين محافظ الدبة عشان يفتحوا
اماعن اللهجة فهي من متطلبات العمل فتجد الجميع يذهب الي التحدث بعربي شرق اسيا ان صحت التسميه
الاخ الصادق لك منا الف تحية وين ليك الجنسية القطرية فمثلنا لايفكر وعلي العم افندي المحاولة مرة اخري هههههههههه

عمر عوض حماد كتب:: الاخ الصادق الجنسية وينا للسودانين
نعم في زمنكم سيادة العم افندي كان المغترب عزيز وزي ماقالو ابان شلوخ هم الرفعوا اسم السودان في ذلك الزمان ولكن عندما تم اذلالنا في بلادنا اصبحنا نبحث عن جنسيات اخري وخاصة الخليجية ولكن وينا لينا من الصعب جدا ان يتحصل احد علي الجنسيات الخليجية وكذاب من قال انه سيرفض وندمان الرفض زمان لان هذه البلاد يتمنا الجميع جنسيتها وهناك من يدفع المبالغ الطائلة والوساطات ومع ذلك هيهات وذلك لعدت اسباب فناخذ السعودية كمثال
1/سهولة العيش وذي مابيقول الرمة يعيش
2/التعليم المجاني لمنسوبي الدول العربية وذلك بجوار السعودين من الابتدائي الي الثانوي مع العلم ان الطالب الواحد يكلف الدولة 13000 دولار وطبعا اذانال الجنسية فالجامعة مجان
3/الرعاية الصحية للجميع متوفرة من قبل شركات التامين
ومن الاشياء المغرية مافي بتاع شرطي مرتشي ولافي حد يعطلك والكاميرات متوفرة 4
/والطرق معبدة والزمن في يدك
5/ولاتوجد رسوم نفايات ولاوجع قلب والموية شبه مجانا ومابتقطع الانادرا
6/الكهرباء عشرة سنة موجودين ماشفناهاقطعت
والكثير الكثير من غيراذدراءولاافتراء علي الاخرين ولامن ولااذي كمايحدث في السودان
ياخي ديل الكبري بتاع جدول الكندوة جايبين محافظ الدبة عشان يفتحوا
اماعن اللهجة فهي من متطلبات العمل فتجد الجميع يذهب الي التحدث بعربي شرق اسيا ان صحت التسميه
الاخ الصادق لك منا الف تحية وين ليك الجنسية القطرية فمثلنا لايفكر وعلي العم افندي المحاولة مرة اخري هههههههههه

هل صحيح أن السعودية هكذا ؟؟ هل هم مجتمع ملائكة؟؟ لا أظن ذلك..
بالرغم من أننى لم أقم هناك ، ولكنى فى زياراتى شاهدتُ مظاهر إجتماعية بشعة بالمملكة ، تيقنت أن البناء فى السعودية مادى ، وأنها تفتقر للبناء الإجتماعى ، فالمادة - يا عمر - ليست كل شىء ..فقد أنعم بكهرباء لاتنقطع ، ولكنها إنارة مادية وتظل المعانى التكاافلية وحميمية الأسرة والرباط الإجتماعى مظلما لاتنيره الكهرباء .. فكم من قرى سودانية تعيش فى نعمة من هذه المعانى وهى لم تسمع بالكهرباء.

.فنصيحتى لك ألا تعدو وراء الجنسية السعودية ولاتدفع مقابلها هللة واحدة ، فهى فى النهاية ، تابعية...هههههههه.

لعمرك ما ضاقت بلاد بأهلها ولكن أخلاق الرجال تضيق
بلاد الله كلها واحدة والبلاد الاسلامية واحدة لا بارك الله في المستعمر الذي فرقنا ليسودوا
ولاحظ للمفارقة البلاد الصحراوية أهلها منعمون بفضل الله الذي أتاح لهم هذا الذهب الأسود
البلاد الخضراء الوزراعية اهلها يتضورون جوعا
إمكانات بلادنا تفوق معظم إمكاناتهم ولكن المشكلة في مواكبة التطور وقبل ذلك سوء الإدارة
لماذا السودانيون دايما في ذيل التطور مع اننا ممكن ان نكون سادة العالم لما نملك من امكانات
مع ذلك لو منحوني الجواز القطري حأفكر وأقول لهم في النهاية

ما عايز
بلادي وإن جارت علي عزيزة قومي وإن ضنوا علي كرام

الاخ الاستاذ الاكرم احمد سعيد والاخ الصادق ابو والبقية لكم عاطر التحايا من على البعد كلما افتح المنتدى اجد نفسى لازم ارد على مقالاتكم احكى لكم قصة
فى دولة عربية مدرسة تحفيظ قران نسائية كل الاجناس سودانيات ومصريات وسوريلت وفلسطينيات وكذا وكذا فى سودانية تتكلم تتكلم بلهجة الشوام كانها شامية بقية النسوة السودانية زعلوا منها شديد وقالوا ليها ليه تتكلم كدا ما بتعرفى سودانى , طيب ليه ما بتتكلمى ذى الفلاتة طيب وكت عايزة تغيرى كلامك السودانى وهنا السؤال ؟؟؟؟؟؟؟؟؟؟؟؟
من يتكلمون الفلاتة صفاتهم كذا ووووووووو
ومن يتكلمون الشامية صفاتهم كذا ووووووو وهذا محور للنقاش لكل الشباب ليدلوا بدلوهم

لا لم نقل انهم ملائكة ولكن كل ماذكر يقدم لنا والحمدلله ونجد الاحترام والتقدير هنا اكثر من السودان

كل ماذكر صحيح يابوبكر

rاماعن العادات والتقاليد فلكل مجتمع له عاداته وتقاليده واعرافه ففي البادية تجد الكرم العربية الاصيل
ونجد الانضباط والقانون خاصة في الجرائم التي تمس المجتمع ففي السعودية لاتوجد جريمة قتل مقيدة ضد مجهول وفي الغابة وحدها ازيد من عشرة جرائم مقيدة ضد معلوم
لامقارنة بين السعودية والسودان ان كان هناك دولة يتم مقارنتها بالسودان ممكن اليمن اوبنجلاديش اوالصومال
اماعن نصيحتك بخصوص الجنسية فلن ننالها وياليت ذلك يحدث علي الاقل كان كفلنا ناس الغابة في الرياض ههههههههههه

لعمرك ما ضاقت بلاد بأهلها ولكن أخلاق الرجال تضيق
بلاد الله كلها واحدة والبلاد الاسلامية واحدة لا بارك الله في المستعمر الذي فرقنا ليسودوا
ولاحظ للمفارقة البلاد الصحراوية أهلها منعمون بفضل الله الذي أتاح لهم هذا الذهب الأسود
البلاد الخضراء الوزراعية اهلها يتضورون جوعا
إمكانات بلادنا تفوق معظم إمكاناتهم ولكن المشكلة في مواكبة التطور وقبل ذلك سوء الإدارة
لماذا السودانيون دايما في ذيل التطور مع اننا ممكن ان نكون سادة العالم لما نملك من امكانات
مع ذلك لو منحوني الجواز القطري حأفكر وأقول لهم في النهاية

الصادق ابو
ما عايز
بلادي وإن جارت علي عزيزة قومي وإن ضنوا علي كرام

وينا ليك ههههههههههههههههههههههههههههههههههههههه

» لماذا نكذ ب
» لماذا يرحل من ( نحب)
» لماذا الثعبان شعار للصيدليات
» لماذا ولماذا......!!؟؟
» لماذا لا يُفتح المنتدى؟؟؟