الاستاذة راقية محمد حسين تجلس على الكرسى

عزرا لاقتحامى غرفة الادارة
وضيفتنا على الكرسى الساخن الابنة راقية محمد حسين وهى احدى عضوات المنتدى النشطات
كما تتابعون ولذا كان الترشيح لها ابتداءا من بعد غد الخميس
نتمنى لها اسبوعا حافلا وكرسيا باردا

شكـــــــــرا أخــى محمـــد علـــــى حضــورك الفعــا ل وحــتى بعــــد غــــــــــد

تـريــلــيـو نا ت التـــراحـيـب براقـــيـــة الرا قيــــــــــــــــــــــــــــــــــــــــــــــــــــــــة

والله ياعمو انت فاجاتني صراحه لكن زي ماقلت ليك انا تحت امر المنتدي
وربنا يجعلا امطار خير وبركه...هي قصدي كرسي خير وبركه شفت اللخبطه بدت من اسي!!!!!!!!!!!!!!!!!!!!!!!!!!!!

فيصل فرحنا كثيرا برجوعك الي المنتدي وانشاءالله ماتفارقو تاني تسلم كتير

الشكر اجزله للاخ محمد ميرغني الذي انقذ الموقف ورشح الاخت راقية
ووفر علي جهد البحث عن ضيف جديد بعد ان هرب الحاج كيجاب وفرّ بجلده
وارجو من الاخوة الالتزام باختيار الخلف قبل المغادرة
ولكم اجزل الشكر
واكرر التحيو للاخ محمد
ومرحبا بالاخت راقية
تفضلي على الكرسي خلف الميكرفون والله يعينك

التحية لك أختنا راقيه وأنت تتربعين على الكرسى الساخن..

والتحيه لك وانت تنثرين عبيرك فى هذا الصرح العظيم...

والتحية لك وأنت تحملين هذا المعين الذى لاينضب...

نتمنى أن يطيب لك الجلوس فى هذا الكرسى...

ونرجــــوأن تبرزى....لنا هويتك..{البطاقه الشخصيه..}

استاذي الغالي دوما لك مني جزيل الشكر عل الكلام الجميل (بس والله دا كتير علي)

شنو ياناس ماقالو من بعد بكره
لكن مامشكله عشان خاطر استاذي مجدي انا حاابرز بطاقتي
الاسم طبعا راقيه محمد حسين
خريجه (كرت كرتون لي اسبوعين تقريبا)من الزعيم الازهري تقنيه معلومات
في حكم العاطلين طبعا
الحاله الاجتماعيه: دي والله خلو الامور لله(متأزمه شديد)
السكن حاليا ومستقبلا انشاء الله : حبيبتي الغابه
الميلاد :يوم السبت الموافق 8/4/1989
في حاجه نسيتا ياجماعه

يا سلااااااام راقية في الكرسي البارد قصدي الساخن ربنا يعينك
أولاً السلام عليكم بما اننا بنات حواء عشان كدا لازم نقيف معاكي شوية
ما هي رغبتك الاساسية
هل كان معكي من الغابة في الجامعة وفي نفس المستوي لمن مشيتي خريجة هل ساعدوكي بالتعريف علي الجامعة وما يدور فيها
هل حبيتـــــــــــــــــــــــــــــــــــــي
وهل اتشوكشتي
لماذا الناس لايريدون ان يسكنون الغابة

سلام ساخن وكرسى ساخن هلا بيكى ومرحبا باختنا الكريمه , نجهز اسئلتنا الساخــــــــــــــــنه ولهيبه يلفح لفح الكماين ولهيب الدوكه الصالى الابيتو تقعدو كدامه

الصادق ابو حسن كتب:

الشكر اجزله للاخ محمد ميرغني الذي انقذ الموقف ورشح الاخت راقية
ووفر علي جهد البحث عن ضيف جديد بعد ان هرب الحاج كيجاب وفرّ بجلده
وارجو من الاخوة الالتزام باختيار الخلف قبل المغادرة
ولكم اجزل الشكر
واكرر التحيو للاخ محمد
ومرحبا بالاخت راقية
تفضلي على الكرسي خلف الميكرفون والله يعينك

الشكر لك اخوى الصادق وكلنا فى الهم سواء ولمواصلة المسيرة لازم
نجتهد ونشيل الشيلة مع بعض

حبابك الف ونورتي ياراقيه الراقيه
منوره الكرسي ووالله مجهز ليكي سؤال صعب جدا بس تجاوبي بصراحه بصراحه
بلف وبجيكم

أختنا راقيه ....شايف الناس دى نايمه شديد....
وقلنا نسخن الكرسى بى شوية أسئله...

راقيه من أين جاء الإسم ومن هو الذى قام بتسميتك.....؟
إذا سمحوا لك بتغيير إسمك من تختارين من الأسماء بخلاف راقيه...

من ماذا تخافين...
من ماذا تشتكين...

ورده سوداء من يستحقها....
ورده بيضاء من يستحقها...

رأيك فى هؤلاء ...

حاتم سعد..
إسماعيل كيجاب..
محمد ميرغنى..
كمال وعصام فتحى..
أحمد سعيد..
أورحمد ...
طارق لطيف..
جدو..
مروه..
أبوبكر الشيخ...
راشد..

العملاق فيصل ترنتى..

وبجيك صاد تانى..

دوما انتى راقيه اسم على مسمى فمرحبا بك فى الكرسى لهذا الاسبوع ولو سمحت لى بهذه المشاركه
1/ لماذا اخترتى التوقيع على اسمك بهذه العباره دنيا ما تدى الامل هل له قصه؟
2/ لماذا اخترتى دراسه تقنيه المعلومات هل كانت رغبه اولى ام اخيرة عند التقديم والان بعد التخرج هل انت راضيه عن اختيارك ؟
3/ ماهى تقنيه المعلومات وما تقولى تانى رجعتنا للجامعه والامتحانات ؟
4/ ما هو الشئ الذى اعجبك فى مجتمع الجامعه وماهو الشئ الذى لم يعجبك ؟
5/امنيه دوما تتمنى ان تتحقق ولم تتحقق حتى الان ؟
6/ تحدثى عن راقيه فى كلمتبن ؟
شكرا ولكى تحياتى

التحية والتجلي لادارة المنتدي والتحية للاخوة الاعضاء وكذلك موصولة الي بت اخي راقية في الكرسي الكهربائ عفوا اقصد الساخن

سؤال راقية ليش تاخري على الرد للاخوة الكرسي؟؟؟؟؟؟؟؟؟؟؟؟؟؟؟؟؟؟؟

مروة محمد عثمان كتب:: يا سلااااااام راقية في الكرسي البارد قصدي الساخن ربنا يعينك
أولاً السلام عليكم بما اننا بنات حواء عشان كدا لازم نقيف معاكي شوية
ما هي رغبتك الاساسية
هل كان معكي من الغابة في الجامعة وفي نفس المستوي لمن مشيتي خريجة هل ساعدوكي بالتعريف علي الجامعة وما يدور فيها
هل حبيتـــــــــــــــــــــــــــــــــــــي
وهل اتشوكشتي
لماذا الناس لايريدون ان يسكنون الغابة

تسلمي ياجميل ودا عشمي فيكم طبعا
لا والله ماكان معاي من ناس الغابه في نفس المستوي اتعرفت بيهم بعد السنه الاولي وياريتني مااتعرفت!!!واعذروني ياناس انا ح اتكلم بي صراحه شديد مجتمع شباب الغابه الفي جامعتنا ولو كان قليل والله زي مجتمع العاطلين في سوق الغابه
والله رغبتي الاساسيه طبعا رضاءالله ورضاء الوالدين وان اكون محبوبه لدي الجميع
طبعا حبيت يامروه هو في زول مابحب حبيت الله وحبيت امي وابوي وحبيت الوطن
اتشوكشت؟؟انا بتك يافاطني حسن
والله يامروه مااعتقد انو زول اتربي في الغابه لايريد السكن فيها الا كان ظروف عملو تمنعو من ذلك

عصام فتح الرحمن سالم كتب:: سلام ساخن وكرسى ساخن هلا بيكى ومرحبا باختنا الكريمه , نجهز اسئلتنا الساخــــــــــــــــنه ولهيبه يلفح لفح الكماين ولهيب الدوكه الصالى الابيتو تقعدو كدامه

هلا بيك ويالف مليون مرحب معقوله بس ياعصام انا عشمي فيك بي لوح ثلج وحفاظه مويه

جدوحسين شيخ محمد كتب:: حبابك الف ونورتي ياراقيه الراقيه
منوره الكرسي ووالله مجهز ليكي سؤال صعب جدا بس تجاوبي بصراحه بصراحه
بلف وبجيكم

منور بي بوجودك ياغالي
ليه كدا ياجدو هو انا عملت ليك حاجه
منتظرنك بس من غير اسئله تعال

مجدي عبدالله عاصي القيد كتب:: أختنا راقيه ....شايف الناس دى نايمه شديد....
وقلنا نسخن الكرسى بى شوية أسئله...
لا مانايمه والله بس يادوب الكرسي يبدا من اليوم
راقيه من أين جاء الإسم ومن هو الذى قام بتسميتك.....؟
والله الاسم دا قصتو طويله لكن مامشكله نحكيها ليك يااستاذ جدي حسين طلب (الله يرحمو ويحسن اليه) كان عايز يسميني عل بنتو( رقيه عمتي)واخواني رفضو فقام ابوي(الله يديهو العافيه)وسماني كدا عشان يرضي الكل
إذا سمحوا لك بتغيير إسمك من تختارين من الأسماء بخلاف راقيه...
لا والله مابسمح بتغيير الاسم نهائي مش كفايه من البدايه الاسم دا عامل مشاكل
من ماذا تخافين...
من المشاكل واي كان نوعها
من ماذا تشتكين...
اشتكي حاليا من فراق صديقاتي في الجامعه فكل واحده مننا رحلت علي بلدها
ورده سوداء من يستحقها....
اي شخص يري منتدي ابناء الغابه كلام فارغ
ورده بيضاء من يستحقها...
لكل من عرفتهو عبر هذا المنتدي الرائع
رأيك فى هؤلاء ...

حاتم سعد..
إسماعيل كيجاب..
محمد ميرغنى..
كمال وعصام فتحى..
أحمد سعيد..
أورحمد ...
طارق لطيف..
جدو..
مروه..
أبوبكر الشيخ...
راشد..

العملاق فيصل ترنتى..
ووالله العظيم ديل احلي ناس شفتهم في حياتي وامنيتي الوحيده الاقيهم كلهم واحد واحد يمكن الوحيد اللاقيتو فيهم عمو محمد ميرغني وماقصر قبل عزومتينا البسيطه جداوجانا البيت
وبجيك صاد تانى..

تشرف يااستاذ بس براحه علي شويه

جمال حسين نقد الله كتب:: دوما انتى راقيه اسم على مسمى فمرحبا بك فى الكرسى لهذا الاسبوع ولو سمحت لى بهذه المشاركه
معقوله دي يااستاذ دا انت علي راسي من فوق 1/
لماذا اخترتى التوقيع على اسمك بهذه العباره دنيا ما تدى الامل هل له قصه؟

نعم لها قصه هذه الابيات كتبت في رثاء اختي الغاليه جدا (امل)يعني القصد ماامل الدنيا القصد امل اختي
2/ لماذا اخترتى دراسه تقنيه المعلومات هل كانت رغبه اولى ام اخيرة عند التقديم والان بعد التخرج هل انت راضيه عن اختيارك ؟

لان الحاسوب لغه العصر هي كانت رغبه اخيره بس في الاول والاخر كل الرغبات كانت في نفس المجال راضيه جدا وخاصه عندما عرفت اليوم انا اتخرجت بتقدير جيد
3/ ماهى تقنيه المعلومات وما تقولى تانى رجعتنا للجامعه والامتحانات ؟

معقوله بس دي كانت احلي ايام والله
هي احدي مجالات الحاسوب بس هي احيانا بتهتم ببرامج التصميم اكتر من لغات البرمجه
4/ ما هو الشئ الذى اعجبك فى مجتمع الجامعه وماهو الشئ الذى لم يعجبك ؟

الاجتماعيات داخل الجامعه تعجبني جدا وخاصه وانت بتتعرف علي تراثيات الولايات الاخري
ومالم يعجبني هو العلاقات الغراميه التي تبدا وتنتهي داخل الجامعه
5/امنيه دوما تتمنى ان تتحقق ولم تتحقق حتى الان ؟
...........................................
(دي بالذات خليها بالنيه)
6/ تحدثى عن راقيه فى كلمتبن ؟

زوله حلوه وعسل اول ماتشوفا بتجن من الجمال (تخريمه)
شخصيه ضعيفه جدا تتمني ان يعيش في سلام وامان بعيدا عن الخلافات العائليه والقبليه والسياسيه

شكرا ولكى تحياتى

لاحول الله طلعت عيني معاك

ابراهيم عبدالله العوض كتب:: التحية والتجلي لادارة المنتدي والتحية للاخوة الاعضاء وكذلك موصولة الي بت اخي راقية في الكرسي الكهربائ عفوا اقصد الساخن

سؤال راقية ليش تاخري على الرد للاخوة الكرسي؟؟؟؟؟؟؟؟؟؟؟؟؟؟؟؟؟؟؟

تسلم كتير وشكرا عل المرور

الاستاذة راقية محمد حسين تجلس على الكرسى %D9%84%D9%85%D8%A7%D8%B0%D8%A7+%D8%A7%D9%86%D8%A7+%D9%85%D9%88%D8%AC%D9%88%D8%AF

لمــــــــــاذا؟؟

اختــــــارت راقيه محمد حسين الولوج الي المنتدي باسم مستعار في بدايه المشاركه؟؟

لمـاذا غيرت راقيه رايها فجاءه عن الاسم المستعار والدخول بالاسم الحقيقي قبل حمله ازاله الاسامي المستعاره؟؟

ولسه جـــــاييكي بالمفاجاءات بس الجواب يكون صريح؟؟

معانا المفتش كورمبو،،

جدوحسين شيخ محمد كتب:: لمــــــــــاذا؟؟

اختــــــارت راقيه محمد حسين الولوج الي المنتدي باسم مستعار في بدايه المشاركه؟؟

لا لاادخل باسم مستعار قط
ra8ia m7md hussein
هو اسمي بلغه الشات الرقم 8يعني حرف القاف والرقم 7 يعني حرف الحاء
لمـاذا غيرت راقيه رايها فجاءه عن الاسم المستعار والدخول بالاسم الحقيقي قبل حمله ازاله الاسامي المستعاره؟؟

غيرت لان بعض الاعضاء علقو ا عليهو بعدم فهمهم له لذلك غيرتو لارضاء الاعضاء هو نحنا عندنا غير رضاءهم
ولسه جـــــاييكي بالمفاجاءات بس الجواب يكون صريح؟؟
ماعايز اشوف وشك نهائي لو عايز تاوق من بره بره بس
معانا المفتش كورمبو،،
دا انت طلعت المحقق كونان عدييييييييييييييييييييييل كدا

سؤالى عن حياة الجامعه نسمع وربنا يكضب الشينه الفساد شاع الجامعات شراب البنقو , والسكر, وزواج المتعه وانتى كشاهدة عيان ماذا تقولين بالصراحه المطلقه , واللوم دايما فيكم بنات الاقاليم عفوا الولايات والمغتربين.

ما هو الدور الذى لعبته رابطة ابناء الغابه بالجامعات والمعاهد فى عكس صورة الغابه الاجتماعيه والثقافيه والتفوق العلمى والاكاديمى؟؟؟؟؟؟

عصام فتح الرحمن سالم كتب:: سؤالى عن حياة الجامعه نسمع وربنا يكضب الشينه الفساد شاع الجامعات شراب البنقو , والسكر, وزواج المتعه وانتى كشاهدة عيان ماذا تقولين بالصراحه المطلقه , واللوم دايما فيكم بنات الاقاليم عفوا الولايات والمغتربين.

والله هو الفساد انتشر وليس في الجامعات بس ولكن يمكن بصوره اكتر في الجامعات وكذلك الجامعه فيها الصالح والطالح انا اؤيدك انو اللوم بيقع في بنات الاقاليم والمغتربين وهذه حقيقه لانهم بيكونو مقفلين في حياه مختصره جدا وذي مابقولو (الما شاف البحر تهجمو الترعه )بس انا دايما بقول الصالح صالح من اهلو والطالح طالح من اهلو والبنات فيهن اللسه عقلا صغير وكذلك هم ناقصات عقل ودين كما قال رسولنا الكريم انشاء الله ربنا يهون علينا وعليهم

ما هو شعورك فى اول يوم فى الجامعه وماتنسى تحكى لينا البرلمه الحصلت ليكى؟؟؟
يتخيل لى مشيتى بشنطة الحديد والطبله اللبنيه وبداخلها حدث ولا حرج.

عصام فتح الرحمن سالم كتب:: ما هو الدور الذى لعبته رابطة ابناء الغابه بالجامعات والمعاهد فى عكس صورة الغابه الاجتماعيه والثقافيه والتفوق العلمى والاكاديمى؟؟؟؟؟؟

والله العظيم انا من دخلت الجامعه لمن اتخرجت ماالتقيت بالرابطه قط ولكن بسمع عنها كلام طيب بقولو بعملو فيها كورسات مجانيه للطلبه الفي الجامعات
اكيد كم زول بيسالني ليه لم التحق بيها وذلك لاسباب شخصيه جدا منها اني احتكيت مع بعض ابناء الغابه بالجامعه ومثلو معي ادوار ماحلوه نهائيا لاتليق بابناء بلدي لذلك قررت عدم الاحتكاك بالرابطه نهائيا لا برابطه الجامعه ولا بالرابطه الكبيره

عصام فتح الرحمن سالم كتب:: ما هو شعورك فى اول يوم فى الجامعه وماتنسى تحكى لينا البرلمه الحصلت ليكى؟؟؟
يتخيل لى مشيتى بشنطة الحديد والطبله اللبنيه وبداخلها حدث ولا حرج.

والله شعور صعب جدا احساس انو كل الناس بتعاين ليك واحساس انك لو سالت اي سؤال ح تتبرلم
بس انا اول مادخلت اتعرفت علي سناير وعرفوني بالجامعه كلها ومنهم تحديدا ابن الفنان عيسي بروي فكان اول من تعرفت عليه في الجامعه من ابناء الشماليه وماقصر معاي نهائيا ربنا يوفقو في حياتو العمليه
لا ماحصل نهائيا ومااتبرلمت قط انا بتك يافاطني حسن

راقيه محمد حسين كتب:

عصام فتح الرحمن سالم كتب:: ما هو الدور الذى لعبته رابطة ابناء الغابه بالجامعات والمعاهد فى عكس صورة الغابه الاجتماعيه والثقافيه والتفوق العلمى والاكاديمى؟؟؟؟؟؟

والله العظيم انا من دخلت الجامعه لمن اتخرجت ماالتقيت بالرابطه قط ولكن بسمع عنها كلام طيب بقولو بعملو فيها كورسات مجانيه للطلبه الفي الجامعات
اكيد كم زول بيسالني ليه لم التحق بيها وذلك لاسباب شخصيه جدا منها اني احتكيت مع بعض ابناء الغابه بالجامعه ومثلو معي ادوار ماحلوه نهائيا لاتليق بابناء بلدي لذلك قررت عدم الاحتكاك بالرابطه نهائيا لا برابطه الجامعه ولا بالرابطه الكبيره

لماذا لا تفرضى شخصيتك على اللذين مثلوا معك هذه الادوار وربما بنية ابعادك عن الرابطه وهى ليست حكرا لاحد؟؟؟

الفين سلاااااااااااااام وتحية تتعاقب عليكم صباااح وعشية
سلاااااامات وين نزل محياكم تحيتنا وامانينا

والله لي زمن ما دخلت هنا نسبة للظروف اللي كنت بمر بيها والله ليكم وحشة شديدة اخواني واحبابي في المنتدى
طيب نرحب بي الصديقة دايما وابدا اختنا راقية
طبعا دي فرصة حلوة جدا وانا حأبدأ طوالي ياسلااااااااااااااااام

هل متزكرة اول يوم اتلاقينا فيهو؟؟؟؟؟؟؟؟؟ كان متين ؟؟؟
اكتر شخصية من الرجال اتمنيتي انك تكوني رفيقة لها حتى ولو كنتي رقم 2 ؟؟
اكتر شخصية حسيتي انها بتحبك اكتر من ريدتك ليها من الجانبين ولد او بت؟؟؟

كدي نكتفي بهذا القدر الى حين نسمع الاجابات ونعاود مرة اخرى
وللمرة التانية مشتاااااااقين يا شباب

عصام فتح الرحمن سالم كتب:

راقيه محمد حسين كتب:

عصام فتح الرحمن سالم كتب:: ما هو الدور الذى لعبته رابطة ابناء الغابه بالجامعات والمعاهد فى عكس صورة الغابه الاجتماعيه والثقافيه والتفوق العلمى والاكاديمى؟؟؟؟؟؟

والله العظيم انا من دخلت الجامعه لمن اتخرجت ماالتقيت بالرابطه قط ولكن بسمع عنها كلام طيب بقولو بعملو فيها كورسات مجانيه للطلبه الفي الجامعات
اكيد كم زول بيسالني ليه لم التحق بيها وذلك لاسباب شخصيه جدا منها اني احتكيت مع بعض ابناء الغابه بالجامعه ومثلو معي ادوار ماحلوه نهائيا لاتليق بابناء بلدي لذلك قررت عدم الاحتكاك بالرابطه نهائيا لا برابطه الجامعه ولا بالرابطه الكبيره

لماذا لا تفرضى شخصيتك على اللذين مثلوا معك هذه الادوار وربما بنية ابعادك عن الرابطه وهى ليست حكرا لاحد؟؟؟

والله ياعصام هو مفروض يحصل كدا لكن بعد مرات كدا يطلعو ليك ناس يكرهوك الدنيا كلها مش الرابطه

الاستاذه راقيه ماجاوبتي بصراحه دا اسمو الكرسي الساخن هاهاهاها

mohammad alim كتب:: الفين سلاااااااااااااام وتحية تتعاقب عليكم صباااح وعشية
سلاااااامات وين نزل محياكم تحيتنا وامانينا

والله لي زمن ما دخلت هنا نسبة للظروف اللي كنت بمر بيها والله ليكم وحشة شديدة اخواني واحبابي في المنتدى
طيب نرحب بي الصديقة دايما وابدا اختنا راقية

تسلم كتير ووينك ماباين ترتيبات العرس والا شنو؟؟
طبعا دي فرصة حلوة جدا وانا حأبدأ طوالي ياسلااااااااااااااااام
اتفضل بس ماتاخد راحتك
هل متزكرة اول يوم اتلاقينا فيهو؟؟؟؟؟؟؟؟؟ كان متين ؟؟؟

طبعا متذكره يومك الكنت واقف جمب عريشة 12مدنيه وجيناك انا ومهند بروي وقاليك دي بت اهلك بس مامتذكره اليوم والتاريخ

اكتر شخصية من الرجال اتمنيتي انك تكوني رفيقة لها حتى ولو كنتي رقم 2 ؟؟
ابوي
اكتر شخصية حسيتي انها بتحبك اكتر من ريدتك ليها من الجانبين ولد او بت؟؟؟

امي طبعا
كدي نكتفي بهذا القدر الى حين نسمع الاجابات ونعاود مرة اخرى

لاتجيني لادايراك ,,,,,,تعال من غير اسئله بس
وللمرة التانية مشتاااااااقين يا شباب

جدوحسين شيخ محمد كتب:: الاستاذه راقيه ماجاوبتي بصراحه دا اسمو الكرسي الساخن هاهاهاها

ليك يوم ياجدو ...
ياولدي ماتمشي تشوف عدل سمايتكم لا وين هو انتو مش جابو ليكم بيبي امشي لعبو يالله وتلب من شباك حياتي

اهلا بك ثانية ي راقية
معارفك داخل الغابة وخارج حدود اسرتك الصغيرة
ارتباطك بالبلد
مدى تاثير دراستك الجامعية في حياتك الشخصية

عدنا من تاني مساء النور ع الجميع

دايرك تعرفينا ع الشخصيات دي منو ؟؟؟؟

توأم روحك.....
لولا الظروف لكانت هذه الشخصية هي راقية.....
شخصية كانت قاسية عليك رغم الود الذي تكنينه اليها..........
شخصية تحبيها وهي غير راضية عنك..........
شخصية تتمني ان تلتقي بها مجددا..........
شخصية لاتتمني رؤيتها حتى ولو بالحلم.....
شخصية تمنيتي ان تتعرفي عليها.........
اول انسان احرجك .........
مثلك الاعلى........
اعز صديق/ه اليك........
شخصية لو لاقتك في شارع بتغيري الشارع عشان ما تصطدمي بيها.........

اكتر شخصية حسيتي انها بتحبك اكتر من ريدتك ليها من الجانبين ولد او بت؟؟؟[/center]

امي طبعا
الاجابة ناقصة قلنا من الطرفين اها امك عرفناها وتاني منو ؟؟؟؟؟؟؟؟؟؟

[/font]

تشرفنا كتير بمعرفتك ياراقيه الراقيه
وعكست اجاباتك شخصيه المرحه والشفافه
فمرحبا بك ضيفه علي هذا الكرسي الذي جعلتيه باردا بردودك العفويه البسيطه وكان الله في عونك

الصادق ابو حسن كتب:: اهلا بك ثانية ي راقية

معقوله بس ياريس هلا بي ثانيه واحده بس طيب هلا بيك انت يوم كااااااااااااااااااااااااااااااااامل
معارفك داخل الغابة وخارج حدود اسرتك الصغيرة

والله مااظن في زول في الغابه مابعرفو كراعي طويله اطول من هشام عباس
وفي اي مناسبه تلقاني اساسي قبل الكراسي

ارتباطك بالبلد

الغابه هي امي التي لم تلدني كنت اهرب دايما الي حضنها عندما تكتاحني غبار الامتحانات والالام البعد عنها اتمني من الله الا افوتها ثانيه (علي قولك)
مدى تاثير دراستك الجامعية في حياتك الشخصية

والله استفدت كثيرا من دراستي الجامعيه فقبلها كنت انظر الي الاجهزه الالكترونيه بانها طلاسم يستحيل ان ياتي يوما واتعامل معها كالطفل الذي يبدا بالكتابه لاول مره فيجد ان القلم شي مستحيل يتعود عليهوهذا بالطبع له تاثير كبير علي حياتي الشخصيه قبل الجامعه وبعدها فدراستي نقلتني نقله انا اعدها كبيره جدا في اربع سنوات واسال الله المزيد لي وللجميع

mohammad alim كتب:: عدنا من تاني مساء النور ع الجميع
انت تاااااااااااااااااااااني,,,؟؟؟؟
دايرك تعرفينا ع الشخصيات دي منو ؟؟؟؟

وانت وكت مابتعرفا الشمار ليك شنو
توأم روحك.....

مالك ومالو خليهو في حالو
لولا الظروف لكانت هذه الشخصية هي راقية.....

والله في ناس كتيره تتمني تكون راقيه وانت اولهم
شخصية كانت قاسية عليك رغم الود الذي تكنينه اليها..........

اكيد استاذتي في المدرسه وذلك لتعلمني والتحيه من هنا الي كل من علمني حرفا

شخصية تحبيها وهي غير راضية عنك..........

ياخ والله دي وقفت لي عديييييييل كدا
شخصية تتمني ان تلتقي بها مجددا..........
صديقتي في الجامعه سافرت خارج السودان بعد السنه الاولي ولم تاتي الي ان تخرجنا[/b]

شخصية لاتتمني رؤيتها حتى ولو بالحلم.....
[b]انت دا مش كفايه 3 سنه جامعه ووشي في وشك
شخصية تمنيتي ان تتعرفي عليها.........

بيل قيتس عشان احنكو يشغلني معاهو في شركه مايكروسوفت
اول انسان احرجك ........

لسه امو ماولدتو البحرج راقيه دا.
مثلك الاعلى........

سيدي محمد صلي الله عليه وسلم

اعز صديق/ه اليك........

والله انا صديقاتي كلهن عزازعلي لاافضل احدهن علي الاخري

شخصية لو لاقتك في شارع بتغيري الشارع عشان ما تصطدمي بيها.........

هناي بس ماف داعي لذكر الاسماء انشاء الله تكون اتذكرتها يامحمد الشخصيه دي

mohammad alim كتب:: اكتر شخصية حسيتي انها بتحبك اكتر من ريدتك ليها من الجانبين ولد او بت؟؟؟[/center]

امي طبعا
الاجابة ناقصة قلنا من الطرفين اها امك عرفناها وتاني منو ؟؟؟؟؟؟؟؟؟؟

[/font]

و(او )القاعده بيناتم دي ماعجبتك انت تكتب ومابتقرا

safanogdallah كتب:: تشرفنا كتير بمعرفتك ياراقيه الراقيه
وعكست اجاباتك شخصيه المرحه والشفافه
فمرحبا بك ضيفه علي هذا الكرسي الذي جعلتيه باردا بردودك العفويه البسيطه وكان الله في عونك

تسلم كتير حبيبتي دا زوقك انتي الراقي
ياسلام عليك ياريت لو كل الناس زيك كدا تخش من غير ماتسال مش زي محمد عالم وجدو والله تستاهلي ليك بوسه بس خليني الاقيك

هل الحجاب فى نظرك عاده اجتماعيه ام تعاليم دين؟؟؟
رايك فى النغاب؟؟؟؟
اكثر النساء غير ملتزمات دينيا عللى؟؟؟؟

انا غايتو زوله حلوه وخفيفه شديد لكن الناس بقولو علي مسيخه وقطيمه بس انا متقله دمي عل الاخر فمثلا يقول لي احدهم انتي رباطابيه برد ليهو لا ربوني الرباطاب

أختنا راقيه رأيك شنو فى الكلام ده...

عصام فتح الرحمن سالم كتب:: هل الحجاب فى نظرك عاده اجتماعيه ام تعاليم دين؟؟؟

عاده اجتماعيه

رايك فى النغاب؟؟؟؟
النقاب هو بالطبع حاجه كويسه شديد ولكن في كثير من النساء يجهلن قواعده
اكثر النساء غير ملتزمات دينيا عللى؟؟؟؟
لانهن يجهلن اصول الدين فمعظم النساء ربات منازل ومعظم البنات لم يكملن تعليمهن

مجدي عبدالله عاصي القيد كتب:: انا غايتو زوله حلوه وخفيفه شديد لكن الناس بقولو علي مسيخه وقطيمه بس انا متقله دمي عل الاخر فمثلا يقول لي احدهم انتي رباطابيه برد ليهو لا ربوني الرباطاب

أختنا راقيه رأيك شنو فى الكلام ده...

والله انا لما كتبت الكلام دا لانو البوست كان عنوانو ثقيل ...... ثقيل جدا وانا حبيت اتثاقل مااكتر طبيعي اي زول لما يقرا التعليق دا حيقول جد ثقيله

سلاااااااااااااامات وعوافي

اختنا راقية او كما يقال الحنكوشة ولو انو لم ارى ذلك على ملامحك لكن ماعلينا

اتهمتيني باتهام خطيييييير باني كنت اتمنى ان اكون راقية لولا الظروف......... ممكن تفسري؟؟؟

[color=darkred] طلب اخيييييييير[/color]
ما تنسي تتحصني كل ليلة عشاان العين وكده
Shocked

:evi:

mohammad alim كتب:: سلاااااااااااااامات وعوافي
اهلا اهلا
اختنا راقية او كما يقال الحنكوشة ولو انو لم ارى ذلك على ملامحك لكن ماعلينا

انت اصلا قاعد تري يعني
اتهمتيني باتهام خطيييييير باني كنت اتمنى ان اكون راقية لولا الظروف......... ممكن تفسري؟؟؟

يعني يامحمد لو مسكناها من ابسط النواحي ناحيه الاسم مثلا اكيد انت في اليوم تتمني ميه مره انو يقول عليك راقي صاح والا انا غلطانه

[color=darkred] طلب اخيييييييير[/color]
ما تنسي تتحصني كل ليلة عشاان العين وكده

:evi:

لا اطمن فاطني حسن مامقصره نهائي بخورا معجعج من الصباح

ياسلام عليك يا راقية قدر التحدى الذى وضعتك فيه
شعورك وانا اطلب منك الجلوس على هذ الخاطرا الكرسى
مدينة فى
حلمك بعد التخرج
ماذا يعنى لك الاتى
الليل
الفجر
السفر

محمد ميرغني عبدالرحمن كتب:

محمد ميرغني عبدالرحمن كتب:: ياسلام عليك يا راقية قدر التحدى الذى وضعتك فيه

اهليييييييييييييين انت قعدتني ومشيت وين؟؟
تحدي شنو والله دا شريان الشمال عديييييييييييييييل كدا
شعورك وانا اطلب منك الجلوس على هذ ا الكرسى
انت تعلم جيدا ماذا تعني لي انت وماذا يعني لي المنتدي لذلك لم اتردد ثانيه بل وكنت في قمه الرضا
مدينة فى الخاطر
االيابان
حلمك بعد التخرج

طبعا تكتر الاحلام بعد التخرج واهم حلم الوظيفه

ماذا يعنى لك الاتى

الليل

ذلك السكون الذي يحرك فيني ذكريات الماضي وهموم الحاضر واحلام المستقبل
الفجر

الضوءالذي يحمل معه امل متجدد
السفر

يبدامعه التفكير في دوامه الغربه

» المقدم كمال فتح الرحمن يسخن الكرسي الساخن لهذا الاسبوع
» عبد الرؤوف عبد الرحمن حسين محمد وشيخ محمد سيد احمد وستى شيخ علي
» جمـــــــــــال حسين على الكرسى الساخن
» خالد حسين مشاوى يعتلى الكرسى
» محمد عثمان ادريس على الكرسى